ဒါက လက်တွေ့လုပ်ရမဲ့အချိန်

 

ဒါက ကိုယ့်ကိုယ် ထိုးသိပ်ထည့်ထားတဲ့ လွယ်အိပ်မဟုတ်ဘူး
ဒါက ပေပွနေလို့ အရေမရအဖတ်မရတွေကို လျှက်နေရတဲ့ ဘဝမဟုတ်ဘူး
ဒါက တခေတ်တစ်ခါက သတ်ပုံလိုက်စစ်နေတဲ့ ပုံတုံးကြီးမဟုတ်ဘူး
ဒါက အကြမ်းစာ ။
ဒီကနေထွက်သွားရင် ဒီကိုပြန်ရောက်တဲ့အကြောင်းအရာလဲမဟုတ်ဘူး
ဒီကနေထွက်သွားရင် ကိုဘော့ကျန်လို့ခေါ်တဲ့ လူတစ်ယောက်ကိုတွေ့မှာ
ဒါက အဲဒီ့လူ ၎င်းလူ အတင်းရေးခိုင်းလို့ ရေးလိုက်ရတဲ့ ကဗျာလားဆိုတော့ မဟုတ်ဘူး
ဒါကကိုနောက်မှထားပြီး ဒီနေရာမှာ ကိုဘော့ကျန်ဆိုတာကို အင်တာနက်မသုံးဖူးရင်သိမှာမဟုတ်ဘူး။
ဒါက ဉာဏ်ပညာမထွန်းလင်းတဲ့ အင်တာနက်မဲ့ Anti-internet လူတန်းစားကို သရော်ချင်ပုံရပေမဲ့
ဖိုရမ်မဝင်ဖူးပဲ ဒီလိုလူတွေရှိနေတာကို အိပ်မက်ထဲမှာချပြဖို့မသင့်တော်တဲ့ 

ကလေးတွေမကြည့်ရနယ်မြေသာသာ
ဒါဆို ခင်ဗျားက ကလေးလား ကုလားလား ။
ဒီနေရာကနေခွဲထွက်သွားရင် စာသာဖတ်တတ်ပြီး မတွေးတတ်တဲ့ လူတန်းစားကို သရော်ချင်ပုံရပေမဲ့
ဒါက နားလည်ချင်ယောင်ဆောင်ပြီး နားမလည်တဲ့ အဆင့်နိမ့်သတ္တဝါမတွေပြပြနေတဲ့ 

Discovery Channel ။
ဒီနေရာမှာ လေ့လာချင်စရာတွေ အများကြီးနဲ့
ဒါက ပိုက်မပါတဲ့ အဆံချောင် အိမ်ထောင်ရေး ။
ဒါက ခင်ဗျားတို့လိုချင်တိုင်း ဟ နေရတဲ့ ဦးနှောက်ကြီးရဲ့ နေရာ
ဒီနေရာက အရင်နေရာ ဒါက ထည့်ပြောစရာမလိုတော့ဘူး ။
ဒါက လမ်းတွေ့ရင် မနှုတ်ဆက်ချင်တော့လို့ ဒီနေရာမှာလဲ မတွေ့ချင်ရင် ပိတ်ထား ။
ဒါက ဘာတစ်လုံးမှမတတ်ပဲ ပြောနေတဲ့ လူတွေတစ်ယောက်မှမရှိဘူး
ဒါက ဘာတစ်လုံးမှမတတ်ပဲ လိုက်ပြောနေတဲ့ လူတွေလဲရှိတယ်
ဒီနေရာက မိန်းမ ယောကျာ်း ကလေး လူကြီးမခွဲခြားထားဘူး ။
ဒါက လူကို လူလိုဆက်ဆံတတ်တဲ့နေရာ ….
ဒီနေရာကို လူလိုမသိတဲ့ ကောင်တွေလာရင် နေရာတကာဝင်ပါချင်တဲ့ ချီးထုတ်တွေပဲဖြစ်လိမ့်မယ်
ဒါက ဘာနဲ့မှ သရုပ်ခွဲစရာမလိုဘူး ဘာနဲ့မှ တိုင်းတာစရာမလိုဘူး ဒါကဘောင်အပြင်ကလူတွေရှိတဲ့နေရာ
ဒီနေရာကိုရောက်ပြီးမှ ဘာဘောင်အတွင်းကမှ လာနုရွမနေနဲ့ ဒီနေရာကိုက ဘောင်းကင်းမဲ့ဇုံ
ဒါက မင်းအမေနဲ့ မင်းအဖေ ဘောင်းလွတ်ခဲ့လို့ မွေးလာတဲ့ 

မင်းလိုလူတွေအကြောင်းကိုထည့်ပြောစရာမလိုတဲ့နေရာ
ဒါက ဝါဒဖြန့်ပေမဲ့လဲ ဝါဒမပြန့်နိုင်တဲ့အရပ် ဒါက ငြိမ်းချမ်းချင်ပေမဲ့ မငြိမ်းချမ်းနိုင်တဲ့နေရာ
ဒီကနေ ဟိုးရှေးရှေးတုန်းကလို သူရဲကောင်းမရှိတော့လို့ 

အားမကျနိုင်တော့တဲ့ ခွန်အားမရှိသတ္တဝါတွေနေတဲ့နေရာ
ဒါက မြစ်ဆောက်တဲ့ ပညာရှင်မဟုတ်တဲ့ အနုပညာရှင်တွေကို 

ဟီးရိုးလို့ထင်ထင်ပြီး ဖွသမျှကို အထင်ကြီးစေတဲ့နေရာ
ဒါက စိတ်ကူးအယဉ်လွန်သူတွေ ဆောက်ထားလိုက်လို့ ခဏခဏ ပြိုပြိုကျနေရတဲ့
ဒီနေရာက ရန်သူရှိမှတိုးတက်မှာ အခုတော့ မတိုးတက်တော့တဲ့ ရန်တွေ ကုံးကုန်းတဲ့ ရန်ကုန်
ဒါက ဘုန်းကြီးတရားပွဲက ပြန်လာတဲ့ လေသံနဲ့ မရှိဆင်းရဲသားကို မပေးကမ်းချင်ပဲ 

ရှိပြီးသားကို ထပ်ဖို့ချင်တဲ့ ကိုးနဝင်းမဟုတ်ဘူး
ဒါက စာလုံးသာပေါင်းတတ်ပြီး စာမတတ်တဲ့ တတ်ယောင်ကားအခြောက်မတွေ မဝင်ရနယ်မြေ
ဒီနေရာက သူပြောတာကိုနားထောင် သူ့လိုလိုက်လုပ်ရဲမှ လုပ်ရမဲ့အရပ် 

စာမတတ်ပဲနဲ့တော့ ငှက်ပျောသီးလာမစားရ
ဒါက အမှန်ပြောသူကို နှုတ်ပိတ်သတ်တဲ့နေရာ အမှန်ပြောသူကို 

နက်ဂတစ် စန့်ဆိုပြီး ခေါင်းစဉ်တပ်တဲ့နေရာ
ဒါက ထင်ယောင်ထင်မှားတွေကို မင်းတို့အမေတွေပြောဖူးတဲ့ ပုံပြင်အတုကြီး အဆုံးသတ်ရမဲ့ကာလ
ဒါက မင်းပါးစပ်ဟလိုက်တာနဲ့ မင်းရဲ့ပြောရေးဆိုခွင့်ကို ချီးတွင်းထဲပစ်ချလို့ရတဲ့ အာဏာ
ဒါက လက်တင်ဘာသာစကားနဲ့ လိင်စိတ်ကိုနိုးကြားစေတဲ့ အမှန်တရား
ဒါက တီတီတာတာ ‘‘ဟက်ပီးနယူးရီးးယား 2012 … ယေးးး’’ (အခြောက်မလေသံနဲ့) 

အော်ရမဲ့ အချိန်မဟုတ်ဘူး

ဒီနေရာက စောက်ရှက်နဲ့ စောက်ကြောက်ကို 2011 မှာထားခဲ့ပြီး 

2012 မှာတကယ်လက်တွေ့လုပ်ရမဲ့အချိန် ။

nelay

 

ဘဝသစ်တည်ထောင်သူများ နှင့် လွတ်လပ်စွာတွေးခေါ်သူများ ရလဒ် (ဝါ) မရှိ

စကားကြီး စကားကျယ် အမှန်အတိုင်း ပြောတော့လဲ စောက်ကလေး က ကလေးမျက်နှာ လူကြီးလေသံထွက်တယ်ဆိုပြီး ပြောခံရတယ် ။ (ပြောခံ ရအုံးမယ်) မဟုတ်ဘူး သေချာဖတ် (ပြောခံ ရတယ်) ။ ဒါပေမဲ့လဲ ကလေး ရေးတာတွေကို လူကြီးတွေ နားမလည်တာကတော့ လူကြီးစောက်ခွက်နဲ့ ကလေးဦးနှောက်ရှိတယ်လို့ပဲ ဆိုရမယ် ။ (ဆိုရမလား) မဟုတ်ဘူး သေချာဖတ် (ဆိုရမယ်) ။
အောက်ပါအကြောင်းအရာများကို ကိုယ့်ကိုယ်အထင်ကြီးနေတဲ့လူတွေ မဖတ်မိစေဖို့တော့ လိုတယ်။


မသိစိတ် နိုင်ငံတော်မှာ ကြီးမားအုပ်စိုးနေတဲ့ လူနှစ်မျိုးရှိတယ် ..
စာဖတ်နေရင် နှာခေါင်းလာနှိုက်ပြမနေနဲ့ …. စောက်ခွက်ရိုက်ပစ်လိုက်မယ် ။


ဘဝသစ်တည်ထောင်သူတွေ (life-builder) အနေနဲ့ သူတို့ ဘဝအောင်မြင်တိုးတက် ပျော်ရွှင် သာယာ ဘဝကူးကောင်းရေးအတွက် ရှေးရှု့ပြီး လုပ်ငန်းစဉ်များကို ဘဝသစ်တည်ထောင်သူတွေကလုပ်ကြတယ် ။
လွတ်လပ်စွာတွေးခေါ်နေထိုင် သူတွေကတော့ သူတို့မသိစိတ်ရဲ့ နောက်မှနေထိုင်ရှင်သန် လင်းပွင့်လှုပ်ရှားကြတယ် ။
ဒီ့အထဲမှာ ဟိုမရောက် ဒီမရောက် လူတွေပါလာနိုင်သလို
ကိုယ့်ကိုယ် မမြင်သေးတဲ့ နှစ်လမ်းမောင်း အရူးတွေလဲ ရှိကြတယ် ။


ဒါကဘာ ပြသနာမှမရှိဘူး။ ရှိလာ တာက social network ထဲကို ရောက်ရှိလာတဲ့ အဲ့ဒီ့မျိုးမတူ အင်အားကြီး အုပ်စုနှစ်ခုတွေ့ကြတဲ့အခါ ယေဘုယ ဗီဇတွေ တူညီနေကြောင်း တွေ့ရှိနိုင်တယ် ။ အဲဒီ့ယေဘုယ တူညီဗီဇတွေကို ဖျောက်ဖျက်လစ်လျှူရှုထားဖို့ထက် မသိစိတ်ကို တိုက်ခိုက်အနိုင်ယူဖို့ ကို လုပ်ကြရမှာဖြစ်တယ် ။ အဲဒီ့လိုမှ မဟုတ်ရင် မျိုးမတူ မသိစိတ် ကျူးကျော်ဝင်ရောက်မှုတွေဖြစ်လာပြီး စစ်ပွဲတွေရဲ့ယေဘုယျ ထုံစံအတိုင်း အင်အားကြီးတဲ့ သူက အနိုင်ရပြီး ဘာငြိမ်းချမ်းမှုမှ ရှိလာမှာမဟုတ်ဘူး ။


ဒီကြားထဲမှာဖြစ်လာတဲ့ တိုက်ခိုက်မှု စိတ်အနီးအဝေး လွဲချော်ခြင်း အလင်းနှစ်များက ခဏတာ များသာဖြစ်တယ်။
ဘဝတစ်ခုလုံးစာလို့ မှတ်ယူမထားသင့်ဘူး ။ အဲဒီ့မှတ်ယူခြင်း အသိဉာဏ်ရဲ့နောက်မှာ အမြစ်တွယ်နေတဲ့ မျှခြေမတူမှုတွေကို ဘာနဲ့မှ မတိုင်းတာ မဆုံးဖြတ်ဖို့ လိုတယ် ။ မှန်တွေရဲ့ လုပ်ထုံးလုပ်စဉ် အတိုင်းပါပဲ ။ စာလုံးတွေဟာ နံရံတွေကို ထိမှန်ပြီး ပြန်ကန်လာနိုင်တယ်ဆိုတာ သိထားရမယ် ။ အဲလိုမှ မသိရှိ မလေ့လာပဲ ပုံတူထုတ်လုပ်ရေး လုပ်ငန်းစဉ်တွေဟာ ဝင်ရိုးစွန်း အပေါက်ကထွက်ကျလာတဲ့ အမှိုက်တွေပဲ။


သိထားရမှာက အဲ့ဒီ့ မသိစိတ် နိုင်ငံတော် မှာ အကျဉ်းကျခံထားရတဲ့ ၎င်းတို့အတွက် အလွန်းသေးငယ်တဲ့ ဟာသ တွေသာ ဘာသာစကားအဖြစ်နဲ့ အချင်းချင်း ပစ်ပေါက်နေတဲ့ သေးငယ်တဲ့ အစိတ်အပိုင်း သေးသိမ်တဲ့ ပေါက်ကွဲမှုဖြစ်စဉ်လေးသာဖြစ်တယ်။
လောကကြီး အတွက် လုပ်ပေးနေသူများအတွက် လောကကြီးက ဘာမှ အလိုမရှိပါဘူး လောကကြီးဟာ သူ့ဟာသူ ပြီးပြည့်စုံနေတဲ့ အစီအစဉ်များသာ ဖြစ်တယ်ဆိုတာပဲ။


ဘဝသစ်တည်ထောင်သူတွေက သူ့အလုပ်သူလုပ်နေကြပါစေ
လွတ်လပ်စွာတွေးခေါ်သူတွေကလည်း သူ့အစီအစဉ်အတိုင်ရှိနေကြပါစေ
မလွဲမရှောင်သာ အဲ့ဒီ နှစ်ဦး ထိပ်တိုက်တွေ့ကြရင် ဖြေရှင်းရမဲ့ နည်းလမ်း (လုံးဝ) မရှိနိုင်ဘူး
မတွေ့ခင် ကိုယ့်ဖက်က ကြိုတင်ပြင်ဆင်ပြီး နောက်ဆုံး ဘယ်လိုအဆုံးသတ် ထွက်ရှိရမယ်ဆိုတာကို မသိစိတ်က သိရှိနေရမယ်။


အထက်ပါအကြောင်းအရာများမှာ ပဲစေ့ သာဖြစ်တယ် ။ သေချာဖတ် ပဲစေ့ အပင်မပေါက်သေးဘူး ။


ဖြေက
ဘာမှ မရှိခြင်း (ဝါ) ပျက်သုံးခြင်း မြေဆီ အဆိပ်များသာ။
ငါကိုးကွယ်သော ငါ့ဘာသာ ။
‘‘ကိုး’’ ခြင်းအမှုများ များလာသောအခါ ‘‘ကွယ်’’ ခြင်းအဖြစ်သို့ ဆိုက်ရောက်ခြင်းသာ ရလဒ်။

nelay

ဆေး

 

ဘာတွေလဲ .... ဒီနေရာမှာ စ ပြီး .... ဒီ .... နေ ... ရာ ... မှာ ... ပြန် ... ဆုံး .... ဘာတွေလဲ .... သစ်ပင် ... အရုပ် ... စက္ကူ ... ဘာတွေလဲ ... ဘာတွေလဲ .... မျက် .... မ .... မြင် ... နဲ့ ..... ဆေး ... လိပ် .... တို ..... ဘာတွေလဲ ... ပလုံစီ နေတဲ့ .... လင်္ကာ တွေ ... ရှုရှိုက် ..... ဘာတွေလဲ ... နှာခေါင်းပေါက်ထဲက .... ကြည်ဆံတွေ .... ဘာတွေလဲ ..... အိမ် ..... သာ .... နံရံပေါ်က ပင့်ကူတွေ .... ဘာတွေလဲ .... iNt3rNeT မသုံးဖူးလို့ .... ငါ့ကိုမသိဘူး .... ဘာတွေလဲ … စာအုပ်မဖတ်ဖူးလို့ ... သူ့ကိုမသိဘူး …. ဘာတွေလဲ …. TV မကြည့်ဖူးလို့ …. ကျော်သူ ဆိုတာ မသိဘူး …. ဘာတွေလဲ … ဘာတွေလဲ ….. မသိဘူး … ဘာတွေလဲ …. သူ့မျက်လုံး သူငယ်အိမ်ထဲမှာ….. ဘာတွေလဲ ….. ငါ့ကိုယ်ငါပြန်ပြန်တွေ့တွေ့နေရလို့ ….. ဘာတွေလဲ ….. ငါဆိုတာ တကယ်ရှိတယ်ဆိုတာ ….. ဘာတွေလဲ …..သိလိုက်ရတယ် … ဘာတွေလဲ ….. သစ်ပင်မစိုက်ဘူးလို့ ….. အမြစ်တွေရှိတယ်ဆိုတာ မသိဘူး …. ဘာတွေလဲ …… လမ်းပေါ်က ဖုန်တွေ မြောက်မြောက်တက်သွားမှ လေရှိတယ်ဆိုတာ ကြိတ်မှိတ်ပြီး ယုံလိုက်ရတယ် …. ဘာတွေလဲ မသိဘူး …. နောက်တစ်ဆင့်တက်သွားပြီလား ….. ဘာတွေလဲ ….. ဆံပင်တွေထဲမှာ မျက်လုံးတွေ ဝှက်ထားတယ် …. ဘာတွေလဲ …. ဘာတွေလဲ …. အုပ် ….. စု …… လိုက် …… ကြီး ဘာတွေလဲ …. တြိဂံ တွေ လား …. ဘာတွေလဲ …. လက်ငါးချောင်းပူးပူး ….. ဘာတွေလဲ ….. လိုက်တာမြင်မှ ….. ဘာတွေလဲ ….. ဘာသာတရား ….. ဘာတွေလဲ ….. ရှိတယ် ….. ဘာတွေလဲ ….. အဲယားကွန်း က လေတွေ အေးကုန်ပြီလား ….. ဘာတွေလဲ ….. အတွင်းခံ … ….. ဘာတွေလဲ ….. ထဲမှာ … ….. ဘာတွေလဲ ….. စကားလုံးတွေ …. ….. ဘာတွေလဲ ….. ဝှက်ဝှက်ထား ….. ဘာတွေလဲ ….. အထီးနဲ့ အမ ….. ဘာတွေလဲ ….. ကို ….. ဘာတွေလဲ ….. မယုံကြည်တော့ဘူး ။ ….. ဘာတွေလဲ ….. ။

nelay

ဓာတုဗေဒ

မျက်နှာသစ်ပြီး သွားတွေဖွင့်လိုက်တော့ ပြတင်းပေါက်တွေမရှိတော့ဘူး
သားတွေနဲ့ သမီးတွေ ကိုနေလင်း မနက်ခင်းဆိုတာ သော့တွေရဲ့အိပ်စက်ခြင်း
အိုဗာတင်းပါ ဆရာမ ကာဗွန်ဒိုင်အောက်ဆိုဒ် ကို ခပ်၀၀ ဗိုက်ထဲ အတင်းလောင်းလောင်းထည့်နေရ
လမ်းပေါ်မှာ လမ်းပေါ်မှာ ခွေးတွေမရှိတော့ဘူး ပလာတာပဲကွာ နာရီတွေအမြှီးညှပ်နေလို့လား
သစ်ခြောက်ပင်ပေါ်က ငါးတွေကိုခူးခဲ့ပါ မျက်လုံးရှုမရတော့လို့ စကားလုံးတွေနဲ့ပဲ လိင်ဆက်ဆံနေရ
ဒါမျိုးတွေကြီးပဲလို့ ဒေဂျာဗူးကိုပြောပေးပါ ကျပ်စေ့တွေနင်နေလို့လား ပြောင်းပြန် စစ်ခက်တွေနဲ့ မုတ်ဆိတ်
အကျားအကျား အကွက်အကွက် နဲနဲကလေး လွန်နေတာကလွဲလို့ ကိုနေလင်းရယ် အင်္ဂါပါ
ပြဒါး သံ ဖြိုး ဟီးဟီး ဟားဟား ညီမကအကြီး ကျနော်က အငယ်
ဝတ်စံတွေ နှစ်လုံးပေါက် စံပယ်ပန်းတွေ ပျော့စိကွေး စိတ် စိတ်မရှည်တော့ဘူး
ချိတ် ဆိတ် ဘ မ အ ကိုးကိုးကိုး ခေါင်းသုံးလုံးနဲ့ ကိုး စိတ်ကုန်ခြင်း အရူး တန်ဖိုးရှိတဲ့ အချိန်
အလကား အားအားယားယား အသစ် အသစ် အဟောင်း အဟောင်း အသောင်းရော
ဖဲပြား ပဲပြား ညစ်ပတ်ပေပွ ကော်လံပေါ်မှာ သနားပါတယ် ငါ့အစ်ကိုကြီး လေးခွ ငါးခွ သုံးခွ
ကျောက်ဆည် ဖရုံသီး မျက်နှာသစ်ပြီး အဟောင်းအတိုင်း အဟောင်းအတိုင်း ဘာမှမထူးဘူး စောက်ရူး
လေးလေးစားစား ယဉ်ယဉ်ကျေးကျေး ပညာတတ် လူလိမ် မာ အစိုးရ ဥပဒေ စာအုပ်စာအုပ်
အိုဗာတင်းပါ ဆရာမ သွေးတွေခြောက်သွား ခြောက်တွေသွေးသွား ဒါလေးများ ပေါင်မုန့် စတော်ဘယ်ရီ
ငါတို့တုန်းက ငါတို့တုန်းက ငါတို့တုန်းက ငါအရင်လုပ်ခဲ့တာ ငါအရင်လုပ်ခဲ့တာ ငါအရင်လုပ်ခဲ့တာ


အရေမရ အရေမရ အရေမရ အဖတ်မရ အဖတ်မရ အဖတ်မရ ရှစ် ရှစ် ရှစ် ရှစ် ရှစ် ရှစ် ရှစ် ရှစ်
ဓါတ်ခွဲခန်းထဲက အကြည်ရောင် အိုး အိုး အိုး အိုး အိုး အိုး အိုး အိုး အိုး အိုး အိုး အိုး အိုး အိုး အိုး အိုး ။

nelay

မျက်လုံးရှေ့က အနက်ရောင် ပဝါများ

နေမင်းကို ကျောခိုင်း တယ်ဆိုတာ

အရပ်လေးမျက်နှာကို ကျောခိုင်းလိုက်တာ
ကိုယ်ရေးကိုယ်တာ စကားလုံးများ
အများနှင့်သက်ဆိုင်သော ပါဒများ
လိုက်လံဖတ်ရှု့နေရသော ခေါင်းတစ်လုံးကို

ကဗျာ
ဂျင်းဘောင်းဘီ ဇစ် ပွင့်နေတဲ့ စာအုပ်များနဲ့
အောက်သိုးသိုး အတွင်းခံ ခေတ်မှာ
အရေဟောင်းတွေ ချွတ်ပြီး
ပေါ်ပြူလာဖြစ်သမျှကို လိုက်လိုက်လုပ်ယူနေကြ


လိင်အသားပေး ဂီတနဲ့ အိပ်မက်မရှိတဲ့ ဂီတ
လင် မြန်မြန်ရတဲ့ ခေတ်ဆိုတော့
ဒါနဲ့စကားမစပ်
ပညာဆိုတာဘာလို့ သင်ယူရသလဲဆိုတာက
ဒဏ်ရာဆုတွေအရနည်းဖို့
ထွားကြိုင်းလာရင် မိုက်ရိုင်းဖို့
ကြိုတင် သင်ကြားခြင်း


ဒါဆို
မိဘဖြစ်နည်းနဲ့ သားသမီးဖြစ်နည်းအတွက် တက္ကသိုလ်တွေထားသင့်တယ်
ဒါတောင် ကျောင်းပြေးပြီး အရက်ဆိုင်နဲ့ ဖာခန်းတွေလိမ့်နေရင်တော့
ပထမတွေကြီးလိမ့်လိမ့်ရနေတဲ့ ငါ့သမီးအလိမ္မာလေးအတွက်
ဒုက္ခ


အခုတော့
လူ့နှံကောင်တွေက လိင်ဆက်ဆံပြီးရင်
ဇာတ်တူသားကို စားပစ်ကြတယ်
အခုတော့
လူ့ကြောင်တွေက ကိုယ့်သားသမီးနီတာရဲတွေကို
မီးတွင်းထဲမှာ စားပစ်ကြတယ်


အခုပြောနေတာ လွန်ခဲ့တဲ့ ဟိုးရှေးရှေးတုန်းက စောက်ရူးတွေ
ပေးအပ်လိုက်တဲ့ အောက်သိုးသိုး အတွင်းခံဘောင်းဘီးတွေ
အခုဝတ်ဆင်ထားရတဲ့ လူ ဆိုတဲ့ သတ္တဝါတွေ


တစ်ချိန်က စောက်ရူးလို့အပြော ခံရတဲ့
မင်းလဲလူ ငါလဲလူ အတူတူချင်း
မင်းလဲနာ ငါလဲနာ အတူတူချင်း တောင်
မင်းက ပိုနာပြနေရအောင် ဆေးရုံပေါ်က
ကုလားမတွေ ကလေးမွေးသလို ပိုအော်ပြနေတာလား


တစ်သက်လုံး ဘာမှမမြင်ရတဲ့ အသိုင်းအဝိုင်း အကောင်းစားကြီးထဲမှာ
တစ်သက်လုံး သေနေတဲ့အတွက် သေရင်တောင် အသနားခံချင်ကြ
ဒီလို ဖြစ်မျိုးက ရုပ်ရှင်ထဲမှာပဲတွေ့ဖူးမှာပေါ့
ဒါက မင်းအတွက် အနုပညာ ရသတစ်ခုပေးရင်
အိမ်မှာပေါက်ပေါက်စား ဒူးနန့်ပြီးကြည့်နေလိုက်


မျက်လုံးတွေကို အဝတ်အမဲတွေ စည်းစည်းထားပြီး
ရန်ကုန်မြို့ လယ်ခေါင်မှာ လမ်းသလားနေတဲ့ သတ္တဝါတွေက
သူတို့အချင်းချင်းတိုက်မိကြရင် မမြင်မစမ်းနဲ့
အချင်းချင်း ပြန်ပြန် ဆဲနေတဲ့ စောက်တွေပျံမကျအောင်စီးကားနေတယ်


ပျက်စီးခြင်း အပါး တစ်သန်းလောက် ရွာကျနေလဲ
မြက်ခင်းတွေ စိမ်းလန်းပါစေ မြက်ဖျားပေါ်က ရေစက်တွေကြည်အေးစိမ့်စေ
ဆုတောင်သံတွေကို လော်စပီကာထဲက ငါမကြားနိုင်တဲ့အရပ်မှာ
အော်ကြီးဟစ်ကျယ် လမ်းသလားနေကြသလား


ခေတ်ကိုထင်ဟပ်စေဖို့တဲ့လား အရောင်မတောက်တော့တဲ့
ကြေးခေတ်က သေးအိုးကို ဘယ်လိုများ တိုက်ကာချွတ်ချွတ်
မကျွတ်မလွတ်နိုင်တဲ့ မိတဆိုးမလေးရဲ့ သားဆိုတော့
ဘုရားဖူးထွက်ဖို့ ဘုရားကို အရင်လိမ်တတ်ရတယ်
ငါး ပါးစပ်ထဲက သွားကြားညှပ်နေတဲ့ ခပေါင်းထမင်းတစ်ပွဲနဲ့
ဆပ့်ခုံကို ဖင်မပါတဲ့ ခုန်နဲ့ထိုင်ထိုင်စား ဈေးမဆစ်နဲ့
ပဝါအုပ်ပြီးသား အလကားရတဲ့ ငါးပါးသီလ

nelay

ဗျည်းသံတွေပဲ ပါးစပ်ထဲမှာ ပေကျံ

ပါးစပ်ထဲမှာ ပြောင်းထည့်ပြီး ပြောရင် သရသံတွေပဲ ပြောနိုင်မှာပေါ့
မြန်မာတော ဇာတ်လမ်းတွေထဲက သူတို့ စိတ်ချမ်းသာဖို့ ရွေးခဲ့ပါတယ်
မကြည့်ဖြစ်တော့တဲ့ ဖျဉ်လိပ်တွေ မီးရှို့ပြီး
အဝေးကို မြင်နေကြပုံစံအတိုင်း အဝေးလိုက်ခြင်း
ဆုတ်ဖြဲထားသမျှကို ပြန်လည် သန့်စင် အသုံးပြုပြီး တစ်ခါသုံး မိတ်ဆွေများအဖြစ်
စကားကြီးစကားကျယ်များ ပြောရန်
သူတို့ဦးနှောက်မြေပုံပေါ်က ပြောင်းပင်များမှ ပြောင်းဖူးစေ့များကို တစ်စေ့ခြင်း ကွန်ယက်
အစီအစဉ်များအား စနစ်တကျ ပျက်ရယ်ပြုပြီး
ခြင်း ၍ ၎င်း မအားမလပ်သည့် ကြားမှ အပုတ်အပွများကို ဟန်လုပ်ဖြီး သွားပြများ
အပိုထွက်ရှိနေသော နားရွက်များနှင့် နှာခေါင်းများကို ညှပ်ပစ်ရန်
သင့်လျှောသော လျှာများ ရှည်ကြလွဲမှား လေသံ
ရှုးနန့်နန့် အချိန်တိုအတွင်း နောက်ပြန်ဆုံးသေခြင်းများ
အလကားရသမျှနှင့် ဘကုံးနှင့်ဝလုံးကို တစ်ဖက်စီထားပြီး ချိန်ကြည့်ရန်
သမာဓိမရှိတော့သော အသေတရားများဖြင့်
နံရံအတွင်းသားများမှ ရေငတ်နေသော ရှုရှိုက်သံအားရမှုကိန်း
မြန်မာစာတန်းထိုး လှလှပပ
ဗိုက်နာခန်းများ ဝမ်းသွားခန်းများ
အရက်နာကျခန်းများ လက်ထိုးအန်ခန်းများ
ကြာကူလီခန်းများ
ခွေယောင်ဆောင်တဲ့ ဘုရင်တွေရဲ့ တစ်ပင်တိုင် အူဟောင်ခန်းများ
အငိုမျက်နှာဖုံး အပြုံးမျက်နှာများ
စာတန်းထိုးခန်းများ
ခေါင်းမပါ လျှာ သွား နား ကန်းနေခြင်း
အယုံသွင်းခံရ နွားခြေရာကောက်ရိုး ဘာသာ
တင်စီးလိုက်တဲ့ ဝမ်းမနာသားများ ရေငတ်နေတဲ့ လယ်ထွန်စက်

nelay

လမ်းနာမည် စက္ကူ စာရွက် စာအုပ်

ကားဂိတ်များ
ဗဟန်း ၃လမ်း အသွားရှိပြီး အပြန်မရှိတဲ့ မင်းလမ်း
ယောက်လမ်း လမ်းဆုံ စက်မှု ၁
တဏှာတူးဖို့ ဓါးနဲ့ အကြိမ်းခံရတဲ့ အကြောက်တရားနဲ့
ဖောက်ပြန်ဖို့ စောက်ကန်ခံရ
နွားတွေလို စိတ်အေးလက်အေး နှစ်ကူးကြ
အခုဆို ဘာဖြစ်နေလဲ သိပ်မစဉ်းစားတော့ဘူး
ဘူးသီးကို ခူးမဲ့လူတွေထဲ ငါ့ကြက်သွန်ဥကလေးကို
အာပုတ်စော်အနံ ခံပြီး ငါက စား
စားဝတ်နေရေးအတွက် စောစောအိပ်ပြီး စောစောထ
ကားပေါ်ကို အိုကြီးအိုမတွေနဲ့ စောစောအလုတက်
စောစော အလုအရက်ဆင်းပြီး စောစော သေကြ
ငါကလဲ စိတ်ဝင်စား ချင်ယောင်ဆောင်ပြီး
သိကြားမင်း ကို ပျားရည်ထုတ်ထုတ်ကြွေး
ပျားဘုရင်မကြီး ဖိုက်လိုက်လို့ ပျားလုပ်သားတွေ တဖွဲဖွဲကြွေကျ
ယဉ်ကျေးမှုအရ ခေါင်းငုံ့ လျှောက်ပြီး နောက်ဆုတ်ကြရင်
ယဉ်ကျေးမှုအရ ခေါင်းပေါ်ကကျော်လျှောက်ပြီး ရှေ့ကိုတိုးကြရတယ်ဆိုတာ
နီလေးပြောခဲ့ဖူးသလား
လောလောဆယ် ဈေးကွက်ရှာဖွေရေးက လမ်းခွဲသွားတဲ့ မှတ်တိုင်မှာ
မီးကအမြဲ အနီနဲ့အဝါ
လမ်းတွေပေါ်မှာ ဆပ်ပြာတွေအလုအယက် ရောင်းကြ
စားသုံးသူတွေ ခေါင်းမပါတာကလွဲလို့
သွားတွေသွေးကြ
တစ်ကိုယ်လုံးချွတ်ကြည့်ရင်တောင် သွားကြီးပဲရှိကြ
ငါ့အကြောင်းကို ငါမပြောပဲ မနေနိုင်ပါဘူးဆိုတဲ့ မိန်းမပါးစပ်နဲ့ ယောကျာ်း
ငါ့အကြောင်းကို သူတို့ မပြောပဲ မနေနိုင်ပါဘူးဆိုတဲ့ ယောကျာ်းပါးစပ်နဲ့ မိန်းမ
အဲ့ဒီ့နှစ်ယောက်ကို အခန်းစဉ်ထဲ အတူတူထည့်
ဘယ်သူ့အကြောင်းမှမကြားရတော့တဲ့
ဘူးသီးဟင်းခါးကို အသုတ်သယ်ဆီက နဲနဲတောင်း
လမ်းနာမည်ဟောင်းလောင်းပေါ်မှာ လမ်းလိုက်ကြ လမ်းလိုက်ကြ
လိုက်ကန်းပြောက်တဲ့ လိုက်လမ်းများ ကား နေကြ လမ်းများ

nelay

အခ အဆ

အခ     အဆ



 ပ     ရ   က       ပ က ရ    သမ
ဆ   သ    မက  ဖ     တ     လ     သ
က    တ  ခ   အ  သမ   က လ    လဆ    သ
ဟ  ဟ  ဟ   ဟ    ဟ
ငသမ    အ ဖ   မ ထ    ပ ခ  သ
ဘ၀  ပ   မ   စ  က Li  k မ   ဖ
သ  မ   လတ  စ   မ    ႏ   မဆ    သ
န  မ၀ သသနမ   က  စ   ပ   ပ  ဖ  သ
ဟ   ဟ    ဟ   ဟ ဟ
စ    ပ  ဖ  ထ   လ   သ   အပ  က တ
 က မ  ရ  သ  ပ လ
အရ  ဖအ   မ   ဖ   ပ      တ    သ     သ  အသမ
သရ အ  သမ   က ထ  မ က တ
  လယ    ပ သ  ဘ  မ   ပ   က     မဆ  က
ဗ     သမ      ပ     ဆ က    က
ဟ   ဟ    ဟ   ဟ  ဟ  ဟ
ပ  မ  တ ရ  ခလ    လ စရသ    သ   သ  ယ  ဇ မ    ႏ



  e a

     ျိတ်       က်

ြ  တ်ေ  ွ့ေြ   ာင်း ေ  ါ်      ယ်    ံ ျား

   က်   ွယ်  ှု    ို ြ  တ်ေ   ာက်   ိုက်ေ   ာ

   ိုယ်    စ်ြ မ်း    ေ     ျား    ို    ိုက်   ံ    က်

   ီး    ီး     ား    ား     ား

  ို   ံ  ျား    ြ  စ်ေ ွး   ုတ်ေ း  ဲ့ေ    ာ

     ေ  ါင်း ျား   ွာ   ို    n    ျားြ  င့်

   ာ  န်     ူ   န်း ား   ျား   ှင့်     ိုင်ေ    ာ

  ာ    ိေ         ျား    ို    ိုက် ျိုးြ  ီး ြ  စ်   ည်

   ား    ား     ား    ိ    ိ

  ိုက်  ျိုးြ  စ်   ွန်း   ာေ   ာ      င်ြ   ီး    ို့

ြ   ီး  ား  ှင်   န်ြ  ို    ဲ

     ိပ်  ိ   ား  ျားြ  င့်ြ  တ်ေ    ာက်   ွားေ    ာ       ံ ျား

         ေ     ျား    ို    ပ်  ံြ   ိုး   ပ်

ေ       ာဉ်  ျံ    ေ   ၤာ   ေြ  ာေ   ာင်း      ိုေ   ာင်း

  ျည်း   ံ  ျား ေြ  ာက်   ုံး   ုန်ေြ   ာင်း

   ား    ား     ား    ီး    ီး    ီး

  ုဒ်  ေ   ွ   ွာ  ျ   ိုက်    ို့  ို  ွဲ   ွားေ   ာ     ံေ   ာ  ဉ် ျက်   ှာ

n  l y

--------------------------------------------

အရိပ်တွေ ပေါင်းပြီး ချရေးလိုက်တဲ့ ကဗျာ

ကြွေစရာ ကမ္ဘာ မရှိတဲ့ ကြယ်

Htut Htake

ကြွေစရာ ကမ္ဘာ မရှိတဲ့ ကြယ် .....

တွယ်စရာ နေရာ မရှိတဲ့ နွယ် .....ခိုလှုံရာ ရင်ခွင်ပျောက် ဘဝမို့ ..... ဒီကာရံတွေ နည်းနည်း ခါးတယ်.... ဒါ ငါ့ ၂၀၁၀ ..September 2, 2010 at 10:34pm

Ne Lynn

အလဲ့ .... ဆယ်စုနှစ်အလွန်က ရင်ဘတ်မျိုးနဲ့ ခိုးခိုးပြီးကြွေနေရတဲ့အခါ ... ခြေချစရာ စကြာဝဠာပြောက်လို့ အလွမ်းတွေသောက်ပြီးမှ ပြန်လာခဲ့မယ် ငါ့ ညကို ၂၀၀၉ တွေ ဝင်မလာစေနဲ့ ... ။

September 2, 2010 at 10:41pm

Htut Htake

နွေကန္တာဆီ လက်ပစ်ကူးသလို

ရင်ခွင်အဟောင်းဆီ အပြုံးအသစ်တွေ ဝေဆာ မလာသေးသရွေ့တော့

၂၀၀၉ တွေ အရည်မဖျော်လိုက်ပါနဲ့...

ဒီသံယောဇဉ်လက်ကျန်..

မနက်ဖြန် ဆက်ရန် ချွေတာရဦးမယ်..

ငါ့ ၂၀၁၀ ခေါင်းပါးလွန်းတယ်...

September 2, 2010 at 10:53pm

Ne Lynn

ခေါင်းပေါ်က နှလုံးသားတွေ ဦးတည်ညွှတ်တွား အလွမ်းတွေ oneway တက်လာခဲ့တဲ့အခါ မေ့မျောခြင်းတိုင်းပြည်မှာ ထုံထိုင်းမှုတစ်စုံတစ်ရာနဲ့ လိပ်ပြာလှောင်ခဲ့တဲ့ အပြုံးအိမ်ကလေးကို လူသိရှင်ကြား ရင်ခွင်ထဲထိုးထိုးသိမ်းထားလ

ိုက်တယ် ...

.

နှစ်

.

ထောင့်

.

တစ်

.

ဆယ်

.

.

.

September 2, 2010 at 10:58pm

Htut Htake

ရင်ခွင်ထဲ ထိုးထိုးသိမ်းထားတာတွေ...

ပြည့်အံ ထွက်လျှံ စီးကျ ယိုဖိတ်တဲ့အခါ အိပ်မက်တွေတောင် တခြမ်းစောင်းတယ်...

မမှောင်ဘဲ အလင်းမဲ့ ညမှာ... ကာရံတွေ အာခေါင်ခြောက်လို့ သံစဉ်တွေ အအေးမိတယ်... ငါ့ခေါင်းပေါ်က ငါ့နှလုံးသား နာဖျားရပြီ ငါ့ ၂၀၁၀...

September 2, 2010 at 11:08pm

မြိုင်ရာဇာ တာတေ

ဘုရားသခင်ရဲ့ အလိုတော်လား ... ရှောင်လို့မလွှဲနိုင်တဲ့ ကံတရားလား ... ငါ့မေ့ပစ်ထားချင်တဲ့ ၂၀၁၀ ...

September 2, 2010 at 11:09pm

ဂျစ်ပစီ မိုးတိမ်

ကြွေစရာ . . တွယ်စရာ . . ခိုလှုံစရာ . . ရှာရင်း ရှာရင်း

မင်းကို သတိရတယ် ငါ့ရဲ့ အလုံးစုံသော ညဟိုး . . . က . . နဂါးငွေးတန်းရယ်

September 2, 2010 at 11:10pm

Ne Lynn

အသစ်တွေထပ် မသိုးတော့ဘူး

အရွက်တွေက ကြွေဖို့ပဲ ငိုရှိုက်ခဲ့

လေပြေလာရင် ခြေရာတွေ ရနံ့လှိုင်လွန်းလို့

သစ်အိုပင်ခြေရင်း ...

စကြာဝဠာကြွေမှာကို ငါစောင့်ရင်း နေခဲ့မယ် ၂၀၁၀ ...

September 2, 2010 at 11:17pm

Htut Htake

မနက်ဖြန်တွေ လှမ်းလာဖို့ ဒီတညကို တံခါးပိတ်ရဦးမယ်.....

စိတ်ရဲ့ စေစားရာ အတွေးစတွေ အဆုံးသတ်ခဲ့ရင်တောင်

ငါ့အိပ်မက်ထဲထိ စကြာဝဋ္ဌာ အကြွေစောင့်နေပါ့မယ် ငါ့ ၂၀၁၀ ရယ်...

September 2, 2010 at 11:33pm

ဂျစ်ပစီ မိုးတိမ်

ငါ ထမ်းပိုးထားတဲ စကြာဝဠာ နင့်နာမည်ကို ငါမေ့နေ

ကမ္ဘာတွေ အသိန်းသိန်း ကြွေပြီးတာတောင်မှ

နင်က ကဗ္မည်းမထိုးရသေးဘူးလား

ငါရေတွက်တတ်သမျှ ဂဏန်းတွေ အထပ်ထပ် ဖြစ်နေပြီ

September 2, 2010 at 11:39pm

Gwa Sar

လိုချင်စရာတွေ ပေါပေါလာတယ်...

အသက်ရှုရတာ မောမောလာတယ်...

မြင်သမျှရယ်

တွေ့သမျှရယ်

လောဘအလယ် ဒေါသကြွယ်နေတဲ့

နှစ်...ထောင့်...တစ်...ဆယ်.....

September 3, 2010 at 7:07am

-------------------------------------------

ကိုထွဋ်ထိပ် status အဟောင်းလေးတစ်ခုကို fb ရဲ့ အသစ်ပြောင်းထား app တစ်ခုကြောင့် ပြန်လည်တွေ့ရှိပြီး collage လေးလုပ်ထားပါတယ်။ အပေါ်ဆုံးအပိုဒ်က status ဖြစ်ပြီး ကျန်တာများက ကွန့်မန့်တွေဖြစ်ပါတယ် ။

ဂိမ်းကစားနေတဲ့ E တုံး

သူအစာကြေချ လိုက်တဲ့အခါ

တွင်းနက်ထဲပြုတ်ကျသွားတဲ့ မင်းက
E တုံးပေါ်မှာ ခနော်ခနဲ့စိတ်နဲ့ဘာတွေပြောနေတာလဲ


သူတောက်ချ လိုက်တဲ့အခါ
တွင်းနက်ထဲကျသွားတဲ့ ဆေးလိပ်တိုကို
မရင့်ကျက်သေးတဲ့ အနံ့နဲ့ မင်းက
E တုံးတွေကြားထဲ စက္ကူတွေ လိုက်လိုက်ရှုနေတာလား


သူသွန်ချ လိုက်တဲ့အခါ
တွင်းနက်နက်ထဲ ရွဲစိုသွားတဲ့ မင်းက
E တုံးတွေဖက် မိုးပေါ်ကို လက်ကလေးထောင်ပြီး
ဆဲရေးတိုင်းထွာနေတာလား


ဘာသာစကားမှမတူတာပဲ
နတ်ကြီးတဲ့ ခလုတ်ကလေးနဲ့
နားကပ်ဝတ်ထားတဲ့ အမှောင်ကို
အနာတွေဖုံးထားတဲ့ အလင်းက
ပြဋ္ဌာန်းထားသမျှကို ပေါ့ပျက်ပျက်အတွေးအခေါ်နဲ့
မင်းအတွက် Game Over လေးကပ်ပေးလိုက်တယ်

nelay

သို့ ... အိမ်

မျက်နှာဦးမေ စိတ်အလှရုန်းကြွ
လေညှင်းတွေ အသက်ရှုမဝလဲ ဘာမှမဖြစ်ပါနဲ့
အကြောက်တရားကို သိခြင်းပညာနဲ့ဖျောက်လို့
ငါ့ရင်မှာ နင်က အမြဲလှနေမယ် . . . ။


ရာစုကမ္ဘာတွေ ငါတို့ ဇရာကို စားသွားလဲ
အိမ်ငယ်ကလေး တစ်လုံးနဲ့ လေပြင်းတွေကို ပုန်းရှောင်ကြမယ်


ငါ့အတွက် အဓိပ္ပါယ်မရှိခြင်းတွေကို
ကြည်လင်အေးမြတဲ့ မျက်ဝန်းအနွေးဓါတ်နဲ့နှစ်သိမ့်လို့
ငါ့စိတ်ကူးထဲမှာ အဝါရောင်အိမ်ကလေးတစ်လုံး ဆောက်နေတယ်


ငရဲလမ်းကို ဖြတ်သန်းလာတဲ့
ငါတို့ ဝိဉာဉ်တွေ ငြိမ်းချမ်းစေဖို့
ဘာနဲ့မှမလဲနိုင်တဲ့ ငါ့အိမ်ကလေးထဲ လုံခြုံစေရမယ်


ပင်လယ်ကို ဖြတ်ကျော်လာတဲ့ အဲ့ဒီ့မျှော်လင့်ချက်က
နင့်ပါးပြင် အိပ်မက်ထက်က နံနက်ခင်းကို
တယုတယ လှုပ်နှိုးဦးခိုက်လိမ့်မယ်


ငါ့အိမ်ကလေးက အမှောင်မရှိတဲ့အလင်းကမ္ဘာမှာ
အဆွေကောင်းတွေနဲ့ ပညာအပေါင်းကို စိုက်ပျိုးဝေဖူးလိမ့်မယ်


နင့်လက်ချောင်းသေးသေးကလေးတွေနဲ့
မိုးမခပင်ကို အိမ်ရှေ့ဟင်းလင်းပြင်မှာ စိုက်ပျိုးအုံးမယ် . . .


မြေနီလမ်းပေါ်က ယုံကြည်ချက် ညနေခင်းကို
နောက်နေ့ မနက်မရောက်ခင်အထိ
ငါတို့အားတင်း အမှောင်ကိုခွင်းကြမယ် . . .


ကြာသာပတေး စိုက်ခင်းကြီးထဲက
နေကြာပင်တွေ မိုးမျှော်လာတဲ့အချိန်
အရောင်ဂါဝန်ကလေးနဲ့ ငါ့လက်ကိုတွဲပြီး
အစိမ်းရောင်မြက်ခင်းပေါ်က
ငါတို့အိမ်ကလေးဆီ ပြန်လာကြလိမ့်မယ် . . . ။

nelay

နတ်ဆိုးတစ်ကောင်ရဲ့ မေတ္တာဆုတောင်း

နှလုံးသားထဲက မနားတမ်း အတိတ်တွေ အဒွန့်ရှည်ပါစေ
မျက်လုံးထဲက ဆံနွယ်တွေ မြစ်ကိုရစ်လို့ ဒီအချစ်ကိုတည်ဖြစ်စေ
မပြောစကား အခြေနဲ့ နားအိုထဲက မြွေကိုလဲ လန့်နိုးပါစေ

ရုပ်လုံးအထပ်ထပ်နဲ့ ငါ့လက်ကိုဆွဲမှတ်လို့ အချစ်ကိုဦးညွှတ်ပါရစေ
ဘယ်နေရာက ရွှေငါးတွေလဲ မင်းအရိပ်ကို ခိုးနမ်းကြလို့
မျက်ရည်တွေ သုတ်ပြီး ညမအိပ်နဲ့တော့ ကလေးရေ ...


လျှာသွားထက်က ပုံပြင်ကမ္ဘာမှာ ဘာလုံးကြီးတွေ ဘယ်လောက်ကြီးထွား
ဆော်လမှုံငါးတွေ အိမ်ပြန်ကြပါစေလို့ နှလုံးသားနဲ့ ချိုမြလိုက်ရဲ့


စိတ်အမုန်းအခြေရဲ့ အူတိုင်တည့်တည့်က ဒေါသတေးသွားကို

ဧဒင်ဥယျာဉ်ထဲက အဆိပ်ခွက်နဲ့ဖြေဖျောက် နံနက်မိုးသောက်ရင်
ကလေးတစ်ယောက် အိပ်မက်တွေပိုက်လို့
ရည်ညွှန်းရာ တိမ်ကိုးကို အပြုံးတွေမှုံရည်လူးလို့ ပြန်လာပါစေသား


ခရီးလမ်းတစ်လျှောက် ငါ့ခြေရာတွေက ဆူးဆိပ်တွေ ပွင့်ဝေဖူးလို့
ဘယ်လိုမှဖြောက်မရတဲ့ ခြောက်ကမ္ဘာမှန်ထဲ အဖြူရောင်ကိုဘောင်ကွတ်ဖူးတယ်


မြွေတစ်ကောင်ရဲ့ သူ့အမြှီး သူပြန်မျိုနေတဲ့ အသံ
... ... ... ... ... ... ... ... ... ... ... ... ... ... ... ...

ညာဖက်မျက်လုံးနဲ့ကြည့်ပြီး ဘယ်ဖက်ရင်ခုန်သံနဲ့ကြားရဲ့လား ကလေးရေ


တိတ်ဆိတ်ခြင်းရဲ့ အိပ်မက်တေးသွားလောက်
မင်းကို ကိုယ်ချင်းစာတတ်တဲ့ လူတစ်ယောက်
မင်းသာ အိပ်ယာအောက်မှာ ရှိခဲ့ဖူးလိမ့်မယ်


ကမ္ဘာကို လျှော့တွက်ပြီးသာ မင်းလမ်းတွေဖောက်
လည်ချောင်းထဲက ပရိတ်သတ်တွေ ကျော့ကျော့ကလေး လျှောက်လာလိမ့်မယ်


စာမျက်နှာပြည့်ပြီမို့
ဘလူးဘယ်ရီ ပင်တွေကြားက ကြိုးတပ်စန္ဒာယားသံနဲ့
ခရမ်းရောင်ကြိုးတပ် ထီးတစ်ချောင်ကို ကိုင်လို့
နတ်ဆိုးတစ်ကောင်ရဲ့ ပန်းချီကားထဲက ငါထိုင်စောင့်နေမယ် ။

nelay

charlie scott pale1

ယုန် . . . နရီ

ကျုပ်ပခုံးထက်က အကြွေကြယ်နဲ့
အနက်အဓိပ္ပါယ်တွေ . . .


ယုန်တစ်ကောင်ရဲ့ မျက်ဝန်းချိုထဲက
အဖြူရောင် ရှု့မျှော်ခင်းတစ်ရာကို
နှလုံးသားနဲ့ အိပ်မက်တွေ ဆူးခဲ့တယ်


အလယ်ရောင် လက်ချောင်းကလေးများနဲ့
ကျုပ်ရင်ကို တူးဆွ
ဘယ်ကမ္ဘာက တောအုပ်ပျိုထဲမှာ
မျှော်လင့်ခြင်း စာသားတွေ အခက်လိုက်ဝေကျ


မှန်ရာကို ဦးနှောက်ထမ်းပြီး နှလုံးသွေးနဲ့
ကျုပ်နီးစပ်လာခဲ့တယ်


Sunday ရဲ့ကြည်လင်မြတ်နိုးမှုမျိုးက
ပင်လယ်အိုကို ရမ္မက်မပါတဲ့
ကြေးဝါသော့နဲ့ သစ်လွင်တောက်ပ


ဟိုးရှေးရှေးတုန်းက
ကျုပ်တို့ အနာဂတ်တွေ ဟောင်းနွမ်းရှေးကျ . . .


နံနက်ခင်းမျက်ဝန်းတွေထဲက
ကျုပ်ဂြိုလ်ကမ္ဘာမှာ အပေါ်ယံမပါတဲ့
ယုန်မငယ်ရဲ့ ခြေသံနဲ့ မုန်တိုင်းအိုကို
သက်ငြိမ်းအေးမြ


နရီသံ စမ်းကလေးပေါ်က
ကျုပ်ည ကျုပ်ဂီတကို
ထာဝစဉ် သီကျူး မျက်နှာဖူးကလေး
အိပ်မက်တွေရစ်မူး . . .


ဇရာအို ပုံပြင်တွေက အဆိပ်မဲ့ဖြစ်ထွန်းမှုနဲ့
အဖြူရောင်မာယာကို ဖန်ဆင်း
ကျုပ်သွေးတွေနဲ့ ဘယ်တော့မှ မထင်လင်းနိုင်ဘူး


အလှတရားကိုမယုံကြည်တဲ့ လူတစ်ယောက်
သစ်အိုပင်အောက်မှာ
ဘယ်တော့မှရောက်မလာတဲ့ ဆီးနှင်းကို
အဖြူရောင်မျက်ရည်စကားနဲ့စောင့်နေခဲ့တယ် ။

nelay

ဒီနေရာမှာ သုညတွေပေါတယ်

ပျူတို့ရဲ့ ဘုရင်
ရှမ်းတို့ရဲ့ သခင်
တရုတ်တို့ရဲ့ နတ်ဘုရား
ခင်ဗျားက ပျူစောထီးလား


ဒါနဲ့များ ဒီလိုကောင်တွေ ပေါက်ဖွားလာတယ်
သုံးရုပ်ထဲကျန်တဲ့ သခင်နဲ့
အနောက်အရပ်မှာမှ မြစ်ကြောင်းပြောင်းလို့
ကွန်ကောင်တွေပဲ အတောင်ကျိုးကျမယ်


တော်ပီဒိုတွေ မတင်မိလို့ လေယာဉ်တွေရေထဲမြုပ်ကုန်ပြီ
တောင်အရပ်နဲ့ မြောက်အရပ်ကို တပ်ဖြန့်မိလို့
အမိမြေမှာ ဘာမှမကျန်တော့ဘူး


၆ရက်၆လပါပဲ အီကွေတာတည့်တည့်မှာ ကျွန်းမကျန်တော့လို့
Enigma တွေထဲမှာ လူပြောက်ရှာနေတဲ့သူက
လောကကြီးအတွက် စက္ကူရှ သွားတယ်တဲ့


ဓါတ်ကြီးလေးပါးမှာ ရေဓါတ် လေဓါတ် မီးဓါတ်
ခင်ဗျားစိတ်ဓါတ်ကို သတ်ပြီး နားတွေကို ငိုကြွေးခိုင်းတဲ့ ပါးစပ်က
လူကြားကောင်းအောင် ကဗျာတွေဘဲထိုင်ထိုင်ရေးနေတယ်


ခင်ဗျားတို့ငယ်ငယ်တုန်းက ဘေဘီဘိုက်တာပဲသောက်ခဲ့ရတာ
ငါတို့ငယ်ငယ်တုန်းက Dumex သောက်ရတယ်


WA လုံး တွေပေါ်မှာ သရဖူတွေ တလက်လက်နဲ့
၅၀ တန် အိမ်သာ တံခါးကိုဖွင့်လိုက်တော့
တစ်နေ့လုပ်မှ တစ်နေ့စားရတဲ့
၁၇၀၀ ကျပ်တန် အလုပ်သမားလေးရဲ့ ဘဝထဲရောက်သွားတယ်


မြင်ဖူးချင်လိုက်တဲ့ ညနက်နက် လစက်စက်တွေကို
၁။ ကားခက ၄၀၀
၂။ ခရမ်းချဉ်သီးအပုတ်တွေက ၂၀၀
၃။ ဆန်ကွဲသာသာ ဆန်တပြည်က ၅၀၀
၄။ ၁၀၀ က ကလေးငိုလို့ သကြားလုံးဝယ်လိုက်တယ်
၅။ ကျန်တဲ့ ၃၀၀ က မနေ့က အကြွေးကိုဆပ်ရတယ်
၆။ နောက်နေ့လမ်း စရိတ်အတွက် ၂၀၀
ကျပ်မပြည့်တဲ့ ခင်ဗျားတို့ သိခဲ့သမျှ အဲ့သကောင်က ဒူးနန့်နေတယ်

သွားကြားညှပ်နေတဲ့ကြားက နေကလဲ မဝင်နိုင်ဘူး
လူတွေသာ စိတ်ကူးမယဉ်တတ်ရင် ဘာဖြစ်လာမလဲလို့
Second thought နဲ့မီးညှိလိုက်တယ်

nelay

ဘီစကွတ် ပွဲတော်

လိပ်ပြာတွေကို ခွာသံ တစ်ဖျောင်းဖျောင်းရိုက်ပြီးမှ
ထွက်ကျလာတဲ့ ဘောင်ကွတ် ရှု့မျှော်ခင်းတစ်ခုကို
ငါသိတဲ့ နှာခေါင်းအတု တစ်ခုချွတ်ပြီး
ပါးမှာ စပေါ့ တွေ ထနေတဲ့ မိန်းမနဲ့ကောက်ရိုက်လိုက်တယ်


ဘာမှ သိပ်ကြောက်စရာမကောင်းတဲ့ ကြွက်ကို
ခွက်လွတ်တစ်လုံးပေးပြီး ခင်ဗျားကို အစာကြွေးခိုင်းထားတယ်


သဘာဝကျတယ်ဆိုတာ သဘာ တွေ ၀ ပြီး ကျသွားတာလို့
ကျောက်သင်ပုန်းပေါ်မှာ တွင်းတူးပြီး သင်္ချိုင်းပြုလိုက်ခြင်းပဲ


ငါနဲ့မင်း မြင်နိုင်တဲ့ ဘောင်ကျဉ်းကျဉ်းကလေးကို
ရွာ အတု လုပ်ပြီး ပြိုချင်နေတယ်ဆိုရင်
မင်းငယ်ငယ်တုန်းက ပုံကို မင်းအမေဆီက ပြန်တောင်းရလိမ့်မယ်


၁၂လရာသီကနေ ထစ်ချုန်းလာတဲ့ အချိန်နာရီတစ်ခုကို
အဋ္ဌမမြောက် ကြည်ပေါက်ထဲက ငါတို့ဦးနှောက်ထဲကိုပစ်ထည့်လိုက်ပါ
ရေလောင် ထားတဲ့ sOci3Ty တခု မင်းအိပ်မက်ကိုဆေးကြောပစ်ပေါက်လိမ့်မယ်


ငါ့ သမင် မျက်နှာပေါ်က မြေသြဇာ မကောင်းတော့တဲ့
နာဂစကီးကို လက်သည်း ခွံ အမဲ စိုးပြီး စိုက်ပျိုးခြင်းလား


ဒါတွေက ဒုတိယကမ္ဘာမှာ မေ့မရတာတွေကို ကွန်ယက်ထဲ အတင်းနှစ်ပြီး
စိတ်ကျွန်ပြုခြင်းတွေ ဖောင်းကားလာတဲ့ memory plus အသေတွေပဲ


ငါ့လည်မှာဆွဲထားတဲ့ ပတ်ဝန်းကျင် အမှိုက်သရိုက်က လေထုကိုညစ်ညမ်းစေတိုက်
ငါဂရုမစိုက်နိုင်တဲ့ မျောလိုက် ဦးနှောက် အသေတိုက်ကြီးတစ်ခုပဲ


ခင်ဗျားတို့မြင်နေကြ အမပင်ခိုင်ကြီးတစ်ခုလုံး မဖိတ်ခေါ်ပဲ အသိုက်ပေါ်ကိုရောက်လာ
မျက်နှာဖုံးဆိုတာ ငါရှေးရှေးတုန်းက ပြောခဲ့ဖူးတဲ့ ပုံပြင်အဟောင်းကြီး
စုတ်တယ်


ငှက်မျိုး ကြက်မျိုး ဝက်မျိုး ဒေါင်းမျိုး ကျီးမျိုး ခွေးမျိုး နွားမျိုး
ပြုလို့ပြင်လို့မရတဲ့ အမျိူးတွေထဲမှာ လူမျိုးက add-ons
အနုပညာဆိုတာ အနုတွေ ပြင်ပြီး ညာ နေတဲ့
ပြု+ပြင်+ပြောင်းလဲထားတဲ့ creativity အမျိုးကို ဆိုလိုတာ


သူ့အဖေ ငယ်ငယ်တုန်းက သူ့အမေကိုပေးတဲ့ ရည်းစားစာထဲက စာသားတွေနဲ့
ရှေ့တန်းကို တစ်ယောက်တည်းထွက်ပြီး ရင်ကော့နေတဲ့ခင်ဗျားကို
ခင်ဗျားပိုင် sOci3Ty က အနောက်ကိုဘယ်နှစ်လှမ်းဆုတ်ခိုင်းနေသလဲ
တွင်းပဲရှိတယ်


အဲဒီတွင်းထဲက ဧကရာဇ်တွေရဲ့ ရာဇဝင်ကို
မနက်ဖြစ်လာမဲ့ ညနေတစ်ခု အလယ်က
ဦးထုတ် နောက်ပြန်ဆောင်းထားတဲ့ ကလေးတစ်ယောက်
လက်ခလယ်ထောင်ပြသွားတဲ့ ဘီစကွတ်ပွဲတော်ကို
မင်းတစ်ကိုက် ငါတစ်ကိုက်

nelay

ည ကလေး လုံးကြီးတင် ကလေး

နိုင်ငံတကာ ကပ်ခွာ ပညာရေးစနစ်ကြီးနဲ့
နေလောင်လို့ အရောင်လွှင့်နေတဲ့ ညီလေးက
အထူး ၄၈ ပေါ်မှာ လက်ပြပြီးကျန်နေခဲ့တော့တယ်
သူတို့တွေက အမျိုးသားယဉ်ကျေးမှု ဆိုက်ကားတွေနဲ့ကျော်တက်သွားပြီ


မျက်လုံးကို တအားမှိတ်ပြီး ပြန်ဖွင့်လိုက်တိုင်း
ခြံစည်းရိုးအမြင့်ကြီးတွေရှေ့က အလှစိုက်မြက်ပန်းတွေ တအားလှိုင်နေကြတယ်


သေချာလျှော်ဖွတ် မီးပူတိုက်ပြီး ကော်လံအဖြူ ဝတ်များ
ရေမချိုးရသေးတဲ့ ခန္ဓာကိုယ်နဲ့ လူတောတိုးနေကြပုံကို
ရေခဲတိုက်ထဲက ကိုယ်ခန္ဓာများကလှောင်ရယ်နေကြပြီ


ဒီလိုနဲ့ပဲ ငါတို့လဲ ဆယ်တန်းအောင်ခဲ့ကြတယ်
အဲဒီ့ ဆယ်တန်းအောင်စာရင်းကြည့်တဲ့ညက
ညီလေးနာမည်နဲ့တူတဲ့လူ ဆယ်ယောက်
ငါ့ညီလေးနာမည်က ဘယ်နား ပေါက်ကျန်နေခဲ့သလဲ


ငွေပန်းတွေ ပွင့်နေကြတဲ့ ကျောင်းတော်ကြီးထဲမှာ
ဆရာဝန်ဆိုတဲ့လူကိုမှ ငါ့ညီလေးကဖြစ်ချင်ခဲ့ရတာလား
အဲဒီ့အသီးတွေက ထောင်ချီတန်လို့ ဗခခနျျ ီနညငနိ ပါ ငါ့ညီလေး


မနက်ခင်းကို ရောက်ချင်ဇောနဲ့ အမှောင်ထုကိုအတင်းကျော်ချလို့မရဘူးလေ
တက်မကြီးမှမကောင်းဘဲ ဝမ်းထဲကရေတွေခပ်ထုတ်လို့ရော


မျော ... မျော ... မျော ...


ငါ့ညီလေးက ကြောက်ရမဲ့သူတွေသိပ်များနေလို့
တချို့ကိုစိတ်ထဲမှာမှတ် လက်ငါးချောင်းထောင်ပြီး နှုတ်လိုက်တယ်


၁။ အန်တီတို့က အများကြီးလျှော့ပေးထားတာဘဲ တစ်ယောက်တစ်ဝက်ပေါ့
၂။ မင်းကဘာလို့ခဏခဏနောက်ကျနေတာလဲ
၃။ အဲဒါမင်းလုပ်တာ ငါဘာမှမသိဘူး
၄။ ၁ဝဝ နောက်မှယူ
.....၁ဝဝ နောက်မှယူ
.....၁ဝဝ နောက်မှယူ
.....၁ဝဝ နောက်မှယူ
၅။ ငါတို့လုပ်ငန်းစဉ်ကြီး တိုးတက်ရေးဆိုတာ မင်းတို့အပေါ်အများကြီး မှုတည်နေတယ်
၆။ ဘယ်တော့ရမှာလဲ
.....ဘယ်တော့ရမှာလဲ
.....ဘယ်တော့ရမှာလဲ
.....ဘယ်တော့ရမှာလဲ


အရာရာက သိပ်ဈေးကြီးလွန်းတော့ လက်ပေါက်ကပ်နေတဲ့ ပုလွေရိုးကိုပဲ 

ငါ့ညီလေးကြိတ်ကြိတ်ပြီးချိုးနေလိုက်တာ
အခန်းဒေါင့်မှာ ထောင်ထားတဲ့ တံမျက်စည်းလို အမွှေးတွေဖွာလို့ ။

nelay

ည

ကိုယ့်ကိုယ်ကို
ဇောက်ထိုးရေးဆွဲထားတဲ့
ည


ဒီအသိနဲ့ ဒီအလင်းကို
ပြာခက်တွေ တောက်ချလိုက်တဲ့
ည


ကိုယ့်ကိုယ်ကို
ပြန်တိုက်ကြည့်လို့မှ
သီးမလာတဲ့ မီးတွေနဲ့လှခဲ့တဲ့

ည


စကားသံနဲ့ နားသံတွေ
ခြေရာတွေနောက်က
ညကိုထောက်မဲ့ နံရံတွေပြောက်တဲ့
ည


လှလှပပရည်စူးပြီး
အိပ်မက်ကို ချိတ်ပိတ်လိုက်တဲ့
ည


ခရီးသွားတဲ့ အနက်ရောင်ငှက်များမို့
အသွားမရှိ
အပြန်မရှိ
ခြေရာတွေမရှိ
မနက်ခင်းတွေမရှိ
ဘာမှမရှိတဲ့ ရပ်ဝန်းအသေပေါ်က
မျှော်လင့်ချက်မဲ့တဲ့
မျှော်လင့်စရာမလိုတဲ့
ည


ကြုံရာကျပန်းတွေကို
မြင့်မြင့်မြတ်မြတ်တင်ရောင်းနေတဲ့
ည


ညကိုညကမျိုချ
ညမစစ်တဲ့ညတွေက
တိတ်ဆိတ်ခြင်းတွေအတုလုပ်
အမှောင်ဆုံးအမြစ်အရှုပ်နဲ့
ဝေးလွန်းလှတဲ့နေရာမှာပုတ်ပွနေတဲ့
ည


လေသံနဲ့ တိုးသံ
ဗ လက် ချိုင့် ခွက်ထဲက
က သေးသေးတင်ကို
တောင်းလို့ စားတဲ့
ည


ညက
မာကျူရီမီးကိုပြန်ခေါ်နေတယ်

ညက
အပျက်မကိုလိုက်ရှာနေတယ်


ညက
လူ့ယဉ်ကျေးမှုကိုလှောင်ရယ်နေတယ်


ညက
မလုံခြုံမှုထဲမှာလုံခြုံနေတယ်


ညက
လှလှပပခွက်ပြောက်နေတယ်

nelay

စိတ်ကူးယဉ်စကားလုံးများလုံး(ဝ)မဟုတ်ပါ

ငါ့ ဗလာမပါတဲ့ မျှော်လင့်ချက်ကို
အခြေတင်ပြီးမှ အခန်းသော့တွေက
မိုးပေါ်ကပြုတ်ကျလာခြင်းနဲ့
သတိရလိုက်တယ်

မြင်ဖူးနေကျကို
ကြယ်ခက်တွေခူးပြီး
သစ်ရွက်တွေကို ပန်ပေးလိုက်ပါတယ်

ပြုံးအိခြင်းနဲ့
ကြည်နူးနေပါတော့
မေ အိမ် ငယ်

အသစ်ပျိုးယူထားတဲ့
ငါ့ကမ္ဘာအိုမှာ
ဘဝ မရှိတဲ့ ဥယျာဉ်ကို

သံသရာ တလျှောက်
စိတ်ကူးယဉ် မျက်လုံးများနဲ့
နင့်လည်တိုင်လေးပေါ်

စိုက်ပျိုးလိုက်ခြင်းဟာ
မရေရာခြင်းလှိုင်းတွေ
တိုဝင်သွားတဲ့ မီးခိုးတွေပါ

အောက်ခြေက
တန်းတွေထဲမှာ
စားနေတဲ့ ဂဏာန်းတွေကို
ငါက ဘာနဲ့များ
တိုင်းတာပြရအုံးမှာလဲ

အနိုင်
နဲ့
အရှုံး
''အ'' နှစ်လုံးမကျေညက်တဲ့
အစာအိမ်တွေပါ

ငါ့အောက်ခြေမှာလိုင်းတားပြီး
ဘာကိုများ ခေါင်းစဉ်လုပ်ချင်ရတာလဲ

လူတွေအားလုံး
အုံဖူးထားတဲ့
ဆင်းရဲသား
လူချမ်းသာ
ရွှေဈေးတွေလဲကျသွားပြီ

မျက်လွှာအထက်က
အပုတ်ချိန်မှာ
၈နာရီအပုတ်သတင်းနဲ့
အပုတ်ကောင်တွေ
လမ်းသလားနေကြသလား
ငါမကြည့်အားဘူး

ဒီစိတ်ကူးကိုဖြိုခွင်းလိုက်တဲ့
မိုးတိမ်
သူမလက်သည်းခွံထဲက
တောစိမ်းတွေလဲ
အလွမ်းရှိန်နဲ့လောင်မြိုက်
မြို့ပျက်ကြီး ငိုရှိုက်နေပြီ

ငါးထောင်တန်နဲ့လိုက်ပါသွားတဲ့
တိမ်ပေါ်ကစကားလုံးတွေထဲမှာ
ငါမသုံးနှုန်းတတ်တဲ့
လေသံသဲ့သဲ့ကိုဖမ်းယူမျိုချ
စိတ်ကူးယဉ်လှလှလေးနဲ့
ပျက်ကျသွားတယ်

nelay

အရိပ်ကွယ် အလင်း

ငါသူ့ကို
ဘယ်လိုနာမ်စားမျိုး
ခေါ်ဝေါ်သုံးစွဲရမလဲမသိဘူး

ငါ့အပြင်ဖက်က
သူကဘာကောင်လဲ
ငါ့ကိုဘာလို့
တလုံးချင်း စီ
ရှင်းပြနေရတာလဲ

ဘ ကုံးနဲ့
ဝ လုံးကို
ငါ့ကိုရှင်းပြနေတုန်းပဲလား

သူမသိသေးဘူး ငါသိတယ်ဆိုတာ
သူသိတာတွေ ငါသိတာတွေ
သူမသိသေးဘူး

ဒီလိုအေးစက်တဲ့
ညစက်စက်မျိူးတွေမှာ
ဆက်သွယ်မှုပျက်တောက်သွားတဲ့ မိုးတိမ်တွေပြိုကျ
ဟာသ ပြကွက်ကြီးကို ငါက သူ့အကြောင်းပြောပြဖူးတယ်လေ

ငါ့ကိုစော်ကားပုတ်ခတ်မှုတွေကို
တခုတရစုစုထားတဲ့ ဒေစီပန်းတွေထဲ
မျက်နှာဖုံးတွေတခုချင်းစီကို စောင်းသံနဲ့ပတ်ခြည်ထားတယ်

သူမရဲ့ မသန့်ရှုင်းတဲ့ခြေမကလေးကို
မိုးပေါ်ကလူတွေသိပါတယ်ဆိုတဲ့အတွေးနဲ့
ကမ်းနဖူးက ခုန်ချသွားတဲ့ လူအိုတွေကိုငုံ့ကြည့်
ငါကပြုံးဖြီးဖြီးနဲ့ဆာလောင်တယ်

အဲ့ဒီရောစပ်မှုတိုင်းမှာ
ကမ္ဘာဦးအစရဲ့အသိတရားနဲ့
တံခါးခေါက်သံတွေမေ့မျောလိမ့်မယ်

စစ.စ ္စ စစ ္စ စ..စ.စ ္စ.စ.စစက်
ရ.ဂ ံရ ုရရ ံ..ဂ..ရံရ ူရ.ရ ံရရရုံ
ထ် ု.တ်ထ ု..ုထ.ထ ်တထ.ထထထုတ်
ေ.ေ ွတေ.တတ ွေ.တတေတေေေတွေ

သူ့မျက်ကွင်းတွေညိုနေတာ
အထိုးခံထားရလို့လား
ရာသီလာလို့လား
ငါနဲ့မလုံလောက်လို့တခြားတစ်ယောက်နဲ့
သွားအိပ်နေတာလား
ကြောက်စိတ်နဲ့လိုက်လျှောလိုက်ခြင်းလား
ဆင်ချင်တုံတရားပြောက်လို့အိပ်ရေးပျက်ခဲ့ခြင်းလား
ဘာအကြောင်းပြချက်နဲ့ပဲဖြစ်ဖြစ်
ဝိဆွဲမိလိုက်တဲ့အချိန်ပျော်တွေလား

ဘာပဲဖြစ်ဖြစ်
သူ့မျက်ကွင်းတွေဘာလို့ညိုနေတာလဲ

ဒါတွေကအရေးမကြီးပါဘူး
ဘာတွေကရောအရေးကြီးနေလို့လဲ

အရေပြားတွေကရောဘာလို့ထူထူလာတာလဲ
လေ့ကျင့်မှုတိုင်းကအလေ့အကျင့်ဖြစ်ခဲ့တာမဟုတ်ဘူး
မြစ်ဖျားတွေကိုတူးစွနေကြတာ

အခုမှစတာ
ဒုက္ခရောင်မိုးတိမ်တွေ
သမုဒ္ဒရာကြီးဖြစ်တဲ့အထိ
ခြေစဂေါင်းဆုံးရွာချ

ပဲပင်ပေါက်ကို
ပဲပြားနဲ့ရောကြော်လိုက်မှ
ပုံစံခွက်ထဲကလက်ထပ်ပွဲအသေတွေလှပ

အရိပ်ကိုကွယ်ထားတဲ့
အလင်းတွေ
ဖိနပ်ပေါက်ပေါက်နဲ့
နှုတ်ခမ်းတွေကိုထုတ်ထုတ်နမ်းနေကြတယ်

nelay

ပါးစပ် စစ်များ

ဘယ်လောက်ထည့်ထည့်မလောက်ငှဘူး

ဘယ်လောက်ထွေးထွေးမကုန်တော့ဘူး

ရွံ့စရာတွေ ပစ်ချွဲချွဲတွေ လာလာမထည့်နဲ့

သွားကြားထဲက အပုတ်တွေကော်ထုတ်

မသတီစရာတွေ သကာ သုတ်ပြီး ထွေးထုတ်လိုက်တယ်

ကျေးဇူးတရားမသိသူ သူ့ကိုဖြူဖွေးအောင် တိုက်ချွတ်

ကြွေရောင် အရီ ပြိုးပြိုးပျက်ပျက်နဲ့ လက်ဆွဲနှုတ်ဆက်အုံးမယ်

မဖြစ်မနေသုံးရတဲ့ နာမ်စားကိုပဲ သူဝါးမိသလိုလို

သွားကြား

သွားကြား

သွားကြားညှပ်လို့

နှုတ်ခမ်းနီဆိုးမထားဘူး ရာစုနှစ်ရဲ့ သွေးတွေသောက်ထားတာ

ပါးစပ်တွေက နှုတ်ခမ်းငတ်သလိုမျိုး အလင်းတိုးအားနဲ့

ကျယ်လာတဲ့ တော်သလင်းလကို ထိုင်ကြည့်

ဘဲကလေး ထုတ်နှုတ်ဖူးသလို Either swim or sink method နဲ့

အဲဒီ့အပေါက်ထဲမှာ ဠာန်ကရိုဏ်းကျကျ လျှာတွေစိုက်ပျိုးထားတယ်

ညည အိပ်နေရင်တောင် ပလုပ်ပလောင်းနဲ့ ဘာတွေပြောနေလဲ

ဟိုတလောက နာဆာ ဖမ်းမိတဲ့ အမျိုးအမည်မသိ အသံလှိုင်းက

အဲဒီ့ အသံ

အစားအသောက်စားပြီးရင် မီးခိုးငတ်ရတာ မောတယ်

၁ ၂ ၃ ဆိုပြီး ဂီတသံစသလို

အူဝဲ ဝါးးးးးး ဗြဲ ဆိုပြီး ပါးစပ်က စတယ်

ဟူးးးးး အင့် အားးးးးးးး ဒါမှမဟုတ် ဘာသံမှမထွက်ပဲ သေတယ်

၆ နာရီသတင်းကြည့်ပြီး ၇ နာရီ ရုပ်ရှင်ကြည့်တဲ့

ပါးစပ်တွေက အရှေ့တမျိုး ကွယ်ရာတမျိုး ပြောတတ်တယ်

ခေါင်းတွေလှည့်တဲ့ ဖက် ပါးစပ်တွေလိုက်လှည့်

ခေါင်းတွေ ရမ်းတဲ့ဖက် ပါးစပ်တွေ လိုက်ရမ်း

ခေါင်းတွေ ခါသလို ပါးစပ်တွေ လိုက်ခါ

အမွှေးအမျှင်တွေကြားမှာလဲ ပုန်းနေတတ်တယ်

တခြားလူကို ကြင်နာပြရင်တောင် သူ့ကိုကြင်နာတယ်အထင်နဲ့

ပါးစပ်တွေက ဟစိ ဟစိ လွမ်းနေတတ်တယ်

နှလုံးသား အစမ်းအစားထိုးကုသရာမှာ အစမ်းသတ်ခံသက်သက်

မိသားစုနဲ့မတော်တဲ့ အကြောင်း ဆရာဝန်က

အဲဒီ အပေါက်နဲ့ သတင်းကောင်းပါးတယ်

ဒါက ပါတီ မညီမျှမှုနဲ့ ဆိုင်လား ဘာဝါဒတွေ ဝါးမိသွားလို့လဲ

ပြောစမ်းပါ အနုပညာ အလုပ်လုပ်တဲ့ ပါးစပ်တွေ

အ နေရင်တောင် အကောင်းစားမုသားတွေမထွက်ချင်နေမယ်

အကောင်းစား သေချင်းဆိုးငှက်ပျောသီးကို စားကြအုံးမယ်

သွေးပြန်ကြောတွေ အဆက်ဖြတ်လိုက်လို့ စီးစရာမရှိတဲ့

ဒီအပေါက်တွေ သွေးငတ်နေရတယ်

အဲဒီ့ လုံးရာ ကနေ ပြားသွားတဲ့ စကားလုံးတွေပဲ မဝါးပဲမျိုချ

ခွင့်ပြုပါ

ဝမ်းမြောက်ဝမ်းသာ

ဂုဏ်ပြုလွှာနဲ့

ကျေးဇူးတင်လွှာ

တရားနာရတာ တရားတွေ နာကျင်သလို

ငုံထားရတာ ကိုယ်ဝန်ရသလိုပဲ

ပတ်ဝန်းကျင်ကလဲ လက်ခုပ်တီးကြတော့

မောင့်ကျက်သရေထုတ်ပြီး ပုဆိုးအစိမ်းတွေထုတ်ဝတ်ကြအုံးမယ်

အဲဒီ့အပေါက်တွေက နငယ် မလုပ်ပါဘူး

ငါ့ကဗျာ တပုဒ်ပြန်ထုတ်နှုတ်ရရင်

ဒီနေရာမှာ သွားကြည့်ကြပါ ဒီနေရာမှာ သွားမကြည့်ချင်လဲနေပါ

မုတ်သုန်ကာလမို့ မိုးရွာချင်လဲ ရွာမယ် မရွာချင်လဲ မရွာဘူး

သူမလျှာကလေး ကောင်းစားနေရင်တော့ ငါတို့ပါးစပ်တွေက ကောင်းချီးပေးလိမ့်မယ်

အကြိုတူးထားတဲ့ မြေကြွင်းတွေ

အကြိုမွှေးထားတဲ့ မီးတောက်တွေထဲ

မမြှပ်ခင် မသင်္ဂြီုဟ်ခင် လူရာဝင်အောင် ဝင်ဝင်ထွေးထားဖို့နဲ့

ပါးစပ် အစစ်တွေထဲ ဝင်လာမယ်ဆို ကွိုင်ရှာမလာဖို့ မှာချင်တယ်။

nelay

ရိုရိုသေသေ ပြတင်းပေါက်လိုက်တယ်

ငါ့အနားက
တချို့ပြတင်းပေါက်တွေ
ပိတ်ထားရတာပျော်တယ်

တနေ့က
ငါမိုးပေါ်ပစ်တင်လိုက်တဲ့လှေ
နှလုံးသားကမ်းခြေမှာ
မင်းလိပ်ပြာတွေဝဲနေတယ်

ဒီလိုဗုဒ္ဓဟူးနေ့မှာ
ခွာချလိုက်တဲ့မင်းမျက်နှာပေါ်က
နေဝင်သွားတဲ့ငှက်တွေအနှေးကွက်နဲ့
ငါ့ဝိဉာဉ်လှောင်ဖို့ခန္ဓာမဲ့နေတယ်

ဆံနွယ်တွေ ခါရမ်းလိုက်တိုင်း
ခန္ဓာတွေတစစီပျက်ကျ
ပုဝါပါးပါးထဲက မီးအိမ်ကလေးက
ငါ့ကိုငေးနေတယ်

အဲဒီ့အကြောင်း
မနေ့ကအရူးကိုပြောပြတော့
ပြတင်းတချို့က
မိသားစုဆိုတဲ့
ဧည့်သည်တွေအတွက်
ဘဝကို ဧည့်ခံပွဲလုပ်ပစ်လိုက်ရတဲ့
ညီမလေးတွေကိုဖွဲ့သီထားလို့
အေးအေးဆေးဆေးထွက်ကျလာတဲ့
မျက်လုံးနဲ့ငါ့ကိုကြည့်တယ်

အတိတ်ကိုမေ့ထားရမယ်တဲ့
အတိတ်မေ့တဲ့ရောဂါနဲ့ ဘဝမေ့တဲ့ရောဂါ
ဗိုက်ဆာတာတစ်ခုပဲသိရမယ်လို့
ဒေါသသံပါပါပြောရတာကိုက အရသာလား
ခြေရာတွေကို ပတ်တီးစီးပြီးမှ လမ်းလျှောက်ခဲ့တာ
ငါမဟုတ်ဘူးတဲ့

ပြတင်းတချို့က
ဉာဏ်ရည်ထွန်းတောက်တဲ့
ကြယ်ခက်ကလေးတွေ
အကြောက်တရားနဲ့
ခြောက်ပြားမတန်အောင်ပလုံသွားလို့

ဒီလိုပဲယာယီပျော်ရွှင်ခြင်းနဲ့
ယာယီမျှော်လင့်ချက်
လူတွေကို အတုလုပ်ရတာသိပ်လွယ်လွန်းနေတယ်

ပျဉ်းစရာကြီး
အာဘောင်အာရင်းသံသံနဲ့
အရက်ဆိုင်ကအတွေးအခေါ်မျိုးက
လူတွင်ကျယ်လုပ်ရအောင် အာပုတ်စော်နံတယ်

ပြတင်းတချို့က
သူရဲကောင်းသတ္တိမျိုးနဲ့
ဝေဟင်းထက်မှာပျံဖို့
ခြံစောင့်ခွေးနောက် နွားခံနေရလို့

အိပ်ယာပေါ်မှာ
ဆိပ်ဖလူးပန်းတွေ
စွန်းကုန်ပြီ

ဒီလိုနဲ့ပဲ
ဖေဖေရယ်
မေမေရယ်
ကိုကြီးရယ်
မကြီးရယ်
ကိုယ့်ထမင်းကိုယ်ရှာစားပြီး
မိသား မစုနိုင်တဲ့ဘဝ

ဒါမို့
ငါ့အနားက
တချို့ပြတင်းပေါက်တွေ
ပိတ်ထားရတာပျော်တယ်

nelay

သို့ ... အတာ

ဒီလိုပဲ အပြင်မရောက်တဲ့ ရေဖလားတွေနဲ့
ငါတို့ကိုယ်ပေါ်က ပိတောက်ရနံ့တွေ

အစိမ်းရောင်ရေမှုန်တွေရော
စိတ်လှောင်ခြင်းရပ်ဝန်းမှာ ရေကစားနေသလား

အပြင်မှာနေတွေပူလွန်းလို့
ဒီလိုပဲဖြစ်သလိုပျော်ခဲ့ကြတဲ့ ရေစိုအဝတ်တွေ

သိပ်စည်တာပေါ့ ညီမလေးရေ
ဒီဖက်နားက သင်္ကြန်အဟောင်းကြီးဟာ
မသေမချင်း သိပ်စည်ကားနေတာပေါ့

ရေစိုဂျင်းတစ်ထည်နဲ့
ပြည်လမ်းနားက ငုဝါပွင့်တွေကြားမှာ
စောက်ရူးလောကကြီးကိုမေ့ထားရတာလဲ
ဘယ်တော့မှမပွင့်တော့မဲ့ပိတောက်ကို

ရေမစိုအောင်ထုတ်ပိုး ခြေလှမ်းတွေတုန့်နှေးဖူးတယ်

ဆိုပါစို့
ငါ့သက်တန်းက ၆၀ ဆိုရင်
ခွေးသရေမှာ အခု ၆၀
အလွမ်းတွေနဲ့ အနွမ်းတွေက
နီရဲနေတဲ့ သင်္ကြန်တွေအလယ်မှာ
ရေမွှန်းလို့ ၆ နာရီကျော်နေတယ်

အတာဦးရဲ့ရင်ခွင်ပျိုရေ
ဘောင်းဘီတို ဝတ်ပြီး သီလယူနေသေးသလား
အပြင်မှာ သိပ်ပူတယ်နော်
ခြံတံခါးတွေ ဖွင့်မထားတော့ဘူးပေါ့
ငါ့ရေပုံးကလေး အားငယ်နေတယ်

တချိန်ချိန်ပေါ့
ပြည်လမ်းပေါ်က သင်္ကြန်ရေလက်ကျန်တွေ
အစိမ်းရောင်လွင်ပြင်ကို ဖြတ်ကျော်ပြီး
ပိတောက်တွေနဲ့ မျောလာခဲ့မယ် ... ။

nelay

ပြာ

မနှစ်တုန်းက
ရှင်းစရာတွေနဲ့ ပြစရာတွေ
ဘယ်လူ့ဘုံက ကဝေပျိုနဲ့
မင်းနှလုံးသားထဲ ဗုဒ္ဓဟူး
မထူးနိုင်ဘူး


ခြေစွတ်အိမ်ထဲက နှလုံးခုန်သံနဲ့
နှုတ်ခမ်းနီထုတ်ထုတ်စိုးနေတဲ့ ငါးမူးမပြည့်တဲ့ လ

သူတို့ရပ်ကွက်ထဲမှာ
မင်းလိုပေါ့တဲ့ပူဖောင်းတွေ ဖောက်ကြ
မျက်နှာအသိကလေးနဲ့ ထွက်ပြ
လက်ကလေးကာပြီးရှက်ပြ


ကျပ်စေ့ကလေး မင်းက
တချိန်လုံး ပန်းကြီးဘဲဖြစ်ပြ
ငါ့အနားက လျှာကို လာပြီးကြည့်ကြ


အဖြူရည်ဆိုင်ထဲက မီးတောက်တွေနဲ့
မင်းနှလုံးသားကိုလမ်းပြ မိုးပေါ်မှာကတဲ့ညက
မီးအခန်းကိုရှင်းကြ


တဘဝစာ နောက်ပစ်လဲခဲ့တဲ့
မင်းလက်ဖဝါးနုနုပေါ်က
ရွှေသီရိရောင် မှင်နီရာကလေးနဲ့
သူတို့တွေကခြစ်ကြ


ငှက်ကလေးတွေလို ညနက်နက်ထဲမှာ
မြတ်နိုးပြယုံနဲ့ ခိုးခိုးခစ်ခစ် ရီကြ


သက်စေ့အလွမ်းတွေနဲ့ မိုးပေါ်မှာဗလာစာအုပ်ချုပ်ပြ
သူတို့တွေက တစ်ရွက်ပြီးတစ်ရွက် ကျော်ချ


ဟာသ ဆို တာ
ဒီလို :) မျိုးလား
ဒီလို (: မျိုးလား


မြေပုံပေါ်မှာ လက်ကလေးထောက်ပြီး
ဒီလောက်ကလေးပဲ ဝေးတာပါလို့
ရိုးရိုးကလေး ပြုံးပြသွားတဲ့
ပစ္စုပ္ပ္ပန် မလေးရဲ့အဖြေကို မင်းက
စကြဝဠာထမ်းပြီး အိပ်မက်တွေဘဲ မက်ပြ


ညနေတုန်းက လက်ထဲနွေးခဲ့သမျှ
နောက်တစ်နေ့ အသေကောင်လိုပုတ်ပွ
စိတ်ကူးတွေနဲ့ မျက်နှာရူးကြ


သန်းခေါင်မကျော်ခင် ငါထ က လိုက်တဲ့ အရုပ်နဲ့
ကြိုးရှုပ်သွားတဲ့ ကျောက်ဆောင်ပေါ်မှာ
ဒီတေးသွားက မင်းကိုပြာချ ။

nelay

Credit to original artist

အလင်းဝတ်လွှာ

အဲ့ဒီ့နေရာမှာ တစ်ခါတလေတော့လဲ

ငါ့ကိုယ်ငါ ပြန်ထူထောင်ချင်စိတ်တွေ ယှက်သွန်းပျိုးနေမိတယ်

အတိုင်းအတာတွေနဲ့ လူဖြစ်ဖူးလာထဲက

လူကို လူလို မမြင်ဖူးကြတဲ့တောအုပ်ထဲမှာ

အရူးတွေက တစ်ယောက်ကိုတစ်ယောက်

တိုင်းတာ ရွေးခြယ်နေလိုက်ကြတာ

သူ့အကြိုက် ကိုယ့်အကြိုက်တွေနဲ့

မရေမရာ မသေချာတဲ့ အချိန်ကာလကြီးကို

သေချာချင်နေလိုက်ပုံများ

ဝတ်လွှာရေ ... နင်မြင်ဖူးနေကြ

Overacting တွေထက် ပိုဟာသပဲ

အလင်းအိမ်ငယ်ရဲ့ ဟိုးဝေးဝေးမှာ

တပျော်တပါးနဲ့ ငါ့ကိုစားသုံးပြီးမှ

ပွင့်လန်းနေတဲ့ ဥယျာဉ်တစ်ခုကို

ငါက မုဒိတာပြုနေရတယ်

ဘယ်လောက်များမြင့်မြတ်လိုက်တဲ့

စိတ်ကူးအိပ်မက်တွေလဲ

အဲ့ဒီ့ ချော့ကလက်ရောင် မီးအိပ်မက်ကို

နေရထိုင်ရတာ ငြီးငွေ့လာပြီမဟုတ်လား

လူပြောသူပြောများတဲ့ စိတ်အရေပျော်ဒြပ်ထုတွေက

ငါတို့ထက်စွမ်းအားကြီးလွန်းလို့

ဘဝအသေကြီးထဲမှာ ဘယ်အပြင်ကမ္ဘာမှ မရောက်ဖူးဘဲ

သေးငယ်တဲ့အမှုန်အမွှားတွေ မြေကြီးအဖြစ်နဲ့

သူရဲကောင်းဆန်ပြနေလိုက်ပုံများ ... ဟာသပဲ ...

သံယောဇဉ်တွေအတောင့်လိုက်ဝင်သွားလို့

ဒုက္ခကြီးလွယ်ထားရတာကိုက

ဝတ်လွှာရေ .......

ဂုဏ်ယူစရာပေါ့

နင့်အိမ်မှာ ကြည့်မှန်တခက်တော့

ရှိကောင်းရှိလိမ့်မယ်

ကိုယ့်အရိပ်ကိုယ်မြင်ရဖို့

အလင်းဝတ်လွှာတွေ အင်တာနက်မှာ

ပန်းကန်ပြားပျံစီးပြီး ပြောက်ဆုံးသွားသလား

ဒါမှမဟုတ်

လက်နှိပ်ဓါတ်မီးနဲ့ သာပြန်ပြန်ထိုး

စပွန်ဆာ မျိုးရိုးဆိုတာကလဲ

လူသားတွေပဲမဟုတ်လား

ငါတော့ငွေမရတဲ့ ကိုယ်ပိုင်အလုပ်တခုနဲ့

ဥယျာဉ်တစ်ခုကိုတခုတရ ပျိုးမိပါတယ်ကွာ ...

ရေကလဲအကောင်းကြီး

မြေကလဲအကောင်းကြီး

ဥယျာဉ်မှုးကို ပြန်ကိုက်တဲ့ပန်းတွေ ပွင့်လာတာတော့

ကိုယ့်ကိုယ်ကို ကျောပေးရုံကလွဲလို့

ပေါင်နှစ်ချောင်းလဲ မနာနိုင်တော့ဘူးပေါ့

ကိုယ်ရှိန်ကိုသပ်ပြီး ဆေးလိပ်တွေပဲရှိုက်ဖွာနေဖို့

ရာသီဥတုကောင်းနေဖို့နဲ့

တခြားလူတွေလို သူတို့အားကျတဲ့

ပညာရှိကြီးတွေ ရှိနေဖို့

ငါမှမလိုတာပဲ ဝတ်လွှာ ...

သေချာတာတစ်ခုကတော့

သေခြင်းဆိုတာ ငါတို့မျက်မြင်ကြုံနေရတဲ့

သေချာခြင်းပဲမဟုတ်လား

ကြယ်ကြွေညဦးရဲ့ အလယ်ခေါင်တည့်တည့်မှာ

ရေမွှေးပုလင်းမှောက်ကျခြင်းနဲ့

သစ်သားတံတားလေးကို မကျော်နိုင်တဲ့ ဆိုဒ်ကား

ဘယ်အခေါ်အဝေါ်ကရော မှားနေလို့လဲ

လင်းအိမ်လွှာ .....

ငါ့စာပေနဲ့

တ.ယူ.သန် ညတာရှည်တွေကရော

ကျန်းမာရေးပြန်ကောင်းလာဖို့

ပြတင်းပေါက်ဖွင့်ပြီးစိတ်ကူးယဉ်ကြည့်မိတယ်

ဘာပဲဖြစ်ဖြစ်ပေါ့ ဝတ်အိမ်လွှာ ...

ဒီညရုံတင်မဲ့ ''နောက်ဆုံးဘူတာ'' ကို

နံရံမှာ ချိတ်ဆွဲထားရုံနဲ့ မပြီးသေးဘူးဆိုတာ

လူတကာကိုလျှောက်မပြောဖို့နဲ့

မင်းကို အရူးလို့ပြောလာရင်ကျေကျေနပ်နပ်လက်ခံဖို့

အနီရောင်စက္ကူတွေကို

ငါ့မြေမှာတူးရှာရင်

အတုတွေပဲထွက်လာလိမ့်မယ်လို့ယုံကြည်ထားဖို့

မျက်နှာသုတ်ပုဝါတွေကိုနေလှန်းပြီး

ငါ့အလင်းဝတ်လွှာဆီ

ချောချောမောမောပြန်လာခဲ့တယ် ။

nelay

ကြော်ငြာဆိုင်းဘုတ် ၆

၃နာရီ ၁၅မိနစ်
စေတကို စေတည်ထားတဲ့
နားမလည်ခြင်းတွေ

၂၄နာရီ ၇ရက်
သွေးစုတ် အမ
ဝံပုလွေ အထီး
ခေတ်မျောကြီးထဲ
ကြီးပြင်းလာကြတယ်

၁၂နာရီအလွန်က သန်းခေါင်
တံခါးတွေသူ့အလိုလိုပွင့်လာမလား
မျှော်လင့်ချက်ကို ဆူးနှုတ်မရဘူး

စာမျက်နှာ ၂၇
အမှားပြင်ဆင်ချက်
အစထဲကမှင်နီသုံးခဲ့လို့
ဒေါက်တာတွေမျက်စိလည်သွားတယ်

၆နာရီ
မြေနီကုန်းလမ်းဆုံမှာ
ဆိုင်ဘုတ်တစ်ခုက
ငါ့ကိုခြောက်လှန့်နေတယ်

ဧပရယ် .. ရက်
အစားထိုးကုသထားတဲ့
ဝဲဖက်ရင်အုံကို
နောင်တတွေကြိုးစင်တင်ခဲ့တာ
နှောင်ကမ္ဘာမှာအတော်ကြာခဲ့

ကမ္ဘာ ၉
ဉာဏ်ပုပု
ဉာဏ်တိမ်တိမ်
ဉာဏ်ဗလာ
မီးလာဘူး

ည ၆
ငါ့ကိုမအောင်မြင်ခြင်းတွေ
လည်မျိုအပြည့်စွတ်ပေးထားတာ
ဝမ်းသာတယ် ကြည်နူးတယ်

ပိတောက် ရှစ်
လာပြန်ပြီး
ရေစိုစိုနဲ့စနေဂြိုလ်တွေ
သိပ်ပျော်တယ်
သိပ်ပျော်တယ်
သိပ်ပျော်တယ်
ပြီးရင်လဲပြီးသွားတာပဲ
ရေစိုစိုနဲ့စနေဂြိုလ်တွေ ။

nelay

လွတ်လပ်ခြင်း မှ အန္တရာယ်ရှိသော ကြွက်

ကံတရားကို နောက်ပြန်မျက်နှာနဲ့ ကြည့်ပြီး
ပုံစံခွက်ထဲက ထွေးထုတ်လိုက်တဲ့အခါ
နေ့လည်နေ့ခင်း
အနီရောင်တိမ်တွေ ပြန့်ကွဲနေ

ငှားထားတဲ့ အခန်းလွတ် တခုစာ
ပြန်ပေးခဲ့တဲ့ နှုတ်ခမ်းရာတွေက
ကျဲပြန့်နေတဲ့ ပြာမှုန်အစွန်းမှာ အေးခဲနေ

လိပ်ပြာကို ခြုံထားတဲ့ ပိတ်စ ပါးပါးကလေးက
ဟိုး ... မိုးပေါ်က သွေးစက်တွေကို
အခန်း တံခါးဝမှာ မျှော်ငေးနေ

အမှောင်ထုကို ရေစို မီးခြစ်ဆံနဲ့
ကျုံ့ကျုံ့ကလေးထိုင်ပြီး
ဒုက္ခကို ဆုပန်းလိုက်ရဲ့

လေတိုက်သွားတဲ့ဟန်
ပစ္စုပန်ကို ကောက်သိမ်းလိုက်တဲ့ မာန်က
သူ့ခြေဖဝါးနင်းရာ နေရာတစ်လျှောက်
တကောက်ကောက်လိုက်နေ

ငါးစက္ကန့်စာ သီကျူးဖတ်ရှု့ရင်း
ဆေးလိပ်တိုတွေရဲ့ သင်္ချိုင်းကို
မြတ်မြတ်နိုးနိုး တွေ့ရှိနေ

သံကြိုးတွေရဲ့ ရနံ့နှစ်လိုမှုမျိုးက
ကြိုးတန်းပေါ်မှာ လှန်းထားတဲ့ သိက္ခာတရားကို
ဗလာ လက်မှတ်တခုနဲ့ လောင်ကျွမ်းနေ

အပြန်လမ်းရဲ့ သာယာကြည်နူးမှုမျိုးက
နာမည်မရှိတဲ့ သက်ရှိတစ်ခုကို
အဓိပ္ပါယ်မရှိတဲ့ သစ်ပင်ခြေရင်းက
နေလုံးကြီးရဲ့ ရာဇဝင်လှလှကြီးဖြစ်နေ

အဲဒီ့နှလုံးခုန်သံမျိုးနဲ့
အဲ့ဒီ့လောက်ထိကြီးထွားလာတဲ့
အနက်ရောင်တောအုပ်ထဲမှာ
ထူးဆန်းတဲ့အကြောင်းအရာတွေပဲလောင်မြိုက်

မတော်တဆ ဆက်နွယ်နေတဲ့ ခက်ကြယ်တွေ
ကြာဇံကျော် ပန်းကန်ထဲက
အနာတရများ အရသာရှိနေ

ပြောက်ကွယ်သွားမဲ့ စကားလုံးများပေါ်က
အိပ်စက်ခြင်း အကြောင်းအရာများနဲ့
တချိန်ချိန်မှာ အတိအကျကို သက်ဆိုင်နေ

တရားစီရင်ခြင်းသို့
အစိတ်စိတ် အမြွှာမြွှာ
အသိတရားမှ လျစ်လျူရှု့ခြင်းကို
ရှိနေ အေဝရာ အပင်ကြီးရဲ့ဘယ်ဖက် ... ။

nelay