မြူ

နှုတ်ခမ်းဖျားမှာ ကွဲနေတဲ့ အနာကို လျှာနဲ့ပြန်လျှက်ရင်း တမ်းတတယ်

ရင်ထဲက အခိုးအငွေ့ကို လာရာ လမ်းတစ်လျှောက် အန်ချထားတယ်
ဇီဇဝါပန်းတွေဟာ အငမ်းမရ ရှုရှိုက်ရင်း တစ်ကိုယ်လုံး ဖြူစွတ်ထား
လက်နှစ်ဖက်နဲ့ ရုန်းကန် ဖယ်ရှားရင်း အမြင်အာရုံဟာ ေ၀ဝါးလို့
အရိပ်တွေဟာ အေးစက်တဲ့ ငါ့လက်ကို ဆွဲယူသွားကြတယ်
အလင်းရောင်ဟာ အရိပ်တွေနဲ့ စစ်ထုတ်လိုက်လို့ အားဖျော့နေတဲ့အကြည့်နဲ့ လင်းတယ်
လေတိုးသံထဲမှာ လေတိုးသံ လို့ တိကျတဲ့ အရသာတစ်ခုဟာ ငါ့မျက်နှာပေါ်ဝဲကျထားတယ်
ဒီနေရာမှာ နွေးထွေးချိုမြိန်ခြင်းတွေ ပြင်းပြတောက်လောင်တဲ့ မျှော်လင့်ခြင်းတွေ မရှိဘူး
ဒီအငွေ့အသက်နဲ့ ဒီကျောရိုးထဲက ဆာလောင်ခြင်းဟာ ဖြတ်သန်းသွားဖို့ပဲ
မီးတောက်မီးလျှံကို တိတ်ဆိတ်ခြင်းက ဝါးမျိုနေတဲ့ ပုံစံဟာ
တစ်ယောက်ကိုတစ်ယောက်ဖက်ထားလို့ မနွေးနိုင်ဘူး
အဲ့ဒီ့ အရေပြားတွေ ပေါ်က ရေဓါတ်မရှိတော့တဲ့ မျက်လုံးတွေ တောင်လည်မြောက်လည် လည်ကြ
စိတ်တွေနဲ့ အားယူ ပွေ့ဖက် လိုက်တဲ့အခါ ဟာ ကနဲ ဟာ သွားတဲ့ ဟင်းလင်းပြင်းတစ်ခုဟာ ….. ‘‘ဟာ’’
သူ့နာမည်ခေါ်ပြီ ကြိုဆိုလိုက်ပေမယ့် သူပါမလာတဲ့ အေးစက်ခြင်းတွေက
ဘယ်ကိုမှ ထွက်မသွားတော့မယ် ဧည့်သည်ကြီးတွေ
အမှောင်နဲ့ အလင်းကြားမှာ ထင်ထင်ရှားရှား မြင်နေရတဲ့ အမှတ်သား
ငါမင်းကို ရှုရှိုက်ခွင့် များရရင် ငါ့ အဆုတ်ထဲက ချစ်ခြင်းတရားနဲ့ အော်ခေါ်လိုက်ချင်တယ်
‘‘မြူ”

nelay

ဒီဇင်ဘာ စကား

မျက်တောင် မခတ် ပဲ ကြည့်နေတဲ့ စိတ်ကို အများသုံး အိမ်သာထဲ ရေဆွဲချထားတယ်
အဲ့ဒီ့ နေ့က အကြီးအကျယ် သတင်းဆိုတဲ့ အကျယ်ကြီး သတင်းကို ပြန်ကြားရတော့
လက်ထဲက မကုန်ခင်တောက် ပစ်လိုက်တဲ့ ဆေးလိပ်တောင် ပြန်နှမျော သွားတယ်
စက္ကူကုန်နေလို့ ဒီအတိုင်း မကုန်းပဲ ပြန်ထွက်လာတဲ့ လူတွေ
ငါပဲ မသိချင်ယောင်ဆောင်ပြီး ကြည့်နေရတာ ကိုယ့်ကိုယ်ကိုယ် မလုံ သလိုလို
Page နံပါတ် ၂၃ ကို ကလစ် လိုက်တော့ ကဗျာဆရာမတွေ ကဗျာလောကထဲ
အုံလိုက်ကျင်းလိုက် ဝင်လာကြတယ် ငါလဲ လှတာနဲ့ ကြည့်နေရတာပါပဲ ပြီးမှ
ကျောကုန်းပေါ်ထွက်နေတဲ့ အဆူးတွေ ကို အသာ သပ်ချ
မနေ့တုန်းက ငါတွေ့ဖူးသမျှ လူတွေထဲ သူ့ကိုယ်သူ
စိတ်ချမ်းသာချင် ယောင်ဆောင်ထားတဲ့ လူကို ငါတော်တော် ခေါ်ယူရတယ်
သူ့မျက်နှာမှာ ပေါက် နေတဲ့ ဆံပင်တွေကို ငါ့မှာ စိတ်ရှည်ရှည်ဖီးပေးဖို့လေ
ဒါနဲ့ပဲ ဆောင်းတွင်း ကို ရောက်လာတော့တယ် ဆောင်းတွင်းရောက်လာတော့ ဘာဖြစ်ရမှာလဲ
အသားပတ်တာပေါ့ အသားပတ်တော့ စိတ်တွေ ခြောက်ကပ်ကပ်နဲ့ အရိပ်မကျတဲ့ သစ်ပင်အောက်
သွားထိုင်နေလိုက်မှ ဆောင်းဒဏ်က နည်းနည်း သက်သာ သွားတယ်
I saw myself …. In you. ဆိုတဲ့ အသုံးအနှုန်းကို မိန်းမတွေကို ပြောရင် သိပ်ကြိုက်ကြတာပဲ
ဒါနဲ့ ငါလဲ ဒီနာမည်နဲ့ ကွန်ဒုံး ထုတ်မယ် ဆိုတော့ လူကြီးတွေက ငါ့ကို ဝိုင်းတားလိုက်ကြတာ
ငါလဲ လူကြီးတွေကို ဗွေမယူပါဘူး ဒီလိုလုပ်လိုက်ရင် အဲ့ မိန်းမကြိုက်တဲ့ အသုံးအနှုန်းကြီးနဲ့
သူတို့ဘယ်လုပ်စားလို့ရတော့မလဲ ခေတ်အဆက်ဆက် နတ်သက်ကြွေခြင်းနဲ့
အိန်ဂျယ်တွေပြုတ်ကျလာခြင်းကို ပြတဲ့ အကွက် ကြီးကို ငါက အားအားယားယား တိုင်းနေမိတာလား
စောစော က မှ လက်ဆေးပြီး ထလာတော့ အဲ့ အကွက်ကြီးကို တံမြက်စည်းလှဲသွားကြပြီလေ
ငါလဲ တော်တော်လေး စိတ်ထိခိုက်သွားတာနဲ့ သောက်ထားတဲ့ ဘီယာတွေ ကို ရည်းစားဟောင်းတွေရဲ့
အိမ်ရှေ့တွေမှာ သွားသွားပေါက်နေတာ နှစ်ပေါက်တော့မယ် ဆရာဝန်ကတော့ ပြောပါတယ်
မင်းမှာ ဆီးရောဂါမရှိပါဘူးတဲ့ အစက ငါလဲ မင်းတို့လိုပဲ အမေတွေကို သိပ်ချစ်
မိန်းမတွေကို သိပ်ချစ်တာပေါ့ ချစ်တာမှ မင်းတို့ထက်တောင် ပိုသေးတယ်
မယုံရင်သေသွားတဲ့ ငါ့ကြောင်အနက်လေးကို မေးကြည့်

nelay

ငါမျိုး ငါရိုး

သူ့ကိုယ်သူ ရှင်ပြီ ထင်ပြီး 

သေသေ နေရတဲ့ အမျိုး
တောမှာ ဂျိုကျိုးနားရွက်ပဲ့ နဲ့ 

အာရုံတက်တိုင်း တွန်တွန် နေတတ်တဲ့ အရိုး

အဆွေတွေ အပေါင်း နဲ့ အနုတ် နဲ့ အမြှောက် နဲ့ 

စားစား နေရတဲ့ အမျိုး
နိဗ္ဗာန်သာ ရောက်မယ် ဆိုရင် အရိုးတွေ အကုန်ဖယ်ပြီး 

အသားတွေကြီး လှူမယ်ဆိုတဲ့ အရိုး


အရိုး ကိုသာ လာမထိ ရင် အမျိုးတွေကို 

တစ်သက်လုံး အရိုးထဲ လှောင်ထားမယ် ဆိုတဲ့ အမျိုး
ယဉ်ယဉ်နဲ့ကျေးကျေးနဲ့ ရိုးရိုးနဲ့ရာရာနဲ့ အတွဲလိုက်ဖြုတ်ထားတဲ့ အရိုး 

rhyme တွေဘယ်တော့မှ မကျိုးတဲ့ အရိုး


ဇာတိမာန်တွေ တစ်ကွင်းလုံး ထက်သန်စေဖို့ 

အားအားရှိတိုင်း အားယားနေတဲ့ မျိုးချစ်ကြီးတွေ 

ကွေးအောင် ကနေကြတဲ့ အမျိုး
အမျိုးတွေ သာ ခေါ်မယ် ဆိုရင် အရိုးတွေ ကျေလို့ အရေခမ်းခမ်း 

အကန်းကမ္ဘာမှာတစ်သက်တာ ထာဝရနေမယ်ဆိုတဲ့ အရိုး


အပြောင်းနဲ့ အလဲကို ပါးစပ်ကသာ အကြိုထောက်ပြီး 

အိမ်အောက်က ကြမ်းပြင်မှာ 

သူ့အမေလင်တွေဝှက်ဝှက်ထားတဲ့ အမျိုး
သူ့ကိုယ်သူ ရိုးလှ ပြီ အထင်နဲ့ နိုင်ငံတကာ က ဝင်လာသမျှ ကို 

လက်အုပ်ချီပြီ ထိုင်ထိုင်ဆဲနေတတ်တဲ့ အရိုး


ဂေါင်းတွေသာ စက်နိုးလို့ရရင် ဘာ ဂေါင်းက ဆွဲဆွဲ 

အတွဲလိုက်ပါမယ် ဆိုတဲ့ အမျိုး
သူ့အမေကလဲရိုး သူ့အဖေကလဲရိုး 

သူ့ညီရိုး သူ့ညီမရိုး
အရိုးပေါ်အရေတင်ရုပ်နဲ့ အရိုး Family အထုတ်ကို 

TV တွေပေါ်တက်တက် ဖြည်ပြနေတဲ့ အရိုး


နေထွက်တာကို အကြီးကြီး အော်ရယ်ပြီးမှ 

လ ထွက်မှာ ကြောက်လို့ တစ်မျိုးလုံး ဝါးလုံးခေါင်းထဲ 

ဝင်ဝင်ပုန်းနေတတ်တဲ့ အမျိုး

သူ့စိတ်ကို သူမနိုးခင် သူ့အရိုးကို သူချိုးပြီး 

သူလဲပဲ နိဗ္ဗာန်မှန်းလို့ သူ့တစ်မျိုးလုံးကို အရိုးတွေ
အရိုးတွေ အရိုးတွေ
အရိုးတွေ အရိုးတွေ
အရိုးတွေ အရိုးတွေ
အရိုးတွေ လှူခဲ့တယ်

nelay

အိမ်ထမင်း အိမ်ဟင်း

ခြေထောက်လက်ထောက် ဆေးပြီးပါပြီ 

ငါ့ ကို ကြွေးမယ့် ထမင်းထဲမှာ 

အဆိပ်ပါသလား အဆီပါသလား

ကမ္ဘာမြေပေါ် ဥက္ကာခဲ ကျလို့ 

စတော်ဘယ်ရီ သီးတွေ မဲ ကုန် ရတယ် ဆို 

TV ကို ပိတ်လိုက်စမ်း ပါ

ထမင်းစားနေရင် Digital အသုံးအနှုန်းတွေ 

ဝှေ့ဝှေ့ ဝင်လာသမျှ ကို မဖမ်းနိုင်ဘူး

ငါ့ ကိုယ် ငါ ဆောက်တည်ရာ မရ ဖြစ်နေရတဲ့ ကြားထဲ 

ဟင်းရည်တွေ က ဘာလို့ ဒီလောက်တောင် ပူနေရသလဲ

ငါ နဲ့ ငါ ကြားက ချုပ်ရိုး ကြောင်းကို ဖြေ ပြီး 

စားပြီး သမျှ ကို ရှင်း ရမယ် ဆိုတော့ 

မင်း မျက်နှာ က ဘာဖြစ်သွား တာလဲ

ငါ့ ကိုပြောစမ်းပါ 

ငါ့ ကိုပြောစမ်းပါ 

ငါ့ ကို ပြောစမ်းပါ 

အဲ့ဒီ နေ့ က ဘာ ဟင်းနဲ့ စားခဲ့သလဲ

ဟို လမ်းဘေး က ဝက်သားဟင်းကို 

Social network ပေါ်မှာ 

သာကူစေ့သံကောင်နဲ့ ရောပြီး 

စားခဲ့တယ်လို့ဖြေစမ်းပါ ဖြေစမ်းပါ 

အဲဒီလို ဖားချင်တဲ့ မျက်နှာနဲ့များ 

စားပွဲထိုးလေးကို ပိတ်ပိတ် ဟောက်နေရတယ်လို့

မိမဆုံးမ ဖမဆုံးမ ရာသီဥတုကြီးက 

ဘယ်လိုကြီးမှန်းမသိဘူး 

ဒီအချိန် 

ကြက်ဟင်းခါးသီးလေး တို့ လိုက်ရရင်ကောင်းမှာ 

စက်ပစ္စည်းဆိုတာ 

ပျက်တတ်တဲ့ သဘော ရှိနေတော့ 

မေမြို့ ကိုလဲ မပြင်နဲ့တော့ 

ဒီဇင်ဘာကိုလဲ မဖြုတ်လဲနဲ့တော့

အလကား လာချပေးတဲ့ 

ငပိရည်တို့စရာ ထဲက 

မချစ်စုတွေပဲ တို့စားလိုက်ပါတော့

ပလတ်စတစ် အိတ်ထဲ 

ကြက်သွန်ကြော်တွေ 

သိပ်များနေတဲ့ ငါးကျည်း ကြပ်တိုက် ကို 

3D ရုပ်ရှင်ရုံထဲဖောက်စား

ဟင်းဆိုတာ 

ပြောင်းဖူးအစေ့ကလေးတွေနွာပြီး 

ပြုတ်ထားတာရယ်

မြေပဲပြုတ် အခွံခွာ 

ပြုတ်ထားတာရယ် 

လက်ဖက်ဆီစိမ်လေးရယ် 

ငါးနီတူခြောက်ကလေးရယ် 

ဆတ်သားခြောက်ကလေးရယ် 

ကြက်သွန်ဖြူရယ် 

ဒညင်းသီးရယ် 

ငရုတ်သီးရယ် 

ရောထားလဲ ဖြစ်တာပဲ

ငါတော့ ဒီလ ကုန်ရင် 

အိမ်ခဏပြန်အုံးမယ် 

ထမင်းအိုး တည်ထား 

၆ နှစ် လောက်ရှိတော့မယ်

ငါထင်ပါတယ် 

အားလုံး သိုးကုန်ပြီ ဆိုတာ

မတတ်နိုင်ဘူး 

နံရိုးပေါင်း တစ်ပွဲ ဝယ်ပြီး 

ငါ့ နှစ်ကာလ များကို 

ကြွေးရတော့မှာပဲ

nelay

ငါ့ ကြက်ဥ ကို ဘယ်သူနေရာ ရွှေ့သွားသလဲ

ဒုက္ခိတ တွေ ပတ်ပတ်လည် ဝိုင်းနေတဲ့ ကြက်ဥကြော်မှာ ငရုတ်ကောင်း မှုန့် နဲနဲ ဖြူးထားတဲ့ အလုပ်နဲ့ အသက်မွေး ဝမ်းကျောင်းကို လမ်းဘေးမှာပဲ လုပ်တယ်ပေါ့ အဝေးပြေး လမ်း မကြီး ပေါ် ကျကွဲ သွားတဲ့ တောကြက်ဥထဲ လမ်းပြပလိပ် ရဲ့ ဝီစီ သံဟာ echo သံနဲ့ အဝေးကြီးကိုပါသွားတယ်ပေါ့ လေယာဉ်ပျံပေါ် က ပစ်ချ လိုက်တဲ့ ကြက်ဥ ဟာ လေတိုက်နှုန်း 35 percent မှာ အကောင်ပေါက်လာတယ် ပျံတယ် ပျံတယ် ပျံတယ် တောဘဲ တွေ လို ပျံတယ် ပျံတယ် ပျံတယ် ပျံတယ် နဂါးတွေ လို ပျံတယ် ပျံတယ် ပျံတယ် ပျံတယ် ရွာက နွားကြီး လို ပျံတယ် ဒယ်အိုးထဲ မှာ ပိုးလိုးပက်လက် လန် လို့ ကြက်ဥကြော် ဟာ ပျံတယ် ဒါဟာ အစမ်းလေ့ကျင့် ရေး လုပ်နေတာ မဟုတ်ကြောင်း မပူသေးတဲ့ စားအုန်းဆီ ကို ပြောရတယ်ပေါ့ ကြက်ဥကြော်ကို အကြောင်းပြ ပြီး လွမ်းပြ နေတဲ့ မိန်းမတွေ ကြက်ဥကြော်ကို အကြောင်းပြ ပြီး ငိုပြနေတဲ့ ယောက်ကျားတွေ ကြက်ဥဟာ ကျောက်ဒိုး ပစ်လို့ ဂေါင် ထိသွားတဲ့အခါ ကွဲ သွားတဲ့ အရသာ အတိုင်းပဲ သမိုင်းထဲမှာ ကြက်ဥကို ကြော် ရီနေးဆန်း ခေတ်ထဲမှာ ကြက်ဥ ကို ကြော် ကျောင်း မှာ ကြက်ဥကို ကြော် တက္ကသိုလ် မှာ ကြက်ဥ ကို ကြော် ရထားပေါ်မှာ ကြက်ဥ ကို ကြော် တူး နံ့ တွေဟာ မဲနက်လို့ ဇွန်းပေါ်မှာ ကပ်ကုန်ပြီ အစာအိမ်ထဲမှာ ကပ်ကုန်ပြီ ဦးနှောက်ထဲမှာ ကပ်ကုန်ပြီး ခွာ မရတဲ့ အမှေး ပါး ပါး လေး ကို ကြက်ဥ အကာ ပေါ် က အတင်း ခွာ နေတယ်ပေါ့ လေးခွ ထဲ ထည့် ပစ်ဖို့ ကြက်ဥ ကို ဖွဖွ ကလေး ကိုင် ထည့်လိုက်တယ်ပေါ့ မကျက်တကျက် ပြုတ်ထားတဲ့ ကာကျက် ထဲမှာ အနှစ်ဆိုတာ လေ သလပ် မခံရဖို့ အမြဲစိမ်းသစ်တော တွေနဲ့ အုပ်ထားရတယ် လည်ပင်းမှာ ကြိုးတပ်ပြီး ကြက်ဥ တွေနဲ့ လမ်းလျှောက်ထွက် ကြတဲ့ အခါ အသိတွေ့ ရင် လက်ဆောင်ပေးဖို့ ကြက်ဥ ကိုလဲ ကြော်ထား ရတယ်ပေါ့ ငါ့ ကြော်ခါ နီး ကြက်ဥကို ဘယ်သူတွေက နေရာရွှေ့ လိုက်ကြသလဲ ဟေ့

nelay

ရုပ်သံ လောက ချစ်စရာ့ စောက်တလွဲများ

မြင်မြင်ရာ ကို လေ နဲ့ ပစ် လိုက် လို့ အသံ ကြားရတယ်
မချစ်သော်လဲ အောင့်ထားရတဲ့ 

ဖျော်ဖြေပေးရန် ပညာပေးရန် ပြန်ကြားပေးရန်

ရန်တွေများလာလို့ Record ခလုတ်တွေပိတ်ခဲ့တယ်
ဝန်းထမ်းဘဝဟာ reflector တွေ

နေပူမှာလှမ်းထားမှ အရောင်တွေပြန်ပြန်ပြန်ပြန်ပြန်ပြန် ပျံ

ဝါသနာ တစ်လုတ် အတွက် 

အစာငတ်ခံ ထားတဲ့ အစာအိမ် အမှောင်ခန်းတွေ

လှည်းတန်း မီးပွိုင့်အလယ်မှာ 

အပေါ့ သွားသလို media ဆိုတာ 

လက်ညှိုးထိုးဖို့ထင်သာမြင်သာ

လက်ချိုးရေထားတဲ့ ရုပ်သံ ကလေး 

ခြောက်တီးခြောက်ချက်ကိုပဲ 

စောက်ပြစ်ပြောဖို့
ည ၇နာရီ ဆိုလဲ ကြည့်
ည ၆နာရီ ဆိုလဲ ကြည့်
ည ၉နာရီ ဆိုလဲ ကြည့်ည
၁၀နာရီ ဆိုလဲ ကြည့်
ကြည့်ကြည့်ကြည့် 

အစာ ငတ်ခံပြီး ကြည့်

ကြည့်စရာမရှိတဲ့ ဒီလောကမှာ 

TV ရောဂါပိုးတွေ ထုတ်လုပ်ထားတယ်

ချောင်းဆိုးပြီးရင်ကြပ် နေရင် 

ရင်ချောင်စေဖို့ ရိုက်ကူးရေးတွေ ထပ်တိုးထားတယ်

ဘတ်စ်ကား ပေါ်မှာ စောက်အကြီးကြီး နဲ့ 

ရင်ဘတ်ပေါ်က တံဆိပ်တွေကို ကြည့်

ကိုယ့်သေတွင်း မှာ ကိုယ်တူးထားတဲ့ ဝါသနာ ကို 

စောက်ရှက်မရှိတဲ့ မျက်နှာနဲ့ ထုတ်ထုတ်ဖြီးရတယ်

လေချဉ်တွေ တက်လာတဲ့ ညနေများဆို 

အတိတ်ကာလကို ရိုက်ကူးရေးဖျက်ဖျက်ပြီး
လှည်းတန်း ဂုံးတံတား အသစ်ကြီးက နေ 

ခုန် ချ ခုန် ချ ခုန် ချ

၈နာရီ ကျော်သွားတဲ့ သတင်းမှာ 

ခြေ နှစ်ချောင်း မပါရင် မပြီးတဲ့ 

ဆယ်လီဘယ်တီ အတင်းတွေ

ဖွံ့ဖြိုးဆဲ နိုင်ငံများမှာ က 

ရုပ်သံလိုင်းကလေးတွေ ဟိုစုဒီစု

ဘာ စောက်စည်း စောက်ကမ်းမှ မသဒီစရာကို
လူကြီး အတု တွေ ထုပ်ထုပ်ပြီး 

နေရာတိုင်းမှာ လ တွေ ပွင့်ပွင့် ဝါစေဖို့
ဝန်းထမ်း အသစ်တွေ စုစု ထားတယ်

နည်းကျ လမ်းကျ ဘယ်သူ့ အဖေခေါ်ရမလဲ 

မျက်နှာ ငယ်ငယ် ထားနဲ့
ဝေလီဝေလင်းမှာ 

ထထ ယောင် နေတဲ့ စိတ်ကျ အိပ်မက် တွေပါ

စောက်ပြစ် ပြောတဲ့ 

CONSERVATIVE တွေ စုစု လာလို့
ကျီးကန်းကို ရေချိုး ပေးဖို့ 

ဆပ်ပြာကုန်နေတယ်

nelay

Goverment

ဘာပြုလို့ရန်ကုန် မြို့ကြီး ကို
backup လုပ်ပြီး


နေပြည်တော် Version ကို
ပြောင်း သုံးကြတာလဲ


အော်
virus ကိုက်မှာ
ကြောက်လို့

nelay

မြန်မာ့ရိုးရာ Zombie ဒေါ့ကူမန်ထရီ

ဒါဟာ SYRIA ကို အသွားအပြန်လုပ်နေတဲ့ 

သူ့စိတ်ကူးတွေကို ခါထုတ်လိုက်တယ်

တကယ်လို့ သူ့မှာ သတင်းဓါတ်ပုံ 

အခိုင်အလုံ မရှိခဲ့ရင် ဘယ်လိုလုပ်မှာလဲ

မာလီဆိုင်းလပ်ကို ခေါ်ပြီး က ခိုင်းမှာလား

သူဟာ Digital Drug နဲ့ 

အဆိပ်သင့်ရာကနေ နိုးလာတဲ့ 

zombie တစ်ကောင်ဖြစ်တယ်

သူနဲ့ ဘယ်နှစ်ပေ ပတ်လည် ကို သွားမကပ် မိစေနဲ့ 

ဆီရီးယား က ဘိုင်အိုဝက်ပွန် တွေ အန်ထုတ်လိမ့်မယ်

သတင်းဖတ်ရာ ကနေ ခဏရပ် ပြီး 

ကလေး ကို နို့တိုက်တယ် သေးတည် တယ်

ဒါဟာ aphasia ရဲ့ အစ ဆိုတာ သူသိသိကြီးနဲ့ 

ဆိုတေး ဆိုတဲ့ ငနဲ ရဲ့ သီချင်းကို 

အိမ်ရှေ့မှာ အကျယ်ကြီးဖွင့်ဖွင့်ထားတယ်

နောက်ဖေး မီးဖိုချောင်ထဲက အိုဘားမားရဲ့ ရုံးခန်းကို 

အိမ်လာလည်တဲ့ လူတိုင်း သူခေါ်ပြတယ်

စစ်အစိုးရကိုလဲ မုန်းသတဲ့လေ
ဆာလာတဲ့ အခါတိုင်း ကျနေတဲ့ စိတ်ကို ဇွန်း နဲ့ ခရင်း နဲ့ မှ 

သူက သပ်သပ်ရပ်ရပ် စားတတ်သေးတယ်

ရှော့တိလေးတွေ နဲ့ ဂေါ်ဖီပုတ် ကြွေးတဲ့ 

သူ့ အိမ်နောက် က ဝက်ခြံထဲမှာလဲ 

သူက စိတ်အပန်းဖြေ ထွက်လို့ 

ခေါင်းပေါ်က ပျံ သွားတဲ့ Thai လေယာဉ်ကိုလဲ 

ထိုင်ဆဲနေသေးတယ်

ငါတော့ သူ နမ်းနမ်း ပြနေတဲ့ သံကြိုးတွေနဲ့ မိန်းမ ကို 

သိပ်မုန်း တာပဲ လို့ ဆိုတော့
သူ က meditation လ တိုင်း ထိုင်ဖို့ 

ငါ့ အတွက် junction Square က 

3D လက်မှတ်တစ်စောင်မှာ ခဲ့ပေးတယ်

ပုတ်ပုတ် ထုတ်နေတဲ့ သူ့ အတွေးဟာ 

သိပ်ထူးဆန်းဖို့ ကောင်းတာပဲ
ကိုယ်ဝန် သည် တွေ ကို လက်ညှိုး မထိုး မိဖို့ 

ငါ အတန်တန် တားပါသေးတယ်

ဆွဲ နေတဲ့ စိတ် ဟာ swag တွေ ရှုတဲ့ 

ဆေးထဲက ပိုးမွှားတွေ ပါပဲ

ခေတ်တွေ ပြောင်းတာကို သူ ကြိတ်မှိတ် လက်ခံ လိုက်သလို 

သူ ပြောင်းခဲ့တဲ့ ခေတ်ကိုလဲ သူ စမြုပ် ပျံ တတ်လို့ မမောနိုင်ဘူး

ဟို ဖက် ရပ် ကွက် နဲ့ ဒီ ဖက် ရပ် ကွက် 

သူတို့ ခေတ်တုန်း က ရန် ဖြစ်တာကို 

ရွှေတိဂုံ မှာ ရွှေ ပြား ကပ် သလို ဝင်းလို့ ထိန်လို့ 

သူပြောနေရရင် ငါ တောင် 

လမ်းဘေး ကိုယ်စားပြု ဖခင်တွေ ကို သတိရတယ်

တိမ် တွေ ဟာ 

စောက်ဖောင်းထု ချင်စရာ

ကောင်းအောင် သိပ်လှတာပဲ

monarchist ဆိုတာ သူ့ လို လူတွေ အတွက် ပါတဲ့ 

သူ့ အိမ်ခြံ တံခါး ၀ မှာ ကြေးပြား အထူကြီး ကို 

သံနဲ့ စွဲအောင် နာနာ ရိုက်လို့ ကပ် ထားပြီး 

ကြေးပြား ပေါ်မှာ correction pen အရေ အဖြူကြီး ကို 

ပြစ်ပြစ် ခဲခဲ အထူကြီး နဲ့ ရေးထားတယ်

ခါတိုင်းလိုပဲ သူစား နေကြ အရာတွေထဲက 

စိတ်တိုင်းမကျတာတွေကို ထွေးထုတ်တယ်
ခါတိုင်းလိုပဲ သူ ထွေးထုတ်ပြီးသား 

အရာကိုကို ဆာလာရင် ပြန်စားတယ်

Homosexual တွေ အကြောင်းကို သူက homonym ပါပါ 

ငြင်းခုန်နေရရင် ပဲ သူ့ကိုယ်သူ ခေတ်မှီလာသလို ယုံကြည်မှုတွေရှိလို့

ဖွင့်ထားတဲ့ စာအုပ်ထဲက စာကြောင်းတစ်ချို့ကို 

သူရွတ်ရွတ်နေကြ Facebook ပေါ်က Group တစ်ချို့မှာ သူတင်တယ်

အများဆုံး တင်တာ ကတော့ 

A person who never made a mistake 

never tried anything new. Albert Einstein ဆိုတာတို့ 

Even if you are a minority of one, 

the truth is the truth. Mahatma Gandhi ဆိုတာတို့ 

The empires of the future are the 

empires of the mind. Winston Churchill ဆိုတာတို့

သူ့ သဘာဝကိုက အိပ်ယာ ဝင်စရာ မလို သလို နိုးစရာ လဲ မလိုဘူး
ဒီခရီးနဲ့ ဒီခရီးကို အချင်းချင်း ပြန်စားချင်ကြတဲ့ လမ်းပေါ်ကို သူသိပ်ထွက်လေ့မရှိဘူး

မြင်းခွာရွက်တွေ အဖို့တော့ 

သူ့စိတ် ဓါတ်ဟာ မုန့်ဟင်းခါးပဲ

မကြာမကြာ သူ့ကိုယ်သူ တခြား သူတွေ နဲ့ မတူဘူး ဆိုပြီး 

မတူအောင် လုပ်ထားတာတွေ ထုတ်ပြတတ်တယ်

သူ့ကို လူတွေက Like များများ လုပ်ပေးမှ 

နောက်ကွယ်မှာလဲ နေသာ ထိုင်သာ ရှိတယ်

သူ့မှာ ဦးနှောက် မပါ တာကလွဲလို့
သူက သေမထူးနေမထူးပဲ ဆိုတဲ့ 

စကားပုံကို သိပ်ကြိုက်တယ်

nelay

MA MA (EXO-K) Misheard Lyrics in Myanmar transform to poem by nelay

Kpop က EXO ဆိုတဲ့ အဖွဲ့ တစ်ဖွဲ့ရဲ့ သူ့ချစ်တဲ့ မြန်မာပြည်က Fan တစ်ယောက်လုပ်ထားတဲ့ လွန်ခဲ့တဲ့ တစ်နှစ်လောက်က တင်ထားတဲ့ Exo video လေးကိုကြည့်မိထားတယ် ….. အဲ့ဒီ ပုံစံမျိုးက အခြား Kpop တွေကို မြန်မာလူငယ်တွေ ရီစရာအဖြစ်နဲ့ တင်တင်ထားတာ တွေ့ရပါတယ် …. ကျနော်လဲ ရီခဲ့ဟားခဲ့တာပါပဲ ….. အခု ဒီတစ်ပုဒ် နားထောင်မိတော့ ဘာကိုသွားတွေ့လဲ ဆို စိတ်ဝင်စားဖို့ကောင်းတဲ့ ဘာသာစကားတစ်ခုနဲ့ တစ်ခုရဲ့ဆက်နွယ်ပုံမျိုးပဲ ….. ငယ်ငယ်က ဂျပန်စာတက်တော့ အသံထွက်တွေကို မြန်မာသံနဲ့ လိုက်မှတ်ဖူးတယ် စောက်တလွဲတွေပဲ ရီရတာပေါ့ …. EXO Fan တွေကလဲ သူတို့ဘာသာစကား မတတ်ပေးမဲ့ သီချင်းကို ရူးကြတဲ့ အခါလိုက်ဆိုဖို့ အားထုတ်ကြရတယ် အဲလိုအားထုတ်ရာကနေ အသံထွက်တွေ လိုက်မှတ်လိုက်ဆိုပုံပဲ အဓိကက ဆယ်ကျော်သက်လူငယ်တွေ ဆိုတော့ ကိုးရီးယားလို သင်ဖို့ကလဲ မဖြစ်နိုင်သေးတော့ သူတို့အားကျတဲ့ သူတို့စိတ်ကူးထဲက သူရဲကောင်းတွေရဲ့ သီချင်းတွေကို အဲလိုလုပ်လိုက်ဆိုကြတာပါ နောက်ပြီး online စတုန်းက ဘားဂလိ လို ရေးကြတယ် အခုလဲ အဲလို အသံထွက်ပုံစံနဲ့ ရေးနေကြတုန်းပဲ အရင်တုန်း ကျနော်လဲ ကဗျာတစ်ပုဒ်ကို ဘားဂလိ လိုရေးဖူးတယ် အဲလိုပုံစံနဲ့ အခု ဘာသာပြန်ကလဲ ထူးဆန်းတယ် သူတို့ဘာသာစကားနဲ့ဆိုရင် အဓိပ္ပါယ် ရှိချင်ရှိနေမှာပါ ….. အဲလိုပဲ ကျနော်တို့ ဘာသာစကားပြောင်းလိုက်တော့ ပိုလို့တောင် အဓိပ္ပါယ် ရှိသွားတဲ့ အပြင် ကဗျာတစ်ပုဒ်အသွင်နဲ့ ကျနော်ပြန်ခံစားကြည့်ပါတယ် ကဗျာတစ်ပုဒ်အနေနဲ့ ပြန်ခံစားတော့လဲ ကျနော့်အနေနဲ့ တော်တော်ထိထိမိမိရှိလှတယ် ….. စာသားဖတ်ရှု့ခံစားနေတဲ့ လူဟာ လုံး၀ အဆက်ပြတ်ပြီး စဉ်းစားခြင်း အဆင့်ကိုတန်းရောက်တယ် …. ရုတ်တရက် ဖတ်နေရင်း ကိုယ်သိတဲ့ ကိုယ့်ဘာသာစကား အဓိပ္ပါယ်ပေါ်တဲ့ နေရာရောက်ရင် လူက လင်းကနဲဖြစ်သွားတယ် …. အဲလိုဆက်ဖတ်နေရင်းနဲ့ ချက်ခြင်းဆိုသလို လမ်းစပြောက်သွားတာပဲ …. အဲဒီ့ အရသာဟာ ဦးနှောက်ကိုလှုပ်နှိုးရာက တဆင့် အဲ့ဒီ့ခံစားချက်ကို နှလုံးသားကပါ မသိမသာကြိုက်နှစ်သက်လာတော့တာပါပဲ ….. မူရင်း ဘာသာပြန်တဲ့ လူကိုလဲ Credit ပေးပါတယ် …. အဲ့ဒီ့ EXO video ထဲက စာသားတွေကို ပြန်ကူးရိုက်ပြီး ကဗျာထဲထည့် အပိုဒ်ခွဲ တိုက်ရိုက် စီထားလိုက်ပါတယ် (မည် ဆိုတဲ့နေရာကို ည်ည်ည်ည်ည် လို့အနည်းငယ်ပြောင်းထားသည်မှလွဲ၍) …. မူရင်း EXO video ကိုလဲ ပြန်တင်ပေးလိုက်ပါတယ် …. တစ်မျိုးကတော့ ဟာသလို ခွက်ထိုးခွက်လှန်ရီနိုင်သလို နောက်တမျိုး ကတော့ ကဗျာလို ဘာသာစကားနဲ့ စိတ်လှုပ်ရှားဖွယ် ရောလျှက်ခံစားကြရမှာပါ

MA MA

Cat List …. Cat List
Shoot အနားနီး မော့စ် အနားနီး မော့စ်
Fatherless, Motherless
နောင်ဝဏ္ဏ ခဲနဲ့ ပေါက် မည်ည်ည်ည်ည်ည်
eel upon a chair
ရွှေမျှော် ဟန်နီ god ဂါထာ
ကြွက်မ super girl အော်ပြီးဆော့
မြူတွေ ကာကြည့်မှန်း
မမ အင်ကြင်းနဲ့ ခဲ ထည့်ထား ဖက်ကြော
ဝယ်စားတာ သူလေ သားလာ ချောင်းလို့ကြည့်
အာရုဏ်လာတော့ ခြေချော်ပြီဟ နင်းခဲ့ ကျုံးထဲ Hacking Energy
အိမ်ရှင် Donald Sarah ကတော့ ဝက်ပုတ် အီးခြောက်ခိုး
ဘယ်လိုအားနှင့် မသွား အီးတို့ကို
တူရွင်းတိုလေး ချဲ့ လို့ ဆားကငံ၏ မဖင်ကုန်း
အိမ်မြောင်ရဲ့ ခါးများအလယ်ကောင် ချွန်တွန်း
ဆောရီး ကတုံး အာဂျူရှိ
ခုချိန် ဘာကို ဘယ်သု့ိ ပို့ လို့ထား
အီဂျစ်မှ ကျောက်ခဲ ….
ဦးရီး ဒေါ် အိစံ နွံထဲမှာ ကျွတ် ဟ ကြည့်ဟ နင့် car
Sotong ဟကြည့်ဟ နင် Car
ဆာတိုင်း ဟကြည့်ဟ နင့် Car
Up & down ရှိလဲ ငရွှီး ငမူး Lee Min Ho
BaekHyun ဆိုအိတ်သူခိုး … Baekho နင် အတင်းသာခိုး
အစ်မလေးယုံ မမ မမ
အော်ကျယ်ကောင် ပုချောဦးလေး ဆွဲထားနို့ မို့ ကြာမှာ ကြိုးကွင်းက ချော်
ရုပ်က အီလို့ မဏ္ဍပ် တက်ကြည့် နေခဲ့တော့ မခေါ်
ဒီကောင်လေး စိန်တုံးကို ကန်ကျုံးလို့ သားသားထမ်းပို့ အကို အော်မှ
Sulli ဒီမှာ နားရင်းအုပ်လို့ အစမ်းသပ်ခံ ballpen
နာရီ Kai စွပ်လို့ …. ဘယ်လိုမှ သော့ဟဲ့ကျိုး
ဦးရီးက အင်္ဂါနေ့ Super girl အုပ်ပြီးနေကော
စောင်ခြုံပါနှင့်ကော
မန္တန်ကို စုန်းတွေ ခြောက်ဖို့ နှစ်ကြိမ်မြောက်
ဟန့်ခဲ့ ဦးလေး ကိုဦးကို
ဓါးမဓါးကို ဆောင်လို့ ရောင်းတုန်းတဲ့
တို့တွေ ခေတ်ကို ရှေ့သာမျှော်
ဦးလင်း ဒေါ်အိစံ noodle မာကြွပ် …. ဟတ်ချီး အား နဂါး
Sotong ဟတ်ချီးအား နဂါး
စာတမ်း ဟတ်ချီးအား နဂါး
အပေါ်ခြုံ ရှိလဲ ဓါးရှည်နဲ့ မူး ဟစ်တတ်လို့
ဘကွန်း စွတ်အိပ်တာကို ….. ဘကွန်းပြောင်တတ်တာကို
အစ်မလေးယုံ မမ မမ
(Dance Break)
ကျွတ်ခိုး၊ ကျုပ် key ခိုး …. စာဥကို ဝက်ကြီးခိုး
ဟေ့ကောင် ကြုံကြိုက်ရင် အားနေယား
ထိုးဝါးကျော်လို့ မမ မမ မမ မမ တန်းပတ်
ကဲသာကဲ မမ မမ မမ မမ Rolling back
BaekHyun ကြီးလို့ ပြောလို့ နှာနုကို ဆောင့်ထိုး
ဟေ့ကောင် ဖဲအိမ်ဒိုး အားနေယား
ထိုးဝါးကျော်လို့ မမ မမ မမ မမ တန်းပတ်
!!!!!!! ရဲ !!!!!!!!
Kill this! Kill this! (မမ)
Shoot အနားနီး mouse …. အနားနီး mouse (မမ)
Headless mouthless (မမ)
နောင်ဝဏ္ဏ ခဲနဲ့ ပေါက် မည်ည်ည်ည်ည်ည် (မမ)
ဆန်းငွေဟာတော့ ကြွက်ကြီးကို ဖားထင်
နာရီတွေလဲ ခံစား အာပုံ
ရဲကြီးဆဲလို့ အိမ်မြောင်လူတွေ မှန်ထွင်းခိုး
ကဲ ကျုပ် ဘောလုံး မဦးမယ့် ဘော်ဒါ ကင်ပွန်း စားတာ နင့်
မိုးသူ ဟန့်ခဲ့ ဦးစုစု အိမ်သာမျော
ဦးရီးတော့ အိပ်စမ်း …. နုနု မကြူ အားကြီးအားနဲ့ က
Sotong အားကြီးအားနဲ့က
Sir Rum အားကြီးအားနဲ့က
အာ ဖွတ် မျှော့ ရှိလဲ ဓါးရှည် နဲ့ မူးဟစ်နေလို့
ဘကွန်း ဆို အိမ်သာခိုး …. ဘကွန်း ဖြောင် သံသူခိုး
အစ်မလေးယုံ မမ မမ
Careless Careless
ရှုပ်တယ် annoying maths … annoying maths
Handle this … Mandalays’
နောင်ဝဏ္ဏ ခဲနဲ့ ပေါက်မည်ည်ည်ည်ည်ည်ည်

EXO-K
Post Translated by S.Moon
transform to poem by nelay


ဒါက youtube ကလင့်နဲ့ သူတို့ရဲ့ ခံယူချက် စာသားတွေပါ


[HD] EXO-K MAMA (Misheard Lyrics in Myanmar)
http://www.youtube.com/watch?v=w4lDKYLHJqw


Published on Jul 6, 2012
Singer : EXO-K, Song : MAMA (Misheard Myanmar Lyrics by: S.Moon) မူရင်းစာသားများကို ဒီ music video များမှာကြည့်ပါ။ (click "show more") EXO-K : http://www.youtube.com/watch?v=JSr8VC... EXO-M : http://www.youtube.com/watch?v=ngSWBp...


(အပျော်အပျက် ရီစရာသက်သက် ရေးထားခြင်းသာဖြစ်ပါသည်။)


EXO : http://www.facebook.com/EXOplanet.Mya... JJ-project : http://www.facebook.com/JJproject.Mya...


http://exoplanet-myanmar.com/


(The content music is owned by SM Entertainment. I do not own any of these.)
Uploader Comments (Dozenists EXO)
Dozenists EXO 1 year ago
မှတ်ချက်။ ။ဖန်တီးသူများသည် Kpop fan များဖြစ်ပါသည်။ သို့ဖြစ်ပါ၍ Kpop ကို နှက်သော misheard များ ဖန်တီးသည်ဟု တစ်လွဲစွပ်စွဲနေကြခြင်းများ ရပ်တန့်ကြပါကုန်။ အပျော်သက်သက်သာ ဖြစ်ကြောင်း အခါတစ်ရာမက လူတိုင်းစေ့လိုက်ပြောလဲ သဘောပေါက်ကြမည်ဟု မထင်ပါ။ တင်ဆက်သူများကိုပါ မကောင်းသောသူများအဖြစ် လူများအမြင်တွင် ထင်မြင်စေနိုင်သော comment/post များ pls don't post. ကျွန်ုပ်တို့သည် EXO အဖွဲ့နှင့် Kpop ကို အားပေးကြောင်း အတိအလင်း ကြေညာပါသည်။ အပင်မြင့်လျှင် လေတိုက်ခံရသည်ဖြစ်၍ Kpop ကို တချို့က ဖဲ့ကြသည်မှာ မဆန်းပါ။ :)

မိသားစုဝါဒီ

မိသားစု ဝါဒီတွေဟာ မိသားစု နဲ့မှ နွေးထွေးမှု အစစ်အမှန်လို့ သူတို့အယူအဆကို သူတို့ အစွန်းရောက်သည် အထိ ယုံကြည်ထားကြတယ် အဲ့ဒီ ယုံကြည်မှု ရဲ့ အစွန်းရောက်မှုဟာ စိတ်တွေကို ဝန်းရံပိတ်ဆို့ထားတဲ့ နံရံတွေနဲ့ အလားသဏ္ဍာန် တူတယ် မိသားစုဝါဒီတွေဟာ သူတို့မိသားစု လုံခြုံနွေးထွေးဖို့ သူတို့ဝန်းကျင်ကို တံတိုင်းတွေနဲ့ကာရံလိုက်ကြတယ် မိသားစုဝါဒီတွေရဲ့ တံတိုင်းတွေဟာ သိပ်လုံခြုံလွန်းတော့ တော်ရုံလူ အဝင်ခံဖို့ကို သူတို့ဝါဒတွေနဲ့ ပိတ်ဆို့ကြတယ် မိသားစုဝါဒီတွေဟာ သူတို့ မိသားစု နွေးလုံခြုံဖို့ဆိုရင် ဘာမဆိုလုပ်ဖို့ အသင့်ပဲ မိသားစုဝါဒီတွေဟာ မိသားစုမထူထောင်ကြသူတွေကိုလဲ သူတို့ ရန်သူလို အဆင့်မတူသလို သဘောထားကြတယ် မိသားစုဝါဒီတွေဟာ သူတို့ လူတွေပဲဖြစ်တယ်ဆိုတာကိုမေ့လျော့နေကြတယ် မိသားစုဝါဒီတွေဟာ တစ်နေ့တစ်နေ့ သူတို့ တံတိုင်းကို မြင့်သထက်မြင့်အောင်ဆောက်လုပ်ဖို့ပဲ သူတို့ အစွန်းရောက်ကြတယ် မိသားစုဝါဒီတွေဟာ သူတို့ဝါဒီတွေ ဖွံ့ဖြိုးတိုးတက်ဖို့ အချင်းချင်း ယိုင်းပင်းကြတယ် မိသားစုဝါဒီမဟုတ်တဲ့ သူတွေကိုတော့ သူတို့ရဲ့ကျေးကျွန်အဖြစ် တစ်သက်လုံးထားဖို့ ဝန်မလေးကြဘူး မိသားစုဝါဒီတွေဟာ သူတို့ဆောက်လုပ်ခဲ့တဲ့ တံတိုင်းတွေ မြင့်လာလို့ အရိပ်ကျလာတဲ့အခါ တံတိုင်းအတွင်းထဲက မိသားစုဝါဒီတွေ တစ်ယောက်ကို တစ်ယောက် မမြင်ကြရတော့ဘူး မိသားစုဝါဒီတွေဟာ တစ်ယောက်ကိုတစ်ယောက် တိုက်မိကြရတယ် မိသားစုဝါဒီတွေဟာ သူတို့ တံတိုင်းကြီး မပြိုလဲဖို့ မိသားစုဝါဒီအချင်းချင်း စုစည်းကြတယ် မိသားစုဝါဒီတွေဟာ လွတ်လပ်သူတွေကို အမြင်မကြည်ကြဘူး မိသားစုဝါဒီတွေဟာ သူတို့ တံတိုင်းဆောက်လုပ်နိုင်တာကိုပဲ သူတို့ မိသားစုဝါဒီအသိုင်းအဝိုင်းထဲမှာ ဂုဏ်ယူဝင့်ကြွားစွာ ပြော ဆိုကြတယ် မိသားစုဝါဒီတွေ ပြောတဲ့ စကားတွေဟာ သိပ်ကြီးလွန်းလို့ နောက်ထပ် တံတိုင်းတွေတောင် ဆောက်လုပ်လို့ရတယ် မိသားစုဝါဒီတွေ မိသားစုဝါဒီဖြစ်လာတာကြာလာတော့ လွတ်လပ်သူတွေရဲ့ အိပ်မက်ကိုမေ့ထားကြတယ် မိသားစုဝါဒီတွေရဲ့ အဓိက ချို့ယွင်းချက်က သူတို့ဟာ မိသားစုဝါဒီတွေ ဖြစ်နေကြတာပဲ မိသားစုဝါဒီတွေဟာ သူတို့ မိသားစုဝါဒီတွေ လုံခြုံနွေးထွေးဖို့ အလုပ်လုပ်နေကြရင်း တစ်ချိန်က သူတို့ဟာ လွတ်လပ်သူတွေ ဖြစ်ခဲ့တယ်ဆိုတာကို မေ့သွားကြလေရဲ့

nelay

တိမ်တွေနဲ့မလွတ်တဲ့ အတံ

“သတိ’’

မိန်းမတွေက ‘သတိ’ ဆွဲခိုင်းလို့ ငါတို့တွေ မတ်မတ် ရပ်နေခဲ့တာလား

သူတို့လို သွေးမအန်ပေမယ့် ကိုယ့်ဒုက္ခလဲကြီးတယ်

မွေးရာပါ ဒုက္ခ တွဲလောင်းနဲ့မို့ ထထ လာတဲ့စိတ်ကို အပြစ်လို့ မြင်မိကြသလား

အမြိုက်ဒေါသ ရမ္မက် ကိုးပါး ထို တွဲလောင်းကလေးနဲ့ ထိန်းချုပ်အားကို

စိတ်တွေနဲ့ ကြိုးစားရင် ဘုရားတောင်ဖြစ်နိုင်ရဲ့

ထောင်မတ်လာမဲ့ ဆန္ဒတွေ အတွက် ပေါင်ကြားထဲမှာ ဖိနှိမ့်ထားရတယ်

မြင်မြင်ရာက မိန်းမတွေပဲ ဈေးကွက်တင်တာ မိန်းမတွေပဲ ရောင်းကောင်းတာလဲ မိန်းမတွေပဲ

ငါတို့ အတံတွေ စိတ်မဝင်စားဘူး ငါတို့ စိတ်ဝင်စားတာ မိန်းမတွေပဲ မဟုတ်လား

တချို့ အတံ တွေက ကိုယ့်ကိုယ် ကိုယ် ဖြတ်တောက်ပြီး အပေါက်လုပ်သွားကြတယ်

ဒီအတံကလေးတွေ ထောင်ထောင်လာလို့

ဒီနိုင်ငံကြီးက အရှက်ကြီးကြီးနဲ့ ယဉ်ကျေးမှုတွေ မတရား ထိန်းသိမ်းထားလို့

နည်းမှန်လမ်းမှန် မျိုးမပွားတော့ဘူးလား

သူတို့ ရိုးရာဟာ ငါတို့ အတံတွေ ဖွင့်ဟ မြင်သာဖို့ ပိတ်ဆို့ထား လည်ပင်းညှစ်ထားတဲ့ အယူလွဲတွေ

ပိန်လှီနေတဲ့ မဖွံ့ဖြိုးတော့တဲ့ မပွင့်လင်းတဲ့ မျိုးပွား အင်္ဂါတွေနဲ့

နိုင်ငံသစ်ကြီးကို ထောင်မတ်ဖို့များ ကြိုးစားနေကြတယ်လို့

အသိဉာဏ်ဆာလောင်ခြင်း နဲ့ အတံတွေရဲ့ ဆာလောင်ခြင်းဟာ ပွင့်လင်းမြင်သာ ဖွင့်ချဖို့တော့လိုပြီ

ဟိုကောင်တွေကို မေးကြည့်ထားတယ် ခင်ဗျားအမေနဲ့အဖေက ဘာလုပ်ဖို့ခင်ဗျားကို အားအားယားယားမွေးထားတာလဲ

နားးးး ရှက်လိုက်တာ

ဘာ သွေးသားဆန္ဒတဲ့

ဘာ စွတ်မိသွားလို့ တစ်ဘ၀ လုံး ပျက်ပါပြီ ဟုတ်လား

ဟိုမှာ သူတောင်းစားတွေ ခွက်ခေါက်နေတယ်

ရှင်တို့ နားမလည်ပါဘူး

အေးလေ ဒါမို့ ငါတို့က ဖခင်တွေဖြစ်နေတာပေါ့

Raymond Roussel ကိုခေါ်ပါ

Marquis de sade ကိုခေါ်ပါ

ရတနာဝင်းထိန် ကိုခေါ်ပါ

မိသားစု လိုချင်မှတော့ ခင်ဗျားတို့တွေ ဆေးမသောက်နဲ့ ဦးထုတ်မဆောင်းကြနဲ့ပေါ့

ခေတ်အဆက်ဆက် တိမ်တွေဟာ ဖောက်ပြန်အားနဲ့ ငါတို့ အတံတွေကို ဖိချထားတယ်

ရတနာဝင်းထိန် စာရေးတာ သူတို့တွေ ပြောသလို နည်းစနစ်ကျကျ ပွင့်လင်းမြင်သာဖို့

ရည်းစားထားတာ သီးချိန်တန်သီး ဖွင့်ချိန်တန်ဖွင့်ဖို့

စေ့စပ်ကြောင်းလမ်းတာ မနေနိုင်ကြလို့

မင်္ဂလာဆောင်တာ လူသိရှင်ကြား ဆက်ဆံကြဖို့

ဉာဏ်တိမ်တဲ့ မိန်းမတွေနဲ့ ဉာဏ်တိမ်တဲ့ အတံတွေ မွေးထုတ်ချင်မှတော့ လူကုန်ကူးမှုတိုက်ဖျက်ရေးတွေ မလိုတော့ဘူး

အရှက်မရှိတဲ့ အနုပညာ ထက်

အရှက်အကြောက်ကင်းတဲ့ အနုပညာ ပဲလိုတယ်

ဘာကိုရွေးခြယ်ထားတဲ့ ခေတ်ပျက်ကြီးလဲ

သူတို့ ကတော့ မိုးရွာတိုင်းကောင်းနေကြတာပါပဲ … ခါးတယ်မဟုတ်လား

ရင်သား အကြီးကြီးတွေ မြင်တိုင်း

ငါတို့ အတံတွေ ထောင်မတ် နေတာ တိမ်တွေ သိပ်နိမ့်လွန်းလို့

nelay

လွမ်းတယ်ဆိုတာ

ခင်ဗျားတို့ လူ့အသိုင်းအဝိုင်း ဆိုးကြီးထဲ

ကီးဘုတ်ပေါ်က I miss u ဆိုတဲ့ ခလုတ်တွေ နဲ့ ဆိုတာမျိုး

ငါ နင့် ကို အရမ်း လွမ်းလိုက်တာ ဟာာာာ ဆိုတာမျိုး

မောင်စိန်ဝင်းပုတီးကုန်း ထဲက နွဲ့ဒါလီ ကိုဖြင့် လွမ်းလွန်းလို့ ညည အိပ်မပျော်တော့ဘူး ဆိုတာမျိုး

ကိုကို မီးကို အရမ်း လွမ်းတယ် လို့ ခဏခဏ ပြော ဘာာာာ ဆိုတာမျိုး

I miss u ကို copy ကူပြီး Paste တွေ အကြိမ် တစ်ရာလောက် လုပ်ပြ တာမျိုး

သူ့ကို လွမ်းလွန်းလို့ ညရေး ညတာ ခက်လှခြည့်ရဲ့ ဆိုတာမျိုး

နင် ငါ့ ကိုပဲ လွမ်း ရမှာ သတိရ ရမှာ နော် ဘယ်သူ့ကိုမှ ငါ့နေရာ ဝင်ရဲရဲ ကြည့် ဆိုတာမျိုး

မောင် ကျမ ကို လွမ်းရင်လေ ကဗျာ တစ်ပုဒ်လောက် ရေး ပို့ ပေးပါ ဆိုတာမျိုး

မီးလေ ကိုကို့ ကို အချိန်တိုင်း (အိမ်သာတက်ရင်တောင်) သတိရ လွမ်းဆွတ် နေမှာာာာ ဆိုတာမျိုး

အဲဒါ မျိုးမျိုးမျိုးမျိုးမျိုးမျိုးမျိုးမျိုးမျိုးတွေ ကို

ငါ့ ကမ္မဝါ ထဲက အလွမ်း လှိုက်သံ က လှောင် ရီတယ်

ငါ့ လွမ်းဆွတ်ခြင်းဟာ ..

၁၀ တန်းတုန်း က ကိုယ်ကြပ်အင်္ကျီ အမြဲ ဝတ်တဲ့ ကျောက်သင်ပုန်းပေါ် ကမ္ဘာ့ မြေပုံ အမြဲဆွဲပြတဲ့

သမိုင်းဆရာကြီးကို သိအောင်ကြားအောင် ဖွင့်ဟ လွမ်းပြ နေစရာမလိုဘူး

သူ့ မြေဖြူခဲ အနံ့တွေဟာ ငါ့ ဘ၀ တစ်ခုလုံး တိတ်ဆိတ်ငြိမ်သက်စွာ လွမ်းဆွတ်လို့

တစ်ချိန်က လက်ဖက်သုတ် ဆိုင်ကလေးပေါ်က ငါ့ အနာဂတ်တွေဟာ ဟိုးးး အိမ်ကလေးဆီက အလင်းရောင်ကို သိအောင်ကြားအောင် ဖွင့်ဟ လွမ်းပြ နေစရာမလိုဘူး

သူ့ အလင်းရောင်ဟာ ငါ့ ဘ၀ တစ်ခုလုံး တိတ်ဆိတ်ငြိမ်သက်စွာ လွမ်းဆွတ်လို့

တိမ်တွေဟာ ရွေ့လျှား နှုန်းကို မတွက် မချက်နိုင်သေးခင် ထွက်ခွာသွားကြလို့ ငါ့ လွမ်းဆွတ်ခြင်းကို

သိအောင်ကြားအောင် ဖွင့်ဟ လွမ်းပြ နေစရာမလိုဘူး

သူ့ တိမ်ငွေ့တွေဟာ ငါ့ ဘ၀ တစ်ခုလုံး တိတ်ဆိတ်ငြိမ်သက်စွာ လွမ်းဆွတ်လို့

သွေးကြောတွေကို ဖြတ်တောက်လိုက်လို့ သွေးငတ်နေတဲ့ ဝေဒနာပေါ်က တည်ငြိမ်ခြင်းကို

ငါ့ လွမ်းဆွတ်ခြင်းတွေ သိအောင်ကြားအောင် ဖွင့်ဟ လွမ်းပြ နေစရာမလိုဘူး

သူ့ အနီရောင်တွေဟာ ငါ့ ဘ၀ တစ်ခုလုံး တိတ်ဆိတ်ငြိမ်သက်စွာ လွမ်းဆွတ်လို့

ကဗျာ ဟာ ပြောင်းလဲခြင်းတွေ နဲ့ အဝေးကို ခရီးထွက်သွားခြင်းကို

ငါ့ လွမ်းဆွတ်ခြင်းတွေ သိအောင်ကြားအောင် ဖွင့်ဟ လွမ်းပြ နေစရာမလိုဘူး

သူ့ စာလုံးတွေဟာ ငါ့ ဘ၀ တစ်ခုလုံး တိတ်ဆိတ်ငြိမ်သက်စွာ လွမ်းဆွတ်လို့

ဟေ့ …. ကောင် အလွမ်းမွှန် နေတဲ့ အလွမ်းတဏှာ အလွမ်းစွန်းနေတဲ့ အလွမ်းစွန်းက စောက်ရူး အလွမ်းတွေကို တွိစ်ထဲ ထည့်ထည့် ရွတ်နေတဲ့ တရားကွယ်နေတဲ့ ကောင် အလွမ်းတွေကို နှလုံးမသွင်းဖူးတဲ့ အလွမ်းကန်းနေတဲ့ ကောင် ….

လွမ်းတယ် သတိရတယ် ဆိုတာ လူ့နလပိန်းတုံး တွေအတွက် က ကြီး ကနေ အ အထိ အော်ကျက်မှ ရင်ထဲ ရောက်မယ့်အရာ ဆိုရင် မအောင် မြင်တဲ့ အလွမ်းတွေ သတိရခြင်းတွေဟာ ခဏခဏ ဟန်ဆောင်ထားတဲ့ အလွမ်း အပုတ် အပွ အတု တွေ

လွမ်းတယ် သတိရတယ် ဆိုတာ တစ်စုံတရာ ကို အသိပေး တိုင်တည်ခြင်းထက် (လူကြားကောင်းအောင်) ဖွင့်ဟ ပြနေခြင်းထက် ငါ့ တိတ်ဆိတ်ငြိမ်သက်ခြင်းက ပိုမိုလေးနက်တယ် စောက်ရူးတွေ ဘယ်နားလည်ပါ့မလဲ

nelay

အစာအိမ်တွေ ၂၄ ၂ပိုင်း၁ပိုင်း ဒီဂရီစောင်း

သူတို့ပြောပြောနေတဲ့ ၂ .. ၁ လက်မ ဆိုတာ နားမလည်ဘူး
ကျနော်နားလည်တဲ့ စာပိုဒ်တွေပဲ ထုတ်သုံးခဲ့တာပါ


အမျိုးသား က ဇာတ်ရုံနဲ့ အမျိုးသား ဇာတ်ရုံ ဘာကွာသလဲ ကျနော်မသိလိုက်ရဘူး
Official နေဝင်သွားတာကို Timelapse နဲ့ ယူချင်ယုံ သက်သက်ပါ


အလင်းတွေက ပရိတ်သတ် ပေါ် မကျ နေလို့ ကျနော်သွားပြောတော့
မင်းခိုင်းတာလုပ်ရမှာလား ငါ ဘယ်သူ့ ခိုင်းတာ လုပ်ရမလဲ လို့
သူ့ ပခုံးကို သူ့ တပည့်လေးတစ်ယောက်က နှိပ်ပေးနေတဲ့
လူကြီးက ကျနော့်ကို လည်လိမ်တောင် မကြည့်ဘဲမေးတယ်
ကျနော့် အတွက် ပရိတ်သတ် ပေါ် ကျမဲ့ အလင်း ကလေး နည်းနည်း ကလေးပဲ လိုချင်ခဲ့တာပါ


ခုန်တွေဟာ နီလွန်းလို့ မျက်လုံးတွေ သက်တောင့် သက်သာ မရှိဘူးဆိုရင်
မှိတ်ထားပေါ့


အန္တာရယ်ကင်း ဘေးရှင်းဖို့ ပွဲတင်မယ်ဆိုရင် ၁ သောင်း ကနေ ၃ ထောင် အစားအစား ပါပဲ
လက်ဖက်ပေါ်မှာ ဆားဖြူးပြီး ကြက်သွန်ကြော် ကလေးနဲ့ ဆီနည်းနည်း ဆမ်း ထားရင်တော့
စက်ပစ္စည်းတွေ လုံခြုံပြီးလို့ဆိုပါတယ် ဒါနဲ့ ကျနော် နည်းနည်း နှိက်စားလိုက်တယ် ဘယ်သူမှမသိဘူး


အအေးတွေ ကုန်သွားတော့ အပူတွေ သောက်ကြတာပေါ့
သူတော့ မမော နိုင်သေးဘူး ကျနော်မောနေပြီ


မပွင့်လင်းတဲ့ ရာသီဥတုကြီးတွေ ကြီးစိုး ခံခဲ့ရတဲ့ သူတို့ တွေရဲ့ မျက်နှာပေါ်မှာ
အလင်းရိပ်ဟာ အတင်းဖြဲကားပြီးထွက်လာရပုံ ပါပဲ ဝုန်းကနဲ ပေါ်လိုက် ဝုန်းကနဲ ပြောက်လိုက်


ကျနော် ဟာ တကယ်တော့ မော်နီတာတွေကို ကြောက်တဲ့ ကောင်ပါ
အခုတော့ မော်နီတာတွေက ကျနော့်ကို ပြန်ကြောက်နေရတယ်လေ ကျနော်က မုဆိုးမဟုတ်လား


မိုးကလဲ သည်းသည်းမဲမဲ ပါပဲ ညကလဲ နက်လာတာကိုး
ထိုင်ခုန် နီတွေကတော့ မသိကြပါဘူး


မိုးကာတွေ မလုံတလုံဝတ်ထားတဲ့ ညဂျူတီကြေး နပ်မှန်အောင်တောင် မရကြတဲ့
လူအိုကြီးတွေကတော့ ဓါတ်မီးတစ်လက်နဲ့ သူတို့ ရှုးဖိနပ်အစုတ်ထဲက ရေတွေကိုထုတ်လို့
ခြေစွတ်တွေ ညှစ်ချနေတဲ့ ရေစီးကြောင်းကြီးဟာ အဲဒီ့ လှေကားကြီးအတိုင်း


တစ်ခါတလေ အဲ့ဒီ့မြင်ကွင်း ဟာ
ဂီတသံထက် ပိုမို သစ်လွင်ပါတယ်


လူတွေဟာ တကယ်တော့ အထီးကျန်ခြင်းကို မသိစိတ်မှာ နှစ်သက်ကြတာပါ
ဒါမို့ တစ်ယောက်ကို တစ်ယောက်ထား သွားကြတာနဲ့ တူပါတယ်


နောက်ပြီး လူတွေဟာ တစ်ယောက်ကို တစ်ယောက်
အစာတွေ ကြေညက်အောင် မချက်နိုင်ကြပါဘူး

nelay

စက္ကူ ကြောင်

စက္ကူ တွေဟာ ကြောင်လိုပဲ
ပျော့ပြောင်းတဲ့ နေရာမှာ နူးညံ့လို့


ကြောင် တွေဟာ စက္ကူလိုပဲ
ရှမိတဲ့ အခါ အနီရောင်တွေ လွှမ်းလို့

nelay

ရုပ်ရှင်ရုံ 3D

အလံ ပြ ရင် ထ မရပ်တဲ့ အထာများ နဲ့ နေကြာစေ့ ကို (ရှပ်ခံပြီး) #ဝါးး
စာမဖတ်တတ်တဲ့ မြန်မာပြည်က ယဉ်ကျေးသူကြီးများ
ဖုန်းကို ဖင်ကြားထဲမှာ ကျယ်ကျယ်မြည်အောင်ထားတယ်
မြန်မာစာတန်းမထိုးတဲ့ နိုင်ငံခြားကားမို့ ရုပ်ရှင်ကို ရုပ်ရှင်လိုပဲ ကြည့်လိုက်တယ်
3D မျက်မှန်ထဲက ထွက်လာသမျှကို သိသိမသိသိကျယ်နိုင်သမျှကျယ်အောင် ရယ်နိုင်မှ
ဘေးလူတွေ ဝိုင်းကြည့်တာလဲခံချင်သေးတယ်
ထိုင်ခုန်တွေက [ horizontal ] တစ်တန်းထဲမို့ 

ဟိုးးး ထိပ်စ နဲ့ ဟိုးးး ထိပ်ဆုံးးး ဆပ်ဆပ်ခါပြီးတုန်နေအောင်
ဒူးတွေကိုလဲ (အ သ ကုန်) နန့်ထားကြမယ် [ခွေးတွေ] မဟုတ်ကြတော့
3D တွေများကြွကြွလာရင် ဘေးလူတွေရဲ့ ပေါင်ပေါ်ရောက်အောင် ရှောင် … ဟေးးးး … ရှောင်....
မြန်မာ့အပြိုကြီးတွေရဲ့ ရှေ့တန်းမှာများ သွားထိုင်မိရင်
တစ်ရပ်ကွက်လုံးရဲ့ မုန့်လုံးကြီးကို 3D ရုပ်ရှင်ရုံထဲမှာ စက္ကူကပ်ပြလိမ့်မယ်….
ကောင်းခန်းရောက်လို့ 3D မျက်မှန် တပ်ပြီး ဘေးကို လှည့်မကြည့်လိုက်နဲ့ ရုပ်ရှင်ထဲက ထက်ပိုကောင်းနေတယ်
ကျောက်ရုပ်တွေလို အတောင့်လိုက် [ကျောက်ဖျက်လုပ်ဖို့] ဖုန်းသံကို အဆုံးတင်ထားတဲ့
သူ့အမေခေါ်တဲ့ ဖုန်းတွေများဝင်ဝင်လာရင် တမေ့တမျော … ဈာန်ဝင်နေတဲ့ ရုပ်ရှင်ထဲက ပြူးပြူးပြာပြာ …..
“ဟဲ့ကောင်မ Man of Steel သွားမကြည့်နဲ့ မကောင်းဘူး အိပ်တောင် ငိုက်တယ်” …
အိုးးးးးးးးး … ရှစ် … ကိုးလောက် ရှိတဲ့ စကားတွေပဲ ကြားကြားလာရတော့
ဒီ ရုပ်ရှင်ရုံက ငါ့အတွက် 3D တွေ စောက်ရမ်း ကြွနေတယ်။

nelay

နှစ် အမြစ်

နှစ်တွေ ဆိုတာ အမြစ်တွေလိုပဲ
တူးသာ တူးရတယ် ဘယ်နားရောက်လို့ ဘယ်နား ဆုံးမယ်မှန်းမသိ
တူးနေရင်း ပြတ် ကျန်ခဲ့ရင် ဒုက္ခ
ရေသောက်မြစ်ကို တွေ့ရင်ပဲ ရေအိုင်ကြီးများ ထွက်လာမလား စိုးရိမ်ရ
တော်ကြာ ကြွက်သိုက်ထဲ ဝင်နေတဲ့ အမြစ်တွေဆွဲထုတ်မိရင်ဘယ်လိုလုပ်မလဲ


နှစ်တွေ ဆိုတာ အမြစ်တွေလိုပဲ
သူတို့က ထမ်းထားရတဲ့ တစ်ပင်လုံး ထိန်ဖို့ အာဟာရပဲ လိုက်ရှာနေရတယ်
နက်သထက်နက်အောင် ဆန့်သထက်ဆန့်အောင် ရှည်သထက်ရှည်အောင် တိုးနေရ


နှစ်တွေ ဆိုတာ အမြစ်တွေလိုပဲ
မာကျောကျော အုတ်နံရံတွေတွေ့ရင် ကွေ့ဝိုက်သွားနေရတယ်
မသကာ အက်ကြောင်းရာထဲ အမြစ်တွေ လျှိုမိရင် ကိုယ့်အပေါ်ပြိုကျလိုက်မယ်ဖြစ်ခြင်း


နှစ်တွေ ဆိုတာ အမြစ်တွေလိုပဲ
မှောင်ကြီးမဲကြီး စမ်းတဝါးဝါးနဲ့ ပိုးကောင်တွေလဲရှောင်ရသေး
ဒီကြားထဲ တီကောင်တွေရဲ့ ဝတ်ကျင်းက အမြစ်တွေကြားမှာ လှုပ်လှုပ်ရွရွ


တကယ်တော့
အမြစ်တွေဟာ နှစ်တွေလိုနဲ့
နှစ်တွေဟာ အမြစ်တွေလို

nelay

နေလင်း သေဆုံးခြင်း

သူတို့တွေကို ကယ်တင်ချင်တာ မဟုတ်ပါဘူးးး ....

ငါရော သူတို့ ရော ဘာမှ မမြင်ရလို့ ...
လက်ထဲ ပါလာတဲ့ မီးခြစ်ကလေးခြစ်လို့
... မီးပြ မိတာပါ ....
...... ဝုန်းးး ဆို
မီးလဲ လင်းလာရော ....
တစ်ယောက်ကို တစ်ယောက် သဲသဲ ကွဲကွဲ ...
မြင်ရတော့မှ ...
ငါ ပြ တဲ့ မီးက ...
လင်းလွန်းလှ ခြည့်ရဲ့ ...
စူးလွန်း ရှလွန်းလှ ခြည့်ရဲ့ ...
ငါ့ အလင်းကို
မုန်းလှခြည့်ရဲ့ ...
ငါ့ အလင်းကို
ရွံလှခြည့်ရဲ့ ....
ငါ့အလင်း က သူတို့ အနာကို
ထိုးလှ ခြည့်ရဲ့ .. စွလှခြည့်ရဲ့ ...
တွင်းထဲမှာ .... ခေါင်နေတဲ့ အနံ့နဲ့ ....
အလင်း ပြ မိတဲ့ ... ငါ့ကို
သူတို့တွေ ဝိုင်း
သတ် ကြ တယ် ...

nelay

Inspired From
မင်းခိုက်စိုးစန်
ကောင်းကင်နဲ့မလွတ်တဲ့ တောင်ပံတစ်စုံ စာအုပ်မှ
ပရောမီးသယပ်(စ်)သေဆုံးခြင်း

Page No.0

စာအုပ်ထဲ က စာမျက်နှာ နံပါတ်တွေ ဆိုတာ
ခင်ဗျား ဦးနှောက် မှတ်ဉာဏ် ကို နိုးစွ ဖို့ နဲ့
ခင်ဗျား ဒီ စာအုပ်အပေါ် ဘယ်လောက် အလေးထားလဲ ၊
ခင်ဗျား စာဖတ် ပုံစံဟာ ဘယ် လောက် ပစ် စလတ် ခတ် နိုင် လဲ ၊
ခင်ဗျား ရဲ့ ရေတွက် နိုင်မှု နဲ့ ခင်ဗျား ဘယ်လောက် ခရီးရောက်ခဲ့သလဲ ၊
ခင်ဗျား ဘယ်လောက် လိမ်ညာ ခဲ့သလဲ ၊
ခင်ဗျား ဟာ နောက် ဆုံး စာမျက်နှာ နံပါတ်တွေ ကို ဘယ်လောက်နှစ်ခြိုက်နေခဲ့သလဲ ၊
ခင်ဗျား ဦးနှောက် ရဲ့ စာလုံးရေ စုပ်ယူ နိုင်စွမ်းဟာ စာမျက်နှာ နံပါတ်နဲ့ 

ခင်ဗျား ဦးနှောက် နံပါတ် ဘယ်လောက် အချိုးကျ နေသလဲ ၊
ခင်ဗျား ဟာ စာမျက်နှာ နံပါတ်တွေကို ဘယ်လောက် အလေးထားသလဲ၊
ခင်ဗျား ဟာ လမ်းဘယ်လောက် ပျောက်ပျောက် 

ခင်ဗျား ရဲ့ ရှာဖွေ နိုင်စွမ်းဟာ စာမျက်နှာ နံပါတ်တွေ နဲ့ ဘယ်လို တိုက်ရိုက် ပတ်သက်နေသလဲ ၊
အခေါက် ခံထား ရတဲ့ စာမျက်နှာ နံပါတ်တွေ အပေါ် လွန်ကျူးထားတဲ့ 

ခင်ဗျားရဲ့ လက်ဗွေရာတွေ ဘယ်လောက် များ နေကြပြီလဲ၊
ဒါနဲ့
ခင်ဗျား ကိုယ် ခင်ဗျား စာမျက်နှာ နံပါတ် အဖြစ် ဘယ်လိုများ ခံယူထားသလဲ ဆိုတာ
ရှေ့ ဆက် မသွားနိုင်တဲ့ ခင်ဗျား စာမျက်နှာ နံပါတ်တွေက 

အသစ်အတိုင်း ရှိနေကြောင်းသက်သေပြနေဆဲပါပဲ ။

nelay

အပျင်းပြေ

ဘယ်တော့မှ ရေ မစီးတဲ့ မြောင်းကိုတူးပြီး
ကိုယ့်ကိုယ် ကိုယ် အကြော်ထည့်စားနေရတဲ့ ကဗျာတွေ
ရင်ဖွင့်ရလွန်းလို့ ကြယ်သီးတွေ မလောက်တော့
အဆင့်မရှိတဲ့ စာထဲက ကဗျာကို နုတ်လိုက်ရင်
ဧပြီလမှာ မွေးတဲ့ ခွေးတွေက အမြတ်ဆုံးလို့ အူကြတယ်
ပျော်ပျော်ပါးပါးပဲ သွင်းထားတဲ့ ကြိုးကို ဖြုတ်လိုက်တော့ သွေးတွေ

သူတို့ လောက မှာ သူတို့ ဆွဲတဲ့ ဆွဲကြိုး ပေါ်က လော်ကဒ်သီးတွေ
သူတို့ လောက မှာ သူတို့ ဝတ်တဲ့ ဆင်တူ ယူနီဖောင်း ပေါ်က logo တွေ
သူတို့ လော်ကဒ်သီး အလယ်တည့်တည့်မှာက သစ္စာတရားကို ရွှေနဲ့ထွင်းထားတယ်

ပတ်ပတ်လည်မှာ အောင်မြင်ခြင်းနဲ့ ကွတ်ထားလို့ သူတို့ကိုယ် သူတို့ ဂုဏ်ယူ မန်းမှုတ်ကြတယ်

သူတို့ ဝတ်ဆင်တဲ့ ဆင်တူ ယူနီဖောင်းပေါ်မှာ ပိုးခြည်နဲ့ ပန်းထိုးထားတဲ့ သစ္စာတရား logo ကို 

အနီရောင်နဲ့ ခြယ်သ လို့ သူတို့ ရင်ဘတ်ကို သူတို့ ဂုဏ်ယူစွာ နဲ့ အစွမ်းကုန် ကော့ထားကြတယ်
ငါလဲ လေ လည် မရတဲ့ စိတ်နဲ့ ဦးနှောက်ကြီး ကို ရှိုက်သွင်းလိုက်တိုင်း High-rise Building 

ပေါ်က ခုန်ချ ချင်စိတ် ကြီး က ငါ့ ကို အသက်ရှု မ၀ စေဘူး ခက်တာက 

ငါ တို့ ဗမာ ပြည်မှာ High-rise Building မရှိဘူး ဒါ နဲ့ ငါလဲ အခ ပေး အိမ်သာ မှာ အလုပ် နှစ်မျိုး လုပ် ခဲ့ ရတယ် အမတ်ကြီးလို တော့ အလေးပဲ သွား အပေါ့ မသွား ရလို့ ငါ့ ကိုယ်ငါ 

မဖျော်ဖြေချင်ဘူး ဒါ နဲ့ ငါလဲ မပြီး ချင်ပဲ ပြီး ခဲ့ရတယ်

nelay

မှန်‌ထဲ က အဓိပ္ပါယ်‌ ‌ပြောင်းပြန်‌များ

ဘာ ဖွဲ့စည်းတည်‌‌ဆောက်‌ပုံ မှာ ဘာ ‌တွေကြီးပဲ
ဘာ ကိတ်‌မုန့် မှရှိဘူး
ဘာ ဒိန်‌ခဲ မှ မပါဘူး
ဘာ ကို မှ ‌နေရာ မ‌ရွေ့ ထားသလို
ဘာ ‌လေယျာဉ်‌ပျံ မှ မပျံဘူး
ဘာ ပိတ်‌စ မှ လွင့် မ‌နေဘူး
ဘာ ‌ကြောင်‌ မှ ‌အော်‌ ‌မနေဘူး
ဘာ ‌သေ ဆုံးခြင်း မှ မရှိသလို
ဘာ ‌မွေးဖွားခြင်း မှ လဲ မဖြစ်‌ထွန်းဘူး
ဘာ ‌တွေ ဟာ ကျစ်‌လစ်‌သိပ်‌‌သည်းလွန်းလို့
ဘာ အ‌လေးချိန်‌ မှရှိ မ‌နေဘူး
ဘာ အ‌ကြောင်းအရာ ကို ချချပြလိုက်‌တိုင်း
ဘာ ဆု‌တောင်း မှ ပြည့် မ‌နေဘူး
ဘာ ထဲက ကို လည်း မထွက်‌နိုင်‌ဘူး
ဘာ ကို ဘာ ထင်‌ပြီးမှ
ဘာ စိတ်‌ မှ မဝင်‌စားဘူး
ဘာ ‌ကြောင့် များ
ဘာ စိတ်‌ ကို ဘာ ထင်‌ပြီး
ဘာ မှ မဝင်‌စားဘူး
ဘာ ထဲ‌က မှ ပြည့် မ‌နေဘူး
ဘာ ဆု‌တောင်း ကို လည်း မထွက်‌နိုင်ဘူး
ဘာ အ‌ကြောင်းအရာ မှရှိ မ‌နေဘူး
ဘာ အ‌လေးချိန်‌ ကို ချချပြလိုက်‌တိုင်း
ဘာ ‌တွေ မှ လဲ မဖြစ်‌ထွန်းဘူး
ဘာ မွေးဖွားခြင်း ဟာ ဘာ ကျစ်‌လစ်‌သိပ်‌‌သည်းလွန်းလို့
ဘာ သေ ဆုံးခြင်း မှ ‌အော်‌ ‌မနေဘူး
ဘာ ‌ကြောင် မှ မရှိသလို
ဘာ ပိတ်‌စ မှ မပျံဘူး
ဘာ ‌လေယျာဉ်‌ပျံ မှ လွင့် မ‌နေဘူး
ဘာ ကို မှ မပါဘူး
ဘာ ဒိန်‌ခဲ မှ ‌နေရာ မ‌ရွေ့ ထားသလို
ဘာ ကိတ်‌မု့ မှာ ဘာ ‌တွေကြီးပဲ
ဘာ ဖွဲ့စည်းတည်‌‌ဆောက်‌ပုံ မှမရှိဘူး

nelay

အကြောင်းမပြည့်စုံလှဘူး

လေပြည် ဟာ ကျောကိုပွတ်သတ်ရုံသက်သက်နဲ့တော့ ငါ့အနားလာခဲ့တာမဟုတ်ဘူး
ငါလဲ မမေးလိုက်မိဘူးလမ်းကြုံလို့ဝင်လာ သလားလို့
ပြီးမှ စားပွဲပေါ်ကကော်ဖီခွက်ထဲ ငါ့စိတ်မကောင်းခြင်းတွေ အန်ချ
ဒါနဲ့ သူတို့တွေဘာလို့စိတ္တဇ ဂျာနယ်ဆိုပြီး မထုတ်ကြတာလဲ
ငါတော့ ဝမ်းနည်းလို့ကိုမဆုံးဘူး
အရင်ကထက် ပို ပူလာတယ် …အဲ့ဒီ့ သတင်းတွေကလဲ ငါတစ်ယောက်ထဲ ကွက်ကြားနေရသလားအောင်းမေ့ရတယ်
ဘာမှမလုပ်တတ်ပါဘူးဆိုမှ အိမ်က ‘‘အော်တိုချုပ်’’ က မလာတော့ဘူး
အရင်လိုပဲ ငါ့ကိုယ်ငါဝှက်ထားတဲ့ စွယ်တော်ရွက်ကလေးထဲ ငါပြန်ဝင်နေလိုက်မယ်
ဟော ဗြုံးဆို …ငါ့အပေါ်ရေတွေမှောက်ကျ …
ဒီနှစ်ကိုက အပြောင်းအလဲတွေ ဆက်တိုက်ပါပဲ …
၁။ လမ်းထိပ်ကကွမ်းယာဆိုင်ကလေး ပြောင်းသွားတယ်
အရင်လို ဆာလောင်တိုင်းဆေးလိပ်ထွက်ဝယ်လို့ မရတော့ဘူး
၂။ စီးနေကြ ဆိုက်ကားဆရာက ဆေးရုံတင်ရလို့ သူ့ ဆိုဒ်ကားလေးလဲ ပြောင်းသွားတယ်
အရင်လို နေပူကြောင်းမီးပျက်ကြောင်း ကလေးတွေစာမေးပွဲဖြေတဲ့ အကြောင်း ပြောလို့မရတော့ဘူး
၃။ ညနေဖက် စားနေကြထမင်းကြော်ဆိုင်ကလေးက ဘေးက အကြော်ဆိုင်နဲ့ အကြီးအကျယ်ရန်ဖြစ်ပြီးကထဲက မထွက်တာ ၃ လရှိတော့မယ် ဘယ်ပြောင်းသွားလဲ မသိဘူး
အရင်လို ငါးရာဖိုးထမင်းကြော်လေးလဲ ငတ်ပြီ …
၄။ မနက်မနက်အလုပ်သွားနေကြ ကားမှတ်တိုင်ကလေးက ပဲခူးနဲ့ဒလ လောက်ကိုပြောင်းသွားတယ်
အရင်လို ဖင်နားကပ်မှထလို့ မရတော့ဘူး အစောကြီးထနေရတယ်
နေပါအုံး အပေါ်ကစာပိုဒ်ကို ငါ့အိပ်မက်ထဲက ဗိုက်ထဲမှာ ငါ့ကိုထည့်အော်နေတဲ့ အကြောင်းအရာတွေမဟုတ်လား
မီးလောင်ရာ လေပင့် ပါပဲ….
အေး ငါက စကားပုံတွေသိပ်မုန်းတာ ….
ဒါပေမဲ့ ငါက Commercial ဆန်ဆန်ပြုံးတတ်ပါတယ်
မျက်လုံးကိုဖုံးနေတဲ့ စိတ် ကို ငါ့ဘာသာတရားနဲ့ ငါသပ်ချ
အိပ်ရေး မဝတဲ့ သတင်းတွေဂျာနယ်ထဲမှာ အမြဲ သမ်းေ၀ နေကြတယ်
မင်းနဲ့ ငါနဲ့ လမ်းမှာတွေ့ရင် ဘာကိုးကွယ်တာလဲ ဆိုတာကြီးနဲ့ ငါတော့ မနုတ်ဆက်ချင်ဘူး
ငါ့ကိုလက်ဖေ့ရည်တိုက်ပါငါက အိပ်မက်တွေ တိုက်မယ်လေ
အတတ်နိုင်ဆုံးတော့စိတ်တွေ ဖြတ်ထားပါတယ် …
နွယ်တွေကစိတ်လွန်းနေတော့ အကြောင်းမပြည့်စုံလှဘူး ။

nelay

------------------------------


MMCP Journal No. X_Edition မှာ ပါတဲ့ ကဗျာလေးပါ ။


http://www.mediafire.com/?nidr8dk9mf95cpb


ဂျာနယ် ဒေါင်းလုပ်လင့်ပါ ။

အနီရောင်ပြဠာန်းခြင်း

ငါ့အလွှာ ကို ခွာ လိုက်ရင် ငါ့အတွင်းသားက အနီရောင်
ငါ့စိတ်ကို ထိခတ် လိုက်ရင် ငါ့ ဝိဉာဉ်က အနီရောင်
လူနားမလည်တဲ့ ငါ့ဂီတမှာ ငါ့ သံစဉ်က အနီရောင်
အဖြူရောင်အတွေး အခေါ်ကို ရွံမုန်းတဲ့ ငါ့ စိတ်ကူးက အနီရောင်
သေခြင်းတရားကို ရှောင်မယ့် ဘာသာတရား ကို ငါ့အနီရောင်ပုရပိုက်က လှောင်ရီတယ်
အကြောက်တရားကို တော်လှန်မဲ့ ငါ့ အလံတော်က အနီရောင်
အရူးလို့ သမှုတ်ကြတဲ့ ငါ့ခံယူချက် အနုပညာဟာ အနီရောင် ဝိဉာဉ်များနဲ့ ကခုန်တယ်
အနက်ရောင် စစ်သည်တော်နဲ့ အနီရောင် မျက်လုံးများက ငါ့ နှလုံးသားကို ဆွဲယူ စားသုံးမယ့် ပွဲတော်
ငါ့ရှု့ခင်းက အနီရောင် ငါ့ ပိတ်ကားက အနီရောင် ငါ့ဖြစ်တည်ခြင်းက အနီရောင်
ငါ့ကျက်သရေရှိလှစွာသော အနီရောင် အစုတ်အပြဲများနဲ့
ငါ့ဦးနှောက်ထဲမှာ ပျံသန်းနေတဲ့ အနီရောင် ညနဂါးများ
ငါ့စိတ်လက်နက်မှာ အနီရောင် ကဗျာကိုရွတ်လို့
ငါ့အနီရောင်ပြတိုက်ထဲမှာ ငါ့အနီရောင်စာပေကို သင်ကြားလို့
ငါ့ဇီဇဝါပန်းတွေ ပွင့်ဖူးဖို့ ငါ့ အနီရောင်ဝတ်ဆံကို သယ်ဆောင်လာမယ်
ငါ့အမြတ်နိုးဆုံး အနီရောင် သစ္စာတရားနဲ့ ငါ့အခြားတဖက်က ငါ့အနီရောင်ဝိဉာဉ်ကို
ငါ့အနီရောင်ကဗျာထဲက ငါ့အနီရောင်သံစဉ်များနဲ့ လောင်ကျွမ်း
ငါ့အနီရောင် ရယ်သံများနဲ့ ငါ့အလွှာကိုးပါးကို အနီရောင်လွှမ်းလိုက်လေရဲ့

nelay

8 marzo

DELIVERANCE

by

Sheer Madness

တွမ်တီဖိုး ဆဲလ်ဗန်း ဒူး ချွန် နေတဲ့ အသံ

ဆက်တင်ကို အကြီးကြီး ဖွင့်ထား ရတယ်
မျက်မမြင်တွေ ဝင်နိုင်အောင်လို့
အလင်းတံခါးမှာ စာတန်းထိုးထားတယ်
‘‘တစ်သောင်း ဖိုး ငါးလုံး
ရောင်းမဲ့ စကားလုံးတွေ အပိုင်မယူရ’’
မကျက်သေးမှာ စိုးလို့ ပြန်ပြန်နွေးစား နေရတဲ့ စိတ်ဓါတ်တွေမို့လား
မနက်ခင်းမှာ ထမင်းရှင်တွေ သက်တောင့်သက်သာရှိဖို့
ရေဗုံးတွေဖြည့် အခင်းကြီး အခင်းလေးတွေ လဲ ရှင်းထားရတယ်
လက်ဆေးဇလုံ ထဲမှာဆိုတော့ ဟင်းနှစ်တွေနဲ့ အဆီတဝင်းဝင်း
မျက်နှာကျက် က ပိုးတွေကိုလဲ ရှင်းပြီး အခန်းလင်းထားပါ့မယ်
လေသံကိုလည်း မှန်နိုင်အောင်လို့
သွေးရောက်နေတဲ့ နထင်မှာလဲ ခေတ်ဆိုတဲ့ စကားလုံးကို ကြီးကြီးထားပါ့မယ်
တပည့်တော်ရဲ့ ဝုန်း ခနဲ တစ်ခါ ဘုံး ကနဲ တစ်လှည့်
အတက်အကျတွေ မြန်မြန်နေလို့ အကြောင်းမပြည့်စုံတဲ့ တရားကို
ဗလာစာရွက်ပေါ်မှာ အလုံး ငါးဆယ် ရေးထားပါတယ်
လမ်းတည်ရာ ပက်လက်ဖေါင်းပေါ်က ကွမ်းနှစ်ယာလောက်ဝါးမိရင်
ကယ်ဆယ်ရေးတွေ လုပ်ချင်လာလို့ မပြီးသေးတဲ့ တံတားပေါ်က ခုန်ချခဲ့တယ်
လက်မပါတဲ့ နှုတ်ဆက်ခြင်းတွေနဲ့
အထက်အောက် ကင်းကွာနေတဲ့ ကြိယာဝိသေသနများ
အိပ်စက်ခြင်းကို အနိုင်ယူလိုက်တဲ့ ညစောင့်တပ်မတော်ကြီးက
သွားတုတပ် ထားတဲ့ အမှောင်ကိုများ ပုံပြောပြနေရတယ်

nelay

သူ့လို လူ

သူက လူယုံတွေ နဲ့ မပေါင်းတော့ဘူး
သူ့မှာ ခဏခဏ အသတ်ခံရလို့
အခု သူက လူရံတွေ နဲ့ ပဲပေါင်းတော့တယ်
သူ့မှာ စာအုပ်ကြားထဲ ညှပ်ညှပ်ထားတဲ့ အရွက်တွေပဲ 

ခဏခဏထုတ်ကြည့် နေရလို့ ….
စာအုပ်ကြားထဲက အရွက်ကလေးတောင် ခမ်းခြောက်သွားတယ် …
အတွေ့ဆိုတာ
တစ်စုံတစ်ယောက် ခေါင်းပေါ်က ပန်ထားတဲ့ 

အကြည့်တွေ ကိုဆိုလိုတာလား

သိချင်တယ်
သူ့မှာ မြတ်နိုးခြင်းနဲ့ ပတ်သက်လို့ စိတ္တဇ က ခိုင်မာနေသလား
သူ့ကို ခြင် မကိုက်ဘူး ကြွက် မကိုက်ဘူး ….
အာရုံတွေ ကိုက်နေတယ်

nelay

ကဗျာဆရာ

ကဗျာဆရာကို လှမ်းခေါ်လိုက်တော့ ဒီကောင်က ပြန်မထူးဘူး
နောက်တစ်ခါ လှမ်းခေါ်လိုက်တော့ ဒီကောင်က လှည့်တောင်မကြည့်ဘူး
ဒါနဲ့ သူ့ကို ကဗျာထဲမှာ မေးရတယ် မင်းဘယ်ရောက်နေသလဲလို့
သူ့ကဗျာ ထဲမှာတော့ ဒီလို ရေးထားတယ်
ငယ်ငယ်တုန်းက တောင်ပေါ်မှာ စစ်တိုက်တမ်း ကစား ရတာလောက် ပျော်ဖို့မကောင်းဘူး
ငယ်ငယ်တုန်းက ကြော်ငြာတွေ တအား ပါပြီး အက တွေ တအားများတဲ့ 

ရုပ်ရှင်ရုံလောက် ရုံဝင်ငွေမကောင်းဘူး
ငယ်ငယ်တုန်းက ကနေဒီ သမ္မတဆိုတာ ကြားပဲ ကြားဖူးတာ 

အခုက ကြားလဲမကြားရတော့ဘူး မြင်လဲမမြင်ဖူးတော့ဘူး
ငယ်ငယ်တုန်းက အလိုတော်ရိဆိုတာ ဂျပန်တွေကို ဖားနေပြီး 

လူတွေကိုနှိပ်စက် တဲ့ လူလို့ပဲ ထင်ခဲ့တာ အခုမှ ပိုဆိုးမှန်းသိတယ်
ငယ်ငယ်တုန်းက …..
ဖတ်လက်စ သူ့ကဗျာကို ခဏ ချလိုက်ရတယ် …. 

ကဗျာကို ကိုင်မိတာလား လက်ပစ်ဗုံးကိုင်မိတာလား
ဒါနဲ့ သူ့ကို ဖုန်းဆက်ပြီးလှမ်း မေးရတယ် … 

ဖုန်းဆက်တော့လဲ သူက မကိုင်ဘူး
သူ့ ၃နှစ် သမီးလေးက ကိုင်ပြီး ပြောတာက ဒီလို …
“အူးအူး … ဒယ်တီ မချိဖူးးး …. ဒယ်အိုးဆရာတော်ရဲ့ … 

တရားစခန်းတွားနေဒယ် လို့ ကြောခိုင်းလိုက်တယ်’’

nelay

''She'' digital poetry by Nelynn

''She'' digital poetry by Nelynn

poet by nelay

 

poet by nelay

ဘာသာပြန်

 

Verses Organizations

Verses Organizations by nelay

မရိုးသား တဲ့ ကဗျာ ဆရာ

ဟ ပြသနာပဲ ငါ မရိုးသား တဲ့ ကဗျာ ဆရာ
ဒါမို့ ငါ့ ကို မရိုးသား တဲ့ ကဗျာ ဆရာလို့ ခေါ်ပါ


ဘာလို့ ဆို မရိုးသား ခြင်းဟာလဲ ခံစားချက် ပေါ်မှာ ရိုးသားခြင်းထက်
ခက်ခက်ခဲခဲ၊ နာနာကျင်ကျင် လင်းပွင့်ရလို့


ဟ ပြသနာပဲ ငါ လူနားမလည် တဲ့ ကဗျာ ဆရာ
ဒါမို့ ငါ့ ကို လူနားမလည် တဲ့ ကဗျာ ဆရာလို့ ခေါ်ပါ


ဘာလို့ ဆို လူနားမလည် ခြင်းဟာလဲ ခံစားချက် ပေါ်မှာ လူနားလည်ခြင်းထက်
ခက်ခက်ခဲခဲ၊ နာနာကျင်ကျင် လင်းပွင့်ရလို့


(ဝါ)


အသိဉာဏ် ရှိတဲ့ လူတွေ အတွက် ကျိုးပမ်း အားထုတ် မှုဆိုတာ လူဖြစ်တည်ခြင်း
လူ့ဖြစ်တည်ခြင်းမှာ စဉ်းစားတွေး ခေါ်ခြင်းမပါတဲ့ 

ကျိုးပမ်းအားထုတ်ခြင်းမပါတဲ့ ကဗျာ တစ်ပုဒ်ဟာ
လူ့အသိဉာဏ်နိမ့် ကျဖို့ အတွက် အလွယ်ကူဆုံး အနုပညာစာသား
အဆင့် အတန်းရှိတဲ့ လူနားမလည်တဲ့ ကဗျာများ မှာလဲ
ခံစားချက် နက်နက်ရှိုင်းရှိုင်းနဲ့ ပိုမို ဖွံ့ဖြိုး ကြတယ် ။


ဒါမို့ ငါ့ကို စောက်သုံးမကျတဲ့ ကဗျာ လို့ ခေါ်ပါ
စောက်သုံး မကျဖို့ အပိုပါလာတဲ့ နှလုံးသား တစ်စုံဟာလဲ
ခံစားချက် အပြည့်နဲ့ စောက်သုံး မကျ စွာ ခုန်ခုန် နေရတယ်


ကျေးဇူးပြုပြီး ငါ စောက်သုံးမကျတဲ့ ကဗျာ ~

nelay

ကိုရီးယား ရုပ်ရှင် မြန်မာစာတန်းထိုး

ကျုံ     ရိုရန်ကိုချီတက်တိုက်ခိုက်ဖို့

          ကောင်းကင်ပူဇော်ပွဲအခမ်းအနားစတင်ပါပြီ

          မိဖုရားဖုန် မင်းကြီးထိုက်ဂူတိ၏

          မိဖုရားထော့ပါထောင်

          ပေဝေ့မင်းကြီးထိုက်ဂူတိ

ထောင် မိုးကောင်းကင်အလိုအရ

          လောကကြီးကိုပေါင်းစည်းရန်

          ကျွန်ုပ်တို့ဆီကိုကျူးကျော်လာတဲ့

          ရိုရန်ပြည်ကိုနှိမ်နှင်းရမယ်

          ကျွန်ုပ်တို့တိုင်းပြည်ကိုကာကွယ်ဖို့အတွက်

          မိုးနတ်မင်းရဲ့အမိန့်ကိုနာခံပြီး

ထောင်း          လူဆိုးတွေကိုသွားနှိမ်နှင်းမယ်

          မင်းကြီးအသက်ရာကျော်ရှည်ပြီး

          တိုက်ပွဲအောင်မြင်ပါစေ

          ကျုံးအိုက်ကုန်းကုန်း အပါးတော်မြဲ

ကျုံ     မိုးကောင်းကင်အလိုအရ

          မင်းကြီးမိန့်တော်မူသည်မှာ

          ဖုန်မြောင်ကသေနာပတိအဖြစ်

          ရဲမက် ၁ သိန်းကိုဦးစီးပြီး

          ရိုရန်သို့ချီတက်တိုက်ခိုက်စေ

          တိုင်းပြည်အပေါ်သစ္စာရှိတဲ့သူများကို

ကျုံ     ဆုချီးမြှင့်မည်ဖြစ်ပြီး

          ခေါင်းရှောင်သူများကိုသတ်စေ

          အမိန့်တော်

စာတန် ဖုန်မြောင် ပေယန်းကိုတိုင်ပြည်၏မင်းသား ၃

မြောင်  ဖုန်မြောင်အမိန့်နာခံလျက်ပါ

ဟွန်း    ခဏလေးနေပါဦး

          မင်းကြီး

          အင်အား ၁ သိန်းနဲ့ရိုရန်ကိုစစ်ချီတာက

          အနိုင် အရှုံးနဲ့ပတ်သက်လို့

          သေနာပတိကအရေးကြီးပါတယ်

ဟွန်    ဖုန်မြောင်က ကျွန်တော်တို့ဆီစစ်ရှုံးလို့

          ခိုလှုံလာတဲ့လူပါ

          ဒီတာဝန်ကြီးကို မထမ်းနိုင်ပါဘူး

          မင်းကြီးအမိန့်ကိုပြန်ရုပ်သိမ်းပေးတော်မူပါ

          ကျွန်တော် ရိုရန်ကိုသွားတိုက်ပြီး

          သေတဲ့အထိ မင်းကြီးအပေါ်မှာသစ္စာရှိပါ့မယ်

ထောင်း          ရီဖုပုဟွန် ခင်ဗျား

          တော်တော်သတ္တိကောင်းပါလား

          စစ်ချီပူဇော်ပွဲမှာ

          ကျွနု်ပ်ကိုအမိန့်ပြန်ရုပ်သိမ်းခိုင်းတယ်

          ရဲမက်တွေစိတ်ဓာတ်ပျက်ပြားအောင်

          လုပ်နေတာလား

ဟွန်    မင်းကြီး

          ကျွန်တော်မလုပ်ရဲပါဘူး

          ကျွန်တော် တိုင်းပြည်အတွက်

          အသေခံပြီး ထပ်ဖျောင်းဖျပါရစေ

          ပြော

          ဟိုတုန်းက ကျွန်တော်တို့ပေယန်းကိုတိုက်တော့

          ဖုန်မြောင်ရဲ့အဖေ ပေယန်းမင်းကြီးဖုန်ဟုန်က

          ရိုရန်ကိုစာရေးအကြောင်းကြာပြီး

          ကျွန်တော်တို့ကိုအလစ်ဝင်တိုက်ခဲ့ပါတယ်

          ဖုန်အိမ်က ရိုရန်နဲ့အဆက်အသွယ်ရှိပါတယ်

          မကာကွယ်လို့မရပါဘူး

ထောင် အရင်ကကိစ္စတွေကို

          ဘာဖြစ်လို့တေးမှတ်ထားနေဦးမှာလဲ

          ဖုန်မြောင် ဖုန်လန်ညီအစ်ကိုနှစ်ယောက်

          ကျွန်ုပ်တို့ဆီခိုလှုံလာကတည်းက

          သူတို့နှစ်ယောက်ကို

          နှစ်ပြည်နယ်အပိုင်စားပေးခဲ့တာ

          ဒါက သူတို့က

          ကျေးဇူးကန်းပြီး

          ရိုရန်ကိုမျက်နှာလုပ်ပါ့မလား

မြောင်  မင်းကြီးကထက်မြက်ပါပေတယ်

          ကျွန်တော် မင်းကြီးအပေါ်သစ္စာရှိတာ

          မိုးမြေသိပါတယ်

ဟွန်    မင်းကြီး

          ဟန့်လူမျိုးတွေက ကျွန်တော်တို့နဲ့မတူပါဘူး

          သတ္တိကောင်းပြီး တစ်ယူသန်ပါတယ်

          သူတို့က ကောက်ကျစ်စဉ်းလဲပြီး

          သေမှာကြောက်တဲ့ တစ်ယူသန်သမားတွေပါ

          နောက်ပြီး ဖုန်မြောင်က

          အရှုံးသမားဖြစ်တဲ့အပြင်

          သေမှာကြောက်တဲ့သူဖြစ်တဲ့အတွက်

          သူဦးဆောင်ပြီးသွားတိုက်ရင်

          မင်းကြီးအရှက်ရမှာစိုးလို့

          အသေခံပြီးဖျောင်းဖျရတာပါ

စာတန် ရီဖုပုဟွန် သေနာပတိ

          ကျွန်တော်တို့ညီအစ်ကို

          ဝေ့တိုင်းပြည်ကိုခိုလှုံတာ

          လက်ရှိမင်းကြီးက

          လောကမှာရှားပါးတဲ့

          သူရဲကောင်းဖြစ်ဖို့ပါပဲ

ဟွန်း    Óဏ်များနေတယ်

မြောင်  ကျွန်တော်တို့က မင်းကြီးကိုကူညီပြီး

          လောကကြီးကိုယူပေးမှာ

          သေမှာကြောက်တဲ့သူတွေမဟုတ်လား

ချွေး     မင်းကြီး

          ကျွန်တော့်တို့မှာလည်းလျှောက်တင်စရာရှိပါတယ်

ထောင် ပြော

ချွေး     စစ်သူကြီး ရီဖုပုဟွန်

          ပြောတဲ့စကားတွေက

          ဘာသက်သေမှမရှိပါဘူး

nelay

---------------ကိုရီးယား ရုပ်ရှင် စာတန်း ထိုးနေသူ ဆီမှ မ လာ သည့် Subtitle အား ကဗျာ မှု ပြု ထားတယ်  ဘာ ကိုရီးယား ကားလဲ လာ မမန့် နှင့် ကိုရီးယား ကားမကြည့်ဘူး ကဗျာ မှု ပြု သလိုပဲ ခံစား အလကား အပိုတွေ လာမပွားနဲ့ သောက်ဖက် လုပ်မည်မဟုတ် ။

ငါတော့ ဒီကောင် ပါရင် မကစားချင်ဘူး

ငါတော့ ဒီကောင် ပါရင် မကစားချင်ဘူး
အရုပ်ထောင်ပစ်လို့ ငါက ဂေါင်ထိသွားရင်တောင် 

ဒီကောင်က သူ့ဖက်က ပစ်မှ ဂေါင်လို့ ခဏခဏ ပြောင်းချင်နေတဲ့ ကောင်


ငါတော့ ဒီကောင် ပါရင် မကစားချင်ဘူး
ဒီကောင်က သူ့ အလှည့်ကျရင် စည်းကမ်းအမျိုးမျိုးထုတ်နေတဲ့ကောင်


ငါတော့ ဒီကောင် ပါရင် မကစားချင်ဘူး
ကျွင်းစိမ်လို့ တစ်ထွာနှစ်ထွာ တိုင်းရင်တောင် သူ့လက်ကို 

မရှည်ရှည်အောင် အိမ်မှာ ကျင့်ကျင့်လာပြီး ကလိမ် ကျ တိုင်းတတ် တဲ့ ကောင်


ငါတော့ ဒီကောင် ပါရင် မကစားချင်ဘူး
ဘောလုံးကန်လို့ ဒီကောင်က တခြားလူကို တွန်းရင် ဘာမှမဖြစ်ဘူး 

ဒီကောင့်ကို နည်းနည်းကလေး တိုက်မိရင်တောင် 

သူ့ အမေကို အော်ကြီးဟစ်ကျယ် ခေါ်တိုင် ချင်တဲ့ ကောင်


ငါတော့ ဒီကောင် ပါရင် မကစားချင်ဘူး
လမ်းထဲက အပျိုတွေနဲ့ ထုတ်စီးထိုး လို့ စည်းမကျော်တာကိုလဲ 

အပျိုတွေဖက်က လိုက်ပြီး ကျော်တယ် လုပ်ချင်နေတဲ့ ကောင်


ငါတော့ ဒီကောင် ပါရင် မကစားချင်ဘူး
ချက်ထိုးလို့ ဒီကောင့်အလှည့်ကျ တစ်ကွက်မှား သွားရင် 

ဟီးဟီး ဆိုပြီး နောက်ပြန်ဆုတ် ချင်တဲ့ ကောင်


ငါတော့ ဒီကောင် ပါရင် မကစားချင်ဘူး
ဒီကောင်က နိုင်မယ်ထင်တဲ့ ဖက်က အမြဲပါပါ ချင်နေတဲ့ ကောင်


ငါတော့ ဒီကောင် ပါရင် မကစားချင်ဘူး
ငါတော့ ဒီကောင် ပါရင် မကစားချင်ဘူး
ငါတော့ ဒီကောင် ပါရင် မကစားချင်ဘူး
ငါတော့ ဒီကောင် ပါရင် မကစားချင်ဘူး

nelay

သက်တမ်း တိုးတဲ့ ကိစ္စ

တစ်နဲ့တစ်ပေါင်းလို့ နှစ်ရရင် ငါနဲ့ ငါပေါင်းတာ ဘာလို့ ငါ မဖြစ်ရတာလဲ
ကိုယ့် သေး နံ့ ကို ကိုယ် ပြန် မှတ်မိလိုက် သလို
သစ်ပင် အရင်းက အနံ့က ငါ့ အနံ့မဟုတ်မှန်း ငါ ပြန်ပြန် သိလိုက်တယ်
စိတ်မချမ်းသာလို့ မော့မော့ သောက်လိုက်ရတဲ့ ရထားပေါ်က အသံကို
ငါ မမြင်အောင်များ ဝှက်ထားကြသလား
အဝေးကြီးမှာ စီးမဲ့ လှေက မျော…. မျော …. မျော ….
တိတ်တိတ်ကလေးပဲ သူ့မျက်နှာပေါ်က ဆင်းခဲ့ပါတယ်
ဘယ်လို ထုဆစ်လိုက်မှန်းမသိတဲ့ ရုပ်ထုကို 

ငါ့ကိုယ်စား ငါပျော်ဖူးရုံကလေး ဖက်ထားပေးပါ
ပိုးရယ် ….. ငါ့ကိုယ်ပေါ်တက်လာတဲ့ အတွေးကို
မျိုးစေ့မမှန်တဲ့ ရထားသံခပ်ကြမ်းကြမ်း ကလေးနဲ့ 

သေး နံ့ကို များလွမ်းနေသေး သလား
လမ်းမှား မှာ ငါစောင့်လို့ ငါ မှန်မှန်ကန်ကန်လျှောက်နေပါ့မယ်
ငါ မရောက်ဖူးတဲ့ နာရီတစ်ခြမ်းအလွန်က နေ့ထူးနေ့မြတ်များမှာ
ရန်ကုန်တစ်ဝက်ကိုစားစားသွားတဲ့ နာမဝိသေသနများ ရှင်သန်နေသေးရဲ့လား
အသက်တို သွားတဲ့ စွယ်တော်ရွက်တွေရော
နေရောင် အထိမခံပဲ ဘယ်စာအုပ်ကြားမှာ ခြောက်ကုန်ကြပြီလဲ
မနက်ခင်းမှာ နေလှန်ထားတဲ့ အဝတ်တွေ
နေ့လည်ခင်းမှာ အိပ်မရတဲ့ ငှက်တွေ
ညနေဆောင်းလို့ အဝေးပြေးသွားတဲ့ လမ်းမတွေ
ဘယ်ကားနဲ့များ ငါ့ကို ခိုးပြေးသွားလို့ ဒီရောက်နေတာလဲ
ဖုန်းနံပါတ်ကို ဘယ်မိတ်ဆွေကိုမှ မပေးထားလို့ 

ငါ့နားထဲမှာ အသံမဲ့ ကပွဲတွေ အကြိမ်ကြိမ်ကျင်းပနေတယ်
မလှဘူးလား ပြဇာတ်ဆိုတာ ပြထားရုံနဲ့ ဇာတ်ဘယ်ဖြစ်လာမလဲ
နေလုံးကြီးရယ်
ရထားကြီးရယ်
လမင်းကလေးရယ်
ဘယ်တော့မှ အချိန်မကုန်တဲ့ နာရီ စုဗူးကြီးရယ်
စကားမပီတဲ့ ငါ့ကို နှင်းဆီတွေ ထပ်ပြီး မတိုက်ပါနဲ့တော့လား
မင်းသိမ်းထားတဲ့ အသိုက်ပျက်နိဒါန်းနဲ့ ဘဝပျက်နိဂုံးကို
လွှတ်တော် က ပယ်ချလိုက်လို့ သဲကြိုးကို ပြန်ပြန်ဆက်နေတာလား
ရေ များ များ သောက်ပါကွာ ဒါမှ သေး များ များ ပေါက်မှာပေါ့ ။

nelay