အခွံလွတ်ဈေး

ကျေးဇူးတရား

သွေးသားဆန္ဒ

ရောင်းဝယ်

ဖောက်ကားကြ ။

nelay

အာရုံငါးပါးအပြင်ဘက်က
ကဗျာဆရာများမှာသာရှိတဲ့ ဆဋ္ဌမအာရုံကိုအားပြုပြီးရေးဖွဲ့ထားပါတယ်
(နာမ်စာအုပ် သစ္စာနီအမှာစာမှ)

သိပ်မကွာဘူး ဟိုတပုဒ်နဲ့

မင်းက ဟိုမှာဆို နံပါတ်တစ်
ဒီမှာတော့ မင်းအတွက် နံပါတ်မရှိဘူး
ဒီမှာက နူးနေတဲ့လူမှမရှိတာ
အားလုံးလူချောတွေကြီးပဲ
ဘုရားကလိမ်တာမကြိုက်ဘူးတဲ့
ဘယ် ကဝိ က
မုသားမပါလင်္ကာမချောကို အယုံသွင်းခဲ့
အခုတော့ လင်္ကာကျူးသူတွေက တရားကိုဖျက်ကြ
ဒီမှာက အားလုံး ဒဲ့ပြောတဲ့ လူတွေကြီးပဲ
မျက်နှာဖုံးတွေကြိုက်ရင် ပွဲဈေးတန်းသွား
စပိုက်ဒါမန်းလား ဘတ်မန်းလား ပါဝါရိုန်းဂျားလား
တစ်ခုခုကောက်စွတ်လိုက်
ဒါနဲ့ ဗန္ဓုလဦးထုတ်တော့ ဝတ်မလာနဲ့ ခေါင်းဖြတ်ခံရမယ်
ဒီမှာက ဘယ်သူမှ ဦးထုတ်မဆောင်းဘူး
အားလုံး ဦးခေါင်းပါတဲ့ လူတွေကြီးပဲ
တစ်ခုတော့ရှိတယ်
တစ်ခုလိုချင်ရင် တစ်ခုပြန်ပေးရတယ်
ဟိုမှာက တစ်ခုလိုချင်ရင် အကုန်ပေးရတယ် နှမျောနေလို့မရဘူး
ဒီမှာတော့ တစ်ခုလိုချင်ရင်တောင် အကုန်ပေးလဲ ဘာတစ်ခုမှပြန်မရဘူး
အယူသမားတွေပဲရှိတယ်
အယူသီးတာတော့မဟုတ်ဘူး
နတ်ကြီးတယ်တဲ့
ဒီမှာက ကြပ်တဲ့နတ်တွေများတယ်
အင်းဒါဆိုလဲ
မင်းဟိုမှာပဲနေပါတော့
ဒီမှာကိုလဲ ဒီမှာအတိုင်းပဲထား
ဒီကိုမလာချင်ပါနဲ့တော့လေ … ။

nelay

ကိုလာ

ပြင်းရှရှနဲ့
အမောပြေတယ်
မောင်

nelay

အာရုံငါးပါးအပြင်ဘက်က
ကဗျာဆရာများမှာသာရှိတဲ့ ဆဋ္ဌမအာရုံကိုအားပြုပြီးရေးဖွဲ့ထားပါတယ်
(နာမ်စာအုပ် သစ္စာနီအမှာစာမှ)

ဝါး

ကလေးငိုတယ်
စစ်ဖြစ်တယ်

nelay

အာရုံငါးပါးအပြင်ဘက်က
ကဗျာဆရာများမှာသာရှိတဲ့ ဆဋ္ဌမအာရုံကိုအားပြုပြီးရေးဖွဲ့ထားပါတယ်
(နာမ်စာအုပ် သစ္စာနီအမှာစာမှ)

ဈာပနပို့သူများ

ပုလင်းထဲမှာ မရှိတော့ဘူး

ငါ့ကို နည်းနည်း ဟောဒီ့လောက်ကလေး

နည်းနည်းပေးပါ။

ပုလင်းထဲမှာ မရှိတော့ဘူး

အေး …

ငါ့ကိုယ်ထဲမှာလဲ အသဲမရှိတော့ဘူး

ပုလင်းထဲမှာ မရှိမှတော့ ဗိုက်ထဲရောက်သွားလို့ပေါ့ကွာ

ဆေးရုံသွားရအောင်

မသွားချင်ဘူး

ငါ့ကိုနည်းနည်း ဟောဒီ့လောက်ကလေး

နည်းနည်းပေးပါ။

ဆေးရုံသွားရင် ဒီလောက်ကလေး နှစ်ခါတိုက်မယ်လေ

စက္ကန့်သံတွေမကြားချင်ဘူး ငါ့လက်တွေတုန်နေလို့ပါ

ဆေးရုံသွားရအောင်

သနားလို့အိမ်မှာထားတာနော်

ဆေးရုံသွားရအောင် ကျန်းမာလာရင်ဒီ့ထက်ပိုသောက်နိုင်တာပေါ့

ဆေးရုံသွားတော့ရော င့ါအသဲက ဟော့ဒီ့လောက်ကလေးပြန်ပြည့်မလာဘူး

ငါမကျန်းမာချင်ဘူး ပိုက်ဆံကုန်ပါတယ်ကွာ ….

ငါ့ကို နည်းနည်းဟောဒီ့လောက်ကလေး နည်းနည်းပေးရင်

ဆေးရုံသွားတာလောက် မကုန်ပါဘူးကွာ …

ဖယောင်းတိုင်းတွေ မီးမတောက်တော့

သူငယ်ချင်းမင်းမျက်နှာက မီးပျက်နေတယ်

ငါတို့ငယ်ငယ်တုန်းကလို အိမ်ဆောက်တိုင်းဆော့ကြမယ်လေ

အိမ်မှာမနေပါနဲ့ကွာ

ဒီအရွယ်က ဈာပနပို့ရမဲ့အရွယ်မဟုတ်ဘူး

ငါ့ကိုနည်းနည်းပေးကြပါ …

ရေဝေဖြစ်ဖြစ် ထိန်ပင်ဖြစ်ဖြစ်

ငါ့ကိုပိုက်နဲ့သွယ်ပြီးတိုက်မယ်ဆိုလို့

ဆေးခန်းလိုက်လာတာလေ

ဆရာဝန်ကလက်ခါပြတယ် တိုက်လိုက်ပါတော့ကွာ

စိတ်ချမ်းသာ အောင်သာထား

အဲဒီ့စကား အခွန်းတိုင်းကို

တစ်လုံးချင်းစီ အနှေးပြကွက်နဲ့ ခဏ … ရပ် … ထား ….

စိတ်………………….. ချမ်း ……………….. သာ ……………….. အောင် ………… ထား ……….

ဟူးးးးးးးးးးးးးးး

ငါ့ကိုနည်းနည်း ဟောဒီ့လောက်ကလေး

ဘဝထဲမှာ အခုချိန်ထိလိုက်ရှာခဲ့တဲ့ စိတ်ချမ်းသာမှုနည်းနည်းပေးတိုက်ပါ

အသဲမရှိတဲ့ ခန္ဓာကြီးက ပွလာပြီ လူအမြင်မှာ ဗိုက်ကြီးလာတာပေါ့လေ

ရှစ်ပတ်တပြားလား လေးရာတန်ဇေလား

တစ်စိတ်ပဲ ကျန်တဲ့ အသဲကို ဝိုင်းပက်ကြ

ဝိုင်းပက်ကြ … ဝိုင်းပက်ကြ

အန်တီကတော့ စိတ်ညစ်တာကို ပါးစပ်ကပဲ ရွတ်တတ်တယ်

ရေသုံးဆရောပြီး အိပ်သွားရင်တောင် ဗိုက်ကြီးကပိန်လိုက်ဖောင်းလိုက်

တရုတ်တွေလို ကိုရီးယားတွေလိုဝတ်စုံပြည့်နဲ့လိုက်မပို့နိုင်ပါဘူး

အရွယ်ကောင်းတုန်းက ပုံလေး ပုံကြီးချဲ့ခိုင်းထားတယ်

အထည်ကြီးပျက်တွေမဟုတ်လား

ဒီခေတ်မှာ အထည်ကြီးပျက်တွေများလာတယ်

ကြာလာတော့ အပျက်ထည်ကြီးတွေဖြစ်လို့

နေအုံး

ကြက်ဥသုံးလုံးလောက်သွားကြော်လိုက်အုံးမယ်

ဟေ့ …. ကြက်သွန်မထည့်ဘူး

ငါကမင်းတို့ထက်အသက်အများကြီး ကြီးတယ်ကွ

ငါ့ကိုနည်းနည်း ဟော့ဒီ့လောက်ကလေး

နည်းနည်းပေးပါ။

nelay

ကပွဲ

ငါ့ဗုဒ္ဓ
ငါ က ဘုရား
ငါ က တရား
ငါ က မျက်လုံး
ငါ့ ပျက်လုံးတွေနဲ့
ငါ့ က ပွဲမှာ
ငါ က မင်းသား
ငါ က ဘုရင်
ငါ က မုတ္တမနဲ့
ငါ က အကန်း
ငါ က ပခမ်း
ငါ့ နှုတ်ခမ်းနဲ့
ငါ က ပန်းတွေ ပွင့်ပွင့်ခိုင်းပြီး
ငါ က အနံ့တွေခြွေလို့
အသေ ပန်းတွေ ဝေ
ငါ က မုဆိုး
ငါ က သားကောင်
ငါ က အဆိပ်
ငါ့ တောရိပ်မှာ အနီရောင်တွေ ခြောက်လို့
ငါ က တစ္ဆေ
ငါ က မြွေ
ငါ က ရေနဲ့
ငါ က လေ တွေ လိမ်တဲ့ အရပ်မှာ
ငါ က လူ
ငါ က ပလူနဲ့
ငါ က အခြားသူတွေကို တူစေတဲ့
ငါ က မိတ္တူ
ငါ က စက္ကူ
ငါ က စာအုပ်
ငါ က စာရွက်နဲ့
ငါ က ကဗျာ
ငါ့ ကပွဲ မှာ
ငါ က လက်ခုပ်တီးလို့
ငါ က ဇာတ်သိမ်း
ငါ က ဇာတ်လမ်း
ငါ က မင်းကိုယ်ထဲက နာမ်
ငါ က ဆိပ်ဖလူးပန်းတွေပွင့်တဲ့ အရပ်မှာနေ
ငါ့ အလိမ် ငါ့ အညာနဲ့
ငါ က ဘုရားဖူးထွက်တဲ့ မြွေပါပဲ
ငါ က ခေတ်
ငါ့ ခေတ် ငါ ပေါ်
ငါ့ ခေတ်ပေါ်
ငါ့ ခေတ် ငါ ကို ငါ ထင် ငါ ဟပ်
ငါ့ ခေတ်ကိုထင်ဟပ် လို့
လူတွေခေတ်လိုက်ရင်း
ငါ့ ကပွဲမှာ အရူးဇာတ်ကိုခင်းကြလိမ့်မယ်
ငါ့ အကာ ငါ့ အရံ
ငါ ဖျက်ဆီးလို့
ငါ ကလူတွင်ကျယ်ကြီးလုပ်ချင်နေရတယ်
ငါ က ကျေးဇူးတော်ရှင်
ငါ က သွားမတိုက်
ငါ က ပလုပ်မကျင်း
ငါ့ ခြေရင်းမှာ ငါ့အလင်း ငါတည်
ငါ့ ပွဲ ငါသိမ်း
ငါ့ မီးကို ငါငြိမ်းခဲ့တယ် ….. ။

nelay