အမေနဲ့ခဏတာ ဆပ်ပြာပူဖေါင်းမှုတ်ကြည့်ခြင်း

၁၆နှစ်

အမေရေ

အမေ့သားလေ

ရည်မှန်းချက်တွေ စီးတန်းထားတယ်လေ

ဖြစ်ကိုဖြစ်ရမယ့် အရာတွေ

အမေထင်သလို ကမ္ဘာကြီးကပြားတယ်လေ

၁၈နှစ်

အမေရေ

အမေ့သားလေ

ဂုဏ်ထူးတွေသီတန်းထားလဲ

အမေ့ပခုံး ကျွဲလိုရုန်းတာ

စိတ်နှလုံး မချမ်းမြေ့ဘူး

ဖြစ်ချင်ရာဖြစ် သားတလှည့် ထမ်းပါရစေလေ

နှစ်၂ဝ

အမေရေ

အမေ့သားလေ

ထူးမလာပါဘူး ဘွဲ့အတုကြီးနဲ့ရူးတယ်

သင်တန်းတကာ ကားယားရပ်တော့

လမ်းတွေလဲ ဂွပိုကျတယ်အမေ

၂၂နှစ်

အမေရေ

အမေ့သားလေ

၂၁ရာစုမှာ ပညာအတုတွေနဲ့ ကူလီထမ်းတယ်

ချွေးနည်းနည်းစာမှာ အမေ့ကို ကြွေးမဲ့ထမင်း

မသန့်ရှင်းတာ သားလျှာတွေလဲ မြက်ပေါက်ပါပြီအမေ

နှစ်၂၄ နှစ်ပိုင်းတစ်ပိုင်း

အမေရေ

အမေ့သားလေ

လက်ချိုးရေလို့မရအောင် ရည်မှန်းချက်တွေပုံခဲ့ဖူးတယ

ရည်မှန်းချက်တွေကြွေကြွေသွာ်းတော့

သားလေ အမေ့အတွက်

၂၄ထပ်တိုက်ပေါ်က ဆပ်ပြာပူဖေါင်းအတုတွေ

လှလှပပမှုတ်တတ်နေပြီ အမေ ....။

nelay

ကြယ်ကြွေရပ်ဝန်း

နမိတ်ကောင်းကို မမက်မောတတ်တဲ့ သစ်စိမ်း....ခြောက်ပင်ဟာ …………

ကြယ်သေကို သဂြိုလ်ပစ်ဖို့ ငြင်းဆန်ခဲ့...

အဲ့ဒီကိုယ်ထဲမှာ………. နံရိုးတွေကို ရေတွက်နေတဲ့ စက္ကန့်တန်ရှိခဲ့ ……

သွေးနီမျှင်ကို စုပ်ယူ…. ကြည်ပြာရောင် ကြယ် …. လောင်ကျွမ်းခဲ့

ကျောခွံကိုခွာ…… ထိုကြယ်ပြာရောင်…. လက်တန်ကို ချိုးဖျက်……. ခံခဲ့

ညဉ့်လေကို အံတု… သန်းခေါင်ထက် သူဟာ ပိုပို နက်လာခဲ့

ဝင်သက်ကို အစိတ်စိတ် ပိုင်း……… လေးနက်မှုတိုင်းဟာ သက်ပြင်းပိုရှည်ခဲ့

သက်တန့်ရောင်ကို ထိုးဖေါက် နေ့နဲ့ ည ကြား ပိုပို….. တိုးဝင်……… သွားမိ…. ခဲ့……………..

…………………………………………………….

ရပ်စရာ တဖြည်းဖြည်း ကျဉ်းလာတဲ့….. မြေ

နောက်ဆုံးထွက်သက်မှာမှ ရှိုက်သွင်းခြင်းခံလိုက်ရတဲ့ …….. လေ....

ကျွံမှာဆိုးတဲ့ အရောင်တွေ …..

အဖက်ဖက်မှ ကာရန်ထားသော.. ကျောက်ဂူအောက်..

နှင်းတွေ........ ရာသီပျောက်ခဲ့ရပြီး........ .... နောက်

…………………………………………………….

ကြယ်သေလွမ်းချင်းတွေ ရေး နင်ဆွေးမနေနဲ့တော့

ကောင်းကင်ကို အစိမ်းလိုက်လွာချပြီး ငါ မီးမြိုက်ပေးလိုက်မယ်

ဖွဲမီးတွေ တဖျောက်ဖျောက်နဲ့ ကြယ်သေတဲ့ ကောင်းကင်အောင်မှာ နင်ငိုအုံးပေါ့

မျက်ရည်တွေ ခပ်နွေးနွေးရွာချလာခဲ့တဲ့ နင့်ပါးပြင်မှာ

ငါ့အိပ်မက်ပေါင်းများစွာ ဆေးခြယ်ပေးပါရစေ...

နင့်မျက်ရည်နဲ့ဆေး ငါ့အိပ်မက်တွေ စတေးရစေအုံးတော့

နင့်မျက်နှာမှာအပြုံးတွေ ဝင်းလာချိန်အထိ ငါ့အိပ်မက်တွေ ခင်းပေးထားမယ်

မျှော်လင့်ခြင်းတွေ စိုက်ပျိုးထားတဲ့ ငါ့ကျောမှာ

နင့်ကြယ်ကြွေမီးအိပ်မက်နဲ့ မြိုက်လောင်ထားတဲ့

ငါ့အတောင်သေတခြမ်းလဲရှိတယ်

ငါမပျံနိုင်ပါဘူး ...

နောက် ...

မျှော်လင့်ခြင်းတွေ ဖြန့်ခင်းထားတဲ့ ငါ့နှလုံးသားမှာ

နင့်အိပ်မက်နွယ်တွေ ခင်းလျှောက်မဲ့ မြက်နီခင်းကြီးလဲရှိတယ်

ငါမစိမ်းလန်းပါဘူး ...

တခုခုကိုရွေးမယ်ဆိုတော့မှ ကမ်းနှဖူးက ကြယ်သေကို

နင်ပြန်လှည့်ကြည့်သေးတယ်နော် ...

ငါ့အတောင်လက်ကျန်တခုတော့ နင့်ကြယ်သေအိပ်မက်အတွက်

ငါမတောက်လောင်နိုင်တော့ဘူး ...

ထပ်မကျွမ်းပါရစေနဲ့တော့ အိပ်မက်စိမ်းလေးရယ် ...

ဒီအတောင်တခြမ်းနဲ့ နင့်အပွင့်ဆန်းလေးကို

ငါလေ ... ထာဝရ ... တယုတယပျိုးထားချင်လို့ပါကွယ် .... ။

ဆောင်းကို ပိတ်လှောင်ထားတဲ့ ဂူဟာ … အေးတယ်။။။

ကြယ်သေကို သဂြိုလ်နေတဲ့ မီးတောက်က……. အေးတယ်။။။။။။။။။။။

အနာဟာ သိပ်နာလာရင် အေးတယ်။။။

အပူဟာ သိပ်ပူလာရင် အေးတယ်။။။

ထို……ဆောင်းဖိနပ်အောက်….. ကြယ်ကြွေကို တယုတရ မြှုပ်ထားခဲ့…….

ကြယ် သေ ရပ်ဝန်းဟာ………….. အေး ခဲ….. နေခဲ့။ ။။။။ ။။။။ ။။။။။။။။။

Green Asterisk. rainmaker. nelay

စိတ် သေတ္တာ

အခန်းဒေါင့်က သေတ္တာသေးသေးလေးထဲကို ခြေဖဝါးနုနုလေးနဲ့ အတောင်တစုံက တစုံတခုကိုလာထည့်သွားတယ် ..

ပြတင်းအပြင်မှာ မိုးရွာခဲ့တဲ့ကာလကို နောက်တစ်ရာသီကူးမဲ့ ထိုင်ခုန်ပေါ်က သူကြည့်နေခဲ့တယ်

သေတ္တာလေးကို ခဏဖွင့်ကြည့်တယ် ဘာမှန်းမသိပေမဲ့ သူ့လက်ကတဆင့် သူ့တခန်းလုံး နွယ်တွေဖုန်းသွားခဲ့တယ်

ပြာလဲ့ချင်ယောင်ဆောင်ထားတဲ့

ငွေလမင်းတွေ နွယ်တွေကိုမဖောက်နိုင်ခဲ့ဘူး ...

သူ့မှာကြမ်းပြင်ရှိသေးတယ် သူ့ကိုယ်သူတူးပြီး သေတ္တာလေးအောက် သူမြုပ်ရအုံးမယ် ...

တယုတယပါပဲ သူ့ညတွေဆိုတာမရှိခဲ့ပါဘူး ကြမ်းခင်းအောက်မှာ လတော့သာကောင်းသာနေနိုင်တယ်လေ ... ။

ခြေဖမိုးနုနုလေးဟာ မသိမသာဖြူဖွေးလာလိုက်တာ သေတ္တာလေးနဲ့မဆန့် အခန်းဒေါင့်လေးနဲ့မဆန့် တစုံတခုနဲ့လဲမဆန့်ခဲ့ဘူး ...

သိသိခြင်းမှာပဲ သူဟာ အမွှေးနုလေးဖြစ်နေခဲ့တယ် သူတော့ဘယ်သတိထားနိုင်ပါ့မလဲ အမဲရောင်လေးမို့လား

အလင်းတောက်တဲ့နေ့ဆို ဟိုးအဝေးကြီးမဟုတ်ပေမဲ့ သူ့အတွက်အတော်လေးလှုပ်ရှားသွားတယ် အေးခနဲအေးခနဲ သူကုတ်ကွယ်လျှက်ပါပဲ

တခါတခါမွှန်းကြပ်မှန်းမသိမွှန်းကြပ် ချွေးတွေတောင်တဒီဒီနဲ့ အပြင်မှာတော့ ကြယ်တွေလဲလင်းကောင်းလင်းနိုင်ရဲ့

စိတ်ကြည်နူးမှုတွေလဲဖြစ်ပေါ်ကောင်းဖြစ်ပေါ်နိုင်ရဲ့ သူ့အတွက်တော့ အဖွှေးနုနုလေးကိုသာဖက်တွယ် မဲမှောင်နေရှာတော့တယ်လေ ... ။

အတောင်တစုံဟာ စိုးရိမ်စိတ်နဲ့ထထခုန်တယ် ဖဝါးနုနုလေးကိုလဲဆွဲဆွဲခေါ်တယ် တစုံတရာကိုကြားချိန်မှာတော့

သေတ္တာသေးသေးလေးထဲရောက်နေမှန်း သိလိုက်ရတယ် ...

ပြတင်းကိုဖွင့်မိတော့ လေတွေတဟူးဟူးတိုက်နေတယ် တကယ့်လေဟုတ်မဟုတ်ခွဲခြားချိန်မရခင်မှာ သူ့ရှေ့အတောင်တစုံ ကြွေကျသွားတယ် ... ပြောင်းလဲစ ဥတုကို ခြေလှမ်းအစုံအလင်တပ်ပြီး သူဆယ်ယူတယ်

တတ်နိုင်တာဆိုလို့ စိုးရိမ်စိတ်ပြင်းထန်တဲ့ ကမ်းပါတခုသာကျန်နေရစ်တယ်

လမ်းတွေဆက်ပြီး ဥတုပြောင်းနေဆဲမှာတော့ ဒီအတောင်တစုံ ရင်အဟုန်းနဲ့ ကာရံထားလိုက်တယ် ဥတုကြမ်းတွေမလှမ်းစေတဲ့ နေ့တွေ ဖန်ကြုံလေးရဲ့ နာရီသံတွေမှန်နေအောင်စမ်းနေမိတယ်လေ

မမြင်မစမ်းနဲ့ မြက်တွေရှိမလားလိုက်စမ်းနေမိတဲ့ အတောင်တစုံဟာ သေတ္တာလေးကိုသွားစမ်းမိလေရဲ့ သူကိုယ်တိုင်သေချာသွားပါပြီ သူစမ်းနေမိတဲ့ အရာဆိုတာ သေ့တ္တာလေးရဲ့ အတွင်းနံရံတွေဆိုတာ တချိန်ချိန်မှာတော့ သူသိရှိသွားပါပြီး ဖြစ်နိုင်လိမ့်မယ်... ။

nelay

လူ

သူ့ဆီ ကနေ ယူလာတယ်
ရပ်ကွက် ကနေ ယူလာတယ်
အိမ် ကနေ ယူလာတယ်
သူငယ်ချင်းဆီ ကနေ ယူလာတယ်
ဈေးထဲ ကနေ ဝယ်လာတယ်
လမ်းပေါ် ကနေ ဝယ်လာတယ်
စူပါမားကပ် ကြီးတွေ ကနေ ဝယ်လာတယ်
နိုင်ငံခြား ကနေ ဝယ်လာတယ်
လမ်းဒေါင့် ကနေ ဝယ်လာတယ်
အဲ့နေရာ မှာ လာ ထားတယ်
အိမ် မှာ လာ ထားတယ်
ခန္ဓာ ထဲ မှာ လာ ထားတယ်
စိတ် ထဲ မှာ လာ ထားတယ်
လမ်းဒေါင့် ထဲ မှာ လာထားတယ်
အနာဂတ်ထဲ မှာ လာ ထားတယ်
အတိတ်ထဲ မှာ လာ ထားတယ်
အခု ထဲ မှာ လာ ထားတယ်
လူ ထဲမှာ လာ ထားတယ်
စာအုပ် ထဲမှာ လာ ထားတယ်
ကဗျာ ထဲမှာ လာ ထားတယ်

nelay

လက်သမားစာ

လွန်ပူ

ဂွ

လွှ

ကျားလျှာ

တူ

သံ

ကျဉ်တွယ်

မူလီ

ပတ်တာ

မျောက်လက်

ပေကြိုး

ကော်ပတ်အနု

ဝက်အူလှည့်

ရေချိန်

ဆောက်

သံမှို

နတ်

ပက်လက်ယာ

ဆောက်ပြား

ကော်ပတ်အကြမ်း

ဆောက်လုံး

ကော်ပတ်

နှစ်တစ်လက်မ

ဒုတ်

သွပ်

နှီး

ဝါး

ညှပ်

ထရိုင်စကေး

ဓါးစောင်း

ချိန်သီး

ရေချိန်

မီတာ

လေဆာ

စနပ်ဂရစ်

သစ်သား

လွှစာ

ရွှေဘော်

nelay

ခေါင်းမရှိတဲ့ စကားပုံများ

ဟူးးးးးး


ဘာတွေလာပြောနေမှန်းမသိဘူး
အဖက်မတန်လို့ ရေတောင်မဆေးမိ
နဲနဲနံတော့ ဒညင်းသီးပဲ


လေးလုံးပေါင်းလို့မှ တစ်ဒေါင်မပြည့်
လူထင်ကြီးခံချင်လို့များ
နာမည်ကြီးစာမျက်နှာပေါ် စာတွေလိုက်ကပ်နေလို့လဲဖြစ်မလာ


အရည်နဲ့ အဖတ်ကို သတ်သတ်စီခွဲပြီး
သူ့ကို လှုပ်တိုက်
ဆေးမတိုးတဲ့ အမှိုက်ဆိုတော့ ဒိုက်သာသာ
နုနုထွဋ်ထွဋ် ငါ့ခြေမကလေးကိုလာကိုက်ပါ
ယားဒယ်
ယားဒယ်
ယားဒယ်


သူ့ဦးနှောက် ၃ကျပ်တန်နဲ့ကုတ်ပြီး
မြင်မကောင်းတော့တဲ့ မျက်နှာကို
ငါ့ဘာသာတရားနဲ့ မာန်မဲလိုက်မယ်


လူခေါ်ခေါင်းလောင် နှိပ်ပြီးမှ
သင်ခဲ့သမျှ ပညာတွေလဲ ပညာမစစ်လာတော့
လူဖြစ်ရက်နဲ့ အမြှီးကောက်ခဲ့ရတယ်မဟုတ်လား
ဟူးးးးးး


ဘာတွေလာပြောနေမှန်းမသိဘူး
ငါ့အခန်းအောက်က သူ့အခန်းပျက်နဲ့
ကလေးတွေကို မမြင်အောင်ဝှက်ထားတဲ့
သွေးပျက်ပျက်နဲ့ ငါ့စကား သူ ရ


လိုင်းကားတွေ ကြပ်ပါတယ်ဆိုမှ
ကလေးကလဲ ချီထားရသေးတယ်
ဟူးးးးးး
ဘာတွေလာပြောနေမှန်းမသိဘူး
တချို့ကလဲမကြိုက်ကြ
တကယ်လို့များ အရေးအခင်းဖြစ်ရင်
ဒီလိုကောင်တွေကို ငါအရင် ခေါင်းဖြတ်သတ်မယ် ။

nelay

စိတ္တဇ လိပ်ပြာ

ကြမ်းပြင်က သတင်းစာ
အမှိုက်ပုံးပေါ်က ယင်တွေ
ရေဗူးအပေါက်ကို ရေဖြည့်နေကြတယ်


စိတ်မပါလို့တူးလိုက်တဲ့ သိုက်ထဲမှာ
အံစာဥတွေ ဥထားလို့
ငါ ဘုရားရှိခိုးဖို့ ဒိုးဆက်ဆက်နေတယ်


တနေ့ကနောက်ပြန်လာတဲ့လေမှာ
ငွေစက္ကူပေါ် ငါ့နာမည်ရေးပြီးဝေ


သူတောင်းစားတွေအဖေခေါ်တဲ့ မိနစ်တိုင်းမှာ
ငါ ကြိတ်ရယ် ခဲ့


အရိုးသားဆုံး တပွဲထိုး အနာဂတ်မှာ
စစ်လက်နက် အစုံအလင်နဲ့ ပန်းတွေပွင့်ကြ


ငါ့ကို ဘုရားလို့ မခေါ်ပါနဲ့ ကလေးရယ်

တရားတွေ အာခေါင်ခြစ်အော်လဲ
သီလကို အောက်ဈေးနဲ့ အူမတောင့်ဖို့
နိုက်ကလပ်ထဲမှာ ဦးနှောက်ကြီးကလေးမွေးနေတယ်


လူကြီးလူကောင်းယောင်ဆောင်ရက်တဲ့
တစ်ခါသုံးပြယုပ်လေးမှာ
မင်းခန္ဓာကို အချစ်အတွက်ချန်ထားခဲ့သလား


မျိုးမစစ်တဲ့ စိတ်ဓါတ်နဲ့ ဟာသတွေပြေးလာတဲ့အခါ
အညွှန့် ကလေးရေ …. အညွှန့် ကလေး …


သာဂီနွယ်ဝင်တွေ ထစ်ချုန်းတဲ့အရပ်မှာ
နာရေးသတင်းထဲက အပြုံးနဲ့
အတောင်တွေ ခြွေ ပြီ


ငါ


လွမ်းနေအုံးမယ် . . . ။

nelay

ချော့ကလက် တွင်း

လက်ယာ မျက်ဝန်းညိုနားက ကြယ်
အိပ်စက်ခြင်းနဲ့ မွှေးမြနေတဲ့ ငယ်
ဒီကမ္ဘာ ခရီးအလယ်က ခရမ်းရောင် ဥယျာဉ်တော်ကို
ရုပ်လုံးဂီတ လက်ဝဲနရီ ပီသ ပျိုမြစ်
လူ့အခြေစစ်စေတဲ့ နွယ်


စနေပြဒါးသံနဲ့ ခြည်ငင်ဆွဲစုတ်
ဒွိ ခန္ဓာ ပရုတ်လုံးကို
ဂူငြိမ်ရာ ရေကမုတ်နဲ့ မြှုပ်ရအုံးမယ်


ပန်းလည်တိုင်တော် အရေပြားအောက်က
အသေ ခရေ စမ်းထဲမှာ
ပြန်ပြန်တိုက်မိခဲ့တဲ့ ပခုံးအိုကို
ငါ ကုတ်ချီပျံသန်း တပသီ လှမ်းတဲ့လမ်းတွေ …


ငယ်ကမ္ဘာ အိမ်ဦးပေါ်က ပန်းမေတွေ ပွင့်ဦးပျိုခဲ့ရင်
ငါ့နှလုံးသားကို အားသွင်းလို့ ပြန်ပြန်ခုန်မြူး
ခမောက်နဲ့ ခရင်းကို နေစရာပြုလို့
ငိုနေရအုံးမယ် …


ခြောက်ခြားမှု သစ္စာတစ်ခက်နဲ့
ရေစိုရောင် ပြည်လမ်းပေါ်က
ခရေပင်တွေကြားထဲ ငါဝှက်လို့ထားခဲ့ပါ့မယ် ….


နေမဝင်ခင် လင်းတဲ့ အကြည့်တည်စေဖို့
မုတ္တမသွေးကြောနဲ့ ပညာရှင်တွေစုရုံး
ကမ္ဘာ့သစ်အိုပင်ကြီး ပျိုမြစ်လာအုံးမယ်


ခန္ဓာကိုယ် ကျူပ်
တူးဆွခြစ်ထုတ်လို့
မြေကြီးတွေ
ဘယ်အဆံနဲ့
ဘယ်အသီး
စက္ကူ အမြစ်ရှုပ်နဲ့ ကြည်ဆံကို ထုတ်လိပ်လို့ ကျူပ်ရှုရှိုက်
Supernova အငယ်စားလေး ပေါက်ကွဲပစ်လိုက်မယ်


တိမ်နုတွေ ငင်ချီသွားတဲ့ ငှက်ကို
သတ္တုမြစ်ဖျား အလွန်က
နှုတ်ခမ်းရိုးရိုးကလေးနဲ့ တွန်းချလိုက်တယ်


အသွားတစ်လမ်း အပြန်တစ်လမ်း
လက်ဖဝါးနုနုပေါ်က ရေစက်ဥကလေးတွေ
အပြန်အသွားနဲ့ ကျူပ်လမ်းမှာ နားခဲ့ကြတယ် ….


ဒီလိုသာ လေမတိုက်ခဲ့ဘူး
လက်ဝဲ ရှုပုံမျိုးနဲ့ လေအ
အကြောင်းအရာတွေ သန္ဓတည်မိရာက
မြတ်တော်ပြေဘုရားမှာ
ခြေရာလှလှကလေးကို ဂူသွင်းမြှုပ်နှံ
ခတ်တ္တာပန်းတွေ လင်းကနဲ့ ပွင့်ဝေလန်းသွားမယ် ….


ဘေးကမ္ဘာ ပြောစကားအခြေနဲ့
ဆူးလေ သံဆူးကြိုးနားက
ရွှေရည် မိုးဦးကို ကျူပ်တို့ အတူ
ဖဝါးလက်ပျိုနှစ်ခုနဲ့ ဖမ်းဆုတ်
တကောင်း အထက်နားက
ခေါ်ရာဝတီမှာ သနပ်ခါးဖောင်တွေ ပျက်ခဲ့ဖူးပြီ ….


နတ်ဘုရားတို့ နွယ်ခြည်ငင်တဲ့ ရာဇဝင်ဆိုးမှာ
အချစ်ကို အိပ်ဆေးတိုက်
စစ်တောင်းတံတားအောက်က ဒိုက်တွေပါပဲ ….


ကလေးရယ်
အပင်ကိုမျိုချ
လမ်းကို ပြာချပြီးမှ
ပုတ်သွားတဲ့ ကြီးရင့်မှုကို
ပတ်ဝန်းကျင်နဲ့ အဆိပ်သင့်လို့
ကျွံဝင်သွားတဲ့ ခလုတ်တွေထဲ
မမြင်ဖူးတဲ့ အတိတ်အိုနဲ့
အနီရောင် ပြတိုက် အသေပေါ်က
ဇီဇဝါဥယျာဉ်ထဲမှာ ချော့ကလက်တွေတွင်းတူးလို့
မင်းဘာကို မြှုပ် ………. ။

nelay

လော်ဗျာစုတ်

စကားပုံတွေကို ကဗျာ လုပ် မင်းက တရုတ်လား
ပန်ကာဖွင့်ပြီး ချွေးပြန် ခြေသံတွေကို
အသွား ၁၀၀
အပြန် ၁၀၀ နဲ့
၅၀တန် မစီးနိုင်ရင် လူစော်နံတယ်
ကဲ
အခုဘယ်လို လုပ်မလဲ
လော်စပီကာ ကို ဘယ်ခွက်ပြောက်က တီထွင်ခဲ့တာလဲ
မကောင်းဘူး ဒီလောကမှာ
ဘယ်ဘုရားမှ လော်စပီကာနဲ့ တရားမဟောဘူး
ခွက်ပြောက်တွေက နာမ်နဲ့ရုပ်ဝေးနေလို့ အော်ပြောနေရတာ
ကြောက်စရာအကောင်းဆုံး မင်းအမေရဲ့စကားသံတွေ
ဆုတောင်းနဲ့သာ သူတောင်းစားတွေပေါပေါလာတယ်
သေရင်အလွမ်းခံချင်ကြတဲ့ သတ္တဝါတွေထဲ
ငါ့သူတောင်းစားမလေးကိုလွမ်းပါသည်
သေခါနီးနှုတ်ဆက်ကြတဲ့ လူတွေကို
မြုပ်စရာတွင်းမရှိ ရှို့စရာမီးမရှိ
လက်ထဲမှာကိုင်ထားတာက ဘုရားပန်းအိုး
ဖနောင့်နဲ့ပေါက်ပြီး အော်ဆဲနေတာက သူ့ကလေးကို
ခွဲခွဲခြားခြားမသိတဲ့ media တွေထဲ ဒီ media ကသိုးနေတယ်
ငါ့တစ်ရာတန်လေး သူများလုမှာ စိတ်တဲ့စိုးနဲ့
ကြားတဲ့သူပဲရတဲ့ အမျှ
ကြားကြားသမျှ ကို ပို့
မကြားတဲ့ကောင်တွေ မရကြတဲ့ အိမ်စာနဲ့
လော်စပီကာကို ထွေးခံလုပ် အိမ်သာအောင် အရေစုတ်မယ်

nelay