သူဟာ စောက်ကျင့်

သူဟာ စာမေးပွဲ ဖြေပြီး 

စာမေးပွဲ ခန်းထဲက ထွက်လျှင် ဘယ်တော့မှ အဖြေလွှာ 

ပြန်တိုက်ကြည့် တတ်တဲ့ စောက်ကျင့် မရှိပါ ။

သူဟာ လမ်းမှာ သူ့နာမည်ကို 

မခေါ် မချင် ဘယ်တော့မှ စောက်ဖက်လုပ်ပြီး 

ပြန်လှည့်ကြည့် တတ်တဲ့ စောက်ကျင့် မရှိပါ ။


သူဟာ သူမဆက်ဆံချင်တဲ့ 

အသိုင်းအဝိုင်း အတွင်းမှ ထွက်လာအပြီး 

ဘယ်တော့မှ ယောင်လို့တောင် 

ဟန်ဆောင် ပြုံးပြ တတ်တဲ့ စောက်ကျင့် မရှိပါ ။

သူဟာ အိပ်သာ တက်အပြီး 

ရေ ပြန်ဖြည့် တတ်တဲ့ 

စောက်ကျင့် မရှိပါ။


သူဟာ Post တစ်ခု တင် အပြီး 

တစ် သ သ ပြန် ပြန် ကြည့် တတ်တဲ့ 

စောက်ကျင့် မရှိပါ။


သူဟာ ဘာသာစကားနဲ့ ပတ်သက်ပြီး 

စောက်ကြီးစောက်ကျယ်တွေ ပြောတတ်တဲ့ လူတွေ ကို 

စောက်ထင်ကြီး တဲ့ စောက်အကျင့် မရှိပါ ။


သူဟာ ဆေးလိပ်သောက်ပြီး 

တံထွေးကို ဘယ်တော့မှ 

ပြန် မျို ချ တတ်တဲ့ စောက်ကျင့် မရှိပါ ။


သူဟာ မနက် မနက် အိပ်ယာ ထ နေခြင်း 

ဘာမှာ စောက် အဓိပ္ပါယ် သိပ်ရှိနေတယ်လို့ 

ခံစား ရခြင်း စောက်ကျင့် မရှိပါ ။

nelay

D ဇင်ဘာ ဝိုင်

  

တိမ်တွေကို လိုချင်လွန်းလို့

မိတ်ကပ်တွေ ဖျက်ပြီး
အိပ်မက်တွေထဲ လိုက်ကပ်နေတဲ့
ဖားပျံတွေပဲ ရိုက်သတ်လို့မကုန် ….


အရေပြားညှိထားတဲ့ ရာသီဥတုကို
ပေါင်ကားပြီး ခုန်ချလိုက်မှ ပွင့်မဲ့ လေထီးများနဲ့
ငါ့ကိုပြောပြစမ်းပါ ….
ညာဖက်လက်ကိုဖြတ်ပြီးမှ အင်္ဂါဂြိုလ်ကို သိမ်းမဲ့ ရတုတစ်စုံ


ခြေတစ်ဖက်ဆာနေတဲ့ ဟောဒီ့ ရင်အုံထဲမှာ
မမွေးဖွားနိုင်တဲ့ မိုးမခ ပင်အိုကြီး
မင့်မျက်နှာဖူးငယ်ငယ်ကို မြင်ရယုံနဲ့
ငါ့ရဲ့ လေသလပ်နေတဲ့ ဒုက္ခတွေ ပြေးလွှားနေရတယ် ….


ပြန်ပေးဆွဲတဲ့ နက္ခတ်မှာ မွေးဖွားခဲ့ရလို့
မေ့မရတော့တဲ့ တေးသွားတွေပဲ
ကြယ်လမ်းကြောင်းမှာ မှားယွင်းစွာနဲ့ ဆုတောင်းနေရ …


အထပ်ထပ်ကို ထုခြေ ပ လိုက်ပါရဲ့
မျက်နှာပေါ်က စမ်းပျိုကလေးကို
သောကနဲ့ပဲငါ့မှာ လှော်ခတ်လို့ မရောက်နိုင်ဘူး


လက်နောက်ပြန်တွေ အသေခြည်နှောင်တုတ်လို့
အစိမ်းရောင် မုဒ်ဦးဝမှာ ငှက်ပြောရွက်တွေကြီးထွားရှုပ်ပွ
လိုရာမှာ ပစ်ချမရတဲ့ အစိုင်အခဲတွေ အ နေရတယ် ….


ခေါင်းပေါ်က ပန်းတွေ ခြေပြီ
အပေါင်းတွေ လျှောက်ပြန်မရခဲ့ရင်
အလင်းအနားသားကို အမှောင်ဝမှာ ဆိုးပေးခဲ့ပါရစေ …


သစ်ပင်နဲ့ သစ်ရွက်
မြေကြီး ပြောက်တဲ့အရပ်မှာ
ဘာ ရနံ့တွေပဲ ဘာ ဆိုတဲ့ ဘာသာနဲ့ လှိုင်လှိုင်ပွင့်


အပြုံးတွေ ပြယ်မဲ့ လက်တစ်စုံနဲ့
ငါနဲ့ ငါ့ရဲ့ ဟိုးဝေးဝေးက အဟုန်ကို
မနာကျင်တဲ့ ဒုက္ခ အပြည့်အစုံနဲ့
မှားယွင်းစွာ ပွင့်ခဲ့ရတဲ့ ဆောင်းအလွန်က အနမ်း ပါပဲ။

nelay

မင်္ဂလာရေး ကူညီမှုအသင်းကြီး

ငါ သာ အမွေ ရ လို့ ကတော့
ဟို ကျော်သူ ဆိုတဲ့ ဘဲ ကြီး လို မှုတ်ဆိတ် မွှေး အရှည်ထား
ရောင်ကြီးဘွေ ကို စွေ့ နေအောင် ထုံးပြီးးး ....
ဘိတ်သိတ် ဆရာယောင်ယောင် MC ယောင်ယောင်
ဟို နက္ခတ် ကြည့် ဒီ နက္ခတ် ကြည့်
ဟို စာရွက်လှန် ဒီ စာရွက်လှန်
မင်္ဂလာ မဆောင် နိုင်တဲ့
တောသားတွေ
ခွက်ပြောက်တွေ
သူတောင်းစားတွေ
ဟိုတယ်ပေါ်က အလေ အလွှင့် အမှိုက်သရိုက်တွေ
ဆွေမကြည့်မျိုးမကြည့် ဟာ တွေ
အလေနတ်တော တွေ
အဖေမနိုင်အမေမနိုင်တွေ
ခိုးရာလိုက်ပြေး ဆင်းရဲသားတွေ
လက်ဖေ့ရည်သောက်ချင်နေတဲ့ တရားရုံးကဝန်ထမ်းတွေ
ဆွေမရှိမမျိုးမရှိ ကြွက်စုတ်တွေ
ဂေါ်မစွန်တဲ့ အပျိုပုတ်ကြီး လူပျိုပုတ်ကြီးတွေ
ဘယ်တော့မှမပြည့်လာတဲ့ ငွေကိုစုနေတဲ့ ဝန်ထမ်း လဒတွေ
ဘုန်းကြီးကို အလုပ်ရှုပ်အောင်လုပ်ဖို့ကြံနေတဲ့ကောင်တွေကောင်မတွေ
မိဘ သဘောမတူတဲ့ နန့်နန့်တက်ဆပ်ဆလူးတွေ
ဟန်ပြ ဆောင်ချင်တဲ့ ကြာကူလီတွေ
အဲဒါတွေ အားလုံးကို
မင်္ဂလာရေး ကူညီမှုအသင်းကြီး ဆိုပြီး
ရွာလုံးကျွတ် မြို့လုံးကျွတ်အောင် မင်္ဂလာ ဆောင်ပေးလိုက်အုံးမှာ
ဒါနဲ့ ဗုံး ကွဲ သွားတော့တာပါပဲ

nelay

နေကွယ်တိမ်

တကယ် တော့
တိမ်တိုက် တွေ ဟာ
ငါတို့ ကို ကောင်းကောင်း နင်းပြီး
လွှင့် နေခဲ့တာ ပေါ့ .....
ငါ တို့ မှာ သာ
သူတို့ ခြေဖဝါး အောက် မှာ
ရွှဲရွှဲ ကိုစို လို့

nelay

ဘိလပ်မြေ

တောင်ဖက်မုခ် က 

ဘိလပ်မြေ အရုပ်ကြီးများ 

ငါ့ ကို ပြုံးပြ နေသလား

မြောက်ဖက်မုခ် က 

ဘိလပ်မြေ အရုပ်ကြီးများ 

ငါ့ ကို က ပြ နေသလား

အရှေ့ဖက်မုခ် က 

ဘိလပ်မြေ အရုပ်ကြီးများ 

ငါ့ ကို စိတ်ကောက် နေသလား

အနောက်ဖက်မုခ် က 

ဘိလပ်မြေ အရုပ်ကြီးများ 

ငါ့ ကို ဆုတောင်း နေသလား

အရှေ့ဖက် မုခ် မှာ 

အလှူခံကြီးများ ငါ့ကို ကြည့်ပြီး 

တစ်ယောက်ကို တစ်ယောက် 

စောက်တင်းချ နေကြတယ်

အနောက်ဖက်မုခ် က 

တံမြက်စည်း များ ငါ့ကိုကြည့်ပြီး 

အမှိုက်ဖွနေကြတယ်

တောင်ဖက်မုခ် က 

ရေဘုံဘိုင်တွေ ငါ့ ကိုကြည့်ပြီး 

လျှံ နေလိုက်ကြတာ

မြောက်ဖက်မုခ် က 

ပန်းတွေ ငါ့ ကို ကြည့်ပြီး 

ကြွေ

ရွှေ နာမ် ငွေ နာမ် နဲ့ 

ငါ့ ကိုယ်ပေါ်က ယတြာပန်းတွေ 

ပုရွက်ဆိပ်တက်လို့ ငါ့မှာယားးးးး

ငါ့ ကို အသက်သွင်းပြီး 

ရွှေချထားဖို့ ဘယ်အခြောက် တွေ 

အလုပ်ရှုပ်နေကြသလဲ

နာမည်မကြီးတဲ့ ငါ့မှာ 

မှန်ဘောင်ရှေ့ က 

သော့ခလောက် ကိုသာ ငေးးးး

အုန်းပွဲ ငှက်ပျောပွဲ နဲ့ 

ဝေး နေတဲ့ ကာလ များဟာ 

ငါ့ အသဲကို 

ပိုးဆိုးပက်စက်ခွဲလွန်းတယ်

ငါ့ ကိုယ်ငါ 

Still ဖမ်းထား ရတာ 

ညောင်း ညောင်းလာလို့ 

ငါ့ကိုယ် ငါ ခြွေချ .....

ငါ့အသား တွေ ပွ သွားပြီး 

ငါ့ အသား ကို ဒီကောင်တွေ 

ခိုးခိုး ထားတဲ့ ဘိလပ်မြေ က 

အခုမှ ပေါ်ပေါ်လာလို့

ငါ့မှာသာ ဟိုမရောက် ဒီမရောက် 

မုခ်ဦး ကြီး က 

ဘိလပ်မြေ အရုပ်ကြီးကို ဖြစ်လို့

သဲများသွားတဲ့ အသားတွေ 

ပွပွ ကျလာ တိုင်း ထုံးတွေကို ဖွေးးးးး

nelay

ပညာရေး အသုံးအနှုန်း

ရှစ် တန်း လဲ အရေး မကြီး ဘူး
ကိုး တန်း လဲ အရေး မကြီး ဘူး
ခြောက် တန်း လဲ အရေး မကြီး ဘူး
ငါး တန်း လဲ အရေး မကြီးဘူး
သုံး တန်း လဲ အရေး မကြီးဘူး
လေး တန်း လဲ အရေး မကြီးဘူး
နှစ် တန်း လဲ အရေး မကြီးဘူး
ခုနစ် တန်း လဲ အရေး မကြီးဘူး
တစ် တန်း လဲ အရေး မကြီးဘူး
ဆယ် တန်း လဲ အရေး မကြီးဘူး
အရေး အကြီး ဆုံး က
မသိရင် မှတ်ထား
မူလ တန်း ဟ

nelay