ညစောင့်

ငါက

ဝင်လာသမျှ ဘဝတွေ
ထွက်သွားသမျှ ဘဝတွေ
ထ ကြည့်လိုက်
ထိုင် ကြည့်လိုက်




ငါ့မှာ
ရေးရမဲ့ ဘဝတွေ
မရေးရမဲ့ ဘဝတွေ
ထ ရေးလိုက်
ထိုင် ရေးလိုက်




ငါ့ကို
အားရတဲ့ လူတွေ
အားမရတဲ့ လူတွေ
ထ ဆဲလိုက်
ထိုင် ဆဲလိုက်




ငါ့မှာ
ဖတ်ရမဲ့ စာအုပ်တွေ
မဖတ်ရမဲ့ စာအုပ်တွေ
ထ ဖတ်လိုက်
ထိုင် ဖတ်လိုက်




ငါက
ပြောရမဲ့စကားတွေ
မပြောရမဲ့စကားတွေ
ထ ပြောလိုက်
ထိုင် ပြောလိုက်




ငါ့မှာ
ကြောက်ရမဲ့ တစ္ဆေတွေ
မကြောက်ရမဲ့ တစ္ဆေတွေ
ထ ခြောက်လိုက်
ထိုင် ခြောက်လိုက်




ငါ့ကို
ဟောင်ကြတဲ့ ခွေးတွေ
မဟောင်ကြတဲ့ ခွေးတွေ
ထ ဟောင်လိုက်
ထိုင် ဟောင်လိုက်




ငါ့က
တွက်ရမဲ့ ဂဏာန်းတွေ
မတွက်ရမဲ့ ဂဏာန်းတွေ
ထ တွက်လိုက်
ထိုင် တွက်လိုက်




အော် …
ငါ့မှာ
ဖွင့်ရမဲ့ တံခါးတွေ
မဖွင့်ရမဲ့ တံခါးတွေ
ထ ဖွင့်လိုက်
ထိုင် ဖွင့်လိုက်နဲ့
သောက် မိုးကို လင်းတည်ခဲ့ …. ။

nelay