Pages

Monday, April 23, 2018

ဘယ်တော့မှ ရှိမလာမယ့် အောင်မြင်ခြင်းမျိုးဆက်သို့


ငါ့ fb ထဲက သေပြီးသား လူတစ်ယောက်က
ငါ့ တင်သမျှမသိစိတ် တွေကို အသဲလိုက်ပေးနေတယ်
ငါ အာရုံတော်တော်နောက်ရတယ်
ဒါနဲ့ ငါ သူ့ကို block မလို့ သူ့ဆီသွားတော့
block button ရှာမတွေ့ဘူး

မနက်မျက်နှာသစ်တော့ မှသတိထားမိတယ်
မျက်နှာမတွေ့တော့ဘူး
ဒါနဲ့
သွားပဲ တိုက်လိုက်တယ်
အရယ်တွေ စိတ်သက်သာရာရတာပေါ့။

မင်းနှဖူးကို တစ်ယောက်ယောက်က တောက်သွားရင် မင်းနာမှာပဲ
မင်းသောက်မယ့်အတွေးအခေါ်ထဲ ငါ့ကို ထည့်ဖျော်မယ်ဆို မင်းခါးလိမ့်မယ်
မင်းရဲ့ လက်တောက်လောက် အတွေးအခေါ်လေး ငါ့ကြောင့် မြင့်မြတ် ကြီးမြင့်သွားမှာစိုးတယ်
လူ့အသိုင်းအဝိုင်းထဲက သတ်မှတ်စည်းမျဉ်းတွေအတိုင်းမင်းနေရစ်ပါ
ငါ့ညတွေမှာ မင်းအပြုံးတစ်ခုနဲ့ လုံလောက်လာလိမ့်မယ်
သုံးလို့မရတဲ့ မင့်ဦးနှောက်နဲ့ခန္ဒာကို ထားခဲ့ပါ
ငါ့ နှလုံးသားဥယျာဉ်က ပွင့်လာတဲ့ အတွေးအခေါ် အသွားတွေဟာ တိမြနေအောင် ထက်လွန်းလို့
မင်းကို ထိရှ နိုင်ရဲ့
မင်းထိမိလို့ ရှသွားခဲ့ရင် ထွက်လာတဲ့ အဖူးတွေကို ကြည့်ပြီး ငါပျော်မိလိမ့်မယ်
မြုံနေတဲ့ နှလုံးသား အရိုင်းတွေကို မင်းဘာလို့ လူ့ယဉ်ကျေးမှုနဲ့ဖုံးအုပ်ထားဘာလိမ့်
ယုံကြည်ချက်တွေဟာ အချိန်ကြာလို့ ပြောင်းလာရင် အဲ့ဒါ ယုံကြည်ချက်မဟုတ်ဘူး
အချိန်ဆိုတဲ့ အရာကတော့ ဟိုတလောက သေဆုံးသွားပြီး
လူ့အဖြစ်ကို ရုပ်ရှင်တွေ စာအုပ်တွေထဲကလို နေထိုင်နေသ၍ လူ့အဖြစ်မဟုတ်ဘူး
ဘယ်လိုပဲဖြစ်ဖြစ် မင်းတို့က ငါ့ထက်ပိုတတ် တယ်လို့ အမြဲထင်ထားပါ
ငါကတော့ နွေဦးရာသီမှာ မိုးမခပင် အရိပ်ကနေ ဟောဟို ပိတောက်ပင် အရိပ်အောက်ကို
Blink နဲ့ ခုန်ခုန်နေရတာ ပျော်နေတယ်။


nelay

Tuesday, December 12, 2017

ညနေ ၃နာရီ အဆိပ်ပင်ကို ရေလောင်းရန်ဂျူတီ

ညနေ ၃နာရီ အဆိပ်ပင်ကို ရေလောင်းရန်ဂျူတီ
သိကြားမင်းက အဆိပ်ပင်ကို ရေလောင်းလိုက်တဲ့အခါ
အနံ့မပါတဲ့ ပန်းတွေပွင့်လာကြတယ်
တစ်ချိန်က မိုးသစ်တောမှာ ငါလဲပန်းအထင်နဲ့ မျော
မိုးသစ်တောကို ကျောခိုင်းထွက်လာတော့
လွင်ပြင်ထက်မှာ နေမင်းနဲ့စကားပြောမိတုန်း
အဆိပ်ခွက်လဲ ရေအထင်နဲ့သောက်ရတာပဲ
ဇီဇ၀ါပင်ဟာ ငါ့ဘ၀တစ်ခုလုံးစုတ်ယူစားသုံး
မသေရုံထွေးထုတ်လိုက်တဲ့နောက်
အစကိုပြန်ပြန်ရောက်နေတဲ့ ငါက
အဆိပ်လင်္ကာ တေးရူးတစ်ပုဒ်
ထွေးထုတ်လိုက်တဲ့ အရာကို
၇ နှစ်နေပြီး ပြန်မျိုချင်တဲ့
ဖုန်းသံမျိုးကို စာအသေမျိုးကို
ဘယ်နတ်ဆိုးအလင်္ကာကျမ်းထဲက
အဆိပ်တော် ၀ိဥာဉ်မျိုးနဲ့ ငါ ကပြရမလဲ
မျက်ကန်းကို နားထဲ အက်ဆစ်လောင်းပေး
မုဆိုးမကိုအပျိုလိုပြန်ချုပ်ပြီးရောင်းစား
မနေ့ကအဖန်တစ်ရာ ငရဲကို
ငါ့အာခေါင်ထဲလောင်းထည့်
ငါ့ဘာသာတွေရဲရဲကြီးထွက်လာတော့မှ
ငါ့ကို “ဘာ’’ ကြီး အကြောင်းတရားလာပြလို့ရော
အဲ့ဒီ့ ကိုယ်ပြောက်စိတ်ဓါတ်တွေကမတိုးတော့ဘူး
ကျောက်ဆောင်ကြားမှာ အိပ်နေတဲ့ ပင်လယ်ဟာ
နေ့ရူးတွေရဲ့ လေနဲ့ တ၀ုန်းဝုန်းနိုးလာတယ်
မင့်ရွှေဖြစ်စဉ်ငွေဖြစ်စဉ်တွေရဲ့ကြား
အကြောင်း မကြား ဘာမကြား
ငါ့ဖုန်းထဲ ခုန်ဝင်ရအောင်
ငါကလဲ အဆိပ်စားပြီးကြီးလာတဲ့အပင်ပါ
ညောင်ပင်လိုစိတ်ဓါတ်တွေနဲ့
ရှေးလွန်လေပြီးသော အတွေးအခေါ်မျိုးနဲ့
ငါ့အခေါင်းပေါ်များ ပန်းလာကြဲနေကြသလား
ငါကလဲမသေခင်ထဲ ပျိုးထားတဲ့ အဆိပ်ပင်ပါ
နေ့အိပ်မက်မျိုးမှာ အစာဝအောင်းစားပြီး
ညဖက် စီးကရက်တိုတွေစိုက်ပျိုးနေတဲ့ကောင်လေ
ငါ့အဆိပ် နံရံမှာ graffiti ရေးရုံလောက်နဲ့
ငါ့နံရံတွေ ရုပ်ပျက်ဆင်းပျက် ကွဲအက်မယ်ထင်နေသလား
ငါမလာခင်ကထဲက ငါ့နေရာငါ့ဝေဆာမှုကို
မိုးထားတဲ့ နံရံစစ်စစ်တွေပါကွာ
မင့်မလဲ တစ်ဘ၀လုံးသာကုန်သွားတယ်
အဲ့ဒီ့ကို သွားသွားပြီး ဘာမှမရကြပါလား
မင့်ရှာရှာနေတဲ့ ဘာမှမရှိခြင်းဆိုတာလေးတောင်
မင်းမရခဲ့ရှာဘူးနော်
ငါ့ ဆီလာရင်တော့ ငါက မင့်ကို
ငါ့ရယ်သံတွေထုတ်ပိုးထားတဲ့
အဆိပ်ပင်လယ်တစ်ခု လက်ဆောင် ပေးနိုင်ပါတယ်
ဒါနဲ့
ညနေ ၃နာရီ အဆိပ်ပင်ကို ရေလောင်းရန်က
မင့် ဂျူတီ။
nelay

Wednesday, March 8, 2017

ရာသီအမြဲလာနေတဲ့ စိတ်ဓာတ်တွေ

ရာသီအမြဲလာနေတဲ့ စိတ်ဓာတ်တွေ


မြို့ထဲကို ရာသီအမြဲလာနေတဲ့ စိတ်ဓာတ်တွေ ဝင်လာတဲ့အခါ
သူတော်ကောင်းတရားတွေလဲ အသံပြောက် ဓမ္မကိုကျင့်ကြံရ
မိုးညှင်းပင်ကြီးတွေလဲ ရာသီမဝင်ခင်ထဲက အရိုးအပြိုင်းပြိုင်းထရ
နံရံအက်ကွဲကြောင်းထဲက ရာသီလာနေတဲ့ စိတ်ဓာတ်တွေယိုထွက်လာကြ
လမ်းမပေါ်က စိတ်ဓာတ်တွေ ရာသီလာရာဖက်ကိုမျက်နှာမူကြ

အိပ်တန်းပျံငှက်တွေလဲ အထက်တန်းစား ရာသီလာစိတ်တွေပေါ်ဖြတ်ပျံကြ
မကိုင်ချင်တဲ့ ဖုန်းသံတွေလဲ ရာသီလာခြင်းနဲ့အတူ ဆူးရှညံစီကြ
လော်စပီကာထဲ ကနေ ရာသီလာနေတဲ့ စိတ်ဓာတ်တွေကုတ်ဖဲ့ထွက်လာ
နားမကြားတဲ့ညနေတွေလဲ ရာသီလာရာအသံအောက် နာကျင်ပြ
မဲမဲမြင်ရာလိုက်ဟောင် နေတဲ့ရာသီလာခြင်းစိတ်ဓာတ်တွေကို
လိုက်ကာအနက်ရောင်ခဏချပြီး ဒီခေါင်းစဉ်တွေကို Bold တင်လိုက်တယ်

ခင်ဗျား သိလား ရာသီလာနေတဲ့ စိတ်တွေဟာ
သူတို့ကိုယ်သူတို့ ရာသီလာနေမှန်းမသိကြဘူး
ခင်ဗျားသိမှာပါ ရာသီလာဖူးတဲ့လူတိုင်းတော့ သိမယ်မထင်ဘူး
ဒါကြောင့် အထက်ဘုရားရော အောက်ဘုရားရော ရာသီလာခြင်းကို ဖန်းဆင်းခဲ့တာ

ရာသီလာနေတဲ့ စိတ်တွေထဲမှာ 
မဟာပထဝီမြေကြီးကို လှုပ်ခါနိုင်တဲ့ 
ရှုပ်ထွေးမှုတွေရှိတယ်

ရာသီလာတဲ့စိတ်ဓာတ်ဆိုတာ 
ကိုယ့်ဗိုက်ကိုယ်ဓားနဲ့ခွဲ အူတွေထုတ်ပြီး 
တခြားလူကိုလိုက်ပတ်နေတာ

တကယ်လို့များခင်ဗျားဘဝမှာ 
ရာသီလာဖူးတဲ့သူတစ်ယောက်ယောက်နဲ့
စကားစမည်ပြောခွင့်ကြုံရင် မေးကြည့်စမ်းပါ

မီးပွိုင့်တွေဟာ စိမ်းနေရာက
ရုတ်တရက်နီသွားတယ်

ဘာလက္ခဏာတွေပြသလဲ
အဲ့ဒီရာသီလာနေတဲ့အရူးစိတ်ဓာတ်တွေထဲ

ရာသီလာခြင်းမှာအတုတွေအစစ်တွေမရှိဘူး
ခင်ဗျားဖက်မှာနေဝင်သလိုကျုပ်တို့ဖက်မှာလဲဒီလိုပဲ

ဟိုးအရင်က ရာသီလာနေတဲ့စိတ်ဓာတ်ကပြောတယ် 
သူ့ဆီဘာစာမှမရောက်ပါဘူးတဲ့ 
တကယ်တော့ 
အဲ့လိုစိတ်ဓာတ်တွေဆီ 
ဘာစာမှပို့ဖို့မကြိုးစားခဲ့ဘူး

ကိုယ့်ဘဝထဲက နိုင်ငံရေး လူမှုရေး
စီးပွားရေး စားရေး ဝတ်ရေး တွေနှုတ်ပြီး 
ကျန်တာကို ဟိုးပင်လယ်စပ်က တောင်ဂုံးလေးပေါ်တင်ခဲ့တယ်
ဒါလဲရာသီလာနေတဲ့ စိတ်ဓာတ်တွေနဲ့ဝေးရာအထင်နဲ့ပေါ့

ငါကတော့အဲ့ဒီ့စိတ်ဓာတ်တွေနဲ့ နှစ်အနည်းငယ်အထိ
လွတ်မြောက်အုံးမယ်မထင်ဘူး

ခင်ဗျားရော ရာသီလာနေသေးလား




nelay

Tuesday, August 9, 2016

မိုးဇက်အိမ်ခဏပြန်လာတော့ဒီစာကိုအိမ်တံခါးကြားထဲညှပ်ထားခဲ့တယ် (၀ါ) ထွီး ရော့ ခင်ဗျား အကြွေ၅၂၈ကျပ်


မိုးပေါ်က ကျလာတဲ့ အထဲမှာ လိုက်ရှာ
မီးလောင်နေတဲ့ သစ်ပင်အောက်မှာလိုက်ရှာ
ရာဇဂြိုလ် လမ်းပေါ်မှာလဲရှာ
သုံးထပ်သားချက်တဲ့ အိမ်ပေါ်တက်ရှာ
ဘောဓိညောင်ပင်အောက်မှာလဲရှာ
ငုတ်တိုပဲကျန်တဲ့လက်ညိုးတစ်သန်းပေါ်မှာလဲရှာ
ခြေဖ၀ါးအကွဲထဲဆားသိပ်ထားတဲ့အနာတွေထဲလိုက်ရှာ
တောင်း ပြန်သယ်ခဲ့တဲ့ သင်္ချိုင်းကုန်းကအပြန်မှာလဲရှာ
သွေးရင်းသားရင်းပဲ ရွေးပါတယ်ဆိုတဲ့ ပညာရှိ မိန်းမအသိဥာဏ်တွေထဲလိုက်ရှာ

FUCK!!!!!!
မတွေ့ဘူး

အိမ်ကဆင်းလာတော့ အိတ်တလုံးနဲ့
လမ်းတစ်ဝက်ရောက်မှ
မဖြစ်သေးဘူး ကျန်နေတဲ့အ၀တ်တွေပြန်ယူဖို့ အိမ်ကိုပြန်လာတော့
အိမ်သော့ဂလောက်က မိုးနတ်မင်းကြီးရဲ့ မေတ္တာတော်နဲ့ အသစ်ဖြစ်နေတယ်
ကိုယ့်အိမ်ကိုယ်ဖောက်ထွင်းဖို့ ရပ်ကွက်လူကြီးကိုသွားပြောပြီးဝင်ရတယ်
နေစရာမရှိတော့ အလုပ်မှာပဲ ခိုးနေရတော့တာပေါ့
ကြွက်တွေနဲ့

ထောင့်ငါးရာတန်လေး မပြဲအောင် လက်ထဲကြစ်ကြစ်ပါအောင်ဆုပ်ရင်း
အသက်ဆက်ခဲ့ပါတယ်

အချိန်ဆိုတဲ့အရာဟာ ငါ့အတွက်တော့ ပရောဂကုထုံးတစ်ခုပဲ
မအောင်မြင်ဘူး အတုအယောင် တတ်ယောင်ကား
ဗိုလ်ဒေါက်တာလေးပေါ့

အော်ဒါနဲ့
ဘုရားကျောင်းတော်ပေါ်က လောက်တက်နေတဲ့ ဆွမ်းတော်ကို
ခင်ဗျားစွန့်ဖို့ မေ့နေအုံးမယ်



nelay


Tuesday, August 11, 2015

ရာဇဂြိုလ် ဆိုင်းဘုတ်ရှေ့မှာ ခွေးဟောင်နေတယ်


ရာဇဂြိုလ် ဆိုင်းဘုတ်ရှေ့မှာ ခွေးဟောင်နေတယ်

မင်းကိုးကွယ်တဲ့ဘုရားပုံဆွဲကြိုးကလေးကို
မင့်ရင်ညွှန့်ကြားအမြတ်တနိုးဆွဲထားတဲ့
မိန်းမက
ငါ့နာမည်ကိုကြားဖူးနားဝတွေထဲလိုက်မေးနေတယ်
မင်းတို့အသိုင်းအ၀ိုင်းထဲက
ကြားဖူးနားဝနာမည်တွေထဲ
ငါပါမလာအောင်
ငါရွေးလျှောက်တဲ့လမ်းက
လူနည်းလွန်းတယ်
ဒါမို့
မင်းတို့ကြားဖူးနားဝတွေလဲ
ငါ့လမ်းမှာမရှိဘူး
တိတ်ဆိတ်တဲ့အသံတွေက
ဆူညံလွန်းလို့
ငါ့မှာဂီတဖြစ်ရတယ်
အသံမကြားရတာကြာလွန်းလို့
လိုက်ရှာနေလဲ
အသံကကိုယ့်ဆီပြန်လာမယ်
ထင်နေကြတုန်းပဲလား
ဘယ်တော့မှပြန်မလာတဲ့အသံကို
မင်းတို့အသိုင်းအ၀ိုင်းက
ကြိုးအစုံနဲ့တီးနေကြပြန်တယ်
ငါမမြင်ပေမယ့်
ငါ့ဆီလာတဲ့လေထဲမှာ
ဗလာကျင်းတဲ့ခံစားမှုအငွေ့အသက်ပဲ
ငါရှုရှိုက်လိုက်မိတယ်
ဖြစ်တည်ခြင်းဟာနှောင့်နှေးလွန်းလို့
လိပ်ပြာဘ၀ကိုပြောင်းပြီး
ပန်းချီကားထဲအပြီးအပိုင်ဝင်အိပ်နေလိုက်တယ်
အခန်းသုညကနေ
နောက်တစ်ခန်းကူးလဲ
မင်းကြားဖူးနားဝငါ့နာမည်က
အခန်းထဲကိုဘယ်တော့မှမ၀င်ခဲ့ဘူး
မင်းရင်ညွှန့်ပေါ်ကဘုရားပုံဆွဲကြိုးမှာရော
ငါ့နာမည်ထိုးထားသေးလား


nelay