သွေးပြန်ကျောထဲက အိပ်မက်များ
မင်းတစ်ကိုယ်လုံးမှာ ငါစီးဆင်းလို့
အဆိပ်အတောက် အိပ်မက်တွေ ဒိုက်ဖြစ်ရတယ်
အပြစ်ရှိသူ လူတစ်ယောက်ရဲ့ လမင်းကြိုးတင်ပွဲမှာ
ကြယ်အပေါင်းက အမှောင်ကို ဗဟိုပြုလို့ကြွေကျ
အခန်းဟောင်းထဲက စူးရှရှအော်သံတွေ
တိတ်ဆိတ်ခြင်းကို ဖြိုခွဲလို့
မင်းနောက်လိုက်လာကြတယ်
အေးချမ်းတဲ့ မြို့စွန်ဘေးက ဆံခြည်ထုံးတွေ
ပြေလျှော့သွားတဲ့ မာယာအိုကို အတ္တမီးတစ်စနဲ့
တငွေ့ငွေ့ကျွမ်းလောင်
မင်းသိမ်းပိုက်လိုက်တဲ့ နှလုံးသားကောက်ရိုးပုံလေး
လောင်သွားပြီ
မြို့အိုကလေးရဲ့ အဓိကထုတ်ကုန်မှာ
အမျိုးသား အမျိုးသမီး
နှလုံးရည် ၁၂ ကျော်သွားတဲ့ လူသတ်သမား
ကဗျာ
သွေးသားဖောက်ပြန်ခြင်းနဲ့ ရွာဦးကျောင်းက
အုန်းမောင်းသံဟာ နောက်ပြန်လည်သွားတဲ့အခါ
လင်းကြက်တွေလဲ ညနက်နက်မှာ ပြောင်းပြန်တွန် ကြတယ်
ခေတ်အဆက်ဆက်က အယူလွဲနဲ့
ရွှေသမင်တွေ ခြေင်္သေ့ကို ပြန်အူကြတဲ့အခါ
သူငယ်ချင်း မင်္ဂလာပွဲမှာ
မင်းတုန်းမင်းရဲ့ ပတ္တာလက်ဖွဲ့ပေးခဲ့တယ်
ဧရာဝတီကို ခေါ်ပါ ဧရာဝတီလိုကြားပါ
ငါမရောက်ဖူးတဲ့အရပ်မှာ မင်းဖုံးခဲ့တဲ့ မစင် သဲပြိုကျ
ဧရာဝတီကို ခေါ်ပါ ဧရာဝတီလိုကြားပါ
ကောင်းခြင်းမကောင်းခြင်း ဝေါဟာရကို အထူးပြုဖို့
နှစ်ကာလတစ်ခု လိုလာမယ်ဆိုရင်
အောက်ပါအချက်အလက်များမှာ
သက်သေအပြည့်အဝနဲ့ အတိတ်တွေ
လေထုထဲမှာ ပုတ်သိုးသိုး
အရွယ်လွန်ချောင်းဟန့်သံနဲ့ ခင်းဗျားအကြံကို ခွေးတောင်မလန့်ဘူး
အကန်းမျိုးဆက်ရဲ့ အလယ် သူရဲကောင်းလုပ်ချင်တယ်ဆိုလဲ
အသက်အာမခံနဲ့ ခင်းဗျား နာမ် ကို ဆေးခဲ့ကြောခဲ့
နှလုံးခုန်သံကြားလို့ ဒါးတွေဝင်စိုက်လာရင် ပြုံးတတ်ဖို့ မှန်တစ်ချပ်ယူခဲ့
စွတ်ကျယ်ဝတ်ထားတဲ့ စကားလုံးများကို သဲခေတ်မှာ မျက်ရည်ကျပြလို့ အရာမထင်ဘူး
ခင်ဗျားကံကောင်းတယ်မှတ်ပါ။
သံလွင်မြစ်နားက ကွန်ဖြူးရှပ်မဟုတ်ဘူး
သခင်သေရင် ကျွန်လိုက်သေ တဲ့ ခေတ်မဟုတ်တော့
ခင်ဗျားကံကောင်းတယ်မှတ်ပါ။
ထိုအကြောင်းအရာများမှာ အဟောင်းဖြစ်ကြောင်း
စာအုပ်အသစ်မှာ ထုတ်မှတ်ဖို့
တယောအိုကို မီးတစ်စနဲ့ သေခြင်းရတုကိုဖွင့် …. ။
nelay
No comments:
Post a Comment