၁၆နှစ်
အမေရေ
အမေ့သားလေ
ရည်မှန်းချက်တွေ စီးတန်းထားတယ်လေ
ဖြစ်ကိုဖြစ်ရမယ့် အရာတွေ
အမေထင်သလို ကမ္ဘာကြီးကပြားတယ်လေ
၁၈နှစ်
အမေရေ
အမေ့သားလေ
ဂုဏ်ထူးတွေသီတန်းထားလဲ
အမေ့ပခုံး ကျွဲလိုရုန်းတာ
စိတ်နှလုံး မချမ်းမြေ့ဘူး
ဖြစ်ချင်ရာဖြစ် သားတလှည့် ထမ်းပါရစေလေ
နှစ်၂ဝ
အမေရေ
အမေ့သားလေ
ထူးမလာပါဘူး ဘွဲ့အတုကြီးနဲ့ရူးတယ်
သင်တန်းတကာ ကားယားရပ်တော့
လမ်းတွေလဲ ဂွပိုကျတယ်အမေ
၂၂နှစ်
အမေရေ
အမေ့သားလေ
၂၁ရာစုမှာ ပညာအတုတွေနဲ့ ကူလီထမ်းတယ်
ချွေးနည်းနည်းစာမှာ အမေ့ကို ကြွေးမဲ့ထမင်း
မသန့်ရှင်းတာ သားလျှာတွေလဲ မြက်ပေါက်ပါပြီအမေ
နှစ်၂၄ နှစ်ပိုင်းတစ်ပိုင်း
အမေရေ
အမေ့သားလေ
လက်ချိုးရေလို့မရအောင် ရည်မှန်းချက်တွေပုံခဲ့ဖူးတယ
ရည်မှန်းချက်တွေကြွေကြွေသွာ်းတော့
သားလေ အမေ့အတွက်
၂၄ထပ်တိုက်ပေါ်က ဆပ်ပြာပူဖေါင်းအတုတွေ
လှလှပပမှုတ်တတ်နေပြီ အမေ ....။
nelay
No comments:
Post a Comment