သတိမရိုင်းရ

ဘာသာခြားခဲ့တဲ့ ငါနဲ့ သက်တန့်ပျို …
ဘာသာမလိုတဲ့ သက်တန့်ကို
ရှု့ခင်းအသေပေါ်က ကြည့်ရတာလှတယ်
ရေမှုန်တွေပါပဲ ငါ့မှာသာ အလင်းယိုင်ခဲ့ရ


မလှပါဘူး။


ကျီးက ငါ့ဂုတ်ပေါ်မှာ
လာမနားတော့တဲ့ ခြေရာ
စူး …. ခနဲ ….


ငါ့ကိုယ်ငါ ခပ်တည်တည်နဲ့ခြိမ်းခြောက်လိုက်တယ်
ကံတရားဆိုတာ လခစား မနက်တို့ရဲ့ ရာဇ၀င်မှာ
မနပ်မှန်တဲ့ သောကတပွဲကို ကျိတ်မှိတ်ကျော်ဖြတ်တာ


ကတော် ဖြစ်ဖို့ ကတော်
ကပွဲမှာ ဂီတကို ပျော်တော်ဆက်
တာဝန်အရ ငါက ဟက်ဟက်ပက်ပက်ရီလိုက်ရတယ်


မနက်တိုင်းမျက်နှာသစ်နေရတာ ပျင်းလာပြီ
လက်ဖျံသွေးကြောကိုစမ်းကြည့်တော့
ပုံမှန်ဟာသတွေ ထွက်ကျလာတယ်


တော်သင့်ပြီ လူ့လောက
ကျောက်နံရံပေါ်က အရိုင်းကောင်းတွေရဲ့
ဆေးရေးပန်းချီကို အဖြေရှာတာတော်သင့်ပြီ


မတန်မရာ အိပ်မက်တွေသွားကြားညှပ်ပြီး
သင်္ချိုင်းအတုပေါ်မှာ ငါမအိပ်လိုတော့ဘူး
ညကိုဖွင့်ချလိုက်ရင် ငှက်မဲတွေ
အတောင်ပြောက်တဲ့အမှောင်ထဲ
ရှန်သန်ခြင်းကိုရှာဖွေနေလိမ့်မယ်


အပိုင်းတွေ အဆက်တွေ ချုပ်ရာတွေ
ရောင်းကုန်မဟုတ်တဲ့ ရေပါးစက္ကူလိပ်ထဲမှာ
ပျော်ရွှင်ခြင်းက လောင်မြိုက်နေတယ်


အဲဒီ့ ပျော်ရွှင်မှုတွေဟာ ငါ့ကို မပျော်ရွှင်စေခဲ့ဘူး
ပျော်ရွှင်မှုရဲ့ တကယ့်အနှစ်ဆိုတာ
ရုန်းကန်မှုရဲ့ဒဏ်ရာ
တောက်ပစွာ သေဆုံးထားတဲ့
အရှုံးတွေ အိုင်ထွန်းထားခြင်းဖြစ်တယ် ။


မျှော်လင့်ချက် အူတိုင်တည့်တည့်က
ကြယ်အရိပ်ဟာ ပျော်ရွှင်ခြင်းကို
လှပဟန်ဆောင်မှုနဲ့ လောင်းရိပ်ချထားခြင်းလို့
ငါ့နှလုံးသားက ငါ့စိတ်ကို အကြိမ်ကြိမ်ထိုးဆွနေတော့တယ် ။




nelay

အခွံ

အိမ် ...
အိမ်ကို ပြန်လာတော့
အမေက မရှိတော့ဘူး

အိမ် ...
အိမ်ကိုပြန်လာတော့
အဖေ့ကို မတွေ့တော့ဘူး

အိမ် ...
အိမ်ကို ပြန်လာတော့
အမ ကထွက်သွားပြီ

အိမ် ...
အိမ်ကိုပြန်လာတော့
ငါ့ကိုမတွေ့တော့ဘူး ...

အိမ် ...
အိမ်ကိုပြန်လာတော့
အိမ်
မရှိတော့ဘူးလေ ။








nelay



x.X.x.x.X.x.X.x.X.x.x.X.x.X.x.X.x.x.X.x.X.


shell


home
when i come back home
mother is no more ...

home
when i come back home
cant see dad anymore

home
when i come back home
my sis already left house

home
when i come back home
i cant find myself

home
when i come back home
home
which is no more




(trs by nt)
Nyi Thit

အမေ

အမေ …

သားတော့ မီးလောင်နေပြီ

လူတွေကတော့ ရယ်မှာပဲ

သားရင်ထဲမှာ

ကဗျာ …
ကဗျာ …
ကဗျာ …

သက်သာရာ ရမလားလို့ပါ
(ဒီတစ်ခါတော့ဖြင့်)

ဝမ်းရေစပ်ရင်လည်း

နည်းနည်းခွင့်လွှတ်ပါအမေ

သားတော့ မီးလောင်နေပြီ။



သျှစ်မှူးကျော်
~ ထူးအိမ်သင် ~

ခေတ်သစ် ၁၉ ဂျူလိုင်

အဲဒီ့နေ့ဆို အရင်ကထက် ငါတို့လူငယ်တွေပိုမှောင်တယ်
အပြင်မထွက်ရအမိန့်နဲ့ ပိုလှောင်တယ်
ကော့နက်ရှင်တွေလဲနှေးမယ်
လမ်းဘေးဈေးသည်တွေလဲ ရှင်းမယ်
မြို့လယ်ခေါင်မှာ သံစူးကြိုးတွေထားမယ်
ဥသြဆွဲသံဆို မီးသတ်ကားတောင် မအူရဘူး
ဘုရားသွားချင်ရင် သွေးဆေးကန်ဖက်မှာ လူရှင်းလို့
ကဗျာရေးမယ်ဆို န ငယ်ကိုအရင်နေ့ကထက်ရှောင်ရတယ်
ဟိုအမကြီးပြောတာ ….
ငယ်ငယ်ရွယ်ရွယ်နဲ့ ထောင်မကျစေချင်ဘူးတဲ့
ကော့နက်ရှင်တွေလဲနှေးလိုက်တာဗျာ
အရင်နေ့လို ဖလန်းဖလန်းမထတော့ဘူး
ငါဘာတွေလုပ်နေလဲ ငါ့အမေရင်ကျိုးမှာစိုးလို့
ဂျူလိုင် ၁၉မှာ ရုံးမပိတ်ဘူးလို့ ညာရတယ်
တီဗီထဲမှာ ကြည့်ပါအမေ လွမ်းသူ့ပန်းခွေဆိုတာ အဲလိုမျိုး
ငါ့သူငယ်ချင်းတွေတောင် ညညသွားနေကြတဲ့ မာဆက်ကိုတောင်
အကြောင်းအမျိုးမျိုးပြပြီး ရှောင်ကြတယ်
အနှစ်၄၀ကြာ မိုးတွေလဲ ရွာတယ်
မနက်ဖြန်ဘာဖြစ်ဖြစ် ငါ့သူငယ်ချင်းတွေ
ဂိမ်းကစားနေတာကောင်းပါတယ် ။





nelay

ဇီဇဝါ ဝင်္ကပါ

ငါ့ရဲ့ကွေးကောက်တဲ့ ဆံပင်တွေကြားမှာ
မနေ့တနေ့က ပျက်ကျလာတဲ့ လေယာဉ်ပျံကိုဝှက်ထားတယ်
ငါနဲနဲချင်း စားသုံးနေတဲ့ စက္ကန့်တွေထဲမှာ
ပြောလို့မကုန်နိုင်တဲ့ မွန်းကြပ်မှုကိန်းဂဏာန်းတွေ ပြေးလွှားနေကြတယ်

အသိတရားမျက်ဝန်းထဲမှာ ရပ်နေတဲ့ အရှုံးကျောက်စာတွေဟာ
လျှောက်လာသမျှ အနက်ရောင်မြို့များဆီက ကပ်ပါးပိုးတွေပဲ
လောကနီတိထဲက ဆံပင်အနီရောင်နဲ့ မိန်းမ
တချိန်ကငါ့မိန်းမဖြစ်ခဲ့ရင် ငါ့နာမည်ပြောင်းဖို့
ဘယ်နတ်ဘုရားဆီမှခွင့်တောင်းမနေဘူး

ဒီလိုထွက်သွားတိုင်းသာ နှင်းဖြူတွေနဲ့ စိုထိုင်းဆမများဘူးဆိုရင်
ငါ့အလုပ်ငါလုပ်ပြီး နံရိုးနောက်က ထိုးထိုးဟောင်နေတဲ့
သန္ဓယုတ်ကိုအစာကြွေးနေရအုံးမယ်

ယင်နားစာ မနက်ဦးဆီက
ဦးခေါင်းပြောက်လို့ ရှာနေတဲ့ ကတ်ကြေးတွေ
နှလုံးရောဂါနဲ့ ဖခင်အိုကြီးကို အသံတိတ်လုပ်ကြံခဲ့တဲ့ သမီးက
ငါ့အရွက်ခြောက်များကြားမှာ တအုံတနွေးနွေး

ဆေးကြွေးမှားတဲ့ အရိပ်လက္ခဏာနဲ့
ငါ့အိတ်ကပ်တွေက ကားခပြန်တောင်းတိုင်း
အလွမ်းတွေ ပြည့်လျှံလောင်မြိုက်ဖူးတယ်

ဖုန်ထလို့ရေဖြန်းလိုက်တဲ့ မျက်နှာ
ငါ့ကဗျာထဲက ကမ်းနဖူးပေါ်မှာ သိုက်တူးတဲ့ ကျီးတအုပ်ကို
ချုပ်မရတဲ့ ငါ့ရင်ဘတ်ပျိုက နှလုံးသားတွေ လက်ဆောင်ပေးနေပါတယ်

မနေ့က သိမ်းထားတဲ့ ငါ့မြို့စုဗူးလေး ကျန်းမာရေးမကောင်းလို့
သူ့ကိုယ်သူ ပြန်ကုဖို့ သူ့ကိုယ်သူ ရိုက်ရိုက်ခွဲနေလိုက်တာ
သူမလိုချင်တဲ့ အောင်မြင်မှုအတုတွေပဲ ထွက်ကျလာလို့
အောင်မြင်မှုငတ်နေတဲ့ သူ့မြို့ပျိုမလေးကို ခေါ်ပေးချင်နေလိုက်တာ
ဘယ်လို ........ ဘယ်ပုံ ......... ဘယ်အသံမှ မကြား .................

တိမ်ဦးရင်ခွင် နံနက်မှာ အစီအစဉ်အသစ်နဲ့
မျက်နှာကျက်အစိုပေါ်မှာ လင်းနေတဲ့ကြယ်ကလေးရေ
ငါတော့မော့ကြည့်ဖို့ မျက်လုံးနဲ့ ဦးခေါင်းကို ဇလုံထဲမှာ
မွှေနှောက် အနာဂတ်ခြောက်အိပ်မက်နဲ့
လင်းမရဥယျာဉ်ထဲမှာ ပန်းဦးတွေ မပွင့်ဖူးတော့တာ ဆန်းသလား

ငါဟာလူတွေကြားက ပြန်လာပြီးတိုင်းလူညှီစော်ကိုနှစ်ခြိုက်စွာရှုရှိုက်
ငါပြန်အန်လိုက်တဲ့ အိပ်မက်ဆိုးတွေ ကမ်းပုတ်တဲ့လှိုင်းကို
အတ္တ၀မ်းကွဲ သံနဲ့ အကြိမ်ပေါင်းများစွာ နားဆင်နေရတယ်

သံယောဇဉ်အထွေးလိုက်ခွေလိမ်ထားတဲ့ အသိုက်အမြုံကလေးဟာ အိမ်ဖြစ်ခဲ့ရင်
ငါ့ခေတ်ငါ့အခါမှာ တမျှင်ချင်းစီရှင်းထွက်သွားတဲ့ ကြိုးတွေက
ငါတော်လို့လား …………….. ငါညံ့လို့လား …………….
အမေကမီးဖိုချောင်ထဲမှာ သူထမ်းထားတဲ့ နေလုံးကိုလွှတ်ချပြီး
အိမ်ရှေ့ဧည့်ခန်းထဲမှာ သကြားမပါတဲ့ မေ့ဆေးခါးကြီးတခွက်ကိုသောက်နေတယ်
အဖေက ကျည်ဆံကုန်နေတဲ့ ငါ့ကို လက်ဆွဲပြီး ဂျူးတွေနဲ့ တန်းစီခိုင်းထားတယ်
ဟစ်တလာရဲ့ လက်ဖြောင့်အဆိပ်ငွေ့တွေက ပြန်နေကြ ငါ့လမ်းကလေးပေါ်က
ရေမှုံနဲ့ဖုန်မှုံတွေရောထားတဲ့ ရနံ့ငွေ့တွေဖြစ်တယ်
အချင်းချင်းပြန်စားကြတဲ့ ပွဲမှာ လတ်လတ်ဆတ်ဆတ်ရီသံတွေမှောင်လာတယ်
အားလုံးပြီးသွားပါပြီ အမှန်တော့ အားလုံးအစကိုပြန်ရောက်သွားတာ

၁။ နငခညေိ်ျြူံတိေုူလဖခာတမနြ်ုေိူ့်ျေိ
၂။ နငတသမ့ျေို်ိခလာဖထြု့တူုဒုယာခထြာူု
၃။ြုိုူ့ငြကငနတင်ြဖုိူခြလယာဖြု်ုတနြုမ၍သစငိသြ်ေု

အဖြေရှာတဲ့လူတွေသေကုန်ပြီ
အမေးတွေနဲ့ ကြိုးတင်းနေတဲ့ ရပ်ဝန်းမှာ
ကလေးတွေကို ခေါ်မလာနဲ့ အားလုံး မီးရှို့ချလိုက်
ငါတို့အမှားပေါ်က အဖြူစက်ကလေးကို လောင်မြိုက်ချလိုက်
ကျမ်းကျိန်တယ်ဆိုတာ ဖောက်ဖျက်မဲ့လူတွေအတွက်ပဲလိုအပ်တာပါ

မနေ့တနေ့ကကျွန်ဘဝနဲ့ ဒီနေ့မနက်ဖြန်ကျွန်ဘဝ
ငါ့ကလေး ငါပြန်ခိုးနေရတဲ့ဘဝမှာ
အစိမ်းက ငါ့ကို မျက်ရည်ကျစေတယ်
အစိမ်းက ငါ့ကို မွဲခြောက်စေတယ်
အစိမ်းက ငါ့ကို သေစေတယ်

ဆပ်ပြာပူဖောင်းကလေးရေ ပေါ့ပါးမယ်ဆိုရင်
ဇီဇဝါဝင်္ကပါထဲ ငါ့ကိုလမ်းကြုံခေါ်သွားစမ်းပါကွာ ။







nelay

ဥယျာဉ်ဝှက်အလွမ်း

ငါတို့ရဲ့အိမ်ရှေ့ခန်း နှစ်ယောက်ထိုင်ခုံပေါ်မှာ
အစာအိမ်နှစ်ခု အစာခြေဖို့ မေ့နေတဲ့ အဟုန်နဲ့
လူသတ်သမားကို မှန်ထဲမှာ ပြုံးပြခဲ့ကြတယ်
ဒါကို အယုံသွင်းတဲ့ ကံကြမ္မာစက်ဝန်းအတွင်းက
မျက်ရည်စက်တွေ ငါ့လက်ထဲ ပွင့်ကြွေပြတ်ကျ
ပုန်းခိုနေတဲ့ တောအုပ်ထဲက အစိမ်းရောင်ညများ
ပြတင်းတံခါးမှာ ပြတိုက်မျက်နှာဖုံးနဲ့ ရီနေကြတယ်
ဘယ်မလဲ ကဝေ ဘယ်မလဲ
လမင်းရဲ့ မှောင်ရိပ်သာ တောအုပ်ကိုဝါးမျိုမသွားဘူးဆိုရင်
ညနေ ၆နာရီ ကျိန်စာလဲ ငါစောင့်နေကြ လှေကားထစ်များကို
ရေတွက်နမ်းရှိုက်ပေးလိမ့်မယ်
အတွက်အချက်ညံ့တဲ့ လက်ချောင်းများထဲမှာ
ငါ့ကိုသုညက လက်ညှိုးဖြစ်ခွင့်မပေးခဲ့ဘူး
စိတ်သဘောတွေကြီးစိုးသွားတဲ့ အတ္တမှာ
နတ်ဘုရားကိုသတ်တဲ့ ၀ိဥာဉ်က နှစ်ခါပြန်သေရတယ်
တိမ်ဆိုင်တွေ ကိုးကွယ်ရတဲ့ ကဝေစိတ်တွေ
နတ်ဘုရားကို သတ်တဲ့မာယာပန်းဆိပ်တွေလဲ
သွေးကြောထဲက မျက်ရည်အပိုင်းအစများနဲ့
ငါ့အစိမ်းရောင် ပန်ဒိုရာလေးထဲ ကဝေရယ် အမုန်းရယ်ထိခတ်
အမိုက်တရားနဲ့ သီကျူးငွေ့ရှိုက်လို့
အပွင့်တွေ နီမရတော့တဲ့ ၀င်္ကဘာ
အပြုံးတွေဘာလို့ သေချာချင်နေခဲ့
အရှေ့တစ်လမ်းသွား ဥယျာဉ်မှာ အမှောင်က ၀တ်တွားငြိမ်သက်
အပျော်ရောင်နောက်ကျိကျိ ဘ၀ထဲမှာ
လျှပ်ပြက်ယုံကလေး အရသာခံဖို့ ကျောင်းဆင်းပေးတဲ့ညနေတစ်ခုပါ
ငါ့ကိုကျမ်းပြုပြီး သေချာတယ်ဆိုတဲ့ ကံတရားကို
ဟာသမှတ်စုထဲက ကဝေ နင့် လက်မှတ်ထိုးဖို့လက်တွေ
ငါ့အိပ်ကပ်ထဲမှာ နှစ်ခြိုက်နေကြတယ် ။





nelay

စကားနက်

နှလုံးသွေးခဲ အအေးဒဏ်ကို ကာကွယ်ဖို့
အသက်ဓါတ်ကို ခုန်မင်သေးတဲ့ သူက
သူ့ သက်တန်းတစ်လျှောက် ချုပ်နှောင်လာတဲ့
ဖြူစင်မှု အမှောင်ကို
မီးပုံထဲ ပစ်ထည့်လို့ သူ့ခန္ဓာအနွေးလုံခဲ့တယ်

လက်ကျန်ပန်းကန်ထဲက လက်ဖျံရိုးကို
စုန်းစားမှာကြောက်တဲ့ သိက္ခာ အညစ်အနွမ်းနဲ့
ပုဝါဖြူထုတ်လို့ အမှားကို အမှန်လုပ်ပြီး
တစ်ဘ၀စာငြိမ်းအေးဖို့ ယုန်ဖြူကို သူကြွေးအုံးမယ်

ဝှက်ဖဲထဲက ပြုံးနေတဲ့ အညတရ ရင်ခုန်မှုမျိုးနဲ့
စိတ်ကုန်နေတဲ့ ဂီတကို ၀တ္တရားအရ သူထုတ်တီးလိုက်တယ်
စက္ကူ ငွေ စက္ကူ ငွေ စက္ကူ ငွေ စက္ကူ ငွေ စက္ကူ ငွေ

အပြုံးတွေ ဟိုတုန်းက အခန်းငါးမှာ မျှားခဲ့ဖူးတဲ့ သူ
စိတ်ကူးယဉ် အစီအစဉ်များနဲ့ သွေးကြောထဲကို
ကြယ်တပွင့် အဆိပ်ထိပြီး ကြွေကျသွားတယ်

လှလိုက်တာ ……………………….

လှောင်ချိုင့်ထဲက ပင့်ကူအိမ်မှာ ပန်းတွေပွင့်နေကြပြီ
သူက ငေးမော အမြစ်တွေပြောတဲ့ အထဲမှာ
သမုဒ္ဒရာပေါ်က ခွေးရူးတစ်ကောင် တောင်ဥက္ကလာအမှောင်ထဲ
သူတော်ကောင်း ယောင်ဆောင်နေတယ်

ငါ့ကိုယ်ငါသက်ပြင်းချပစ်လိုက်ရ ………………

ဝေခွဲမရတဲ့ ယုံကြည်မှုနတ်ဘုရားမှာ
လိပ်ပြာအန်ခဲ့မိတဲ့ ဒီနှလုံးသားကို
ကျိန်စာအတိပြီးတဲ့ သံပတ်လှောင်အိမ်ထဲပစ်ချ

လှလိုက်တာ ………………………………….

ဥပမာဆိုကြပါစို့
သူ့မျက်ဝန်း စဉ် တည့်တည့်က
ဒုတိယကမ္ဘာကြီးသာ ငါဖြစ်ခဲ့ရင်
မဖွယ်မရာညကြီးထဲက ပြောဖူးသမျှတွေ
ပြန်အန်ထုတ်တဲ့
မြေကြီးစား သတ္တ၀ါတွေလဲ မြေကြီးဖြစ်လို့

စာအိတ်ထဲက ချိန်ခွင်လျှာက အတွေးအခေါ်မရှိတဲ့
ကိုယ်ပိုင်နာမ်စားကို ထွေးထုတ်ပြီး
နာမ၀ိသေသနတွေနဲ့ ကြိုးမဲ့ ရုပ်သေးလုပ်နေတယ်
ငါသနားမိ …………………………………….
မဟုတ်ပါ ထိုအစီအစဉ်ညံ့ကြောင်း
လက်ခုပ်တီးပြီး အားပေးအုံးမှာမို့
ယုတ်စွအဆုံး ကန့်လန့်ကာချပြီး ဂုဏ်ပြုနိုင်ပါတယ်

ငါ့သချိုင်္င်းအိုပေါ်က လမင်းတစ်ရာကို
မျက်မှန်မပါပဲ ကျိန်ဆိုလိုက်ပါရဲ့ ….
အစဉ်လွဲ စကားနက်တွေထဲ အလင်းနှစ်တွေဝေးလို့
သူမမြင်ရဘူး ….. ငါမမြင်ရဘူး ….
သူမမြင်ရဘူး ….. ငါမမြင်ရဘူး ….
သူမမြင်ရဘူး ….. ငါမမြင်ရဘူး ….။






nelay

လိပ်ပြာလှိုက်သံ

ထိုညဆိုးများစွာ၌ အနက်ရောင်အိပ်မက်ပုရပိုက်ကို

မှတ်ဥာဏ်၏ ကူးလူးယှက်သွယ်ပုံအမှားဖြင့်

နှလုံးသား၌ သွယ်တန်းထားရ၏

အစီအစဉ်များမှာ ထိုသို့လွဲချော်သွားသော

ညရထား၏ ငါ့အံဝှက်ထဲ၌ တိကျစွာခုတ်မောင်းနေကြသည်

လေအေးမှဖြစ်ပေါ်လာသော အသံတို့စွဲငင်ရာမှ

ငါ့မျက်နှာမူရာတိုင်းတွင် လာမည့်၁၄ရက်အလွန်ကို

ညကျိုးအိပ်မက်ထဲမှ မျှား၍မရနိုင်တော့

ထိုရာဇ၀င်အပြစ်ဒဏ်မှဆွဲယူသောအခါ

လမင်းငတ်စွတ်ပုံနောက်ပြန်မျက်နှာအားတွေ့ရ၏

ခရေစမ်းကလေးပေါ်မှာ စက္ကူလှေများနှစ်မြုပ်ကြသည်

ပျော်ဝင်သွားသော ပြာတို့၏ခိုတွယ်ငြိကပ်ပုံမှာ

လိပ်ပြာမျက်နှာအား လက်ဖျံသွေးကြောပေါ်၌ပြန်မြင်ရသူ

သူရူး၏ မဟာရက်ကြမ်း အိပ်မက်အဆန်းကြီးသာဖြစ်ခဲ့သည်

ထိုဆံပင်ညှပ်ဆိုင်အား ငါမရောက်ဖူးခဲ့

ကွေးကောက်သော လက်ချောင်းများဖြင့်သာ

အဆာပြေဖြတ်ချဖူးသော မိုက်မဲမှုအရှည်များ၏ဆက်သံ

မေ့လျှော့ခြင်း၏ ထွက်ခွာမှုတစုံတရာကို

စက္ကူလူသားတိုင်း ပြန်တမ်းတဖို့ သုဿန်ကြမ်းပြင်တခြမ်း

ရထားသံလမ်းပေါ်က အေးစက်ခြင်းတစ်စုံတရာကို

နားဖြင့် လှိုက်ခိုပြီးနောက် လမ်းလျှောက်ဖို့ မီးတောက်ကြရသည်

ငါ့အားငါဖြင့် ပြုပြင်မွန်းမံ၍မရသော အခိုက်အတန့်များတွင်

ကြောက်လန့်တကြား နာရီအတွင်းမှ စကားပြောသံများ၏

ချိုမြိန်မှုခါးသီးမှု အသိတရားအတုများဖြင့် ဆုံးမစကားဆိုဖို့မတန်ခဲ့တော့

အဖြူရောင် အိပ်စက်ခြင်းမျိုးဖြင့် တိမ်ငွေ့တို့အားရှုပါ

ကြည်လင်အေးမြမှုဖြင့် မြက်ခင်းတို့အားခိုတွယ်ပါ

တောက်ပသောလောင်ကျွမ်းမှုဖြင့် လမ်းအားထမ်းခေါ်ပါ

မှန်တံခါးပေါ်မှ ရေငွေ့တို့၏ သေဆုံးခြင်းဖြင့်

ရေစီးကြောင်းအား တဖန်ပြန်လည်မွေးဖွား

ငြိမ်းချမ်းခြင်းရပ်ဝန်းမှာ ငါ့တံခါးအားဖြုတ်ထားခဲ့ပြီး

အနီရောင်ဖြစ်တည်မှုမှာ လောင်မြိုက်တောက်ပနေရသည်။






nelay

မီးပျိုး မိတ္တူ

မီးကိုသိုဝှက်ထားတဲ့ ရင်ဘတ်တစ်ခုက
အောက်စီဂျင်နဲ့ မတည့်ဘူး ....... နိုရာ
လေတွေ တဟူးဟူးတိုက်နေတုန်းက
ငါ့ရင်ဘတ်ကို ကြိုးခြည်ပြီး
တိမ်တွေထဲ လွှတ်တင်ခဲ့တဲ့ နိုရာ
တိမ်ညစ်မဲတွေ ငါသောက်ပြီး
အတ္တတွေ ရုန်းကန်ပျိုးတက်လာတော့
ဟိုး ဝေး ဝေး အစွန်းတဖက်မှာ
ဘယ်တော့မှ မဆွဲယူခဲ့တဲ့ လက်ညှိုးကလေးနဲ့
ငါ့ကို ကြိုးဖြတ်ခဲ့တဲ့ နိုရာ
မှောက်လိုက် … လှန်လိုက်
မှောက်လိုက် … လှန်လိုက်
မှောက်လိုက် … လှန်လိုက်
လွှင့် …. လွှင့် …. လွှင့် ….

မီးကိုသိုဝှက်ထားတဲ့ ငါက
အောက်စီဂျင်လို လူတွေကို ရှောင်တယ်
သူတို့ လောင်ကျွမ်းသွားမှာ ငါစိုးလို့
Ch3M!CaL မပါတဲ့ ဒြပ်စင်တစ်ခုဟာ နိုရာပေါ့
ချို့ငဲ့မှုနဲ့ သိမ်းပိုက်သွားတဲ့
ဝိဥာဉ်ကို ငါ့သွေးကြောထဲက စုတ်ထုတ်လိုက် နိုရာ
အသင့်စားသုံးဖို့ ထုတ်ပိုးထားတဲ့
ရုပ်ဝတ္တုတွေဟာ ကာဗွန်သိပ်များတယ် နိုရာ
လူဆိုတာ မီးနဲ့မတွေ့ခင်တော့ ရှုလို့ကောင်းတဲ့
အောက်စီဂျင်တွေပဲပေါ့ သတိထားပါ ....... နိုရာ
ပေါက်ကွဲတတ်တဲ့ အရာတွေထဲမှာ အနုမြူထက်ဆိုးတယ်
အပေါ်ယံ ချိုမြိန်မှုတွေဆိုတာ
မစင်ကို သကာသုတ်ထားတာပဲ ....... နိုရာ
ဝင်္ကဘာအစွန်းထဲမှာ မျက်လုံးတွေ လမ်းလျှောက်နေကြတယ်
ကမ္ဘာကို မျိုချထားတဲ့ လူ့ပါးစပ်တွေဆိုတာ
အဆင့်မြင့်လာတဲ့ ဆုတ်ယုတ်မှု စက်ရုံတွေပဲ ....... နိုရာ
ပျံရင်းပဲသေသေ မြက်ခင်းထဲမှာပဲ သေသေ
နံရံရဲ့ အခြားတစ်ဖက်မှာ ရာထူးတွေမရှိဘူး
ဂုဏ်ပကာသနတွေမရှိဘူး
ဒယ်အိုးပဲရှိတယ် ....... နိုရာ
အကြိမ်ကြိမ်တိုက်ချွတ်လို့ ပြောင်လက်လာတဲ့ ဖိနပ်တွေ
ငါမ၀တ်ချင်ဘူး သူတို့လျှောက်မဲ့လမ်းတွေ မသန့်ဘူး ....... နိုရာ
ဖြူစင်မှုကို အပျိုစစ်မစစ်နဲ့ တိုင်းတာဖို့နဲ့
စိတ်ဓါတ်တွေ စစ်ထုတ်ဖို့ဆိုတာ မုန်းတိုင်းထဲက
အလွန်ရှားပါးတဲ့ တွယ်ကပ်သွပ်မိုးကလေးပါပဲ ....... နိုရာ
မိုးကြိုးနဲ့အလင်းတန်းကို ငါ ခိုဝင်နမ်းရှိုက်
ကြိုးတန်းလန်းနဲ့ ငါ မိုက်တယ် ဆိုတာ
ငရဲသွားမဲ့ မင်းကို မမှီပါဘူး ....... နိုရာ
လူ့ကျင့်ဝတ်ကို သင်ကြားပို့ချပြီး လူ့ကျင့်ဝတ်ချိုးဖောက်တဲ့ ဆရာက
တပည့်ငမိုက်သားတွေကြား သူတော်ကောင်းလုပ်နေကြပြီ ....... နိုရာ

ငါဘယ်လောက်ထိ လွှင့် ရအုံးမှာလဲ
မီးခိုးခေါင်းတိုင်းတွေ အလွန်ထိ
လယ်ကသင်းရိုးတွေ အလွန်ထိ
အင်တာနက် အနှေးပြကွက်တွေ အလွန်ထိ
အိမ်တွင်းအကြမ်းဖက်မှုတွေ အလွန်ထိ
တရားသမားအယောင်ဆောင်တွေ အလွန်ထိ
ငါ့ကို လိုက်သတ်နေတဲ့ ငါ့အရိပ်တွေ အလွန်ထိ
ငါဘယ်လောက် လွှင့် ရအုံးမှာလဲ ....... နိုရာ ။






nelay

ပါးစပ် စစ်များ

ဘယ်လောက်ထည့်ထည့်မလောက်ငှဘူး
ဘယ်လောက်ထွေးထွေးမကုန်တော့ဘူး
ရွံ့စရာတွေ ပစ်ချွဲချွဲတွေ လာလာမထည့်နဲ့
သွားကြားထဲက အပုတ်တွေကော်ထုတ်
မသတီစရာတွေ သကာ သုတ်ပြီး ထွေးထုတ်လိုက်တယ်

ကျေးဇူးတရားမသိသူ သူ့ကိုဖြူဖွေးအောင် တိုက်ချွတ်
ကြွေရောင် အရီ ပြိုးပြိုးပျက်ပျက်နဲ့ လက်ဆွဲနှုတ်ဆက်အုံးမယ်
မဖြစ်မနေသုံးရတဲ့ နာမ်စားကိုပဲ သူဝါးမိသလိုလို
သွားကြား
သွားကြား
သွားကြားညှပ်လို့

နှုတ်ခမ်းနီဆိုးမထားဘူး ရာစုနှစ်ရဲ့ သွေးတွေသောက်ထားတာ
ပါးစပ်တွေက နှုတ်ခမ်းငတ်သလိုမျိုး အလင်းတိုးအားနဲ့
ကျယ်လာတဲ့ တော်သလင်းလကို ထိုင်ကြည့်

ဘဲကလေး ထုတ်နှုတ်ဖူးသလို either swim or sink method နဲ့
အဲဒီ့အပေါက်ထဲမှာ ဠာန်ကရိုဏ်းကျကျ လျှာတွေစိုက်ပျိုးထားတယ်

ညည အိပ်နေရင်တောင် ပလုပ်ပလောင်းနဲ့ ဘာတွေပြောနေလဲ
ဟိုတလောက နာဆာ ဖမ်းမိတဲ့ အမျိုးအမည်မသိ အသံလှိုင်းက
အဲဒီ့ အသံ
အစားအသောက်စားပြီးရင် မီးခိုးငတ်ရတာ မောတယ်

၁ ၂ ၃ ဆိုပြီး ဂီတသံစသလို
အူဝဲ ၀ါးးးးးး ဗြဲ ဆိုပြီး ပါးစပ်က စတယ်
ဟူးးးးး အင့် အားးးးးးးး ဒါမှမဟုတ် ဘာသံမှမထွက်ပဲ သေတယ်

၆ နာရီသတင်းကြည့်ပြီး ၇ နာရီ ရုပ်ရှင်ကြည့်တဲ့
ပါးစပ်တွေက အရှေ့တမျိုး ကွယ်ရာတမျိုး ပြောတတ်တယ်

ခေါင်းတွေလှည့်တဲ့ ဖက် ပါးစပ်တွေလိုက်လှည့်
ခေါင်းတွေ ရမ်းတဲ့ဖက် ပါးစပ်တွေ လိုက်ရမ်း
ခေါင်းတွေ ခါသလို ပါးစပ်တွေ လိုက်ခါ
အမွှေးအမျှင်တွေကြားမှာလဲ ပုန်းနေတတ်တယ်

တခြားလူကို ကြင်နာပြရင်တောင် သူ့ကိုကြင်နာတယ်အထင်နဲ့
ပါးစပ်တွေက ဟစိ ဟစိ လွမ်းနေတတ်တယ်

နှလုံးသား အစမ်းအစားထိုးကုသရာမှာ အစမ်းသတ်ခံသက်သက်
မိသားစုနဲ့မတော်တဲ့ အကြောင်း ဆရာဝန်က
အဲဒီ အပေါက်နဲ့ သတင်းကောင်းပါးတယ်

ဒါက ပါတီ မညီမျှမှုနဲ့ ဆိုင်လား ဘာဝါဒတွေ ၀ါးမိသွားလို့လဲ
ပြောစမ်းပါ အနုပညာ အလုပ်လုပ်တဲ့ ပါးစပ်တွေ

အ နေရင်တောင် အကောင်းစားမုသားတွေမထွက်ချင်နေမယ်
အကောင်းစား သေချင်းဆိုးငှက်ပျောသီးကို စားကြအုံးမယ်

သွေးပြန်ကြောတွေ အဆက်ဖြတ်လိုက်လို့ စီးစရာမရှိတဲ့
ဒီအပေါက်တွေ သွေးငတ်နေရတယ်
အဲဒီ့ လုံးရာ ကနေ ပြားသွားတဲ့ စကားလုံးတွေပဲ မ၀ါးပဲမျိုချ
ခွင့်ပြုပါ
ဝမ်းမြောက်ဝမ်းသာ
ဂုဏ်ပြုလွှာနဲ့
ကျေးဇူးတင်လွှာ
တရားနာရတာ တရားတွေ နာကျင်သလို
ငုံထားရတာ ကိုယ်ဝန်ရသလိုပဲ

ပတ်ဝန်းကျင်ကလဲ လက်ခုပ်တီးကြတော့
မောင့်ကျက်သရေထုတ်ပြီး ပုဆိုးအစိမ်းတွေထုတ်ဝတ်ကြအုံးမယ်
အဲဒီ့အပေါက်တွေက နငယ် မလုပ်ပါဘူး
ငါ့ကဗျာ တပုဒ်ပြန်ထုတ်နှုတ်ရရင်
ဒီနေရာမှာ သွားကြည့်ကြပါ ဒီနေရာမှာ သွားမကြည့်ချင်လဲနေပါ
မုတ်သုန်ကာလမို့ မိုးရွာချင်လဲ ရွာမယ် မရွာချင်လဲ မရွာဘူး

သူမလျှာကလေး ကောင်းစားနေရင်တော့ ငါတို့ပါးစပ်တွေက ကောင်းချီးပေးလိမ့်မယ်
အကြိုတူးထားတဲ့ မြေကြွင်းတွေ
အကြိုမွှေးထားတဲ့ မီးတောက်တွေထဲ
မမြှပ်ခင် မသင်္ဂြီုဟ်ခင် လူရာဝင်အောင် ၀င်ဝင်ထွေးထားဖို့နဲ့
ပါးစပ် အစစ်တွေထဲ ၀င်လာမယ်ဆို ကွိုင်ရှာမလာဖို့ မှာချင်တယ်။



nelay

အစိမ်း/ စိမ်း

အစိမ်းသေ
အစိမ်းချုပ်
စိမ်းစိမ်းကားကား စိမ်းရက်လေအား
မြွေစိမ်း
လေစိမ်း
နတ်စိမ်း
လူစိမ်း
စိမ်းလန်း
စိမ်းပြာ
မြင်မြင်သမျှစိမ်း
စိမ်းတာတွေကစိမ်းချင်သလိုစိမ်းလိုက်နဲ့
ကိုသိန်းတန်ရဲ့ စိမ်းသရဖူစိမ်းလည်း စိမ်းကားနေပြီ ။

သူငယ်ချင်းတစ်ယောက်ကပြောလိုက်သေးတယ်
အနာဟောင်းကို အစိမ်းလိုက်ပျိုးလိုက်တာလား တဲ့
ဘာကြောင့်များသခွားသီးကို အစိမ်းစားချင်နေရတာပါလိမ့်
သွေးလေခြောက်ခြားပြီးသွေးစိမ်းရှင်ရှင်ထွက်ပြန်ပေါ့
ကိုယ့်ဝတ်စုံကိုယ်သပ်သပ်ရပ်ရပ်ဝတ်လို့
အနေစိမ်းကြည့်လိုက်ဦးမယ် ။


စိမ်း..စိမ်း..စိမ်း
သစ်ပင်အိုကတောင် မီးစိမ်းထတောက်လိမ့်မယ်
အစိမ်းရောင်အသုံးအနှုန်းနဲ့ ညအိုပေါင်းစွာကို
မေ့မျောခြင်းတိုင်းပြည်မှာ ရှာတွေ့လို့မရဘူး
အလျားလိုက်စိမ်း ဒေါင်လိုက်စိမ်း
ပြောင်းပြန်စိမ်း ဇောက်ထိုးမိုးမျှော်စိမ်း
စိမ်း..စိမ်း..စိမ်း
ရင်ခွင်မူးသူအပြောင်းအလဲနဲ့
ဘ၀ကူးဖို့ အစိမ်းကျိန်စာမှာ နေ့တွေလဲထူးမလာခဲ့ဘူး
အစိမ်းရောင်ရက်စွဲတွေကဒြပ်မဲ့ပန်းချီကားတစ်ချပ်လို
စိမ်းစိမ်းစိုစို ။


ဘယ်ဘာသာနဲ့ထုတ်ဝေမလဲ
G R E E N D A Y လည်း 21 GUN နဲ့ စိမ်း
မင်းနှုတ်ခမ်းတွေလည်း အရောင်မပါပဲ စိမ်း
အိပ်မက်တွေ လည်း နယ်ကျွံလို ကျွံ
နမိတ်ပုံ သင်္ကေတတွေ အပြေးအလွှားအူကြ
ငါတို့နှစ်ယောက်လည်းအရင်းနှီးဆုံးသူစိမ်း
ကဲ..ကွာ...ဒီတော့လည်း
ဘာပဲဖြစ်ဖြစ်တစိမ်းဆန်လိုက်ရအောင်.။



အမည်မဲ့ ၊ nelay

ဘီလူးဆိုင်းနှင့်တီးခတ်ဖြေဖျော်လိုက်သော ၀ါကျအတိုအရှည်များ

# $ ကျပ် @ ! ) * ^ (

စစ်တိုက်တမ်းကစားနေကြတဲ့ဗျာ

သိထားဖို့ကဘယ်ကမ္ဘာမှာမှ စစ်ကိုမလိုလားကြဘူး

ထစ်ကနဲဆိုစိတ်ထကကောက်

ဗျစ်ကနဲဆိုတိုင်းတံတွေးမထွက်ဘူး

အဖြစ်သည်းနေရင် အိပ်ပြန်အိပ်လိုက်

အလေအလွှင့်နဲ့အမှိုက်ကိုမီးရှို့ရင်

ဒီလောက်မြန်မြန်မလောင်ဘူး

အလင်းဆိုတာမျက်စိမှုန်တတ်တယ်လား။

အစွန်းထွက်ကမ်းပါးကြီးတွေ

အနေအထိုင်လွဲချော်သွားတဲ့နေ့တွေ

အူမ မတောင့်ပဲ အယ်လ်ကိုဟော စစ်စစ်လိုက်ရှာမိတဲ့အဖြစ်

ဟေ့ရောင်..နီလေး ဒီကမ္ဘာမှာ စစ်ပွဲမလိုဘူး

စက်ဆုပ်ရွံ့ရာမိပေမယ့် ခေါက်ရိုးအကျိုးအကြေမရှိပဲ

သန့်သန့်ပြန့်ပြန့်လေးဝတ်လိုက်ရင်တော့

အမွေပြတ်စွန့်လွှတ်စရာမလိုဘူးပေါ့

ပြောလိုက်တဲ့ဒိုင်ယာလော့ခ်ထဲမှာ ဒီအခန်းမပါဘူး

မနက်စောစောထမယ်

သဏ္ဍာန်မဲ့ စကားလုံးတွေ ပီပီသသရွတ်မယ်

ဆန္ဒရှိတဲ့အတိုင်း တစ်ရွာဝင်တစ်ရွာထွက်မယ်

နာကျင်မှုနဲ့မျက်ရည်တွေ တွေ့ရင်တွေ့နိုင်တယ်

အိပ်ပြန်နောက်ကျလို့ အမေစိတ်ညစ်ရမယ့်နေ့တွေ ရှိမယ်

လေးလံထုံမှိုင်းမှုတွေရှိမယ်..

ရုပ်ဝတ္ထုကိုအကြောင်းပြုပြီးခဏခဏခလုတ်တိုက်ဖို့တော့လိုတယ်။

အဲဒီ့ စောက်ရေးမပါတဲ့ ငွေကြေးတွေနဲ့

ငါသေရင် ရေဝေးမှာ ငါ့ကိုမသဂြိုင်္လ်ကြနဲ့

ငါ့ကျင်းငါတူးပြီး ငါခန္ဓာကို မြေသြဇာလုပ်ပစ်မယ်

စောက်ရေးမပါတဲ့ ငွေကြေးနဲ့

အခွံလွတ် မျက်နှာဖုံးတွေထဲ ဟန်လုပ်ပြီး

အသက်ရှင်ကျန်မဲ့ စောက်ရေးမပါတဲ့ လူသားတွေကို

ကျော်ဟိန်းလို စောက်ဂရုစိုက်ခံချင်လို့ ပိုစတာထုတ်ပြီး

ငါနှုတ်ဆက်မနေဘူး

သိချင်သိမသိချင်နေ

စောက်ရေးမပါတဲ့ လောကကြီးရေ

အိပ်မက်နဲ့လက်ထပ်ချင်သေးလို့လား

စကြဝဠာတစ်ဝှမ်းလုံးကို လွှမ်းမိုးထားချင်လို့မှမရတာ

သေချာပြီဆိုမှ ကောင်းကင်ပေါ်တက် မီးရှို့ကြတာပေါ

တိမ်ပြာမှုံလောက်တောင် အသုံးမ၀င်တော့တဲ့ ငါတို့က

ဘာကိုအသုံးဝင်ချင်နေကြတာလဲ

လင်ယူသားမွေးပြီး အောင်မြင်တယ်လို့

ကြွားလုံးထုတ်အုံးမလို့လား

မြုံနေတဲ့ နမတွေတော့ ပြုံးနေတော့မယ်

မီးလျှံအဖုံဖုံကို တုန်ရီနမ်းရှိုက်ပြီးမှ

ငါ့ဗဟိုစနေမှာ လောကကြီးအတွက်

ဘာတခုမှချန်နေစရာမလိုတော့ဘူး

လောကကြီးက

စိတ် ပျက် လက် ပျက် ထွေး ထုတ် လိုက် တဲ့ ကြယ်ကြွေ တွေပါ

လေထုနဲ့မတဲ့ လို့ မီးထတောက်တာ ဆန်းသလား

ဘာကိုမှခံစားမနေနဲ့

ယနေ့အထူးလျှော့ဈေး ၁၀၀ % ဒစ်စကောင့် (discount)

လေကောင်းလေသန့်တစ်ပိဿာ ၁၁၁၀ကျပ်။




အမည်မဲ့၊ nelay

ဖြစ်မှဖြစ်ရလေ

သူ့ဝါးလုံးကပဲပိုရှည်သတဲ့

ငါတို့ငယ်ငယ်တုန်းက ရန်ဖြစ်သလို

သူက အခုမှ သူငယ်ပျံနေတယ်

ကြိတ်ရီနေရတာ Censor မတင်ရတဲ့

ကဗျာလို လွတ်လပ်တယ်

အနုပညာ ဆိုတာ Censor တင်မှ အစစ်တဲ့လား

ဒါဆိုလဲ ငါတို့ကဗျာ လုံခြည်မပါတာတွေကို လာမကြည့်နဲ့ပေါ့

ပြီးမှ ရင်ခုန်တယ် မျက်စိကျိမ်းတယ် လုပ်မနေနဲ့

လောကုတ္တရာလောကအတွက် အပ္ပမာဒ သတိတရားက

အရေးကြီးလွန်းလို့ ဆုံးသွားတာကြာပြီ

ငါပြောဖူးပါတယ် အကန်းမျိုးဆက်အလယ်

သူရဲကောင်းဝင်လုပ်ချင်တယ်ဆို ဘာတွေဆောင်ရမယ်ဆိုတာ

ကိုယ့်လက်ဖျံသွေးကိုယ်စမ်းကြည့်ပါအုံး

ချစ်တတ်ပြီ မုန်းတတ်ပြီ ဆိုကထဲက တဏှာနဲ့အတ္တကို

ဂွင်းလုံးကျွတ်လွတ်ဖူးလို့လား ဒါနဲ့များ

ဖြစ်သမျှအကြောင်းအကောင်းပေါ့တဲ့

ဖြစ်ရမယ်

ကံကောင်းခြင်းဆိုတာ အခုခေတ်ထီလို

ဒိုင်စားသွားတာများတယ်

ငါတော့ငယ်ငယ်က ၇၀၀ ဖိုးပေါက်ဖူးတယ်

ခင်ဗျားပေါက်ဖူးလို့လား

Domesitc violence ဆိုတာ ဘာပေတံလဲ

အပေါ်ယံသိယုံလောက်နဲ့ အထင်တွေလာပြောမနေနဲ့

ထင်တယ်ဆိုတာ ကိုယ့်ကိုယ်မသေချာတာပဲ

ငါကတော့စိတ်တွေကို ဟန်ဆောင်မျက်နှာဖုံးနဲ့မထားတတ်ဘူး

အဖြစ်တရားအတိုင်း အပျက်တရားကိုလက်ခံတယ်

မှော်ဝင်သွားတဲ့ ကံတရားက ငါ့လက်ထဲမှာ ရွံ့လုံးသက်သက်ပဲ

မျက်ရည်တွေမလိုတော့ဘူး တရားဟောသံနဲ့

စကားပြောသံ သဲသဲကွဲကွဲဖြစ်ဖို့ မလိုတော့ဘူး

ဒါပဲလေ လူပီသခြင်းရဲ့ မြက်တွေဆိုတာ

အုတ်ကြားမှာ ထိုးထိုးထောင်ထောင်နဲ့

အခုခေတ်မှာ သိပ်ကြည့်ကောင်းတာ

သိုဝှက်ထားတဲ့မျက်လုံးတွေနဲ့ ခင်ဗျားရင်ဘတ်ထဲကခင်ဗျား

မထွက်ရဲလောက်အောင် အပြုသဘောဆောင်တဲ့

ခင်ဗျားတို့ အဖေပြောတဲ့ သတင်းစာထဲက စကားလုံးတွေနဲ့

ခင်ဗျားဘ၀ကို Format ရိုက်ခံလိုက်ရပြီလား

ယဉ်ယဉ်လေးရူးနေသူက လူ့ယဉ်ကျေးမှုကိုမေ့ချင်ယောင်ဆောင်တဲ့အခါ

ခင်ဗျားကို ကျောင်းထားပေးတဲ့အစိမ်းရောင် ရုပ်ဝတ္တုတွေဟာ

ကျုပ်တို့ရဲ့ ဂုတ်သွေးတွေ

ကျုပ်ညီလေး ညီမလေးတွေ

ကျုပ် မိဘတွေ

ကျုပ် ဘိုးဘွားတွေ ရဲ့ ဂုတ်သွေးတွေ ...

အဲဒါတွေနဲ့ ခင်ဗျားပညာတတ်လာတော့

ခင်ဗျားမိသားစုကို ပြန်တိုက်နေတယ်ပေါ့

တစ်ဘ၀တာ ဘုရားဖြစ်မဲ့ ခင်ဗျားကို

ကျုပ်သန့်ရှင်းတဲ့ ချွေးနဲ့ရှာထားတဲ့

ရွှေရောင်သဲကြိုးလေးစွတ်ပေးပါရစေ ... ။

ဖြစ်မှဖြစ်ရလေ

အဲဒီ့ စောက်ရေးမပါတဲ့ စကားလုံးတွေကို

မသုံးနှုန်းလိုတော့ဘူး … ။







nelay

ကြယ်ကြွေအိပ်မက်ရဲ့ အရောင်ပြောင်း သတို့သမီး

အနောက် ရေတွေက အဝေးကိုစီးကြ
အရှေ့ လေတွေက အနီးကိုတိုက်ကြ
အစီအစဉ် မဆွဲခင် လက်ဖျံသွေးကြောပေါ်က ငှက်ဟာ
အညိုရောင် ဆံနွယ်တွေအောက်က
တောအုပ်ထဲမှာ သွေးဆာနေရတယ်

ကြောက်လန့်ခြင်းရဲ့ မဟူရာ ဓါးသွားပေါ်က
ငှက်မကလေးရေ ………
ခွဲခွာခြင်းရဲ့ ၀တ်ရုံတော်မှာ အနီရောင်ကျိန်စာ တစ်ပိုင်းက
လွှင့်ကျလာတဲ့ မျက်ရည်တိုင်းကို ဖန်ပုလင်းထဲ ပြုစုပျိုးထားတယ်

ယားယံခြင်းရဲ့ အတတ်ပညာဟာ
အလွမ်းလို့ခေါ်တဲ့ အိမ်ရှေ့ခန်းက
မသေဆုံးတဲ့ မင်းရဲ့ အသံအပိုင်းအစတွေပါပဲ

ပန်း အက်ကြောင်းကို တူးဖေါ်မိတဲ့
အဆိပ်သင့် ၀ိဥာဉ်အတွက်တော့
အင်္ဂါမစုံတဲ့ ဒုက္ခိတသက်တန့် ရှု့ခင်းကြီးပဲပေါ့ …

အိမ်ဆိုတဲ့ ရပ်ဝန်းမှာ ပြိုကျမိတဲ့
ငါ့လက်မောင်းထဲက မြစ်တစ်စင်းဟာ
ငါးတွေကိုသယ်လာတဲ့ အသူရာ ကျောရိုးကြီးဖြစ်တယ်

မျက်တောင်ခတ်တိုင်း ကစားဖူးတဲ့
သူရူးအလင်္ကာ တဖျပ်ဖျပ်ကို
အမှောင်စာကြည့်စားပွဲပေါ်မှာ ဖယောင်းစက်ချရက်တယ်နော်

အဖြေက အမေးကို ပြန်သတ်လိုက်တဲ့ ဒါး
အတိတ်ကိုကျဲပက်လိုက်တဲ့ မျှားတွေက
အကြောင်းမကြားပဲ ငါ့ကိုလာစိုက်ဖူးတယ်

ကဲ
ပန်းကို ကိုးကွယ်သူ လူရွှင်တော်က
သူ့ပြက်လုံးအကြွေတွေကို လိုက်ကောက်ရင်း
သစ်ရွက်အခြောက်တွေနဲ့ သေဆုံးရတော့မယ်

မြက်ပျိုတို့ရေ …
ငါ့ကိုမကြည့်ကြပါနဲ့ တရားလောင်ထားတဲ့အနာမှာ
ဖြေစရာ မရှိတဲ့ ကံတရားကိုကြိုးဆွဲချ
ငါ ခု ရပ်နေတဲ့ ကမ္ဘာအိုကြီး ပြိုလဲကျသွားတယ်

သက်ရှိထင်ရှားရှိစဉ်က ရင်ခုန်သံအစစ်တွေပါ
အခုအမှ အတုဖြစ်သွားတဲ့
မဟာမြိုင်က မြရာပင်အိုကြီးအောက်မှာ
ဆေးရုံမတင်လိုက်တဲ့ ၀ိဥာဉ်ကောင်
မိုးမသောက်ခင် လှဲကျင်းခံလိုက်ရတယ်

သိပ်ကြောက်နေလား ငှက်ကလေးရေ …….
ပျော်ရွှင်ခြင်းဆိုတာ နတ်ဘုရားလည်တိုင်က
သွေးရောင်သန်းနေတဲ့ ပိုးမွှားကလေးပါပဲ

အညတရ ပိုးကောင်နီ ရဲ့
လက်တွေ့မဆန်းလွန်းတဲ့ အိပ်မက်ကို
ပညာတတ်လူကြီးလူကောင်းတွေရဲ့
ရွှေရောင်ပကာသနလက်ဆောင်တွေကြား
ငါလက်ဖွဲ့ခဲ့ပါရစေ ……

ငါ့အမည်နာမကို မီးရှို့လိုက်တော့ ဘဲကလေးရေ
ဘ၀ဆက်တိုင်း မီးရှို့လိုက်တော့
သံသရာဆက်တိုင်း မီးရှို့လိုက်တော့

သစ်ရိပ်ပင်ကို နောက်ပစ်လှဲချလိုက်ယုံ
ငါတိှု့တွေ ဒါးဆွဲနှုတ်လို့
သွေးတွေ ခမ်းလိုက်ကြမယ်

ဘာမဟုတ်တဲ့ အနီရောင်လိပ်ပြာတစ်ကောင်ရဲ့
ဝလုံး ဥတွေကြား
ကြယ်ကြွေသတို့သမီးရဲ့ လက်ညိုးကလေးနဲ့
ကမ္ဘာခြား … ခြား ….ခြား….ခဲ့ပါပြီ …. ။







nelay

ငါ့အလွမ်းကတစ်ခါတစ်လေ ရုပ်ပျက်ဆင်းပျက်

ငါ့အလွမ်းကတစ်ခါတစ်လေ ရုပ်ပျက်ဆင်းပျက်



သကြားလုံးတစ်ငုံစာလောက်
နင့်ကိုလွမ်းတာမဟုတ်ဘူး
အိပ်မက်တွေလည်း အခုဆို
ကာလာနဲ့မမက်ဖြစ်တာကြာပြီ
အရောင်ကျွတ်သွားတဲ့ ဥတုမှာ
နင်က..... တန်ဖိုးနည်း သိက္ခာကိုမှ
တံထွေးဆွတ်ပြီး ငါ့နဖူးပေါ်က ခွာချရက်တယ်
ထွီ..................................
ဒါက အခုခေတ်ရဲ့
ယဉ်ကျေးသော နှုတ်ဆက်သံ
နင်လက်မခံတဲ့ ဂုဏ်သရေရှိ ပန်းဝါတွေတော့မဟုတ်ဘူးပေါ့
အဲဒီပန်းဝါ၀ါတွေနောက် ငါမလိုက်ဘူး
နင်ကိုးကွယ်တဲ့အလင်းကမျက်စိမှုံတယ်
နင်ပြောတဲ့စကားလုံးတိုင်းက သုညကြွင်းစေတယ် ....
ငါ့အိတ်ကပ်ထဲက လိပ်ပြာအသေကလေး ထုတ်ပေးလိုက်ရင်
နင်နားလည်အောင်မပြောတတ်တဲ့
စက္ကူအစုတ်တွေက
ဘယ်တော့မှ
ဘယ်တော့မှ
ဘယ်တော့မှ
ဘယ်တော့မှ
ကျက်သရေရှိစွာနဲ့ ပိုက်ဆံဖြစ်မလာဘူး
အီဗော်လူးရှင်းသီအိုရီအရ
ပြောင်းပြန်လှန်တရားကနှလုံးသားယဉ်ကျေးမှုမှာ
ဒါရိုက်ထိမှန် ဓမ္မသတ်ကျမ်းအစောင်စောင်မှာ
ငါကျဆုံးခဲ့ပြီ
မာနအတွက်ဒုက္ခကိုဝယ်ခဲ့မိလို့
နတ်ဘုရားမျက်နှာပေါ်က မျက်ရည်ခံမှည့်ကလေးက ငါပေ့ါ
ငါ့ကို သောကြာနေ့မှာ မွေးခဲ့ရင်ကောင်းမှာ
ဟာ...... အလကား ကိုယ့်ကိုယ်ကို ယဉ်ကျေးမှုထင်ပြီး
ခေတ်တခုလုံးကို ပြာချပစ်ရအောင် အဲဒီ တရားကိုးပါးထဲက
ဘယ်တရားကရော အမှန်ဖြစ်လာမှာတဲ့လဲ
အမှားတွေဆိတ်သရေကို နွားစားသွားတဲ့ လပေါင်းများစွာကို
ငါက နေ၀င်ချိန်အဖြစ်ပြောင်းပေးခဲ့တဲ့ ကောင်ပါ
ငါပျော်တယ် ငါရီတယ် ငါငိုတယ်
ရီပါ.... ငိုပါ....ပျော်ပါ
အားပါးတရ ငို ရီ ပျော် ပါ
ငါ့ လိပ်ပြာကိုလာလာပြီး
လက်ယပ်ခေါ်မနေပါနဲ့တော့
ငါပြောချင်တဲ့စကားငါ့နားကပြန်ပြန်ကြားနေပြီ
ခဏခဏသွေးတိုးမစမ်းချင်စမ်းပါနဲ့
အပေါ်သွေးအောက်သွေးက ဘယ်တုန်းကမှမညီဘူး
ဆေးရုံပေါ်က မနက်ခင်းဟာ ညှီဖန့်ဖန့်တွေ တောက်လောင်လို့
ငါ့အစွယ်တွေ ငါ့အမြှီးတွေ နင်မွေးပေးခဲ့တဲ့ ကလေးတွေ
နင့်သွေးပြန်ကြောထဲက ငါ့သွေးတွေ
ဒီလောက်ထိ မြစ်တွေစီးဆင်းသံက
ညဘုရားကို မြည်ဟီးလိုက်တဲ့ စစ်ဦးကျိုးသံလား
မျိုးမမှန်တော့ကိုင်းကူးကိုင်းဆက်လုပ်စရာမလို
ဒီပုတ် ဒီပဲ နဲ့ ဒီစကား ဒီနား ဘယ်သွားသွား
စိတ်နဲ့ကိုယ်တစ်ခါမှမကပ်ဘူး
တစ်ခါတစ်လေ အနာပေါ်တုတ်ကျတာ အရသာရှိပ
Globalization ဆိုတာ
ဘာကိုပြောပါလိမ့်
ငါမသိတော့ဘူး
ငါသိတာတွေက
ငါ့ကိုပြန်မသိတော့ဘူး
အဆင့်အတန်းဆိုတဲ့ စကားလုံးရဲ့ ခေတ်ပေါ်အယူအဆဟာ
ငါ့သမ္မကျမ်းစာမှာ ထည့်သွင်းဖေါ်ပြခြင်းမရှိတဲ့
နင်အကြိုက်ဆုံး ဖွံ့ဖြိုးတိုးတက်မှုကြီးပေါ့
ထင်ကြေးနဲ့လျှောက်တဲ့ခရီး နီးသလားဝေးသလား
ဟန်ချက်ဆိုတာ အရိပ်တွေနဲ့ ပူးကပ်မနေဘူး
ငါ ဘာမှမသိသလို နင်ကိုယ်နင်လည်းဘာမှမသိ
အာရုံတွေမစားနဲ့လေ
နေ့မစေ့လည်း ကလေးမွေးကြတာပဲ။
သစ်ရိပ်ခိုမှ လုံခြုံတဲ့
နင့်အဖို့တော့ ငါစကားလုံး အရိပ်က
မလွတ်မြောက်နိုင်တာ ၀ဋ်တခုလို့ ချွဲပြပါအုံးလား
ထိုင်ရာကနေမထလိုက်နဲ့ကဝေပျို
နင့်ဝှက်ဖဲတွေထွက်ကျသွားရင်
နင်သိပ်အထင်ကြီးတဲ့ လူတွေ နင့်ကိုအထင်သေးကြလိမ့်မယ်
ငါ့လက်ထဲက ဂျိုကာက ကံတရားဖက်လှည့်ပြီး ငိုနေတယ်လေ
ဟင်း............
ဆွဲလိုက်တိုင်းအပွင့်ကမပေါ်တပေါ်
ငါ့ပီတိနင်ပြန်စားဦးမယ်
ထွီ..........................
နွားအိုရင်မြက်နုကြိုက်သတဲ့ လား
ကြောင်ခံတွင်း ပျက်တော့ သနပ်ခါးမလိမ်းဘူး
နေ့တစ်ထပ်ညတစ်ထပ်နဲ့တစ်နေ့နှစ်နပ်ပေါင်းစားရင်း
ငါတို့ဦးနှောက်တွေခေတ်မီဖွံ့ဖြိုးတိုးတက်လာပြီ
ငါတို့ရဲ့ နာကျဉ်းစရာများနဲ့ မြင့်တက်လာတဲ့
တံတိုင်းတွေကို မျိုးမအောင်တော့တဲ့ ဥတုအိုပေါ်မှာ
အတိတ်အဖြစ် အဆိပ်တွေကျဲပက်ပြီး ချိတ်ဆွဲထားလိုက်ပြီ
ရောင်းဈေးက အပျက်မရဲ့ ရင်နွေးငွေ့လို
ဖွယ်တယ်တယ် အပြုံးနဲ့
တစ်ခါသုံးတွေနဲ့ လေလံပစ်ထားတယ်
တစ်ခါသုံး တစ်ခါသုံးဆိုပြီး
ငါ့အဘိဓာန် လာလာမလှန်နဲ့
အက္ခရာ သရ လည်းတစ်ခါမှမကွဲပြား
ကံ၊ကတ္တားအနေအထားမမှန်တာကြာပေါ့
ကမ်းနဲ့ဝေးရင်လမ်းဖြတ်ကူးစရာမလိုတော့ဘူးဆိုမှတော့
အဆင်ပြေတဲ့တစ်နေ့ နောက်တစ်ခေါက် ပြန်လာမယ်
သွေးနည်းတဲ့ ရပ်ဝန်းမှာ ခေတ္တခဏ ကျောက်ချရပ်နားရင်း ။ ။






အမည်မဲ့ , nelay

လူနေ ကွက်



ဝင်ချင်တိုင်းဝင်
ကြ
ထွက်ချင်တိုင်းထွက်
ကြ
ယဉ်ချင်တိုင်းယဉ်
ကြ
ရိုင်းချင်တိုင်းရိုင်း
ကြ
စိတ်ချင်တိုင်းစိတ်
ကြ
ပြုံးချင်တိုင်းပြုံး
ကြ
မုန်းချင်တိုင်းမုန်း
ကြ
ဖြစ်ချင်တိုင်းဖြစ်
ကြ
ဆာချင်တိုင်းဆာ
ကြ
သာချင်တိုင်းသာ
ကြ
ပေါင်းချင်တိုင်းပေါင်း
ကြ
ညာချင်တိုင်းညာ
ကြ
စားချင်တိုင်းစား
ကြ
သတ်ချင်တိုင်းသတ်
ကြ
သေချင်တိုင်းသေ
ကြ




nelay

ဟင်လင်းပြင် အရွေ့ပြောင်းခြင်း မူလ -နေနှင်းစက်- nelay

ဟင်လင်းပြင် အရွေ့ပြောင်းခြင်း မူလ





တိမ်ပေါ်ပစ်တင်လိုက်တဲ့ မျှော်လင့်ချက်တွေ ပေါ့


အခန်းဆက် ရုန်းထွက်လာတဲ့ ပင်လယ်ကမ်းစပ်မှာ
ငါ့ကိုငါ မြင်လိုက် ၀ါးလိုက် ဒီလိုနဲ့
နောက်တော့
အနီရေ ..
ကျနော့ လက်တစ်ဖက် ရေစုံမြုပ်နေတုန်းပဲ


ရေစက်တွေပဲပြန်ကျလာတာ
ဗလာကျင်းတဲ့ မလုံခြုံမှုနဲ့
တိမ်နံရံတွေက ဟားတိုက်ရယ်တယ်


ဘုရားလည်း မဖူးဘူး လိပ်ဥလည်း မတူးဘူး
ဒါလည်းဘဲ ညည ဆို
ကျွန်တော် လေသိပ်ငတ်တယ် ....


ဒီလထဲက တစ်ရက်ရက်
ငါ့နေ့စွဲအဟောင်းရော အသစ်ရော
ဖိနပ်ချွတ်ပြီး သစ်ရွက်နောက်က အသံတွေကိုစောင့်နေတယ်


နောက်ထပ် ... နောက် တစ်ခါ ထပ် ပြီး ...
အနှီရေ ... ဒီည နောက် တစ်ည ...
ညတွေ ညတွေ ပြီးရင် ..
စကားလုံး ပျောက်လို့ စကားလုံးနဲ့ ကောက်
ဒီခရီး ရောက်ပါ့မလား ..


ပြီဆုံးခြင်းကို မပြီးဆုံးသေးတဲ့အကြောင်း
ဗလာအပွင့်တွေထဲ လိပ်ပြာထွက်ခွင့်နဲ့
အသက်အရှည်ကြီး ... မက်ခွင့်ပေးထားတယ်


ရေသောက်မြစ်ပေါ်
နောက်တစ်ခေါက် ရောက်သည်အထိ ..
ကျွန်တော်တို့ လမ်းထူထူဖောက်ကြမယ် ...



-နေနှင်းစက်- nelay