မြန်မာ့ရိုးရာ Zombie ဒေါ့ကူမန်ထရီ

မြန်မာ့ရိုးရာ Zombie ဒေါ့ကူမန်ထရီ







ဒါဟာ SYRIA ကို အသွားအပြန်လုပ်နေတဲ့ သူ့စိတ်ကူးတွေကို ခါထုတ်လိုက်တယ်
တကယ်လို့ သူ့မှာ သတင်းဓါတ်ပုံ အခိုင်အလုံ မရှိခဲ့ရင် ဘယ်လိုလုပ်မှာလဲ
မာလီဆိုင်းလပ်ကို ခေါ်ပြီး က ခိုင်းမှာလား
သူဟာ Digital Drug နဲ့ အဆိပ်သင့်ရာကနေ နိုးလာတဲ့ zombie တစ်ကောင်ဖြစ်တယ်
သူနဲ့ ဘယ်နှစ်ပေ ပတ်လည် ကို သွားမကပ် မိစေနဲ့ ဆီရီးယား က ဘိုင်အိုဝက်ပွန် တွေ အန်ထုတ်လိမ့်မယ်
သတင်းဖတ်ရာ ကနေ ခဏရပ် ပြီး ကလေး ကို နို့တိုက်တယ် သေးတည် တယ်
ဒါဟာ aphasia ရဲ့ အစ ဆိုတာ သူသိသိကြီးနဲ့ ဆိုတေး ဆိုတဲ့ ငနဲ ရဲ့ သီချင်းကို အိမ်ရှေ့မှာ အကျယ်ကြီးဖွင့်ဖွင့်ထားတယ်
နောက်ဖေး မီးဖိုချောင်ထဲက အိုဘားမားရဲ့ ရုံးခန်းကို အိမ်လာလည်တဲ့ လူတိုင်း သူခေါ်ပြတယ်
စစ်အစိုးရကိုလဲ မုန်းသတဲ့လေ
ဆာလာတဲ့ အခါတိုင်း ကျနေတဲ့ စိတ်ကို ဇွန်း နဲ့ ခရင်း နဲ့ မှ သူက သပ်သပ်ရပ်ရပ် စားတတ်သေးတယ်
ရှော့တိလေးတွေ နဲ့ ဂေါ်ဖီပုတ် ကြွေးတဲ့ သူ့ အိမ်နောက် က ၀က်ခြံထဲမှာလဲ သူက စိတ်အပန်းဖြေ ထွက်လို့ ခေါင်းပေါ်က ပျံ သွားတဲ့ Thai လေယာဉ်ကိုလဲ ထိုင်ဆဲနေသေးတယ်
ငါတော့ သူ နမ်းနမ်း ပြနေတဲ့ သံကြိုးတွေနဲ့ မိန်းမ ကို သိပ်မုန်း တာပဲ လို့ ဆိုတော့
သူ က meditation လ တိုင်း ထိုင်ဖို့ ငါ့ အတွက် junction Square က 3D လက်မှတ်တစ်စောင်မှာ ခဲ့ပေးတယ်
ပုတ်ပုတ် ထုတ်နေတဲ့ သူ့ အတွေးဟာ သိပ်ထူးဆန်းဖို့ ကောင်းတာပဲ
ကိုယ်ဝန် သည် တွေ ကို လက်ညှိုး မထိုး မိဖို့ ငါ အတန်တန် တားပါသေးတယ်
ဆွဲ နေတဲ့ စိတ် ဟာ swag တွေ ရှုတဲ့ ဆေးထဲက ပိုးမွှားတွေ ပါပဲ
ခေတ်တွေ ပြောင်းတာကို သူ ကြိတ်မှိတ် လက်ခံ လိုက်သလို သူ ပြောင်းခဲ့တဲ့ ခေတ်ကိုလဲ သူ စမြုပ် ပျံ တတ်လို့ မမောနိုင်ဘူး
ဟို ဖက် ရပ် ကွက် နဲ့ ဒီ ဖက် ရပ် ကွက် သူတို့ ခေတ်တုန်း က ရန် ဖြစ်တာကို ရွှေတိဂုံ မှာ ရွှေ ပြား ကပ် သလို ၀င်းလို့ ထိန်လို့ သူပြောနေရရင် ငါ တောင် လမ်းဘေး ကိုယ်စားပြု ဖခင်တွေ ကို သတိရတယ်
တိမ် တွေ ဟာ စောက်ဖောင်းထု ချင် စရာကောင်းအောင် သိပ်လှတာပဲ
monarchist ဆိုတာ သူ့ လို လူတွေ အတွက် ပါတဲ့ သူ့ အိမ်ခြံ တံခါး ၀ မှာ ကြေးပြား အထူကြီး ကို သံနဲ့ စွဲအောင် နာနာ ရိုက်လို့ ကပ် ထားပြီး ကြေးပြား ပေါ်မှာ correction pen အရေ အဖြူကြီး ကို ပြစ်ပြစ် ခဲခဲ အထူကြီး နဲ့ ရေးထားတယ်
ခါတိုင်းလိုပဲ သူစား နေကြ အရာတွေထဲက စိတ်တိုင်းမကျတာတွေကို ထွေးထုတ်တယ်
ခါတိုင်းလိုပဲ သူ ထွေးထုတ်ပြီးသား အရာကိုကို ဆာလာရင် ပြန်စားတယ်
Homosexual တွေ အကြောင်းကို သူက homonym ပါပါ ငြင်းခုန်နေရရင် ပဲ သူ့ကိုယ်သူ ခေတ်မှီလာသလို ယုံကြည်မှုတွေရှိလို့
ဖွင့်ထားတဲ့ စာအုပ်ထဲက စာကြောင်းတစ်ချို့ကို သူရွတ်ရွတ်နေကြ Facebook ပေါ်က Group တစ်ချို့မှာ သူတင်တယ်
အများဆုံး တင်တာ ကတော့ A person who never made a mistake never tried anything new. Albert Einstein ဆိုတာတို့ Even if you are a minority of one, the truth is the truth. Mahatma Gandhi ဆိုတာတို့ The empires of the future are the empires of the mind. Winston Churchill ဆိုတာတို့
သူ သဘာဝကိုက အိပ်ယာ ၀င်စရာ မလို သလို နိုးစရာ လဲ မလိုဘူး
ဒီခရီးနဲ့ ဒီခရီးကို အချင်းချင်း ပြန်စားချင်ကြတဲ့ လမ်းပေါ်ကို သူသိပ်ထွက်လေ့မရှိဘူး
မြင်းခွာရွက်တွေ အဖို့တော့ သူ့စိတ် ဓါတ်ဟာ မုန့်ဟင်းခါးပဲ
မကြာမကြာ သူ့ကိုယ်သူ တခြား သူတွေ နဲ့ မတူဘူး ဆိုပြီး မတူအောင် လုပ်ထားတာတွေ ထုတ်ပြတတ်တယ်
သူ့ကို လူတွေက Like များများ လုပ်ပေးမှ နောက်ကွယ်မှာလဲ နေသာ ထိုင်သာ ရှိတယ်
သူ့မှာ ဦးနှောက် မပါ တာကလွဲလို့
သူက သေမထူးနေမထူးပဲ ဆိုတဲ့ စကားပုံကို သိပ်ကြိုက်တယ်







nelay