Pages

Monday, December 27, 2010

ဘ. လောင် . ာ



မနေ့ညက
သုံးဆယ့်တစ်ဘုံမှာ ပြန်ရှာခဲ့တဲ့လူ
သူ မဟုတ်ဘူး
သစ်ပင်တွေ သစ်ရွက်လောင်နေ .. ။

ရုပ်နံနက်အပျက်
လူ ရှည်လာတဲ့ စံတော်လွဲမှာ
သူ မဟုတ်ဘူး
စာအုပ်တွေ စက္ကူလောင်နေ … ။

ရိုင်းမြက်နေည
သူ့ ဘဝကိုက ပေခြောက်သောင်းကျော်
လူ မဟုတ်ဘူး
ပိတ်ကားတွေ ဇာတ်လမ်းလောင်နေ … ။

ကီးတော်ဘေးကျန်
ရေလို စုန်းပြူးအောက်မှာ ပစ်ကျ
အလှ မဟုတ်ဘူး
(ဒီ၃၆)
မဆိုင်သူတွေ လက်ပစ်ဗုံးလောင်နေ … ။

အိမ်ကြီးအိုလဲ
သူ့ ကလေးမဟုတ်ခြင်း အလွန်က
လူ သားစုမဟုတ်ဘူး
မိသားစုတွေ ရင်လောင်နေ … ။

ကကြိုးနီဗျာ
စာလုံးစီပါ အနုလုံးမပီကလာ ရပ်ဝန်းထဲ
က .. ဗျာမဟုတ်ဘူး
ခံစားမှုတွေ ဗျာလောင်နေ … ။

အလုံဝါးပိတ်လုံး
ကြက်တောင်ရိုက်မဆုံးတဲ့ ရန်ကုန်သံကျိုး
မြို့ ပြည်မဟုတ်ဘူး
နေလောင်သီးပုတ်တွေ နိုင်ငံလောင်နေ … ။



nelay





Friday, December 24, 2010

လုံး လုံး လုံး



နောက်ပြီး
မနက်က လုံး
မြွေတွေ နဲ့ လုံး
ကားတွေ နဲ့ လုံး
Facebook နဲ့ လုံး
လူတွေ နဲ့ လုံး
စက်တွေ နဲ့ လုံး
လွှတ်တော် နဲ့ လုံး
ဘာမပြော ညာမပြော လုံး
နောက်ပြီး နေ့လည်ရောက်တော့ လုံး
လည်ပင်း အောက် က
ဘယ်တော့မှ မတပ် တဲ့ ကြယ်သီးကို
ဘာလို့ တပ် ထားကြတာလဲ
ကြယ်သီး ကို လဲ လုံး
စောက် လုပ်ကို လဲ လုံး
မီး ကို လဲ လုံး
ကဗျာ ကို လဲ လုံး
ကလေး တွေနဲ့ လုံး
မျက်လုံး တွေနဲ့ လုံး
လက် တွေနဲ့ လုံး
နောက်ပြီး ည ရောက် လာတော့ လုံး
အမှောင် ကို လုံး
မီးရောင် ကို လုံး
လမ်းဘေး ဆိုင်တွေနဲ့ လုံး
ဘီယာနဲ့ လုံး
အရက်နဲ့ လုံး
ဆေးလိပ်နဲ့ လုံး
လူကြီး လူကောင်းတွေနဲ့ လုံး
ဟို လူ့ နဲ့ လုံး
လူတော်တွေနဲ့ လုံး
ဒီ လူ့ နဲ့ လုံး
အပျက်မ နဲ့ လုံး
ပခြုတ်အိမ် နဲ့ လုံး
စာသားတွေ နဲ့ လုံး
စာလုံးတွေ နဲ့ လုံး
ဟို ကောင်မ နဲ့ လုံး
ဒီ ကောင်မ နဲ့ လုံး
ပါးစပ် တွေ နဲ့ လုံး
lycan တွေ နဲ့ လုံး
မင်း အမေ နဲ့ လုံး
ဘုရား နဲ့ လုံး
တရား နဲ့ လုံး
Schema နဲ့ လုံး
သမ္မတကြီးနဲ့ လုံး
Nyctophilia နဲ့ လုံး
နောက်ပြီး
ငါ့ ကိုယ် ငါ လုံး ထားရတယ်



nelay





Thursday, December 16, 2010

စကားနက်



နှလုံးသွေးခဲ အအေးဒဏ်ကို ကာကွယ်ဖို့
အသက်ဓါတ်ကို ခုန်မင်သေးတဲ့ သူက
သူ့ သက်တန်းတစ်လျှောက် ချုပ်နှောင်လာတဲ့
ဖြူစင်မှု အမှောင်ကို
မီးပုံထဲ ပစ်ထည့်လို့ သူ့ခန္ဓာအနွေးလုံခဲ့တယ်

လက်ကျန်ပန်းကန်ထဲက လက်ဖျံရိုးကို
စုန်းစားမှာကြောက်တဲ့ သိက္ခာ အညစ်အနွမ်းနဲ့
ပုဝါဖြူထုတ်လို့ အမှားကို အမှန်လုပ်ပြီး
တစ်ဘဝစာငြိမ်းအေးဖို့ ယုန်ဖြူကို သူကြွေးအုံးမယ်

ဝှက်ဖဲထဲက ပြုံးနေတဲ့ အညတရ ရင်ခုန်မှုမျိုးနဲ့
စိတ်ကုန်နေတဲ့ ဂီတကို ဝတ္တရားအရ သူထုတ်တီးလိုက်တယ်
စက္ကူ ငွေ စက္ကူ ငွေ စက္ကူ ငွေ စက္ကူ ငွေ စက္ကူ ငွေ

အပြုံးတွေ ဟိုတုန်းက အခန်းငါးမှာ မျှားခဲ့ဖူးတဲ့ သူ
စိတ်ကူးယဉ် အစီအစဉ်များနဲ့ သွေးကြောထဲကို
ကြယ်တပွင့် အဆိပ်ထိပြီး ကြွေကျသွားတယ်

လှလိုက်တာ ……………………….

လှောင်ချိုင့်ထဲက ပင့်ကူအိမ်မှာ ပန်းတွေပွင့်နေကြပြီ
သူက ငေးမော အမြစ်တွေပြောတဲ့ အထဲမှာ
သမုဒ္ဒရာပေါ်က ခွေးရူးတစ်ကောင် တောင်ဥက္ကလာအမှောင်ထဲ
သူတော်ကောင်း ယောင်ဆောင်နေတယ်

ငါ့ကိုယ်ငါသက်ပြင်းချပစ်လိုက်ရ ………………

ဝေခွဲမရတဲ့ ယုံကြည်မှုနတ်ဘုရားမှာ
လိပ်ပြာအန်ခဲ့မိတဲ့ ဒီနှလုံးသားကို
ကျိန်စာအတိပြီးတဲ့ သံပတ်လှောင်အိမ်ထဲပစ်ချ

လှလိုက်တာ ………………………………….

ဥပမာဆိုကြပါစို့
သူ့မျက်ဝန်း စဉ် တည့်တည့်က
ဒုတိယကမ္ဘာကြီးသာ ငါဖြစ်ခဲ့ရင်
မဖွယ်မရာညကြီးထဲက ပြောဖူးသမျှတွေ
ပြန်အန်ထုတ်တဲ့
မြေကြီးစား သတ္တဝါတွေလဲ မြေကြီးဖြစ်လို့

စာအိတ်ထဲက ချိန်ခွင်လျှာက အတွေးအခေါ်မရှိတဲ့
ကိုယ်ပိုင်နာမ်စားကို ထွေးထုတ်ပြီး
နာမဝိသေသနတွေနဲ့ ကြိုးမဲ့ ရုပ်သေးလုပ်နေတယ်
ငါသနားမိ …………………………………….
မဟုတ်ပါ ထိုအစီအစဉ်ညံ့ကြောင်း
လက်ခုပ်တီးပြီး အားပေးအုံးမှာမို့
ယုတ်စွအဆုံး ကန့်လန့်ကာချပြီး ဂုဏ်ပြုနိုင်ပါတယ်

ငါ့သချိုၤင်းအိုပေါ်က လမင်းတစ်ရာကို
မျက်မှန်မပါပဲ ကျိန်ဆိုလိုက်ပါရဲ့ ….
အစဉ်လွဲ စကားနက်တွေထဲ အလင်းနှစ်တွေဝေးလို့
သူမမြင်ရဘူး ….. ငါမမြင်ရဘူး ….
သူမမြင်ရဘူး ….. ငါမမြင်ရဘူး ….
သူမမြင်ရဘူး ….. ငါမမြင်ရဘူး ….။



nelay





Monday, December 13, 2010

အ သံ ပျက် ည



ခရမ်းရောင်တစ်ဝက်
ပန်းရောင်တစ်ဝက်ရောနှောထားသော
အိပ်မက်အကြွေ ။

ဟိုဖက်ခြမ်းမှာ
အနီရောင်နဲ့ အစိမ်းရောင်
လွမ်းလို့သေသွားတဲ့ဗွက်အိုင်လေးရှိတယ်
မကြည်မလင်ရာသီများမို့
ခြေဝင်ဆေးသွားလဲကျေနပ်နေမယ်
ငါက တံထွေးခွက်ထဲက လေပါ ...။

နင့်ခြေရာထင်ကျန်စေဖို့
ငါ့အိုင်လေး ရေမျောကမ်းတင်သွားပါစေ
တစ်ခါတစ်လေ အချစ်ဆိုတာ စာလုံးပေါင်းမမှန်ဘူး
ကိုယ့်ဒဏ်ရာကိုယ့်လျှာနဲ့ပြန်ရက်
မနေ့ညကမက်တဲ့ အိပ်မက်က အတုကြီး ... ။

ဘာဖြစ်ဖြစ်
ငါက အဆိပ်တုလဲကြိုက်တယ် ....
လျှာကြားထဲညှပ်သွားတဲ့ အစိမ်းတစ
ရင်ခုအောင် သင်္ချိုင်းလှလှလေးပေါ် ငါအူလိုက်အုံးမယ် ....
နင်ကြားရဲ့လား လမင်း ....
နင်ကြွေအောင် ငါဆုတောင်းနေတာမဟုတ်ဘူး ....။

သံယောဇဉ်ကြိုးတစ်ချောင်းနဲ့
မိုးလင်းမိုးချုပ်ညဉ့်နက်ခဲ့ဖူးတယ်
ငါ့ရင်ထဲကဒုက္ခသည်စခန်းကလည်း
နာတာရှည်ရောဂါတွေနဲ့ပြည့်နှက်လို ...။

နင့်အစိုးရအတွက်နဲ့ ငါကဒုက္ခသည်ဖြစ်ရတာ
အပျက်မကိုမွေးထုတ်နေသလိုပဲ ....
လူနာဆောင်မှာ အဆင့်အတန်းဆိုတဲ့
ခုခံအားကသိသိသာသာကိုကျ ...
ငါပြန်ထမရတော့ဘူး ....။

အဲလိုနဲ့ငါ့အဆုပ်ထဲဟိုက်ဒရိုဂျင်တွေပြည့်နှက်လို့
ခဏခဏကိုယ်ဝန်ပျက်ကျခဲ့ရ
နောက်ဆုံးတော့လည်း
အနံ့လေးတစ်စက်တစ်လေများကျန်လေမလားဆိုပြီး
မော့
မော့
ကြည့်ရတာ ............

အော် .........
ခရေ ရနံ့ဆောင်သွားတဲ့ ....
ကျီးမိုက်ကလေးတောင်
အိမ်ပြန်ချိန် မငိုတတ်တော့ဘူး .... ။



အမည်မဲ့ + nelay





Tuesday, December 7, 2010

GLOOMY SUNDAY




 



GLOOMY SUNDAY


Sunday is gloomy
the hours are slumberless
dearest the shadows... See More
I live with are numberless

Little white flowers
will never awaken you,
not where the dark coach
of sorrow has taken you

Angels have no thought
of ever returning you
would they be angry
if I thought of joining you?

Gloomy Sunday

Gloomy Sunday
with shadows I spend it all
my heart and I
have decided to end it all

Soon there'll be prayers
and candles are lit, I know
let them not weep
let them know, that I'm glad to go

Death is a dream
for in death I'm caressing you
with the last breath of my soul
I'll be blessing you

Gloomy Sunday

Dreaming, I was only dreaming
I wake and I find you asleep
on deep in my heart, dear

Darling, I hope
that my dream hasn't haunted you
my heart is telling you
how much I wanted you

Gloomy Sunday

It's absolutely gloomy sunday


tsukimono--gloomy_sunday


http://en.wikipedia.org/wiki/Gloomy_Sunday

 













Saturday, November 27, 2010

ပြ စာ တိုက်




အမဲရောင်လမ်းမထက်က စက်တပ်နှလုံးသားများရဲ့
ခြေသံကို ငါက
အစီအစဉ်ပြီးကြောင်း ကြေငြာလိုက်တယ်။

ဆံနွယ်တွေက နှုတ်ခမ်းလွှာကို ဖုံးဖိဆွံ့အ
နှလုံးလမ်းကြောင်း ပေါ်က အမှိုက်တွေ
က နေကြတယ်။

လေတိုးသံကြားမှာ ကြောင်တစ်ကောင်
ဖုန်ထ ။

တိမ်သေရေ …
မဆေးကျောသေးဘူးလား
ငါ့ခေါင်းတွေ ငုံ့ထားရတာ
ကန္တာရတွေ
အ … တယ် ။

နံရံပေါ်ကိုမော့ကြည့်
ငါ့နှလုံးသားဟာ သူငယ်တော်အစစ်
ကြိုးတန်းလန်းနဲ့ နီနေတယ် … ။

ညကြီးမင်းကြီးပြန်လာမှတော့ ညဟောင်တဲ့အသံကို
ကြောက်နေလို့
ခရီးမတွင်ဘူး…။

အတွင်တွင် ခါငြင်းနေတဲ့ နံနက်ခင်းတွေမှာ
မီးခိုးကကြိုးတွေ သိပ် လှ တာ ပဲ … ။

သိပ်ဟောင်းလာတဲ့ တန်ဖိုးတွေကို
ပြတိုက်ထဲမှာ
ဝမ်းနာပြရတာတမျိုး
သွားတိုက်ရတာတမျိုး …။

နှစ်မျိုးပေါင်းပြီး တစ်ခုဖြစ်လာတဲ့
အကြွေစေ့တွေက
ကလေးတွေကို
သိပ် ဟောင်း တာမကြိုက်ဘူး ။

ဘာကိုဆိုလိုပြီး လိုရင်းကိုရောက်ချင်ရ
လိုရင်းဆိုတာ အတိုချုန်းထားတဲ့
ခရီးရှည်တခု ……………………….

ဒါနဲ့
ဟိုး ……….
မြင့်မြင့်
ဂုဏ်ရည်ထက်က

မိ န ငယ် …
ကြား
ကြား
ကြားလား …….
…… ငါ့အမြစ်တွေ
……စာဆိုနေတယ်……။



nelay





Saturday, November 20, 2010

လိပ်ပြာလှိုက်သံ



ထိုညဆိုးများစွာ၌ အနက်ရောင်အိပ်မက်ပုရပိုက်ကို
မှတ်ဉာဏ်၏ ကူးလူးယှက်သွယ်ပုံအမှားဖြင့်
နှလုံးသား၌ သွယ်တန်းထားရ၏
အစီအစဉ်များမှာ ထိုသို့လွဲချော်သွားသော
ညရထား၏ ငါ့အံဝှက်ထဲ၌ တိကျစွာခုတ်မောင်းနေကြသည်
လေအေးမှဖြစ်ပေါ်လာသော အသံတို့စွဲငင်ရာမှ
ငါ့မျက်နှာမူရာတိုင်းတွင် လာမည့်၁၄ရက်အလွန်ကို
ညကျိုးအိပ်မက်ထဲမှ မျှား၍မရနိုင်တော့
ထိုရာဇဝင်အပြစ်ဒဏ်မှဆွဲယူသောအခါ
လမင်းငတ်စွတ်ပုံနောက်ပြန်မျက်နှာအားတွေ့ရ၏
ခရေစမ်းကလေးပေါ်မှာ စက္ကူလှေများနှစ်မြုပ်ကြသည်
ပျော်ဝင်သွားသော ပြာတို့၏ခိုတွယ်ငြိကပ်ပုံမှာ
လိပ်ပြာမျက်နှာအား လက်ဖျံသွေးကြောပေါ်၌ပြန်မြင်ရသူ
သူရူး၏ မဟာရက်ကြမ်း အိပ်မက်အဆန်းကြီးသာဖြစ်ခဲ့သည်
ထိုဆံပင်ညှပ်ဆိုင်အား ငါမရောက်ဖူးခဲ့
ကွေးကောက်သော လက်ချောင်းများဖြင့်သာ
အဆာပြေဖြတ်ချဖူးသော မိုက်မဲမှုအရှည်များ၏ဆက်သံ
မေ့လျှော့ခြင်း၏ ထွက်ခွာမှုတစုံတရာကို
စက္ကူလူသားတိုင်း ပြန်တမ်းတဖို့ သုဿန်ကြမ်းပြင်တခြမ်း
ရထားသံလမ်းပေါ်က အေးစက်ခြင်းတစ်စုံတရာကို
နားဖြင့် လှိုက်ခိုပြီးနောက် လမ်းလျှောက်ဖို့ မီးတောက်ကြရသည်
ငါ့အားငါဖြင့် ပြုပြင်မွန်းမံ၍မရသော အခိုက်အတန့်များတွင်
ကြောက်လန့်တကြား နာရီအတွင်းမှ စကားပြောသံများ၏
ချိုမြိန်မှုခါးသီးမှု အသိတရားအတုများဖြင့် ဆုံးမစကားဆိုဖို့မတန်ခဲ့တော့
အဖြူရောင် အိပ်စက်ခြင်းမျိုးဖြင့် တိမ်ငွေ့တို့အားရှုပါ
ကြည်လင်အေးမြမှုဖြင့် မြက်ခင်းတို့အားခိုတွယ်ပါ
တောက်ပသောလောင်ကျွမ်းမှုဖြင့် လမ်းအားထမ်းခေါ်ပါ
မှန်တံခါးပေါ်မှ ရေငွေ့တို့၏ သေဆုံးခြင်းဖြင့်
ရေစီးကြောင်းအား တဖန်ပြန်လည်မွေးဖွား
ငြိမ်းချမ်းခြင်းရပ်ဝန်းမှာ ငါ့တံခါးအားဖြုတ်ထားခဲ့ပြီး
အနီရောင်ဖြစ်တည်မှုမှာ လောင်မြိုက်တောက်ပနေရသည်။



nelay





Thursday, November 11, 2010

နတ်ပျိုမ အတွက်ကဗျာပျို့အန်ခြင်း


 


နတ်ပျိုမ အတွက်ကဗျာပျို့အန်ခြင်း

နင့်ကောင်းကင်မှာ
ကြယ်ကြွေတယ်ဆို ...
အတုကြီးလားငါမသိပေမဲ့ ...
မွန်မြတ်ဆုံး ဆုတစ်ခုကိုတောင်း
ဆောင်းမရောက်ခင် နင်အောင်မြင်ပျိုမြစ်ပါစေကြောင်း ...။

ငါ့ရင်ဘတ်ပေါ်ဖြတ်ကြွေသွားတဲ့ ကြယ်
နင်တစ်ယောက် အောင်မြင်ပါစေကွယ် ...။

မြက်ခင်းပေါ်က နှလုံးသွေးတဖုံ
တလျှပ်လျှပ်ခုန်နေသေးတယ်
အခုတော့
ကြယ်တွေခဏခဏကြွေလဲ ငါမဖြုံတော့ဘူး ...။

ခရေပင်တွေအများကြီးစိုက်ပျိုးပေမဲ့
ခရေတွေပွင့်လို့ကုန်
ရောင်းလို့ကုန်
ကြွေလို့ကုန်
ရနံ့တွေစားသုံးလို့ကုန်သွားတယ် ... ။

မျက်ရေသေဆုံးခြင်းနဲ့ ကြယ်သေကို
စနေ ငါ ...
ကောင်းကင်ပေါ် ပြန်ကပ်ပေးလိုက်တယ် ... ။

လပြည့်နေ့မှာ ...
နင်ဘယ်လိုနေလဲ ငါမတွေးတော့ဘူး ...။

အုတ်ဂူထဲကဆောင်းနဲ့
အပြင်ကဆောင်း ဘာကွာလဲ
ငါ အတိုင်းအထွာမတတ်ခဲ့ ....။

မြက်ခင်းကိုတိုင်တည်ပါတယ်
မနက်ခင်းကို အလွမ်းမပျိုးတော့ဘူး
ငါ့ကို စကားသတ်ခွင့်ပြုပါ ...။

ကန်ဘောင်တခြမ်းကို ငါဖြတ်သိမ်းထားလဲ
လပျက်ညဟာ နင့်ခေါင်းပေါ်မှာ
သေလျှက်လင်း ...
အဆိပ်တွေခင်းကျင်းထားတဲ့ ရင်ခွင်နွေဦးမှာ
နင်မေ့သွားတဲ့ ငါ့မွေးဖွားသေဆုံးခြင်းရှိတယ် ...။

နင်နဲ့ငါ့ရဲ့ကြိုး
ကြိုးပီသစွာ ပြတ်တောက်ထိုးစိုက် ....
ဘဝက အပျက်မရင်ခွင်လောက်မမိုက်တော့ဘူး ...။

မြက်ခင်းပေါ်က အခြောက်မလေးရေ ...
သတ္တိနဲ့မာယာကို အလှဲအလှယ်လုပ်လိုက်တာလား ...

ဒါဆို
ငါ့ကိုစစ်သူကြီးလို့ခေါ်ပြီး နောက်လိုက်မပါတဲ့
ဒေါင်းယောင်ဆောင် ကျီးမဲတွေကြား
ခန္ဓာကိုအဆိပ်ကြွေးပြီး
ငါ့ဝိဉာဉ်အား အလင်းသေခွင့်ပြုပါ ...။


nelay











Monday, November 8, 2010

နိုးထလာတဲ့ ပွင့်ငုံ့တော



နင်ဟာငါ့ကောင်းကင်တခုလုံး ခွာချသွားပြီးမှ
ငါ့ကိုဘာလို့ အမျိုးမျိုး ငိုပြရတာလဲ တိမ်ပျို


နေလုံးတွေ တီရှပ်ပေါ်မှာ ကောက်ယူချယ်သထားတာပဲ
ငါ့ကိုဘာလို့ အစိမ်းလိုက် မုန်းပြချင်ရတာလဲ ကမ္ဘာရယ်
တညို့ညို့ အုပ်ဆိုင်ပြီးမှ . . .
ငါဆိုတဲ့သက်တန့်က ကွေးလာခဲ့ရတာပါ


မင်းနှုတ်ခမ်းလေးဆူပြမှ ရေတံခွန်တွေ . . .
ငါ့ရွာကိုတိုက်စားသွားရတာလေ
စွန်တကောင်ရဲ့ မျက်လုံးအောက်မှာ . . .
ပန်းခင်းကြီးတခုလုံးပျောက်ဆုံးသွားပြီ


ပွင့်တောရဲ့ ဘယ်ဖက်ပါးပြင်က အမှတ်လေးဟာ . . .
ငါတမ်းတမ်းတတ အမှတ်ရနေတဲ့ အငုံ့လေး တခုပေါ့
ပြန်ပြန်တွေးတိုင်း ခြေရောလက်ရော လိမ်နေခဲ့တာ
ကြည့်တဲ့သူတိုင်းမရှင်းကြဘူး . . .


ပြောမရဆိုမရ ပတ်တီးပရဗွနဲ့
ငါ့ပါးစပ်တွေ ချစ်တယ်ကြီးပဲ လှိမ့်လှိမ့်ထွက်နေတယ်
တိုက်တွေကုန်းရုံး လာပြီးလေ
ဟေမာန်တောကို ငုံ့ကြည့်တော့မယ် နွေနှင်း . . .


နင့်အမြင်တွေ ရှင်းအောင် နင့်မျက်နှာပေါ်က
ဆံနွယ်လှလှတွေ ငါ့ဘဝနဲ့ယူငင်ရှင်းပါရစေ
အနီရောင် မြက်ခင်းတွေ ကြီးထွားလာလိုက်တာ
ငါ့ပြတင်းမှာ မွှန်းကြပ်အောင် စိမ်းနေကြပြီ


ငါ့ကိုယ်ငါပြန်မမြင်ရဘူး ပွင့်ငုံ့ . . .
လေတွေအဟုန်လိုက် တိုက်နေကြပြီး . . .
နွေနှင်းရယ် . . . ။



nelay





Sunday, November 7, 2010

အကောင်းတွေပြည့်နေတဲ့ ထောပတ်သီး တခြမ်းပုတ်



ရင့်လာရင်မဲသလောက် အတွင်းထဲမှာ စိမ်းပုတ်ချို
ခပ်ပြစ်ပြစ်ကလေးဖျော်သောက်လို့ ကောင်းကောင်းချိုတယ် .. ။
ရနံ့တွေငိုနေသလား ငါ့ကိုယ်ငါပြန်တိတ်ယူရအောင်ကောင်းတယ် ... ။

ခကွေးပေါ်က ကကြီးက ကောင်းပါတယ်။
နေဝင်သွားတာ ကမ္ဘာကြီးရဲ့ နောက်တခြမ်းအတွက်ကောင်းတယ်။
ကောင်းတယ်ထင်ရင် လူသတ်ပွဲလဲ ကြည့်လို့ကောင်းတယ်။
ယုန်ကလေးရဲ့ နိမိတ်ကောင်းလဲကောင်းတယ်။
အီမိုအဖွဲ့ လဲကောင်းတယ်။
၁၆နှစ်ပြောင်းပြန်လှန်ထားတဲ့ အဆိုတော်လဲကောင်းတယ်။
ကောင်းပါတယ် မီးပျက်တော့ လူကြီးတွေနားအေးတာပေါ့။
ကလေးတွေ လမ်းမှာပေါ်မှာ အမှောင်ခန်းထဲမှာ ကောင်းတယ်။
ဆီဈေးတွေ ''မျောက်" တက်တော့ ကောင်းတာပေါ့။
ဒီလိုခပ်ချဉ်ချဉ်စာတွေလဲတမျိုးကောင်းတယ်။
ရန်ကုန်မြို့ကြီးက ကောင်းပါတယ်။
အဝါရောင်တွေလဲကောင်းတယ်။
အစိမ်းရောင်တွေလဲကောင်းတယ်။
မြန်မာပြည်ကြီးလဲ ကျနော်တို့ကလွဲရင်
ပိုးစိုးပက်စက်ကောင်းနေပါတယ်။
အစာထိုးကုသတာလဲ ကောင်းတယ်။
ပြန်လာတာလဲကောင်းပါတယ်။ စကားပြောရတာကောင်းတာပေါ့။
ပြန်မယ်မနှုတ်ဆက်တော့ လက်ညောင်းသက်သာလို့ ပိုတောင်ကောင်းသေး ... ။
ကောင်းလိုက်တဲ့ စကားလုံးတွေ ကောင်းကောင်းထ

လိုက်ကောင်းနေတဲ့ သတ္တဝါတမျိုးဟာ
ကိုလိုနီလိုခွေးဖြစ်သွားအော င် ဝါးမျိုကောင်းပြ။
ဒါလဲသက်တမ်း အိုမင်းဟောင်းနွမ်းခြင်းရဲ့ သော့ကောင်းကောင်းတွေ။
မိုးကောင်းတိမ်တို့ရေ ....
ငါလဲ ဆောင်းဦးပေါက်နှင်းလို သိပ်ကောင်းပြတတ်ပါတယ်။

ကြက်တောထဲက လင်းယုန်ဖြစ်ဖြစ်
ဝေဟင်ထက်က လင်းယုန်ဖြစ်ဖြစ်
အတ္တအကောင်းစားတွေတောင်ပျံတပ ်ထားတဲ့
ပိုက်ကွန်ကြိုက်သတ္တဝါအကောင်းစားကြီးတွေ .. ။
သန့်စင်မှုလေကောင်းတွေရှုရှိုက်ကြ ..... ။

နဲနဲမြင့်လို့မော့ကြည့်ရတာက လွဲရင်
သွေးပျက်ချင်စဖွယ်မိန်းမက အထင်ကြီးစရာအကောင်းသား။
ပြုတ်လာရင် အရှင်းဆုံး ဗလာနယ်နဲ့ ကောင်းကောင်းဖမ်းထားမယ်။
ငါကောင်းကောင်းမအိပ်ရသေးလို့ပါ။

အောင်မြင်မှုဖွယ်တယ်တယ်များက ို တချွင်ချွင်မြည်သံစွဲနဲ့
သေရင်အတူတူရောက်မဲ့နေရာက ပြောသံဆိုသံတွေထဲမှာ
တော်တော်ကောင်းတယ်ဆိုပဲ .. ။

လက်ညှိုးထိုးတိုင်း လိုတာရခဲ့တဲ့ ငယ်ဘဝမဟုတ်ခြင်းများနဲ့
မနက်ဖြန်ကိုအကောင်းဆုံးရင်ဆ ိုင်ဖို့
ငါ့လက်ချောင်းတွေကောင်းကောင်းဖြတ်ထားတယ်။
(ပူစာမိမှာစိုးလို့)

အကောင်းဆုံးကြိုက်သူကြီးတွေ ရေ ....
နှလုံးသားမပါတဲ့စက်ရုပ်တွေမဟုတ်တော့ဘူး။
အကောင်းဆုံး သံချေးတက်လိုက်ကြအုံးပေါ့။

တာဝတံသာ တက်ပြီးသာ အကောင်းဆုံး ဖက်ငိုလိုက်ပါတော့
ကောင်းကောင်းသေမဲ့ကောင်လေး ရောဂါတခြမ်းပုတ်တွေ
ကောင်းကောင်း ဖမ်းယူမျိုချလို့ကောင်းနေတယ်် ... ။



nelay





Wednesday, October 27, 2010

အမှန်လုပ်ဇာတ်



အမှားတွေကြားမှာ
ငါက ဘာလို့
မကျရှုံးသေးတာလဲ

နေစမ်းပါအုံး
အဲဒီကောင်
မင်းဂုတ်ပေါ်ခွစီးရအောင်
လူရွှင်တော်လား

အတွေးကို
512 လောက်တိုးရတဲ့ခေတ်မဟုတ်ဘူး
ဝမ်းဂစ် တူးဂစ်ကွ
ဝမ်းဂစ် တူးဂစ် …
ယိုစီးမှုခပ်ကြီးကြီးနဲ့
အတွင်းခံပေါ်အောင်ဝတ်ရတဲ့ခေတ်။

မြှုံပြီးမှတော့ သန္ဓတည်မလာနဲ့
ငါရမ်းနေတာ ယပ်တောင်မဟုတ်ဘူး
ERROR တွေ ERROR တွေ
တက်ကုန်ပြီ
လေရှုမရဘူး

ဘာတွေကွဲကွဲ
နှာခေါင်းပိတ်ထားလိုက်မယ်
ငါ့သူငယ်ချင်းရေ …
အပျော်လွန်လို့ မင်းကိုသင်္ဂြိုလ်ခဲ့မယ်။

လေတိုက်တာမဟုတ်ဘူး
ကားကြိတ်သွားတာ
ကားပြီး ကြိတ်ခံလိုက်ရတာ
အနုပညာ .. အနုပညာ .. အနုပညာ
စက်ပစ္စည်းအောက်မှာ
ပြားပြားဝပ်သွားလို့
ညနေဟာမျက်မမြင်တော့ဘူး

ပြဇာတ်တစ်ပုဒ်နဲ့
လင်းနို့တစ်ကောင်ဝင်လာတယ်
အသံထွက်ရွတ်ဆိုလိုက်တော့
ငါ့လည်ချောင်းသွေးတွေရဲတက်လာရော

သတင်းသစ်တော့ မပျဉ်းဘူးပေါ့
အင်အားဖြုန်းတီမှုအနည်းငယ်နဲ
ဆေးရုံကားခေါ်ပြီးရင်
ကန်တော်ကြီးကို တင်ပေးလိုက်ပါ
အဟဲ .. ကြည့်ကောင်းသား

ကွမ်းဂျိုးတွေနဲ့ လမ်းမကသွားဖြဲစေ့နေတယ်
အဲဒါ ကွမ်းသွေးထွက်သွားတာ
လင်းနို့ကဝင်လာပြီး
ပြီးပါပြီ … ။

ငါ့ရေ လာသောက်နေတဲ့
အနက်ရောင် ငှက်စုတ်တွေ မောင်းထုတ်ပစ်

ဂဠုန်နဲ့ မနုသီဟ
ပုံပြင်ထဲမှာ ပတ်သက်ပြီးရင်
ငါပင်လယ်ထဲ ဆင်းတော့မယ်
ရန်ကုန်မြို့ကြီး နင်လိမ်လိမ်မာမာ
ဆားချက်နေခဲ့နော် … ။

လေကုန်ပြီ …
မှတ်ဉာဏ်တွေပြည့်လာလို့
လူလျှော့လိုက်တဲ့ လောကကြီးက
ပထမဆုံးထွက်ခဲ့မယ်
နောက်ဆုံးဆိုပြီး
လူကြားကောင်းအောင်
ပိုစတာမထုတ်ဘူး။

ဒါနဲ့
အမှားတွေကြားမှာ
xXXxxXxXxxxxXx
ခင်ဗျားကဘာလုပ်ပြီး …
ငါကဘာလို့ ဦးမော့နေတာလဲ။



nelay





Wednesday, October 13, 2010

မဟာအဆိပ် လမ်း






 


ဟိုး ........ ငယ်ငယ်တုန်းက
ညညဆို
ပင်လယ်ကြီးက
အဆိပ်တွေသောက်သောက်လာတယ်
အဆိပ်တွေဝါးဝါးလာတယ်
ငါ့ကို အဆိပ်ကြေတွေ ခွံ့ခွံ့ကြွေးပြီး
အဆိပ်ရနံ့တွေနဲ့ ဆုံးမရိုက်နှက်
ညပျက်ဟာ နက်နက်လာတယ်။

လပြည့်ည ...
အဆိပ် လေ ခေါင်ခေါင်မှာထားခဲ့ပြီး
ပင်လယ်ကြီးဟာ
ဟိုး ......... အဝေးကို
ခဏခဏထွက်ထွက်သွားတယ် ။

ဒီလိုနဲ့
ရေကူးတတ်တဲ့အရွယ်ရောက်တော့

မနက်မနက်ဆို
မြစ်ကျယ်ကြီးကပွက်ပွက်ဆူ ...
အဆိပ်တွေတိုက်တယ်
အဆိပ်တွေစားတယ်
အပြစ်တွေချချကြွေးပြီး
အဆိပ်တွေသောင်ထွန်းတယ်။

ငါ့ကိုပိတ်ဆို့သွားတဲ့
အဆိပ်ဒိုက်တွေ
အဲဒီမှာ ...
အဆိပ်စမ်းကလေးစီးမရတော့ဘူး ။

ဟိုး ...... နေဝင်ချိန်မှာ
အဆိပ်ရေဆန်ထဲ
ကိုယ့်ဝမ်းပေါ်ကိုယ်ရပ်ပြီးလှော်လာတဲ့လှေကလေး
ဇင်ယော်ကိုအဆိပ်ကြွေးပြီး
ဝမ်းတွင်းအဆိပ်တွေခပ်ခပ်ထုတ် ...
သူမမြှုပ်အောင်
တိုက်ပွဲဝင်အဆိပ်လွှင့်နေအုံးမယ် .... ။



nelay





ယုန်စကား



ဟာ .........
ငါ့လိပ်ပြာငါတောင်
တခါတခါမယုံရတာ
ငါက
ဘယ်သူ့စကားယုံရမှာလဲ .... ။



nelay










yuriy khudov





Tuesday, October 12, 2010

ဥယျာဉ်ဝှက်အလွမ်း



ငါတို့ရဲ့အိမ်ရှေ့ခန်း နှစ်ယောက်ထိုင်ခုံပေါ်မှာ
အစာအိမ်နှစ်ခု အစာခြေဖို့ မေ့နေတဲ့ အဟုန်နဲ့
လူသတ်သမားကို မှန်ထဲမှာ ပြုံးပြခဲ့ကြတယ်
ဒါကို အယုံသွင်းတဲ့ ကံကြမ္မာစက်ဝန်းအတွင်းက
မျက်ရည်စက်တွေ ငါ့လက်ထဲ ပွင့်ကြွေပြတ်ကျ
ပုန်းခိုနေတဲ့ တောအုပ်ထဲက အစိမ်းရောင်ညများ
ပြတင်းတံခါးမှာ ပြတိုက်မျက်နှာဖုံးနဲ့ ရီနေကြတယ်
ဘယ်မလဲ ကေ၀ ဘယ်မလဲ
လမင်းရဲ့ မှောင်ရိပ်သာ တောအုပ်ကိုဝါးမျိုမသွားဘူးဆိုရင်
ညနေ ၆နာရီ ကျိန်စာလဲ ငါစောင့်နေကြ လှေကားထစ်များကို
ရေတွက်နမ်းရှိုက်ပေးလိမ့်မယ်
အတွက်အချက်ညံ့တဲ့ လက်ချောင်းများထဲမှာ
ငါ့ကိုသုညက လက်ညှိုးဖြစ်ခွင့်မပေးခဲ့ဘူး
စိတ်သဘောတွေကြီးစိုးသွားတဲ့ အတ္တမှာ
နတ်ဘုရားကိုသတ်တဲ့ ဝိဉာဉ်က နှစ်ခါပြန်သေရတယ်
တိမ်ဆိုင်တွေ ကိုးကွယ်ရတဲ့ ကဝေစိတ်တွေ
နတ်ဘုရားကို သတ်တဲ့မာယာပန်းဆိပ်တွေလဲ
သွေးကြောထဲက မျက်ရည်အပိုင်းအစများနဲ့
ငါ့အစိမ်းရောင် ပန်ဒိုရာလေးထဲ ကဝေရယ် အမုန်းရယ်ထိခတ်
အမိုက်တရားနဲ့ သီကျူးငွေ့ရှိုက်လို့
အပွင့်တွေ နီမရတော့တဲ့ ဝင်္ကဘာ
အပြုံးတွေဘာလို့ သေချာချင်နေခဲ့
အရှေ့တစ်လမ်းသွား ဥယျာဉ်မှာ အမှောင်က ဝတ်တွားငြိမ်သက်
အပျော်ရောင်နောက်ကျိကျိ ဘဝထဲမှာ
လျှပ်ပြက်ယုံကလေး အရသာခံဖို့ ကျောင်းဆင်းပေးတဲ့ညနေတစ်ခုပါ
ငါ့ကိုကျမ်းပြုပြီး သေချာတယ်ဆိုတဲ့ ကံတရားကို
ဟာသမှတ်စုထဲက ကေ၀ နင့် လက်မှတ်ထိုးဖို့လက်တွေ
ငါ့အိပ်ကပ်ထဲမှာ နှစ်ခြိုက်နေကြတယ် ။



nelay





Thursday, October 7, 2010

မျက်နှာဖုံးကြားမှ ကြိုးတပ်ထားတဲ့ လက်ချောင်းများ



ညတိုင်းလိုလို သူ့လက်ကို သူဆေးကြောတယ် အလုပ်ကပြန်လာတိုင်း မျက်နှာသစ်တယ်နောက် သူ့လက်ကို သူဆေးတယ် မှန်ရှေ့ခဏသွားရပ်ပြီး လက်ဆယ်ချောင်းလုံးကို မှန်ထဲမှာ သေချာထောင်ကြည့်တယ် ပတ်ချာလည်လှည့်ပြတယ် မှန်ထဲမှာသိပ်လှတယ် သိပ်ခန့်တယ်ထင်လောက်မှ လက်ဆယ်ချောင်းလုံးကို ခေါင်းပေါ်တင်ပြီး တီဗီရှေ့ခေါ်လာတယ် မျက်လုံးများရဲ့ရှေ့တည့်တည်
့မှာ လက်တွေကိုထားလိုက်ပြီး အခန်းဆက် ကိုရီးယားကားကို ညတိုင်းလက်တွေကိုပြတယ်။ နူးညံ့တဲ့လက်ချောင်းလေးတွေက ရိုမန့်တစ်အခန်းဆို ရိုမန့်တစ်ကိုဖြစ်လို့၊ အလိုမကျတဲ့အခန်းဆို လက်သီးတဖက်လက်ဝါးတဖက် အချင်းချင်းကို အသံမြည်အောင်ထိခတ်လို့၊ သူ့လက်ချောင်းတွေအချင်းချင်းအလိုမကျ ... ဒီလိုနဲ့ဇာတ်လမ်းအဆုံးမှာ သူ့လက်ချောင်းတွေ အိပ်ငိုက်လာတယ်။ လက်ချောင်းလေးတွေအိပ်ဖို့ပြင်နေကြတယ်။ အော် ... မအိပ်ခင်လုပ်တာတခုရှိတယ် ဒါကနေ့သစ်တွေတိုင်းအတွက် ရင်ဆိုင်နိုင်ဖို့ လေ့ကျင့်ခန်းတွေ၊ ခွန်အားတွေ၊ မျက်နှာဖုန်းတွေကို အဲဒီ့အလုပ်ကဖြစ်စေတယ်။

သူ ဒါးသွေးတဲ့ကျောက်ခုံကို ယူလာတယ်။ နောက် တချိန်က ကျော်ကြားခဲ့တဲ့ ယခုလက်ရှိကျော်ကြားနေဆဲ နိုင်ငံခြားစာရေးဆရာကြီးမျာ း တက်ကျမ်းများ အချစ်ဇာတ်လမ်းများ စတဲ့ တန်ဖိုးကြီးစာအုပ်တွေ၊ ဘာသာပေါင်းစုံရဲ့စာအုပ်တွေကို အရေဖျော်ထားတဲ့ အဆီကို ဒါးသွေးတဲ့ ကျောက်ပေါ် တစက်ခြင်းချတယ်...။ သူလုပ်နေတဲ့ပုံက တိုက်ပွဲဝင်ခါနီး စစ်သူကြီးရဲ့ ဒါးသွေးခါနီးပုံလို မျက်နှာကလဲခက်ထန်လှတယ်။ ဒီလိုအပြုအမူတွေက ညတိုင်းလူမသိသူမသိ သူ့လက်ချောင်းကလေးတွေသာသိတဲ့ အပြုအမူတွေဖြစ်တယ်။

သူက ဘယ်လက်ကို ညာလက်နဲ့ကိုင်လိုက်တယ် (သူကဘယ်သန်မဟုတ်ဘူး ဘယ်သန်ချင်ယောင်ဆောင်ထားတာ) နောက် သူကအပေါ်ကို မြှောက်တင်လိုက်ပြီး ညာလက်နဲ့ ဘယ်လက်ကို ဒါးသွေးကျောက်ပေါ်ဖိချရင်း စာအုပ်အဆီတွေနဲ့ရောပြီး အားရပါးရ စိတ်ပါလက်ပါကို သွေးနေပါတော့တယ် ... ။ တကိုယ်လုံးချွေးတွေသန်တွေထွက်တဲ့အထိ သူလိုချင်တဲ့ လက်ချောင်းကလေးတွေရတဲ့အထိ၊ သူ့လက်နှစ်ဖက်ကို ဟိုဖက်လှည့်ဒီဖက်လှည့် နာကြင်မှုတစုံတရာမပြပဲ စာအုပ်အဆီတွေကို တစက်ခြင်းချ စိတ်လိုလက်ရကို သွေးနေပါတော့တယ်။ ပြတင်းအပြင်က လရောင်က စူးဆန်းတဲ့ အသံတို့နဲ့ သူ့ ဒါးသွေးကျောက်နားကို ချင်းကပ်လာတယ် လရောင်တွေဘာနံ့ရလိမ့်မလဲ ... ။

(*)

သူ့ကိုတွေ့တဲ့လူတွေတိုင်းက မေးကြတယ် မင်းလက်ချောင်းကလေးတွေက သိပ်လှတာပဲ သိပ်တန်ဖိုးရှိတာပဲ သွယ်သွယ် ရွရွလေး အနုပညာဆန်လိုက်တဲ့လက်ကလေး ဘာလို့အဲလောက်တောင်လှနေတာလဲ လို့လူတွေကမေးတော့ ... သူကရင်ကိုကော့ပြီး ခေါင်းကိုလိုတာထက်ပိုမော့ပြီး မာန်ပါပါပြောချလိုက်တယ် ...

''ကျွန်တော် ညတိုင်းလက်သွေးတယ်ဗျ''

(*)

မနက်ရောက်တော့ သူကမျက်နှာမသစ်ဘူး အလုပ်သွားမဲ့အင်္ကျီကိုကောက်ဝ တ်တယ် ရေချိုးခန်းထဲကမှန်ရှေ့ကိုသွားပြီး ရှေ့ဖန်ခွက်ထဲမှာထည့်ထားတဲ့ ဖြူရော်ရော်နှုတ်ခမ်းတစုံကိုတပ်လိုက်တယ် ပြီးတော့ အသာအယာဟပြီးပြုံးဖို့ကြိုးစားတယ် မရဘူး နောက်တကြိမ်ကြိုးစားတယ် နဲနဲပြုံးရောင်သန်းလာတယ် သူနောက်ဆုံးအကြိမ်
ညကသွေးထားတဲ့လက်တွေရဲ့အကူအညီနဲ့ နှုတ်ခမ်းအနားသား နှစ်ဖက်ကိုဆွဲတင်လိုက်တယ် မှန်ထဲမှာသူပြုံးနေပါပြီး ပြုံးနည်းကိုသူသတိရသွားပါပြီး ... ။ သူအလုပ်သွားဖို့ ဖိနပ်စင်ပေါ်က ခြေသလုံးမွှေးခပ်ရှည်ရှည်နဲ့ ခြေထောက်ကိုကောက်ဝတ်ပြီး အလုပ်သွားမဲ့ သင်္ချိုင်းကို အပြေးနှင်ခဲ့တော့တယ် .... ။

သူလုပ်နေတဲ့အလုပ်က လူတွေက ပါးစပ်မပါကြ သူအပါအဝင်တရုံးလုံး ပါးစပ်မပါကြဘူး ဒါပေမဲ့ သူတို့အလုပ်က လက်ပါမှဖြစ်တဲ့အလုပ်မျိုး တခါတလေ ဦးနှောက်ကို ကော်ပီစက်ပေါ်တင်ပြီး ဆွဲယူအသုံးချသေးတယ်။ နှလုံးသားလား နှလုံးသားကတော့ ဘာတွေ့တွေ့ကြိုက်တတ်လွန်းလိ ု့ အလုပ်အဝင်ဝမှာထုတ်ထားခဲ့ရတယ်။ ''တိုင်းကဒ်''လိုမျိုး အလုပ်အဝင်ဝမှာ ခြင်းကြီးတလုံးချထားပေးတယ် အလုပ်မဝင်ခင် စားပွဲပေါ်က နံပါတ်ပြားတွေနဲ့ နှလုံးသားကိုထုတ်ပြီး ကပ်ရတယ် ပြီးတော့ ခြင်းကြီးထဲပစ်ထည့်ခဲ့ပေါ့ ကပ်ထားတဲ့နံပါတ်တွေကတော့ သူ့ပါးစပ်မှာအထင်းသားပေါ်နေတယ်။ ဒီနေ့ သူကျတဲ့ နံပါတ်က ''၈'' အင်္ဂလိပ်လို ''အိတ်'' မြန်မာလို ''ရှစ်'' သူကျေကျေနပ် သူ့အလုပ်စားပွဲကိုလျှောက်လာတယ်။

(*)

တခု ခြွင်းချက်ရှိတာက အထက်အရာရှိ အလုပ်ရှင်မပါ တခြားလက်အောက်ငယ်သားတွေကို အုပ်ချုပ်တဲ့ အရာရှိတချို့သာ နှလုံးသားယူဆောင်ခွင့်ရှိတယ ်တယ် သူတို့က အလုပ်ကိုဦးဆောင်အုပ်ချုပ်နေရတာဆိုတော့ (၁) ရင်ခုန်နိုင်ဖို့အလှအပခံစားဖို့(အနီးအနားမှ ဝန်ထမ်းသူလေးတွေကို ရင်ခုန်နိုင်ဖို့) (၂) အကြင်အနာတရားရှိဖို့ ဒီနေရာမှာ ပထမတချက်ထက်ပိုအရေးကြီးတာက ဒုတိယအချက်ရှိစေချင်လို့သူတို့ကိုအထူးအခွင့်အရေးပေးထားတာဖြစ်တယ် ဒါပေမဲ့ ပထမအချက်ကသူ့အလိုလိုမလုပ်ချင်ပဲပါသွားခြင်းသာဖြစ်ပါတယ် ဒါကိုဘယ်သူမှလက်ခါပြလို့မရပါဘူး။ ဒါသူတို့ရုံးရဲ့ ထူးခြားချက်တခုပေါ့။

သူတို့အလုပ်ကပါးစပ်မလိုဘူးဆ ိုပေမဲ့ ဘာသာစကား သုံးမျိုးလောက်တော့တတ်ထားရတယ် သူတို့က ကွန်ပြူတာဆိုတဲ့ ရုပ်သေးရုပ်တွေကို ခိုင်းစားဖို့ ဒီဘာသာစကားတွေကို တတ်ထားရတာပေါ့။ အဲဒီ့နေရာမှာ ပါးစပ်မလိုတဲ့အကြောင်းအရင်းကစတာပါပဲ ခင်ဗျားတို့လဲကြားဖူးမှာပေါ့ ဘာ ''တော့'' ဆိုလဲ ပါးစပ်မပါပဲလဲ အတော်အလုပ်ဖြစ်တယ်ဆိုပဲ နောက် တခြားအရာအတွေက ကွန်ပြူတာဆိုတဲ့ သတဝါထဲမှာ ပိုက်ကွန်လိုမျိုးရှိတယ်ဆိုပဲ အဲဒီ့အထဲမှာ သူ့လက်ချောင်းကလေးတွေရှိနေရုံနဲ့စကားပြောလို့ရတယ်၊ ပါးစပ်မပါပဲ ပြုံးပြလို့ရတယ် ငိုပြလို့ရတယ် စိတ်ဆိုးပြလို့ရတယ် ဘယ်လောက်အံ့သြဖို့ကောင်းလဲ ဒါပါးစပ်မပါပဲ လက်ချောင်းကလေးတွေနဲ့ပဲအလုပ်ဖြစ်နေတဲ့ အလုပ်စစ်တွေပဲပေါ့။

(*)

သူတို့တွေတချိန်းလုံး အဲဒီ့နေရာကနေစကားပြောကြတယ် ကြာလာတော့ လက်တွေကသူ့ထက်ငါ ထက်ချင်လာတယ် နောက်လက်တွေက အကျင့်တခုပါလာတယ်။ ဒါကဘာလဲဆိုတော့ လက်တွေက အလိုက်သိလွန်းနေတယ် သူမပြုံးချင်ပေမဲ့ လက်တွေကပြုံးနှင့်ပြီးပြီး သူမငိုချင်ပေမဲ့ လက်တွေကငိုနှင့်ပြီးပြီး သူစကားမပြောချင်ပေမဲ့ လက်တွေကပြောနှင့်ပြီးပြီး နောက်ဆုံး သူမလိမ်ချင်ပေမဲ့ လက်တွေက လိမ်နေနှင့်ပြီးပြီး။ ဒါမို့သူတို့ အလုပ်မှာ လက်တွေသိပ်တန်ဖိုးကြီးတယ် ပါးစပ်တွေတန်ဖိုးမရှိဘူး နှလုံးသားတွေခြင်းထဲမှာ ဦးနှောက်တွေ ကော်ပီစက်ပေါ်မှာ သိပ်ကိုနေရာကြနေကြတယ်။ အဲဒီ့သူတို့အလုပ်မှာ လက်လိမ်နေတဲ့လူတွေ များများလာတယ်။ အဲ့တချို့က လိမ်ယုံနဲ့အားမရတော့ဘူး သူတို့အလုပ်က မိန်းမတွေဆိုပိုဆိုး လက်ဝါးနဲ့လက်ဖဝါးကို ရိုက်ရိုက်ပြီး အတင်းအဖျင်းတွေ အာဘောင်အာရင်းသန်သန်နဲ့ အပြုံးအမဲ့တွေ လက်နဲ့နှိပ်နှိပ်ပြီး ပြောချင်တိုင်းပြောနေတော့တာ ။ လေကုန်တောင်သက်သာသေးတယ် ဘယ်လောက်ကောင်းလိုက်လဲ။ တခါတလေ ဖဲကစားတာလဲ ကျွမ်းကျင်ကြတယ် အို ... စုံလို့ပါပဲ အဲဒီ့လက်ချောင်းလေးတွေ လုပ်တတ်တာ စုံလို့ပါပဲ။ တချို့ဆို အဲ့ဒီ့ကွန်ပြူတာဆိုတဲ့ သတဝါရဲ့အောက်မှာ ဒါးတွေ ထောင်ထားတယ် တချို့ကသေနတ်တွေ အပြည့် မကျေနပ်တဲ့လူ သိပ်ချစ်တဲ့သူကို နောက်ကျောကနေ ဒါးနဲ့ထိုးဖို့ သေနတ်နဲ့ပစ်ဖို့ အဲဒီ့လက်ချောင်းကလေးတွေကပဲ လူသတ်တတ်တယ် စိတ်တွေကို ခလုတ်ကလေးတချက် ဖွဖွလေးနှိပ်ပြီးသတ်တယ် ဘဝတွေကိုသတ်တယ်။ လက်ချောင်းလှလှလေးတွေက ဒါးထိုးတဲ့ လက်တွေလဲဖြစ်တယ်။

(*)

ဒီလိုနဲ့ အလုပ်ဆင်းချိန်ဆို အဲ့ဒီလက်တွေနဲ့ ကွန်ပြူတာဆိုတဲ့သတဝါထဲမှာ နှုတ်ဆက်ကြ အလွမ်းသယ်ကြ ပွေ့ဖက်ကြ စကားတွေမကုန်နှိုင်အောင်ဖောင ်ဖွဲ့ကြ တချို့က လက်မှိုင်ချပြီးအိမ်ပြန်ကြ အဲလိုတဝကြီးလုပ်ပြီးရင်တော့ .... ခြင်းရှေ့ကမှန်မှာ ပါးစပ်မှာပေါ်နေတဲ့ နံပါတ်ကိုကြည့်ပြီး ခြင်းထဲက ကိုယ့်နှလုံးသားနံပါတ်ကို ကောက်ယူ ရင်ဘတ်ထဲ ထိုးကြိတ်ထည့် ''၈'' ဂဏာန်းတွေ ရင်ထဲမှာ ခိုးလိုးခုလုဖြစ်ပြီး အိမ်ပြန်လမ်းတလျှောက်လုံး လက်ချောင်းတွေဘယ်ထားရမှန်မသိ လက်တွေကအပိုကြီးလုံးလုံးကိုဖြစ် အိတ်ထဲဖြုတ်ထည့်ရမလား လက်ချောင်းတွေကိုခေါက်သိမ်းရမလား အခုမှ မပြုံးနိုင်မရီနိုင်နဲ့ ရင်ခံခံပြီးပြန်လာခဲ့တာလဲ ပြဒကဒိန်တွေ အုပ်အထူးကြီးကျန်နေခဲ့ပါပြီး .... ။

(*)


ဒါနဲ့ပဲ အချိန်တန် လုပ်စာရ လက်လုပ်လက်စားဘဝတွေ ... ။
မဖြစ်နိုင်ဘူးဆိုတာနဲ့ပဲ လက်လျှော့လိုက်ရတော့မှာလား ... ။ လက်ချောင်းတွေမှာအသက်ရှိတယ် လက်ချောင်းတွေမှာ ဒီနေ့တွေရှိတယ် သူကတော့ သူ့လက်ချောင်းလေးတွေနဲ့ လက်လျှော့မှာမဟုတ်ဘူး လက်ချောင်းလေးတွေ ကျိုးပြတ်လွဲခတ်တဲ့အထိ သူ လက်မလျှော့နိုင်သေးတဲ့ မဖြစ်နိုင်တာတွေကို ဆက်ကြိုးစားနေအုံးမှာပါပဲ .... ။ သူ့လက်ချောင်းတွေကို ဘယ်နတ်ဘုရားကမှတားရမယ်မထင်ဘူး ..။

လက်ချောင်းကလေးများကတော့ နေဝင်တာကိုဘယ်တော့မှ သိချင်လိမ့်မယ်မထင်ဘူး ။



nelay




thu hang tram






Friday, August 20, 2010

အမေ - သျှစ်မှူးကျော် ~ ထူးအိမ်သင် ~



အမေ …
သားတော့ မီးလောင်နေပြီ
လူတွေကတော့ ရယ်မှာပဲ
သားရင်ထဲမှာ


ကဗျာ …
ကဗျာ …
ကဗျာ …


သက်သာရာ ရမလားလို့ပါ
(ဒီတစ်ခါတော့ဖြင့်)


ဝမ်းရေစပ်ရင်လည်း
နည်းနည်းခွင့်လွှတ်ပါအမေ
သားတော့ မီးလောင်နေပြီ။



သျှစ်မှူးကျော်
~ ထူးအိမ်သင် ~





ဇီဇဝါ ဝင်္ကပါ


nickbleb dehty4m




ငါ့ရဲ့ကွေးကောက်တဲ့ ဆံပင်တွေကြားမှာ
မနေ့တနေ့က ပျက်ကျလာတဲ့ လေယာဉ်ပျံကိုဝှက်ထားတယ်
ငါနဲနဲချင်း စားသုံးနေတဲ့ စက္ကန့်တွေထဲမှာ
ပြောလို့မကုန်နိုင်တဲ့ မွန်းကြပ်မှုကိန်းဂဏာန်းတွေ ပြေးလွှားနေကြတယ်


အသိတရားမျက်ဝန်းထဲမှာ ရပ်နေတဲ့ အရှုံးကျောက်စာတွေဟာ
လျှောက်လာသမျှ အနက်ရောင်မြို့များဆီက ကပ်ပါးပိုးတွေပဲ
လောကနီတိထဲက ဆံပင်အနီရောင်နဲ့ မိန်းမ
တချိန်ကငါ့မိန်းမဖြစ်ခဲ့ရင် ငါ့နာမည်ပြောင်းဖို့
ဘယ်နတ်ဘုရားဆီမှခွင့်တောင်းမနေဘူး


ဒီလိုထွက်သွားတိုင်းသာ နှင်းဖြူတွေနဲ့ စိုထိုင်းဆမများဘူးဆိုရင်
ငါ့အလုပ်ငါလုပ်ပြီး နံရိုးနောက်က ထိုးထိုးဟောင်နေတဲ့
သန္ဓယုတ်ကိုအစာကြွေးနေရအုံးမယ်


ယင်နားစာ မနက်ဦးဆီက
ဦးခေါင်းပြောက်လို့ ရှာနေတဲ့ ကတ်ကြေးတွေ
နှလုံးရောဂါနဲ့ ဖခင်အိုကြီးကို အသံတိတ်လုပ်ကြံခဲ့တဲ့ သမီးက
ငါ့အရွက်ခြောက်များကြားမှာ တအုံတနွေးနွေး


ဆေးကြွေးမှားတဲ့ အရိပ်လက္ခဏာနဲ့
ငါ့အိတ်ကပ်တွေက ကားခပြန်တောင်းတိုင်း
အလွမ်းတွေ ပြည့်လျှံလောင်မြိုက်ဖူးတယ်


ဖုန်ထလို့ရေဖြန်းလိုက်တဲ့ မျက်နှာ
ငါ့ကဗျာထဲက ကမ်းနဖူးပေါ်မှာ သိုက်တူးတဲ့ ကျီးတအုပ်ကို
ချုပ်မရတဲ့ ငါ့ရင်ဘတ်ပျိုက နှလုံးသားတွေ လက်ဆောင်ပေးနေပါတယ်


မနေ့က သိမ်းထားတဲ့ ငါ့မြို့စုဗူးလေး ကျန်းမာရေးမကောင်းလို့
သူ့ကိုယ်သူ ပြန်ကုဖို့ သူ့ကိုယ်သူ ရိုက်ရိုက်ခွဲနေလိုက်တာ
သူမလိုချင်တဲ့ အောင်မြင်မှုအတုတွေပဲ ထွက်ကျလာလို့
အောင်မြင်မှုငတ်နေတဲ့ သူ့မြို့ပျိုမလေးကို ခေါ်ပေးချင်နေလိုက်တာ
ဘယ်လို ........ ဘယ်ပုံ ......... ဘယ်အသံမှ မကြား .................


တိမ်ဦးရင်ခွင် နံနက်မှာ အစီအစဉ်အသစ်နဲ့
မျက်နှာကျက်အစိုပေါ်မှာ လင်းနေတဲ့ကြယ်ကလေးရေ
ငါတော့မော့ကြည့်ဖို့ မျက်လုံးနဲ့ ဦးခေါင်းကို ဇလုံထဲမှာ
မွှေနှောက် အနာဂတ်ခြောက်အိပ်မက်နဲ့
လင်းမရဥယျာဉ်ထဲမှာ ပန်းဦးတွေ မပွင့်ဖူးတော့တာ ဆန်းသလား


ငါဟာလူတွေကြားက ပြန်လာပြီးတိုင်းလူညှီစော်ကိုနှစ်ခြိုက်စွာရှုရှိုက်
ငါပြန်အန်လိုက်တဲ့ အိပ်မက်ဆိုးတွေ ကမ်းပုတ်တဲ့လှိုင်းကို
အတ္တဝမ်းကွဲ သံနဲ့ အကြိမ်ပေါင်းများစွာ နားဆင်နေရတယ်


သံယောဇဉ်အထွေးလိုက်ခွေလိမ်ထားတဲ့ အသိုက်အမြုံကလေးဟာ အိမ်ဖြစ်ခဲ့ရင်
ငါ့ခေတ်ငါ့အခါမှာ တမျှင်ချင်းစီရှင်းထွက်သွားတဲ့ ကြိုးတွေက
ငါတော်လို့လား …………….. ငါညံ့လို့လား …………….
အမေကမီးဖိုချောင်ထဲမှာ သူထမ်းထားတဲ့ နေလုံးကိုလွှတ်ချပြီး
အိမ်ရှေ့ဧည့်ခန်းထဲမှာ သကြားမပါတဲ့ မေ့ဆေးခါးကြီးတခွက်ကိုသောက်နေတယ်
အဖေက ကျည်ဆံကုန်နေတဲ့ ငါ့ကို လက်ဆွဲပြီး ဂျူးတွေနဲ့ တန်းစီခိုင်းထားတယ်
ဟစ်တလာရဲ့ လက်ဖြောင့်အဆိပ်ငွေ့တွေက ပြန်နေကြ ငါ့လမ်းကလေးပေါ်က
ရေမှုံနဲ့ဖုန်မှုံတွေရောထားတဲ့ ရနံ့ငွေ့တွေဖြစ်တယ်
အချင်းချင်းပြန်စားကြတဲ့ ပွဲမှာ လတ်လတ်ဆတ်ဆတ်ရီသံတွေမှောင်လာတယ်
အားလုံးပြီးသွားပါပြီ အမှန်တော့ အားလုံးအစကိုပြန်ရောက်သွားတာ


၁။ နငခညေျိြူံတိေု်ူလဖခာတမြန်ုေိူ့်ေျိ
၂။ နငတသမ့ေျိုူိခလာဖထုြူြ့တူုဒုယာခထာူုြ
၃။ ုြ့ြိုူငြကငနတြင်ဖိုူခြလယာဖုူြ်ုူတနြုမ၍သစငိြသ်ေုူ


အဖြေရှာတဲ့လူတွေသေကုန်ပြီ
အမေးတွေနဲ့ ကြိုးတင်းနေတဲ့ ရပ်ဝန်းမှာ
ကလေးတွေကို ခေါ်မလာနဲ့ အားလုံး မီးရှို့ချလိုက်
ငါတို့အမှားပေါ်က အဖြူစက်ကလေးကို လောင်မြိုက်ချလိုက်
ကျမ်းကျိန်တယ်ဆိုတာ ဖောက်ဖျက်မဲ့လူတွေအတွက်ပဲလိုအပ်တာပါ


မနေ့တနေ့ကကျွန်ဘဝနဲ့ ဒီနေ့မနက်ဖြန်ကျွန်ဘဝ
ငါ့ကလေး ငါပြန်ခိုးနေရတဲ့ဘဝမှာ
အစိမ်းက ငါ့ကို မျက်ရည်ကျစေတယ်
အစိမ်းက ငါ့ကို မွဲခြောက်စေတယ်
အစိမ်းက ငါ့ကို သေစေတယ်


ဆပ်ပြာပူဖောင်းကလေးရေ ပေါ့ပါးမယ်ဆိုရင်
ဇီဇဝါဝင်္ကပါထဲ ငါ့ကိုလမ်းကြုံခေါ်သွားစမ်းပါကွာ ။



nelay







zoe chen







Tuesday, August 17, 2010

အစိမ်း/ စိမ်း





အစိမ်းသေ
အစိမ်းချုပ်
စိမ်းစိမ်းကားကား စိမ်းရက်လေအား
မြွေစိမ်း
လေစိမ်း
နတ်စိမ်း
လူစိမ်း
စိမ်းလန်း
စိမ်းပြာ
မြင်မြင်သမျှစိမ်း
စိမ်းတာတွေကစိမ်းချင်သလိုစိမ်းလိုက်နဲ့
ကိုသိန်းတန်ရဲ့ စိမ်းသရဖူစိမ်းလည်း စိမ်းကားနေပြီ ။


သူငယ်ချင်းတစ်ယောက်ကပြောလိုက်သေးတယ်
အနာဟောင်းကို အစိမ်းလိုက်ပျိုးလိုက်တာလား တဲ့
ဘာကြောင့်များသခွားသီးကို အစိမ်းစားချင်နေရတာပါလိမ့်
သွေးလေခြောက်ခြားပြီးသွေးစိမ်းရှင်ရှင်ထွက်ပြန်ပေါ့
ကိုယ့်ဝတ်စုံကိုယ်သပ်သပ်ရပ်ရပ်ဝတ်လို့
အနေစိမ်းကြည့်လိုက်ဦးမယ် ။


စိမ်း..စိမ်း..စိမ်း
သစ်ပင်အိုကတောင် မီးစိမ်းထတောက်လိမ့်မယ်
အစိမ်းရောင်အသုံးအနှုန်းနဲ့ ညအိုပေါင်းစွာကို
မေ့မျောခြင်းတိုင်းပြည်မှာ ရှာတွေ့လို့မရဘူး
အလျားလိုက်စိမ်း ဒေါင်လိုက်စိမ်း
ပြောင်းပြန်စိမ်း ဇောက်ထိုးမိုးမျှော်စိမ်း
စိမ်း..စိမ်း..စိမ်း
ရင်ခွင်မူးသူအပြောင်းအလဲနဲ့
ဘဝကူးဖို့ အစိမ်းကျိန်စာမှာ နေ့တွေလဲထူးမလာခဲ့ဘူး
အစိမ်းရောင်ရက်စွဲတွေကဒြပ်မဲ့ပန်းချီကားတစ်ချပ်လို
စိမ်းစိမ်းစိုစို ။


ဘယ်ဘာသာနဲ့ထုတ်ဝေမလဲ
G R E E N D A Y လည်း 21 GUN နဲ့ စိမ်း
မင်းနှုတ်ခမ်းတွေလည်း အရောင်မပါပဲ စိမ်း
အိပ်မက်တွေ လည်း နယ်ကျွံလို ကျွံ
နမိတ်ပုံ သင်္ကေတတွေ အပြေးအလွှားအူကြ
ငါတို့နှစ်ယောက်လည်းအရင်းနှီးဆုံးသူစိမ်း
ကဲ..ကွာ...ဒီတော့လည်း
ဘာပဲဖြစ်ဖြစ်တစိမ်းဆန်လိုက်ရအောင်.။



အမည်မဲ့ ၊ nelay






Sunday, August 15, 2010

သတိမရိုင်းရ



ဘာသာခြားခဲ့တဲ့ ငါနဲ့ သက်တန့်ပျို …
ဘာသာမလိုတဲ့ သက်တန့်ကို
ရှု့ခင်းအသေပေါ်က ကြည့်ရတာလှတယ်
ရေမှုန်တွေပါပဲ ငါ့မှာသာ အလင်းယိုင်ခဲ့ရ


မလှပါဘူး။


ကျီးက ငါ့ဂုတ်ပေါ်မှာ
လာမနားတော့တဲ့ ခြေရာ
စူး …. ခနဲ ….


ငါ့ကိုယ်ငါ ခပ်တည်တည်နဲ့ခြိမ်းခြောက်လိုက်တယ်
ကံတရားဆိုတာ လခစား မနက်တို့ရဲ့ ရာဇဝင်မှာ
မနပ်မှန်တဲ့ သောကတပွဲကို ကျိတ်မှိတ်ကျော်ဖြတ်တာ


ကတော် ဖြစ်ဖို့ ကတော်
ကပွဲမှာ ဂီတကို ပျော်တော်ဆက်
တာဝန်အရ ငါက ဟက်ဟက်ပက်ပက်ရီလိုက်ရတယ်


မနက်တိုင်းမျက်နှာသစ်နေရတာ ပျင်းလာပြီ
လက်ဖျံသွေးကြောကိုစမ်းကြည့်တော့
ပုံမှန်ဟာသတွေ ထွက်ကျလာတယ်


တော်သင့်ပြီ လူ့လောက
ကျောက်နံရံပေါ်က အရိုင်းကောင်းတွေရဲ့
ဆေးရေးပန်းချီကို အဖြေရှာတာတော်သင့်ပြီ


မတန်မရာ အိပ်မက်တွေသွားကြားညှပ်ပြီး
သင်္ချိုင်းအတုပေါ်မှာ ငါမအိပ်လိုတော့ဘူး
ညကိုဖွင့်ချလိုက်ရင် ငှက်မဲတွေ
အတောင်ပြောက်တဲ့အမှောင်ထဲ
ရှန်သန်ခြင်းကိုရှာဖွေနေလိမ့်မယ်


အပိုင်းတွေ အဆက်တွေ ချုပ်ရာတွေ
ရောင်းကုန်မဟုတ်တဲ့ ရေပါးစက္ကူလိပ်ထဲမှာ
ပျော်ရွှင်ခြင်းက လောင်မြိုက်နေတယ်


အဲဒီ့ ပျော်ရွှင်မှုတွေဟာ ငါ့ကို မပျော်ရွှင်စေခဲ့ဘူး
ပျော်ရွှင်မှုရဲ့ တကယ့်အနှစ်ဆိုတာ
ရုန်းကန်မှုရဲ့ဒဏ်ရာ
တောက်ပစွာ သေဆုံးထားတဲ့
အရှုံးတွေ အိုင်ထွန်းထားခြင်းဖြစ်တယ် ။


မျှော်လင့်ချက် အူတိုင်တည့်တည့်က
ကြယ်အရိပ်ဟာ ပျော်ရွှင်ခြင်းကို
လှပဟန်ဆောင်မှုနဲ့ လောင်းရိပ်ချထားခြင်းလို့
ငါ့နှလုံးသားက ငါ့စိတ်ကို အကြိမ်ကြိမ်ထိုးဆွနေတော့တယ် ။



nelay





Thursday, August 12, 2010

အခွံ




adam potter




အိမ် ...
အိမ်ကို ပြန်လာတော့
အမေက မရှိတော့ဘူး


အိမ် ...
အိမ်ကိုပြန်လာတော့
အဖေ့ကို မတွေ့တော့ဘူး


အိမ် ...
အိမ်ကို ပြန်လာတော့
အမ ကထွက်သွားပြီ


အိမ် ...
အိမ်ကိုပြန်လာတော့
ငါ့ကိုမတွေ့တော့ဘူး ...


အိမ် ...
အိမ်ကိုပြန်လာတော့
အိမ်
မရှိတော့ဘူးလေ ။



nelay





x.X.x.x.X.x.X.x.X.x.x.X.x.X.x.X.x.x.X.x.X.




shell


home
when i come back home
mother is no more ...


home
when i come back home
cant see dad anymore


home
when i come back home
my sis already left house


home
when i come back home
i cant find myself


home
when i come back home
home
which is no more




(translate by nt)
Nyi Thit






javier carmona caracola







Friday, August 6, 2010

စာရွက်ပုံပြင်



စာရွက်တချို့ကိုလုံးခြေလွှင့်ပစ်လိုက်တော့
တချို့က ကောက်ယူဖြန့်ကြည့်ကြတယ်
စာရွက်တချို့ကိုစုတ်ဖြဲဖြန့်ကျဲလိုက်တော့
တချို့က တစစီပြန်ဆက်ကြည့်ကြတယ်
စာရွက်တချို့ကို ငါ မီးမြိုက်လိုက်တယ်
တချို့က ပြာတွေ နောက်ကို
လိုက်ဖမ်းလို့ကောင်းနေတုန်းပဲ ... ။



nelay










Thursday, August 5, 2010

စိတ်တံတိုင်း



စထွက်ကထဲက အတောင်တွေခြွေခဲ့တယ်
ငါတို့ကလူ
ကိုယ့်လမ်းကိုယ်ဖောက်ပြီး
ကိုယ့်အဆိပ်ကိုယ်သောက်တယ်
ခင်ဗျားလူကောင်းစစ်စစ်ပါလို့ လာလိမ်မနေနဲ့
နားရွက်နောက်က နတ်ဆိုးတစ်ကောင်
ခင်ဗျားကို အပိတ်အဖွင့် လုပ်နေတယ်


သင်ကြားရေးရဲ့ ထိန်းချုပ်မှုအောက်မှာ
စာ သေတယ် အညွှန့်ကျိုးတယ်
စိတ်မာယာရဲ့ ထိန်းချုပ်မှုအောက်မှာ
ပညာ သေတယ် အတွေး ခမ်းတယ်


သေဆုံးခြင်းရဲ့ အကြောင်းတရားမှာ
စာတန်းထိုးတွေတက်လာသလိုမျိုးမဟုတ်ဘူး
မနက်ခင်းပေါင်းများစွာရဲ့အစ
De`javu ပေါင်းများစွာရဲ့ သန္ဓေသား


ငါ့ကို ဒီနွံထဲမှာ အလိုမတူပဲ အသေနှစ်ထားပါ
ဆောင်းရာသီမတိုင်ခင်အထိ
ကမ္ဘာကြီးကို အနွေးထည်ချွတ်မပေးနဲ့
ချွေးတွေနဲ့ အအေးပတ်ခဲ့ရင်
ဖယောင်းတိုင်ထွန်းလို့တတ်နိုင်သလောက်ဆုတောင်းကြပါ


သန့်ရှင်းတဲ့ပျော်ရွှင်မှုအသိုက်အမြုံဆိုတာ
တိမ်ဖုံးနေတဲ့ရပ်ဝန်းအသေတစ်ခုကို
ခွန်အားပြည့်တဲ့မျှားတစ်စင်းက
ထွင်းဖောက်ခွင်းလိုက်တဲ့ နံရံအပေါက်တစ်ခု


ငါ့ စိတ်တွေကို စားသုံးလိုက်တဲ့
စာမျက်နှာဟာ accident တစ်ခုနဲ့ဆေးရုံပေါ်ရောက်နေတယ်


တံတိုင်းခြားလို့ ငိုကြွေးသံကို သွေးသွင်းစရာမလိုဘူးဆိုရင်
ပေးဆပ်ခြင်းရဲ့အလွန်မှာ စမ်းရေတွေ မီးတောက်နေခဲ့တယ်


ငါ့ကို ခြောက်တဲ့ တောမှာ ရှေးလူတွေ သေခဲ့ဖူးပြီ
အင်္ကျီတထည်ရဲ့ လုံခြုံမှု အရှက်တရားကို
တက်မက်လွန်းတဲ့ လူသားတွေ
ဗုဒ္ဓရဲ့နံရိုးတစ်ချောင်းကို ခုတုံးလုပ်ပြီ
ရာသီပျိုတိုင်းမှာ လမင်းကို အူနေကြတယ်


စိတ်တွေရဲ့ စွဲငင်အားမှာ အတ္တတွေကုတ်ဖဲ့တက်လာသလား
မျက်နှာကိုရေထဲနှစ်ပြီး သစ္စာတရားတွေ အန်ထုတ်ကြည့်စမ်းပါ


ဆံပင်မကျန်တဲ့ လမ်းတခုထဲက
စကားလုံးတွေမြှုပ်ထားတဲ့ အသိဉာဏ်ကို
လွတ်မြောက်ခြင်းအလွန်မှာ
လှောင်အိမ်တွေ စောင့်ကြိုနေကြတယ်


လေယာဉ်ပေါ်မှာ သေနတ်သံတွေကြားလား
ဒီကောင် မသေသေးဘူး
တိမ်တွေပျက်ကျသွားပြီ


စာမလိုက်နိုင်တဲ့ ခင်ဗျားရော ကျနော်ရော
ဗိုက်ပြည့်ဖို့ လေရှုနေရတယ်
အဆင့်အတန်း ချုပ်ရိုးပြတ်နဲ့
ငါ့ကို တိုင်းတာချင်ရင်
ပြတင်းတံခါးက ခုန်ချလာတဲ့
နေရောင်ခြည်ကိုဖမ်းသလိုမျိုး ရူးနေလိမ့်မယ်


မျက်နှာဖုံးတို့ရေ …
လူဖြစ်ရတာ ပင်ပန်းခြင်း
လူဖြစ်ရတာ ပင်ပန်းခဲ့ကြောင်း
လူဖြစ်ရတာ ပင်ပန်းမည်ဖြစ်ကြောင်း


မှန်ထဲမှာ စကားပြောတဲ့
မှုတ်သုန်ဆန်ဆန် မျက်ဝန်းတွေအကြောင်းကို
လူမဖြစ်သေးတဲ့ ကလေးက သစ်ရွက်ကြွေတိုင်း
လှောင်ရီနေလိမ့်အုံးမယ်


မြေပြင်မှာ မင်းကို ပြောင်းလဲဖို့
တိမ်တွေ ခိုစီးနေတဲ့ ခင်ဗျားက
နွယ်တွေလို စိတ်ကူးနေရော့ သလား


ငါကုတ်ဖဲ့တက်လာတဲ့ တံတိုင်းတစ်ခုမှာ
ဘဲကလေးက အကြောက်တရားနဲ့
တိမ်တွေမှိုင်းတဲ့ အရပ်မှာ နေရစ်ခဲ့တော့


အစစ်အမှန်မဟုတ်တဲ့ ထီးတစ်လက်အောက်မှာ
မိုးလုံဖို့ ကူးခဲ့တဲ့ စိတ်ကို
အရှင်လတ်လတ်မြေမြှုပ်ပစ်တာပဲ


သေရင် နတ်ကောင်းဖြစ်ချင်တဲ့စိတ်ကူး
သေရင် နိဗ္ဗာန်ရောက်ချင်တဲ့ စိတ်ကူးတွေလဲ
ရေကူးနေတဲ့ ပင်လယ်ထဲမှာ
အခုလောလောဆယ်
တစ္ဆေဘဝမှာ ဆုတောင်းနေရစ်တော့


ကိုးနာရီခွဲပြီ စိတ်တို့ရေ …….
အသက်ဦးပိုင်းမှာ ဖြုန်းခဲ့တဲ့ စိတ်တွေ
သဲနာရီရဲ့ နောက်ဆုံး သဲတပွင့်မှာ
ကြောက်လှန့်ခြင်းကို အဖေါ်ပြုဖို့
အမှောင်ကို ခဏငှားလာခဲ့ပါ
ငါ့ကိုယ်ငါ ခွင့်ပြုလိုက်တဲ့ တံတိုင်းပေါ်က
စိတ်ထဲကို ခုန်ချလိုက်ပြီ …. ။



nelay





Credit to original artist





Wednesday, August 4, 2010

ခေတ်သစ် ၁၉ ဂျူလိုင်



အဲဒီ့နေ့ဆို အရင်ကထက် ငါတို့လူငယ်တွေပိုမှောင်တယ်
အပြင်မထွက်ရအမိန့်နဲ့ ပိုလှောင်တယ်
ကော့နက်ရှင်တွေလဲနှေးမယ်
လမ်းဘေးဈေးသည်တွေလဲ ရှင်းမယ်
မြို့လယ်ခေါင်မှာ သံစူးကြိုးတွေထားမယ်
ဥသြဆွဲသံဆို မီးသတ်ကားတောင် မအူရဘူး
ဘုရားသွားချင်ရင် သွေးဆေးကန်ဖက်မှာ လူရှင်းလို့
ကဗျာရေးမယ်ဆို န ငယ်ကိုအရင်နေ့ကထက်ရှောင်ရတယ်
ဟိုအမကြီးပြောတာ ….
ငယ်ငယ်ရွယ်ရွယ်နဲ့ ထောင်မကျစေချင်ဘူးတဲ့
ကော့နက်ရှင်တွေလဲနှေးလိုက်တာဗျာ
အရင်နေ့လို ဖလန်းဖလန်းမထတော့ဘူး
ငါဘာတွေလုပ်နေလဲ ငါ့အမေရင်ကျိုးမှာစိုးလို့
ဂျူလိုင် ၁၉မှာ ရုံးမပိတ်ဘူးလို့ ညာရတယ်
တီဗီထဲမှာ ကြည့်ပါအမေ လွမ်းသူ့ပန်းခွေဆိုတာ အဲလိုမျိုး
ငါ့သူငယ်ချင်းတွေတောင် ညညသွားနေကြတဲ့ မာဆက်ကိုတောင်
အကြောင်းအမျိုးမျိုးပြပြီး ရှောင်ကြတယ်
အနှစ်၄၀ကြာ မိုးတွေလဲ ရွာတယ်
မနက်ဖြန်ဘာဖြစ်ဖြစ် ငါ့သူငယ်ချင်းတွေ
ဂိမ်းကစားနေတာကောင်းပါတယ် ။



nelay





Wednesday, July 14, 2010

ငါ့အလွမ်းကတစ်ခါတစ်လေ ရုပ်ပျက်ဆင်းပျက်



သကြားလုံးတစ်ငုံစာလောက်
နင့်ကိုလွမ်းတာမဟုတ်ဘူး
အိပ်မက်တွေလည်း အခုဆို
ကာလာနဲ့မမက်ဖြစ်တာကြာပြီ
အရောင်ကျွတ်သွားတဲ့ ဥတုမှာ
နင်က..... တန်ဖိုးနည်း သိက္ခာကိုမှ
တံထွေးဆွတ်ပြီး ငါ့နဖူးပေါ်က ခွာချရက်တယ်
ထွီ..................................
ဒါက အခုခေတ်ရဲ့
ယဉ်ကျေးသော နှုတ်ဆက်သံ
နင်လက်မခံတဲ့ ဂုဏ်သရေရှိ ပန်းဝါတွေတော့မဟုတ်ဘူးပေါ့
အဲဒီပန်းဝါဝါတွေနောက် ငါမလိုက်ဘူး
နင်ကိုးကွယ်တဲ့အလင်းကမျက်စိမှုံတယ်
နင်ပြောတဲ့စကားလုံးတိုင်းက သုညကြွင်းစေတယ် ....
ငါ့အိတ်ကပ်ထဲက လိပ်ပြာအသေကလေး ထုတ်ပေးလိုက်ရင်
နင်နားလည်အောင်မပြောတတ်တဲ့
စက္ကူအစုတ်တွေက
ဘယ်တော့မှ
ဘယ်တော့မှ
ဘယ်တော့မှ
ဘယ်တော့မှ
ကျက်သရေရှိစွာနဲ့ ပိုက်ဆံဖြစ်မလာဘူး
အီဗော်လူးရှင်းသီအိုရီအရ
ပြောင်းပြန်လှန်တရားကနှလုံးသားယဉ်ကျေးမှုမှာ
ဒါရိုက်ထိမှန် ဓမ္မသတ်ကျမ်းအစောင်စောင်မှာ
ငါကျဆုံးခဲ့ပြီ
မာနအတွက်ဒုက္ခကိုဝယ်ခဲ့မိလို့
နတ်ဘုရားမျက်နှာပေါ်က မျက်ရည်ခံမှည့်ကလေးက ငါပေ့ါ
ငါ့ကို သောကြာနေ့မှာ မွေးခဲ့ရင်ကောင်းမှာ
ဟာ...... အလကား ကိုယ့်ကိုယ်ကို ယဉ်ကျေးမှုထင်ပြီး
ခေတ်တခုလုံးကို ပြာချပစ်ရအောင် အဲဒီ တရားကိုးပါးထဲက
ဘယ်တရားကရော အမှန်ဖြစ်လာမှာတဲ့လဲ
အမှားတွေဆိတ်သရေကို နွားစားသွားတဲ့ လပေါင်းများစွာကို
ငါက နေဝင်ချိန်အဖြစ်ပြောင်းပေးခဲ့တဲ့ ကောင်ပါ
ငါပျော်တယ် ငါရီတယ် ငါငိုတယ်
ရီပါ.... ငိုပါ....ပျော်ပါ
အားပါးတရ ငို ရီ ပျော် ပါ
ငါ့ လိပ်ပြာကိုလာလာပြီး
လက်ယပ်ခေါ်မနေပါနဲ့တော့
ငါပြောချင်တဲ့စကားငါ့နားကပြန်ပြန်ကြားနေပြီ
ခဏခဏသွေးတိုးမစမ်းချင်စမ်းပါနဲ့
အပေါ်သွေးအောက်သွေးက ဘယ်တုန်းကမှမညီဘူး
ဆေးရုံပေါ်က မနက်ခင်းဟာ ညှီဖန့်ဖန့်တွေ တောက်လောင်လို့
ငါ့အစွယ်တွေ ငါ့အမြှီးတွေ နင်မွေးပေးခဲ့တဲ့ ကလေးတွေ
နင့်သွေးပြန်ကြောထဲက ငါ့သွေးတွေ
ဒီလောက်ထိ မြစ်တွေစီးဆင်းသံက
ညဘုရားကို မြည်ဟီးလိုက်တဲ့ စစ်ဦးကျိုးသံလား
မျိုးမမှန်တော့ကိုင်းကူးကိုင်းဆက်လုပ်စရာမလို
ဒီပုတ် ဒီပဲ နဲ့ ဒီစကား ဒီနား ဘယ်သွားသွား
စိတ်နဲ့ကိုယ်တစ်ခါမှမကပ်ဘူး
တစ်ခါတစ်လေ အနာပေါ်တုတ်ကျတာ အရသာရှိပ
Globalization ဆိုတာ
ဘာကိုပြောပါလိမ့်
ငါမသိတော့ဘူး
ငါသိတာတွေက
ငါ့ကိုပြန်မသိတော့ဘူး
အဆင့်အတန်းဆိုတဲ့ စကားလုံးရဲ့ ခေတ်ပေါ်အယူအဆဟာ
ငါ့သမ္မကျမ်းစာမှာ ထည့်သွင်းဖေါ်ပြခြင်းမရှိတဲ့
နင်အကြိုက်ဆုံး ဖွံ့ဖြိုးတိုးတက်မှုကြီးပေါ့
ထင်ကြေးနဲ့လျှောက်တဲ့ခရီး နီးသလားဝေးသလား
ဟန်ချက်ဆိုတာ အရိပ်တွေနဲ့ ပူးကပ်မနေဘူး
ငါ ဘာမှမသိသလို နင်ကိုယ်နင်လည်းဘာမှမသိ
အာရုံတွေမစားနဲ့လေ
နေ့မစေ့လည်း ကလေးမွေးကြတာပဲ။
သစ်ရိပ်ခိုမှ လုံခြုံတဲ့
နင့်အဖို့တော့ ငါစကားလုံး အရိပ်က
မလွတ်မြောက်နိုင်တာ ဝဋ်တခုလို့ ချွဲပြပါအုံးလား
ထိုင်ရာကနေမထလိုက်နဲ့ကဝေပျို
နင့်ဝှက်ဖဲတွေထွက်ကျသွားရင်
နင်သိပ်အထင်ကြီးတဲ့ လူတွေ နင့်ကိုအထင်သေးကြလိမ့်မယ်
ငါ့လက်ထဲက ဂျိုကာက ကံတရားဖက်လှည့်ပြီး ငိုနေတယ်လေ
ဟင်း............
ဆွဲလိုက်တိုင်းအပွင့်ကမပေါ်တပေါ်
ငါ့ပီတိနင်ပြန်စားဦးမယ်
ထွီ..........................
နွားအိုရင်မြက်နုကြိုက်သတဲ့ လား
ကြောင်ခံတွင်း ပျက်တော့ သနပ်ခါးမလိမ်းဘူး
နေ့တစ်ထပ်ညတစ်ထပ်နဲ့တစ်နေ့နှစ်နပ်ပေါင်းစားရင်း
ငါတို့ဦးနှောက်တွေခေတ်မီဖွံ့ဖြိုးတိုးတက်လာပြီ
ငါတို့ရဲ့ နာကျဉ်းစရာများနဲ့ မြင့်တက်လာတဲ့
တံတိုင်းတွေကို မျိုးမအောင်တော့တဲ့ ဥတုအိုပေါ်မှာ
အတိတ်အဖြစ် အဆိပ်တွေကျဲပက်ပြီး ချိတ်ဆွဲထားလိုက်ပြီ
ရောင်းဈေးက အပျက်မရဲ့ ရင်နွေးငွေ့လို
ဖွယ်တယ်တယ် အပြုံးနဲ့
တစ်ခါသုံးတွေနဲ့ လေလံပစ်ထားတယ်
တစ်ခါသုံး တစ်ခါသုံးဆိုပြီး
ငါ့အဘိဓာန် လာလာမလှန်နဲ့
အက္ခရာ သရ လည်းတစ်ခါမှမကွဲပြား
ကံ၊ကတ္တားအနေအထားမမှန်တာကြာပေါ့
ကမ်းနဲ့ဝေးရင်လမ်းဖြတ်ကူးစရာမလိုတော့ဘူးဆိုမှတော့
အဆင်ပြေတဲ့တစ်နေ့ နောက်တစ်ခေါက် ပြန်လာမယ်
သွေးနည်းတဲ့ ရပ်ဝန်းမှာ ခေတ္တခဏ ကျောက်ချရပ်နားရင်း ။ ။



အမည်မဲ့ , nelay