နှစ်ဆယ့်တစ်ရာစု မျက်နှာအတုများ

(: :)


:D :d


:P :S


:B :F


:G :K


:x :R


:-) (-:


:C) (;


:Q :E


XOxOXoXOX


:@) :^)


(*: :*)


:’) (‘:


:>) (
(v: (^:


O.o


O.O


0.P

nelay

အိပ်မက် အနီ

ငါ့ သူငယ်အိမ်ထဲက ပြာရာ ခတ်နေတဲ့ စိတ်ကို
ငါ့ ငြိမ်းနေတဲ့ မီးနဲ့ အသာ အယာ ပြန် ပြန် သပ် ချ


နိုးမ၀ တဲ့ အိပ်မက် အောက်မှာ
နံနက်ခင်းပေါင်းများစွာကို ကျက်သရေ သုံးမျိုးနဲ့ ပျိုးလာခဲ့တယ်


စိတ်တွေဟာ အိပ်မရလို့ ငါ့ကို လှုပ်နိုး လိုက်သလား
အိပ်မက်ကို စုတ်ထိုး လိုက်တဲ့ ပင့်သက်အရှည်ကြီးက


ကွယ်နေတဲ့ စိတ်ကို တအား ဆွဲ ခွာပစ်လိုက်တော့
နာနေသလား
နာနေသလား
နာနေသလား


ကမ်းနဖူးက အိပ်မက် သစ်အိုပင်အောက်
လှိုင်းကရက်တွေ ထထ နေတဲ့ Tombraider ဂိမ်းကိုပဲ
အပြန်တစ်ရာ ဆော့ဆော့ နေရတယ်


ကျောပြင်ကို ဗျောတင်လိုက်တဲ့ လက်ဝါးတွေအောက်
ရန်ကုန်စာတိုက်ကြီး အနောက်နားမှာ နီရဲနေတဲ့
စာတိုက်ဗုံးတွေ ဆာနေသလား
စာတိုက်ဗုံးတွေ ဆာနေသလား
စာတိုက်ဗုံးတွေ ဆာနေသလား


စိတ်တွေဟာ အိပ်မရလို့ ငါ့ကို လှုပ်နိုးလိုက်တယ်
အခုတော့ ငါ သိပ်ချစ်တဲ့ မြက်ခင်းတွေ
ငါ့ကို ဝါးကြ
ငါ့ကို ဝါးကြ
ငါ့ကို ဝါးကြ

nelay

ကျောက်ဆောင်တေးသံ

ကမ္ဘာကြီးမှာ အချစ်မရှိခဲ့တာကြာပြီ
ရင်ခုန်နည်းတွေလဲကျောင်းမရှ
ိတဲ့အရပ်မှာသင်ကြားရအုံးမယ်
ငါ့ကို ခိုဖြူတွေအကြောင်း ပုံပြောပြစမ်းပါ . . .


ဒီလူ့အသိုင်းအဝိုင်းက ကမ္ဘာနဲ့ချစ်ခြင်းကို ခွဲခဲ့ကြတယ်


အပြင်မထွက်လိုက်နဲ့ ကလေးငယ်
မင်းအရေခွံတွေဘယ်လောက်ထက်ထက
အချစ်မရှိတဲ့ပါးစပ်အခက်အလက်တွေ မင်းကို အုပ်မိုးတော့မယ်
အမှောင်အောက်ရောက်မှတော့ ဘယ်သူကမင်းအရေခွံကို
ဖြူတယ်ပြောအုံးမှာလဲ . . .


ငါ့ကိုယ်ငါ နေမသာလိုက်ပုံများ .. ဒသမတန်း ခေါင်းတလားထဲမှာ ...


''အူဝဲ'' ဆိုတဲ့ ခေတ်သစ်ကလေးငိုသံနဲ့ လောကကြီးကို လိမ်ဖို့စတင်တယ်
အသက်မပါတဲ့ကြိုးတွေ အရိုးကိုးထစ်မှာ ထိုးလို့ ဘဝကို ငါတို့လိမ်ကြမယ်
မောပန်းလာတော့ ဦးနှောက်ကို ပိုက်တပ်ပြီးသောက်လိုက်ကြပေါ့ ...


ဘာထူးသေးလဲ ကဗျာမဟုတ်တဲ့ ကဗျာဆရာ . . .
မင်းဇက်ကြိုးတွေ ဘယ်လိုဆွဲမလဲ ခံစားမှုမပါတဲ့ ကဗျာက
ကလေးငိုသံ ကြားမယ် မထင်ဘူး . . .


ငါ့ကို နေခြည်တသန်းငှားစမ်းပါ ကမ္ဘာကိုအလွတ်ကျက်ချင်လို့ . . .


အကြွေးတင်ခဲ့ပေမဲ့ ကျေးဇူးမဆပ်နိုင်တော့တဲ့ မျက်နှာတွေ
ဘယ်ဘာသာတရားနဲ့ တောင်းပန် .. တောင်းပန်
ကမ္ဘာမှာ လူဖြစ်ပြီး အရှင်လတ်လတ် ငရဲခံပေအုံးတော့ . . .


ကလေးငယ်ရေ မင်းအတောင်တွေ ငါဖြတ်ပြစ်ရအုံးမယ်
ကမ္ဘာပေါ်မှာ အချစ်မပါတဲ့ လူ့ဖျံတွေများတယ်လေ . . .
စက်သီးတပ်လို့ ဇောက်ထိုးမလည်တတ်ရင် အသွားတွေကျိုးပြီး
မင်း အံ့ချော်လိမ့်မယ် . . .


ခက်ထန်းတဲ့လှိုင်ပုတ်သံမှာ သူ့ထက်ကျယ်အောင်ပျံပြလိုက်စ မ်းပါ . . .


ငါတို့ တိတ်ဆိတ်ခြင်းနဲ့ ငါတို့ ထွန်းလင်းနေဖို့
တိမ်သားနိမ့်နိမ့်တွေ ပြိုကျမှာကိုစိုးနေသေးတယ်
မှန်တစ်ချပ်ကို ပြဒါးသုတ်ထားရအုံးမယ် . . .


တိတ်ဆိတ်ညင်သာတဲ့ ဂီတသံကိုကြားလား ကလေးငယ်
မင်းရင်ထဲမှာ တိုးတိုးလေး ညည်းနေတာလေ
ဘယ်သံ အက္ခရာနဲ့ ရင်ခုန် ကမ္ဘာကို ငြိမ်ချမ်းချင်နေလိုက်ပုံများ
မချိတင်ကဲအချစ်တွေ ကောင်းကင်နဲ့သိမ်းလို့ မလောက်တော့ပါဘူး . . .


ငါ့ခေါင်းကိုခေါက်ပြီး နိဗ္ဗာန်ဆိုတာကိုပြ တိရစ္ဆာန်တစ်ရာကို ကဗျာရွတ်ပြမယ် ...


ငါကိုယ်တိုင်က အသံမပါတဲ့ ဂီတနား ခိုတွယ်မိမှတော့
ကမ္ဘာရေ ... ဘာတွေဖြစ်ဖြစ် ...
တိတ်ဆိတ်ခြင်းရဲ့ အိပ်ယာဝင်တေးသွားမှာ ...
မင်း အိပ်ပါတော့ နော် . . . ။

nelay

ပြက်လုံးမရှိတဲ့ ကောင်းကင်

ကျွန်တော်ဟာ ပါးပါးလွှာလွှာ
ပျက်ကြွေထားတဲ့ ဝတ်မှုံဖြစ်တယ်။


ညဟာအရင်ကထက်အရောင်မှိန်နေခဲ့တာ
လေအထက်က ခြေရာက သတိပြုမိတယ်။


ဝလုံးမရေးတော့ပေမဲ့
ဂဏာန်းခြောက်လုံးတိတိကိုနှိပ်ကြည့်တယ်
ဂဏာန်းတွေရေချိုးနေတာ ဖြစ်ပါစေ ...


၁။ စိတ်နာရီ
၂။ မညီညွှတ်တဲ့မိနစ်
၃။ ၃၄စက္ကန့်
မိုးဖွဲတို့လှစ်ခိုတဲ့ သစ်ရိပ်မှာ
အရိပ်မရှိတဲ့လူတယောက်
စိတ်တွေမမှိတ်အားဘူး သူ့အာရုံမှာ
ဘာမှလုပ်မရတဲ့ စိုးစိတ်တွေစိုရွဲကုန်လွန် ...


ဝတ်မှုံမရှိတဲ့ မျက်မမြင်တကောင်ရဲ့ ငေါင်စင်းစင်းအတွေးအခေါ်
ပြောင်းလဲမှုတစုံတရာ ဘာကိုမှမမြင်အားတော့ဘူး


နေလုံးဟာဝင်ပြီးခဲ့တာ ဘယ်နှစ်ကမ္ဘာတိုင်ပြီလဲ
ရွက်လွှင့်သမားဟာ ရွက်အစုတ်ကိုဖာနေတယ်
နားဟာ လေသံသဲ့သဲ့လေးကို စွင့်နေတယ်


မသိနားမလည်သလိုချလိုက်တဲ့ သက်ပြင်းတိုင်းဟာ
၈နာရီရဲ့ဘယ်ဘက်အစွန်းကလေးမှာ နေဝင်တယ်


မျှော်လင့်ထားပေမဲ့ထမင်းဆီဆ န်းရွှေလင်ဗန်းဆိုတာ
အမေ့ပါးစပ်ထဲက အတိတ်ဖြစ်ရုပ်ကြွင်း
တကယ်ကြားလိုက်ရတာက စက္ကန့်တန်ရဲ့တဝက်
လေသံတိုးတိုးလေးထဲက သစ်ရွက်တွေ
ငါ့နားပေါ်ကြွေတော့ ငါ့ဝိဉာဉ်ကလှောင်အိမ်ထဲအသက်ငင်နေ ...


လရောင်ကိုငေးနေသူရဲ့အသက်တို တိုလေးလောက်တောင်မရှိ
သွေးငတ်သူရဲ့ဒဏ်ရာအတိနဲ့ ပါးစပ်ဟမိရာက
အဆိပ်ရေတွေပြိုဆင်းသွားတဲ့ညတွေဖြစ်ကောင်းဖြစ်ခဲ့တယ်
ငါမသေဆုံးခဲ့ပါဘူး ... ချိုမြိန်တဲ့အရသာနဲ့ ...


စေတန်ကို ကျောမှာလွယ်ပြီး
လှောင်ရီသံတွေကြားက
ကျနေတဲ့ခြေလှမ်းအနွမ်းတွေကောက်ရင်း ...
အခန်းဆက်မရှိတဲ့ ညနက်ထဲ
သွေးမထွက်တဲ့ဒဏ်ရာနဲ့ ကျေကျေနပ်နပ်
ငါ ... ပြန် ... ခဲ့ ... တာ ...


အ


ကြိမ်


ပေါင်း


မ


နဲ ... ။

nelay

ရုပ်ရှင်ချင်တဲ့ကျုပ်

ကျုပ်ကြည့်နေတဲ့ရုပ်ရှင်က

ကျုပ်ကိုပြန်မကြည့်ဘူး

ဒါကအကြောင်းမဟုတ်ဘူး

ကျုပ်ကအကြောင်းအရာအသစ်

ကျုပ်ကြည့်ချင်တဲ့ရုပ်ရှင်အစစ်

ကျုပ်စိတ်တွေအသိပဲ

စကားများခန်းတွေမရစ်ကြည့်ဘူး

ဘယ်တုန်းကမှကျော်မချတဲ့ရုပ်ရှင်

ကျုပ်ရုပ်ရှင်ကျုပ်တန်ဖိုးထားတယ်

ကျုပ်ကြည့်ချင်တာကမင်းသားမဟုတ်ဘူး

ကျုပ်ကြည့်ချင်တာကမင်းသမီးမဟုတ်ဘူး

ကျုပ်ကြည့်ချင်တာကရှုခင်းမဟုတ်ဘူး

ကျုပ်ကြည့်ချင်တာကလမ်းခွဲခန်းမဟုတ်ဘူး

ကျုပ်ကြည့်ချင်တာကခပ်အက်အက်နှဲသံမဟုတ်ဘူး

ကျုပ်ကြည့်ချင်တာကရုပ်ရှင်

ကျုပ်တွေ့တုန်းကကျုပ်ရုပ်ရှင်က

ကျုပ်ကိုသနားသလိုမျိုးကြည့်တယ်

ကျုပ်ကလက်မှတ်မှမပါပဲ ထီးတချောင်တော့ပါတယ်

ကျုပ်မကြည့်ရက်လို့ တမြတ်တနိုးထားတဲ့ရုပ်ရှင်

ကျုပ်ကိုကြည့်ပြီးရုပ်ရှင်မပြီးခင်ထပြန်ချင်တယ်

ကျုပ်စကြည့်တုန်းကရုပ်ရှင်စစ်ပါ

တကယ့်ရုပ်ရှင်ကလေး ...

ဇာတ်လမ်းထဲမှာစိုနေတဲ့ထီးကိုပုန်းထဲထည့်

အစိမ်းရောင်တပွဲမှာတဲ့အထိမိုးမသဲသေးဘူး

ကျုပ်ကမင်းသမီးငိုတဲ့အခန်းဆိုကျုပ်ငိုတယ်

ကျုပ်ကမင်းသမီးအသက်ရှုမဝရင်ကျုပ်လဲမဝဘူး

ကျုပ်ကမင်းသားကိုမင်းသားလုပ်စေချင်တာ

သူကဇာတ်နောက်ကကိုထွက်မလာဘူး

ကျုပ်ကြည့်တဲ့ရုပ်ရှင်မှာဆူးညှောင့်ခလုတ်တွေများတယ်

ကျုပ်ကြည့်ချင်တဲ့ရုပ်ရှင်က ဒါပဲလေ

ကျုပ်ရုပ်ရှင်ထဲမှာဆောင်းရာသီနဲ့အဝါပဲပါတယ်

ကျုပ်ရုပ်ရှင်ထဲမှာကျုပ်မပါဘူး

ကျုပ်ကရုပ်ရှင်ကိုအားပေးတဲ့ပရိတ်သတ်

ကျုပ်ရုပ်ရှင်ကပျော်တယ်

ကျုပ်ရုပ်ရှင်ကလွှင့်တယ်

ကျုပ်ကတော့ရုပ်ရှင်ကိုချစ်တယ်

ကျုပ်ကြည့်ချင်နေတာရုပ်ရှင်ပါဗျာ

ကျုပ်ဒါရိုက်တာလဲမဟုတ်

အယ်ဒီတာလဲမဟုတ်

ဇာတ်ညွှန်းဆရာလဲမဟုတ်

ကျုပ်ဘယ်တကွက်ကိုမှမပြင်ပါဘူး

ကျုပ်ရုပ်ရှင်ကြည့်ယုံသက်သက်ပါ

ကျုပ်ရုပ်ရှင်ကိုကျုပ်တသက်လုံးကြည့်ချင်တာပါ

ကျုပ်ကရုပ်ရှင်ကိုစောင့်ကြည့်တယ်၊ငေးကြည့်တယ်၊မျှော်ကြည့်တယ်

ကျုပ်ကိုကြည့်ပါစေတော့ဆိုပြီးဖွင့်ကြည့်တယ်

အဲဒီ့နေ့တွေနောက်ပိုင်းကဆောင်းမှာသက်တန့်တွေရွာတယ်

စိတ်ကူးပေတံတွေရွာတယ်၊စာရွက်အဖြူတွေရွာတယ်

ကျုပ်ရုပ်ရှင်ကကျုပ်ကိုပြန်ကြည့်တဲ့နေ့မှာ

ကျုပ်ကမင်းသားမဟုတ်တော့နေကြာစေ့ဝါးရင်

ဒူးပေါ်ပေါင်ပေါ်ထိုင်မိလျှက်သား

ကျုပ်ရုပ်ရှင်လေးကိုကျုပ်ကြည့်နေမိတော့

ကျုပ်မျက်နှာမှာအဆီတဝင်းဝင်း

ကျုပ်မဖြီးမလိမ်းမိဘူးကျုပ်ကပကတိအတိုင်း

ကျုပ်ရုပ်ရှင်ကိုကျုပ်ရုပ်ရှင်ကသိပ်ကြိုက်ပုံမပေါ်ဘူး

ကျုပ်ကဟန်ဆောင်မှုကင်းမဲ့တော့ကျုပ်ရုပ်ရှင်ပျင်းမှာပေါ့

ဒါနဲ့ကျုပ်ရုပ်ရှင်အတွက်ကျုပ်ရုပ်ရှင်လုပ်ရတော့မယ်

ခဏရပ်တဲ့ခလုတ်ကိုကျုပ်ရှာနှ ိပ်တယ် '' ထေါက် ''

ကျုပ်လိုက်ကာနောက်ထဲဝင်လိုက်တယ် ...

ဂျိုကာခေါင်းတခုတွေ့တယ် ... ။

ကျုပ်ကြည့်ချင်တာ ရုပ်တွေအသက်ရှင်နေတဲ့ ရုပ်ရှင်ပါ။

nelay

ဟယ်လို Henri Amor

အဲ့ဒီ့ တစ်ချောင်းတည်းသော ကြိုးပေါ်က ညနေဟာ
သိပ်ကြောက်စရာကောင်းတဲ့ အနက်ရောင် လမ်းမများပေါ်မှာပေါ့ Amor ….


ဘယ်လောက်တောင် ရှုံးနှိမ့်ထားရတဲ့
ကြောက်ရွံ့ခြင်းတွေလဲ


ဟယ်လို Henri Amor
အဲ့ဒီ့ တွင်းထဲကို ဝင်သွားမယ်ဆိုရင်
မင်းဘယ်ဖက်ကို သွားမှာလား ညာဖက်ကိုသွားမှာလား
လူ့အခွင့်အရေးတွေ အရဆိုရင်တော့
Henri မင်းဟာ နှစ်ဖက်လုံးကို သွားပိုင်ခွင့်ရှိပါတယ် …


ဒါပေမယ့် လူ့ကျင့်ဝတ်အနေနဲ့တော့
ငါတို့လက်ညှိုးတည့်တည့်မှာ အသီးတွေ အပွင့်တွေ
ဝေဆာနေတဲ့ အပင်ကြီးရှိပေမဲ့
ရေသောက်မြစ်ကြီး ကိုယ်တိုင်က အဆိပ်တွေ သောက်သုံးနေခဲ့ရင်
အဲ့ဒီ့ အသီးတွေ အပွင့်တွေဟာ အဆိပ်ရှိတယ်မဟုတ်လား Amor ….


အဆိပ်ဆိုတာ လူတွေကြောက်တဲ့
လူတွေ လက်မခံတဲ့
လူကိုသေစေနိုင်တဲ့ အရာဝတ္ထုတစ်ခုပေါ့ Amor ….


ဘယ်လောက်တောင် အနိုင်ရနိုင်ပါသလဲ
ဘယ်လောက်တောင် ရှုံးနှိမ့်နိုင်ပါသလဲ


ဟယ်လို Henri Amor
သင်အပြင်မှာ နေရဲပါသလား
အတွင်းမှာရော နေရဲပါသလား


ဘယ်နေရာကရော သင်ရဲ့ လုံခြုံမှုကို

သင်ကိုယ်တိုင်ဖန်ဆင်းထားနိုင်သလဲ

Amor …..
မင်းစိတ်တွေ ရှုပ်ထွေး နိုင်ပါတယ် …..
မင်းအတွေးတွေ ရွေးခြယ်နိုင်ပါတယ် …..
ဒါဟာ မင်းရဲ့ပြိုင်ပွဲကို စတင်တော့မှာမို့ …
မလိုအပ်ခြင်းထဲက အသီးကိုသတ်
အပွင့်ကိုသတ်
အရွက်ကိုသတ်
အရိုးကိုသတ်
အခေါက်ကိုသတ်
အနှစ်ကိုသတ်
အပင်ကိုသတ်
အမြစ်ကိုသတ်


အောင်ပွဲဆိုတာ
သန့်စင်စရာ မလိုအပ်တဲ့
လိပ်ပြာအတုတွေ ဆင်မြန်းထားတဲ့
ခြပ်ဝတ်တန်ဆာများနဲ့ စူးရှနေတဲ့
အသွားထက်ထက် စိတ်ကူးအိပ်မက်များ ပိုင်းခြားထားတဲ့
ခန္ဓာကိုယ်ကြီးပေါ့ Amor …..


ဟယ်လို Henri Amor
ကွေ့ကောက်နေတဲ့ လမ်းတွေ တစ်လျှောက်
အန္တရယ်ဖြစ်နိုင်တဲ့နှုန်းနဲ့ ရှည်လျှားလှတဲ့ မိုင်ပေါင်းများစွာ
ခရီးကြမ်းတွေ ဖြတ်ရင်း အသုံးမဝင်ဆုံး နေရာတစ်ခုကို
သွားမိမှာကြောက်နေပြီးလား Amor …..
ဒါဟာစောင့်စားရတဲ့ နေရာမျိူးပေါ့ …


သေသေချာချာ အသေးစိတ်ကြည့်ကြမယ်ဆိုရင်
အရာရာတိုင်းဟာ အပြစ်အနာစာတွေနဲ့ပြည့်နေတဲ့
ကွဲအက်ခြင်း ပိုင်ရှင်တွေပါပဲ Amor …..


တစ်ဘဝလုံး သတိမရနိုင်တော့တဲ့ လူတစ်ယောက်ရဲ့ဘေးမှာ
ကဗျာတွေနေ့စဉ်တိုင်းရွတ်ဆိုနေခြင်းက 

မှတ်ဉာဏ်ကို ပြန်လည်နိုးကြားစေတယ်ဆိုတာ 

ဟုတ်ပါသလား Amor …..
အဲ့ဒါက ဟုတ်သလား မဟုတ်ဘူးလားဆိုတာကိုလဲ
စောင့်ဆိုင်းနေရခြင်းပါပဲ Henri Amor …


ဟယ်လို Henri Amor
ငါက မင်းရဲ့ မိသားစုဝင်မဟုတ်ပဲနဲ့
ဘာလို့ဒါတွေပြောနေသလဲလို့မေးနေတာလား Amor …..
ကံတရားက ဖိနပ်မပါပဲ နှစ်ပေါင်းများစွာ လေလွင့်နေခဲ့တယ် …
သူမေ့ကျန်ခဲ့တဲ့ ဖိနပ်ကလေးကို ငါ့ဧည့်ခန်းထဲက နေပြန်လာစီးသွားခြင်းဟာ
ငါတို့ မိသားစုဝင်တွေပဲဆိုတာကို ဖေါ်ပြနေတာပေါ့ Amor …..


ဟယ်လို Henri Amor
မကြားနိုင်တဲ့အရပ်ဆီက ထောင့်ချိုးမျိူးဆိုတာ
သိပ်ကို အရေးကြီးတဲ့ အရိပ်တွေပါပဲ Amor …..


Henri ….. လူတိုင်းက ဘာလို့
ဇာတ်သိမ်းလှလှကလေး ဖြစ်ချင်ကြတာလဲ ……
ဆရာဝန်ဖြစ်ဖို့လား
အင်ဂျင်နီယာဖြစ်ဖို့လား
အိုင်တီပညာရှင်ဖြစ်ဖို့လား
အဆိုတော်ဖြစ်ဖို့လား


မင်းဆိုရင်ရော Henri …..
အဆိုတော် မယားလုပ်မလား
အိုင်တီပညာရှင်ရဲ့ မယားလုပ်မလား
အင်ဂျင်နီယာ မယားလုပ်မလား
ဆရာဝန် မယားလုပ်မလား


ဒါတွေက အရေးမကြီးပါဘူး Henri …..
စကားလှအောင် လျှောက်သုံးနေတဲ့
ခေတ်ပျက် ဘမ်းစကားကြီးမဟုတ်လား


Henri ….. ငါတို့သောက်ခဲ့တဲ့ ဆေးတွေထဲမှာ
ငါတို့ရဲ့ ကျန်းမာရေးတွေရှိတယ်
Henri ….. ငါတို့ ပြောက်ခဲ့တဲ့ အရာတွေထဲမှာ
ငါတို့ရဲ့ မျှော်လင့်ခြင်းတွေရှိတယ်
ဒါဆို ငါတို့ရဲ့ ကမ်းခြေမှာ ငါတို့ခြေရာတွေ
ရပ်စောင့်နေကြတာ ဘယ်လောက်တောင်ကြာခဲ့ပြီလဲ Henri …..

nelay

မိုးသံလေသံ နှလုံးသားမပါတဲ့ တေးသံ

ရှိနေသေးတယ်ဆိုတဲ့ အသိနဲ့ အငွေ့ဖြစ်သွားတဲ့ စိတ်တွေ

ဘယ်လိုပုံစံမျိုးနဲ့မှ ထိန်းချုပ်ဖို့မလိုဘူး ...

မျက်လုံးတွေမှာ နားပါတယ် ... ...

အသက်ရှုသံတွေက အရသာခံတတ်တယ် ... ...

နှလုံးသားတွေကတော့ အသိဉာဏ်မရှိကြပါဘူး ... ...

အသိဉာဏ်တွေကလဲ နှလုံးသားမရှိကြပါဘူး ... ...

မြက်ပင်တွေကို ပန်းပန်ပေးပါ လောက လေပြေ ...

အချိန်တွေကို ဒူးထောက်တွယ်ဖက်

ငါအသက်ဆက်ခဲ့တဲ့ ပင်လယ်မှာ ကမ်းမရှိဘူး ...

နားမရှိဘူး ... ကိုယ်ချင်းစာတရားမရှိဘူး ...

ငါကအကုန်(အကုန်) မျောထားတဲ့ စက္ကူ ခေါင်းတလား ...

လူ့လောကအကြောင်းကို မင်းဘယ်လောက်သိလို့လဲ ...

အဖြေရှာခဲ့တဲ့ အတွေးမှာ ငါသိသလောက်

လူ့လောက က ငါ့ကိုမသိခဲ့ဘူး ...

သင်္ချာဆရာမခေါ်ပေးပါ အပေါင်းအနှုတ်မတတ်လို့ လူမလုပ်ရတော့ဘူး ...

ငါ့ကိုယ်ငါပြန်စားထားတယ် အကြွင်းက သုည ...

ဖြတ်ပိုင်းလေတော့ ပြပါ ... ငါကျေနပ်ပါတယ်

ငါလိုက်ကပ်မိတာ အပြည့်ကိန်းတွေမှဟုတ်ပါရဲ့လား ...

သူတို့က ကိန်းအလိမ်တွေပဲ ...

ငါမလိုပဲဆက်သွားလို့ရတဲ့ သံလမ်းတွေမှာ ငါဟာအေးစက် ... ...

မျက်ရည်ခံတဲ့ ချိန်ခွင်လျှာတဖက်မှာ နှလုံးသားမပါဘူး ...

ငွေသံတွေနဲ့ ဂုဏ်မာန်တွေထန်လို့ လူလုပ်ရမဲ့အကြောင်းတွေ ကြိုးပြတ် ...

ငါဟာ မတ်တပ်လဲ သေတတ်တဲ့ သစ်ပင်ပါ ...

တပန်းကန်လုံးကုန်မှ အရိုးအရင်းပစ်ကျွေးတဲ့ သုခချမ်းသာ ...

ငါ့မှာ အမြှီးမပါတာတော့ သေချာတယ် ... ။

သေချာပါပြီး ဒီမျဉ်းနှစ်ကြောင်းကကွေးနေတ ာ

တနေ့နေ့တော့ ခြည်မိမှာပဲ ... ငါပျောက်နေတဲ့အစကိုတွေ့ပြီ ...

မင်္ဂလာရှိသော နေ့ပါ ...

... မိုးသံလေသံ နှလုံးသားမပါတဲ့ တေးသံ ...

nelay

ငါး လ ပိုင်း Ver:29

လေယာဉ်ပျံတွေ ကို ခြေရာကောက်ဖို့
ရေဒါ တွေ ကို တီထွင်နိုင်ခဲ့ကြရင်
ဘာလို့ နှလုံးသားကို ခြေရာကောက်ဖို့
စိတ်တွေကို မတီထွင် နိုင်ကြတာလဲ
အလွမ်းဆိုတာ သင်္ချိုင်းတစ်ခု ဆိုရင်
မြေဖို့ထားတဲ့ အောက်မှာ နှလုံးသားတွေ
ဘယ်လောက်ကျယ်လောင်နေမလဲ
လူတွေဟာ နာရေး သတင်းတွေကို
အခုထိ ခုန်မင် တက်မက်နေတုန်းပါပဲ
သူမ အိပ်မက်ထဲက ကဗျာတချို့ကိုတော့
ငါ အခု ထိ စာ မဆို နိုင်သေးပါဘူး
ပန်းပွင့်တွေ နားမှာ
ငါက ကာဗွန်ဒိုင်အောက်ဆိုဒ်တွေ မှုတ်ထုတ်ပေမဲ့
သူတို့တွေက အခုထိ
ငါ့အတွက် အောက်ဆီဂျင်တွေ ထုတ်ပေးနေတုန်းပါပဲ
အစီအစဉ်တွေဟာ အကြောင်းအရာတွေပေါ်မှာ
တစ်ခါမှ မလွဲချော်ခဲ့တဲ့ လင်းသန့်လွန်း မြင်ကွင်းတွေ
လေယာဉ်ပျံတွေ ငါ့အရှေ့က ခဏခဏတက်တက်သွားတာ
သိပ်မကောင်းတဲ့ ခဲဖျက် နဲ့ မဲညစ်ညစ် ဖျက်လိုက်တာပဲ
မိုးတွင်း ဟာ ငါးမတွေ့တဲ့ကာလကိုပဲ
အဖန်တလဲလဲ အထူးပြုနေတော့တယ်
ကွန်ပြူတာထဲက အသံအတိုးအချဲ့ ခလုတ်ပေါ်မှာ
သွေးစွန်းနေတဲ့ လက်ဗွေရာတွေရှိတယ်
ဖြစ်နိုင်ရင် ငွေကုန်ကြေးကျ သိပ်များတဲ့
လူ့ဘဝကြီးကို ပြန်အမ်းလိုက်ချင်ပါတယ်

nelay

မြင်ကွင်းလူယောက်

ကောင်းကင်ရဲ့ ဘာသာဗေဒမှာ

ပျံမရ သန်းမရ

စာရေးလိုက်တယ်

မိုးတိမ်

 

ဘုရားရှိခိုးဖို့နဲ့

ထမင်းစားဖို့

လက်တွေ လှိုင်းဘာသာစကား

သင်       ကြား      နေတယ်

ပါးစပ်ထဲကမြွေကို              ခေါက်    သိမ်း

အစုလိုက်အပြုံလိုက်    စိမ်း              သွားတဲ့

လူဘာသာစကားကို

ပျက်ရယ်ပြုခြင်းနဲ့မျိုချ

မသေချာခြင်းတွေ                          သွားပြီ

.

.           ကျ

.

ကြွေ

အရှေ့ဥယျာဉ်ထဲမှာ

မြောက်အရပ်က

ပန်းပျိုးအလင်္ကာနဲ့            မျက်နှာတွေ

ရှည်လာတဲ့

တယောအိုထိုးပြီး

ရေ        ကြွေး     နေပုံက

…                        ….

   ……                …..

          … ဟူး …

ဇီဇဝါညဦးမှာ ပန်းဘာသာစကားနဲ့

နှလုံးသား            အသက်အိုပေါ်က

မြက်ပျိုတို့ရေ …

ဘာသာဂီတနဲ့

ဝိဉာဉ်ကို

ချွတ်

ချ

အမြစ်တွေလှုပ်     မရ        ရုန်းမရ

ရေခေါင်              မိုးအောက်

အမြစ်တွေခြောက်

သုံးယံပြောက်တဲ့ နေ

လက်ချောင်း        အရှည်များနဲ့

အပွင့်ပျိုးတဲ့                     မျက်နှာတွေ

   ငါ့အမြစ်တွေကို

... မထိနဲ့ … မထိနဲ့ …

စုန်းသာသာနဲ့      တိမ်တွေ             က

ရေတွေ   ……ရွာလာတိုင်း…….    ရေတွေ

မျက်ရည်             အစွယ်ကျိုး

လွတ်သွားတဲ့လေဖြစ်တည်မှုမှာ         ။၁

အမြစ်တွေရေဝသွားပြီ        ။၂

ယုံတမ်းစကားထဲက နံရံကပ်စက္ကူတွေ ။၃

သုံးမရတော့ဘူး                ။၄

ရေအိုင်သွားတဲ့ အမြစ်တွေပုတ်          ။၅

အလွတ်ကျက်မှတ်ထားသလိုတော့မဟုတ်ဘူး               ။၆

ကစားစရာအရုပ်တွေနဲ့

မျက်နှာခြစ်ရထွေးပိုက်

အလွမ်းမရှိတဲ့

ခေတ်မိုက်ထဲမှာ

အနက်ရောင်        ဘာသာစကားနဲ့

လူတစ်ယောက်

အနီရောင်ရောဂါနဲ့

ခြောက်ခြားမှုတွေ ဖန်းဆင်း

ပျိုးသောက်

ကမ်းနဖူးတွေပြောက်… ။

nelay